ᐃᓐᖏᕈᑎᑦ 50
50
ᒎᑎ ᐃᓱᐊᕐᑐᒥᒃ ᐃᖅᑲᕐᑐᐃᔨᐅᕗᖅ
ᐊᓴᐸᐅᑉ ᐃᓐᖏᕈᑖ
1ᐊᔪᒐᖃᖏᑦᑐᖅ, ᒎᑎ ᐊᑕᓂᖅ,
ᐅᖃᓚᐅᕐᐳᖅ, ᓄᓇᓗ ᕾᖁᓪᓗᒍ,
ᓯᕿᓂᐅᑉ ᓄᐃᕕᐊᓂᑦ ᓂᐱᕕᖓᓄᑦ.
2ᓮᐅᓂᒥᑦ, ᐃᓂᖁᓇᕐᓂᒥᒃ ᓈᒻᒪᒃᓯᓯᒪᑦᓯᐊᕐᑐᒥᒃ,
ᒎᑎ ᖃᐅᒪᓂᐊᕐᐳᖅ.
3ᒎᑎᕗᑦ ᕾᔪᒫᕐᐳᖅ, ᓂᐰᑦᑑᓂᐊᕋᓂᓗ;
ᐃᑯᒪ ᓄᖒᑦᓯᔪᕐᔪᐊᖅ ᓵᖓᓃᑦᓱᒫᕐᐳᖅ,
ᐊᕙᑖᓂᓗ ᓯᓚᕐᓂᕐᓗᒡᔪᐊᖃᕈᒫᕐᐳᖅ.
4ᕿᓔᑦ ᑯᑦᓯᒃᑐᑦ ᕾᖁᔪᒫᕐᐰᑦ,
ᓄᓇᕐᔪᐊᕐᓗᑦᑕᐅᖅ, ᐃᓄᖁᑎᓂ ᐃᖅᑲᕐᑐᕈᒪᓪᓗᒋᑦ:
5“ᑲᑎᒋᑦᓯ ᐅᕙᓐᓄᑦ ᐃᑦᔪᕐᓁᑦᑐᖁᑎᒃᑲ,
ᐊᖏᖃᑎᒌᒍᑎᓕᐅᕐᓯᒪᔪᑦ ᐅᕙᓐᓄᑦ ᑐᓂᕐᕈᑎᒃᓴᒃᑯᑦ.”
6ᕿᓔᑦ ᓇᓗᓁᕐᓯᓕᕐᓕᑦ ᐃᓱᐊᕐᑑᓂᖓᓂᒃ,
ᒎᑎ ᓇᖕᒥᓂᖅ ᐃᖅᑲᕐᑐᐃᔨᐅᖕᒪᑦ. ᓰᓚ
7“ᑐᓵᒋᑦᓯ, ᐃᓄᖁᑎᒃᑲ, ᐅᖃᕐᓂᐊᕋᒪ,
ᐆ ᐃᓴᕆᐊᓪ, ᐃᖅᑲᕐᑐᐃᓂᐊᕋᒪ ᐃᓕᖕᓂᒃ;
ᒎᑎᐅᒐᒪ, ᐃᕝᕕᑦ ᒎᑏᑦ!
8ᓱᐊᖕᓂᐊᓐᖏᓚᒋᑦ ᐆᒪᔪᑦ ᑐᓂᕐᕈᑏᑦ ᐱᓪᓗᒋᑦ
ᑐᓂᕐᕈᑎᓪᓘᓐᓃᑦ ᐆᑕᒃᓮᑦ ᐱᑦᔪᑎᒋᓗᒋᑦ,
ᑕᒪᒃᑯᐊ ᐅᕙᓐᓅᕐᑕᐅᑦᓮᓐᓇᕐᒪᑕ.
9ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᐃᒡᓗᑦᓯᓐᓂᑦ ᐱᔪᒪᓐᖏᓚᖓ,
ᒎᑦᓯᒥᒡᓘᓐᓃᑦ ᐆᒪᔪᖁᑎᒃᑯᕕᑦᓯᓐᓂᑦ.
10ᓂᕐᔪᑎᓕᒫᑦ ᓇᐹᕐᑐᐊᓗᖕᓃᑦᑐᑦ ᐱᒋᒐᒃᑭᑦ,
ᐃᒻᒧᓯᐅᒊᓪᓗ ᐅᓄᕐᑐᑦ ᑲᑎᓐᖓᔪᑦ 1,000ᓂ ᖃᖅᑲᓂ ᐱᒋᕙᒃᑲ.
11ᑎᖕᒥᐊᓕᒫᓪᓗ ᖃᖅᑲᓃᑦᑐᑦ ᖃᐅᔨᒪᕙᒃᑲ,
ᓂᕐᔪᑎᓪᓗ ᓄᔪᐊᕐᑐᑦ ᓇᑎᕐᓇᒥᐅᑕᓕᒫᑦ ᐱᒋᕙᒃᑲ.
12ᑳᒃᑯᒪ, ᐃᓕᑦᓯᓐᓄᑦ ᐅᖃᕋᔭᓐᖏᓚᖓ;
ᓯᓚᕐᔪᐊᖅ ᐱᒋᒐᒃᑯ, ᑕᕝᕙᓃᑦᑐᓕᒫᓪᓗ.
