ᐃᓐᖏᕈᑎᑦ 48
48
ᓮᐅᓂ, ᒎᑎᐅᑉ ᐃᒡᓗᒐᓴᒡᔪᐊᖁᑎᖏᑦ
ᑰᕋᐅᑉ ᐃᕐᓂᖏᑕ ᐃᓐᖏᕈᑖ
1ᐊᑕᓂᖅ ᐊᖏᔫᕗᖅ, ᐊᖏᔪᒥᒡᓗ ᓂᕐᑐᕐᑕᐅᒋᐊᓕᒃ
ᒎᑎᑦᑕ ᐃᒡᓗᒐᓴᒡᔪᐊᖁᑎᖏᓐᓂ, ᖃᖅᑲᖁᑎᖓᓂ ᐃᑦᔪᕐᓁᑦᑐᒥ.
2 #
ᒫᑎᐅᓯ 5:35. ᑲᑦᔮᕐᓇᕐᑑᕗᖅ ᖁᑦᓯᒃᑐᒦᓪᓗᓂ,
ᓄᓇᕐᔪᐊᕐᒥᐅᓂᑦ ᖁᕕᐊᒋᔭᐅᔪᖅ,
ᖃᖅᑲᖅ ᓮᐅᓂ ᐅᓐᓄᐊᑉ ᓇᓛᓃᑦᑐᖅ
ᖃᖅᑲᐅᑉ ᐅᕕᖓᓂᖓᓂ ᐅᐊᖕᓇᒥ,
ᐊᔪᖏᑦᑑᑉ ᐊᖓᔪᖅᑳᕐᔪᐊᑉ ᐃᒡᓗᒐᓴᒡᔪᐊᖁᑎᖏᓐᓂ.
3ᒎᑎ ᐊᖓᔪᖅᑳᕐᔪᐊᑉ ᐃᒡᓗᖏᓐᓃᑉᐳᖅ ᑖᒃᑯᓇᓂ;
ᓇᖕᒥᓂᖅ ᓇᓗᓁᕐᐳᖅ ᑖᒃᑯᓄᖓ ᕿᒫᕕᒃᓴᐅᓂᕐᒥᓂᒃ.
4ᑕᑯᒋᑦ ᐊᖓᔪᖅᑳᕐᔪᐊᑦ ᑲᑎᓕᕐᐳᑦ,
ᓱᕐᔪᓕᕐᓗᑎᒡᓗ ᐊᑕᐅᑦᓯᒃᑯᑦ,
5ᐃᒡᓗᒐᓴᒡᔪᐊᓂᒃ ᑕᑯᒐᒥᒃ, ᑕᑕᒥᓐᓂᐊᕐᐳᑦ;
ᑲᐱᐊᓱᖕᓂᕐᒧᓪᓗ ᕿᒫᕗᑦ.
6ᓴᔪᖕᓂᕐᒧᑦ ᐊᔪᓕᕋᒥᒃ ᑕᕝᕙᓂ,
ᐋᓐᓂᐊᓂᕐᒧᓪᓗ, ᓲᕐᓗ ᐊᕐᓇᐅᑉ ᐃᕐᓂᓱᖕᓂᖓᑐᑦ.
7ᓲᕐᓗ ᐅᒥᐊᕐᔪᐊᑦ ᐊᓯᕈᕋᕕᒋᑦ ᑖᕐᓯᓯᒥ
ᐊᓄᕆᒧᑦ ᓯᕿᓂᐅᑉ ᓄᐃᕕᐊᓂᑦ ᐱᔪᒧᑦ.
8ᑐᓴᓚᐅᕐᐳᒍᑦ, ᑕᑯᓚᐅᕆᓪᓗᑕᓗ
ᐊᑕᓂᐅᑉ ᐊᔪᒐᖃᖏᑦᑑᑉ ᐃᒡᓗᒐᓴᒡᔪᐊᖁᑎᖏᓐᓂᒃ,
ᒎᑎᑦᑕ ᐃᒡᓗᒐᓴᒡᔪᐊᖁᑎᖏᓐᓂᒃ:
ᒎᑎᐅᑉ ᓴᐳᑎᓯᒤᓐᓇᕐᓂᐊᕐᐰᑦ ᐃᓱᖃᖏᑦᑐᒧᑦ. ᓰᓚ
9ᐃᓱᒪᒃᓴᕐᓯᐅᓚᐅᕐᐳᒍᑦ ᒎᑏ, ᓇᒡᓕᖕᓂᕐᓂᒃ ᓱᖁᓯᔪᐃᑦᑐᒥᒃ,
ᑐᒃᓯᐊᕐᕕᒡᔪᐊᖁᑎᖕᓃᓪᓗᑕ.
10ᓲᕐᓗᑦᑕᐅᖅ ᐃᕝᕕᑦ ᐊᑎᕐᑐᑦ, ᒎᑏ,
ᓂᕐᑐᕐᑕᐅᓃᑦ ᑎᑭᐅᑎᕗᖅ ᓄᓇᕐᔪᐊᑉ ᐃᓱᖏᓐᓄᑦ;
ᐊᒡᒐᑎᑦ ᑕᓕᕐᐲᑦ ᑕᑕᑉᐳᖅ ᐃᓱᐊᕐᓂᕐᒥᒃ.
11ᖃᖅᑲᖅ ᓮᐅᓂ ᖁᕕᐊᓱᒡᓕ,
ᔫᑕᐅᓪᓗ ᐸᓂᖏᑦ ᐊᓕᐊᓁᒍᓱᒡᓕᑦ,
ᐃᖅᑲᕐᑐᐃᑦᓯᐊᕐᓂᑎᑦ ᐱᑦᔪᑎᒋᓗᒋᑦ.
12ᓮᐅᓂᒥ ᐱᓱᑲᑕᓕᕆᑦ, ᑬᕙᓪᓚᒡᓗᒍᓗ.
ᓈᓴᕐᓗᒋᓪᓗ ᐃᒡᓗᒐᓴᒡᔪᐊᑦ ᓄᕗᕈᓯᖏᑦ.
13ᕿᒥᕐᕈᑦᓯᐊᕐᓯᐅᒡᓗ ᐊᕙᓗᕐᔪᐊᖏᑦ;
ᐊᖓᔪᖅᑳᕐᔪᐊᓪᓗ ᓇᔪᒐᖏᑦ ᐃᒡᓗᐃᑦ ᖃᐅᔨᑦᓯᐊᕐᓯᐅᒃ;
ᐅᖃᐅᓯᒃᓴᕆᓂᐊᕋᑦᓯᐅᒃ ᑭᖑᕚᒃᓴᓄᑦ.
14ᑖᓐᓇ ᒎᑎ, ᒎᑎᒋᒐᑦᑎᒍ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ;
ᑖᓐᓇᓗ ᑕᓯᐅᕐᑎᒋᓂᐊᕐᐸᕗᑦ ᑐᖁ ᑎᑭᓪᓗᒍ.
Currently Selected:
ᐃᓐᖏᕈᑎᑦ 48: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