13ᐃᒻᒧᒃᓯᐅᒊᑦ ᐸᖕᓂᖏᑕ ᓂᕿᖏᓐᓂᒃ ᓂᕆᓂᐊᕐᐳᖔ?
ᒎᑦᓯᓪᓗ ᐊᐅᖏᓐᓂᒃ ᐃᒥᕐᓂᐊᕐᐳᖔ?
14ᒎᑎ ᑐᓂᕐᕈᓯᕐᕕᒋᓯᐅᒃ ᖁᔭᓕᓂᕐᒥᒃ,
ᐊᖏᕈᑎᑦᓯᓐᓂᒡᓗ ᑐᓂᓯᒋᑦᓯ ᖁᑦᓯᖕᓂᕐᐹᖑᔪᒧᑦ.
15ᓂᓪᓕᐊᕕᒋᓯᓐᖓ ᐅᓪᓗᒥᒃ ᐊᒃᓱᕈᕐᓇᕐᑐᖃᕐᑎᓪᓗᒍ;
ᑕᕝᕙ ᓴᐳᑎᓂᐊᕐᐸᑦᓯ, ᓂᕐᑐᕐᓂᐊᕐᐸᑦᓯᓐᖓᓗ.”
16ᐱᐅᖏᑦᑐᓕᔪᓄᓪᓕ ᒎᑎ ᐅᖃᕐᐳᖅ:
“ᖃᓄᒃ ᐱᔪᓐᓇᐅᑎᖃᕐᐱᓰ ᐱᖁᔭᒃᑲ ᐅᖃᐅᓯᕆᓗᒋᑦ?
ᐊᖏᕈᑎᒋᓯᒪᔭᒃᑲᓗ ᓂᓪᓕᐊᑦᔪᑎᒋᓗᒋᑦ?
17ᓇᓗᓇᖏᒻᒪᑦ ᐃᓕᓐᓂᐊᕐᑎᑦᓯᑦᔪᑎᒃᑲ ᐆᒥᒋᒐᑦᓯᐅᒃ
ᐅᖃᐅᓯᒃᑲᓗ ᑐᓄᑦᓯᓐᓄᑦ ᐱᑎᒃᑲᑦᓯᐅᒃ.
18ᑎᒡᓕᑐᔪᒥᒃ ᑕᑯᒐᑦᓯ ᐊᖏᖃᑎᒋᓚᐅᕐᐸᓯ,
ᓄᓕᐊᕇᖕᓂᕐᒥᒡᓗ ᐊᓯᕈᐃᔪᓂ ᑍᒤᓕᐅᖃᑕᐅᓯᒪᕗᓯ.
19ᖃᓂᕐᓯ ᑐᓂᓯᒪᕙᓯ ᐱᐅᖏᑦᑐᒧᑦ,
ᐅᖃᕐᓯᓗ ᐊᑐᕐᐸᓯ ᐅᐃᕕᕆᒃᓯᓂᕐᒧᑦ.
20ᖃᑕᓐᖑᑎᑦᓯᓐᓂᒃ ᐊᑭᕋᕐᑐᕐᓗᒍ ᓂᓪᓕᐊᕗᓯ ᐃᒃᓯᕚᕐᕕᖕᒥ;
ᐊᓈᓇᑦᓯ ᐃᕐᓂᖓ ᐊᒡᓚᑦ ᐅᖃᕐᓂᕐᓘᑎᒋᕙᓯ.
21ᑕᒪᒃᑯᓂᖓ ᑍᒤᓕᐅᕐᓯᒪᕗᓯ,
ᐅᕙᖓᓗ ᓂᓪᓕᓚᐅᓐᖏᓚᖓ;
ᐃᓱᒪᓚᐅᕐᐳᓯ ᐃᓕᑦᓯᓂᒃ ᑕᒤᑎᒍᑦ ᐊᑦᔨᖃᕋᓱᒋᓪᓗᖓ;
ᓱᒋᐊᓕᕐᐸᑦᓯᓕ, ᓵᓐᖓᓕᕐᓗᓯᓗ ᓇᖕᒥᓂᑦᓯᓐᓄᑦ.
22ᑕᒪᓐᓇ ᐃᓱᒪᒋᓚᐅᕐᓯᐅᒃ, ᐃᓕᑦᓯ ᒎᑎᒥᒃ ᐳᐃᒍᕐᓯᒪᔪᓯ,
ᐊᓕᒃᑐᐃᓕᖁᓇᖓ ᐃᓕᑦᓯᓐᓂᒃ, ᑭᓇᒧᓪᓘᓐᓃᑦ ᓴᐳᑎᔭᐅᔪᓐᓇᕐᓂᐊᓐᖏᓚᓯ.
23ᑐᓂᕐᕈᓯᖃᑦᑕᕐᑑᑉ ᑐᓂᕐᕈᑎᓂᒃ ᖁᔭᓕᑦᔪᑎᓂᒃ ᓂᕐᑐᕐᓇᕐᑎᑉᐸᖓ;
ᐱᐅᓯᕐᒥᓂᒡᓗ ᓱᓕᑦᓯᐊᕐᑎᑦᓯᔪᒧᑦ
ᒎᑎᐅᑉ ᐱᐅᓕᒃᓯᓂᖓᓂᒃ ᖃᐅᔨᑎᑦᓱᒪᕙᕋ.”
Currently Selected:
ᐃᓐᖏᕈᑎᑦ 50: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
