ᐃᓐᖏᕈᑎᑦ 46
46
ᒎᑎ ᐃᓄᖁᑎᒥᓄᑦ ᕿᒫᕕᒃᓴᐅᔪᖅ ᐃᓅᖃᑎᒌᒡᔪᐊᓂᒡᓗ ᓵᓚᖃᕐᑐᖅ
ᐃᓐᖏᕐᑏᑦ ᑲᒪᔨᖓᓐᓄᑦ ᑰᕋᐅᑉ ᕿᑐᕐᖓᖏᑕ ᐃᓐᖏᕈᑖ
1ᒎᑎ ᕿᒫᕕᒋᕙᕗᑦ ᐱᔪᓐᓇᐅᑎᒋᓪᓗᒍᓗ,
ᐃᑲᔪᕐᑎᒋᓪᓗᒍᓗ ᐃᓱᐊᖏᑦᑐᖃᓕᕐᑎᓪᓗᒍ.
2ᑍᒤᒻᒪᑦ ᑲᑉᐱᐊᓱᖕᓂᐊᓐᖏᓚᒍᑦ,
ᓄᓇᕐᔪᐊᖅ ᐊᐅᓚᑦᔭᒃᑲᓗᐊᕐᐸᑦ,
ᖃᖅᑬᓪᓗ ᑭᕕᒐᓗᐊᕐᐸᑕ ᐃᒪᕐᕕᐅᑉ ᐃᑎᓂᖓᓄᑦ;
3ᐃᒪᕐᔪᐊᓪᓗ ᒪᓪᓕᕐᔪᐊᖃᓕᕋᓗᐊᕐᐸᑕ,
ᖃᖅᑬᓪᓗ ᓴᔪᒃᐱᓗᒃᑎᑕᐅᒐᓗᐊᕐᐸᑕ. ᓰᓚ
4ᑰᒃᑕᖃᕐᐳᖅ, ᑰᒐᓛᖏᑦ ᖁᕕᐊᓱᒃᑎᑦᓯᔪᓂᒃ ᒎᑎᐅᑉ ᐃᒡᓗᒐᓴᒡᔪᐊᖁᑎᖏᓐᓂᒃ,
ᐃᑦᔪᕐᓁᑦᑐᕕᒃ ᑐᐱᕐᔪᐊᖅ ᖁᑦᓯᖕᓂᕐᐹᑉ ᐃᓂᖓ,
5ᐃᒡᓗᒐᓴᒡᔪᐊᑦ ᒎᑎ ᕿᑎᖓᓃᑉᐳᖅ,
ᑖᒃᑯᐊᓗ ᐊᐅᓚᑎᑕᐅᓂᐊᓐᖏᓚᑦ;
ᒎᑎᐅᑉ ᐃᑲᔪᕐᓂᐊᕐᐹ, ᐅᓪᓛᑉ ᖃᐅᓕᕐᓂᖓᓂᑦ.
6ᐃᓅᖃᑎᒌᒡᔪᐊᑦ ᐱᓕᕆᔪᐊᓘᕗᑦ, ᐊᑕᓂᐅᕖᓪᓗ ᐊᐅᓚᑎᑕᐅᓚᐅᕐᐳᑦ;
ᑖᓐᓇᓕ ᓂᓪᓕᕐᒪᑦ ᓄᓇᕐᔪᐊᖅ ᐊᐅᒃᐳᖅ.
7ᐊᑕᓂᐅᑉ ᐊᔪᒐᖃᖏᑦᑑᑉ ᐃᓚᒋᕚᑎᒍᑦ;
ᔧᑰᑉ ᒎᑎᖓ ᕿᒫᕕᒃᓴᕆᕙᕗᑦ. ᓰᓚ
8ᕾᒋᑦᓯ ᐊᑕᓂᐅᑉ ᐱᓂᐊᕐᓂᖏᓐᓂᒃ ᑕᑯᔭᕐᑐᕐᓗᓯ,
ᑖᑦᓱᒪ ᓄᓇ ᐊᓯᕈᕐᑕᐅᓂᕐᒧᑦ ᑎᑭᑎᒻᒪᒍ.
9ᐅᓇᑕᕐᓃᑦ ᓄᖅᑲᕐᑎᑉᐰᑦ ᓄᓇᕐᔪᐊᓕᒫᒥ;
ᐱᑎᒃᓰᑦ ᓇᐱᕔᑦ ᓇᐅᒃᑯᑏᓪᓗ ᑭᐱᓪᓗᒋᑦ ᒪᕐᕉᓕᕔᑦ.
ᓴᐴᓗᑍᓪᓗ ᐃᑯᐊᓪᓚᒃᑎᓪᓗᒋᑦ.
10ᓄᖅᑲᕐᓗᓯ, ᖃᐅᔨᓕᕆᑦᓯ ᒎᑎᐅᒐᒪ;
ᐃᓅᖃᑎᒌᒡᔪᐊᓂᑦ ᐊᖏᔪᕈᕐᑎᑕᐅᔪᒫᕋᒪ,
ᓄᓇᕐᔪᐊᒥ ᐊᖏᔪᕈᕐᑎᑕᐅᔪᒫᕐᐳᖓ.
11ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑦᑕ ᐃᓚᒋᕚᑎᒍᑦ;
ᔧᑰᑉ ᒎᑎᖓ ᕿᒫᕕᒃᓴᕆᕙᕗᑦ. ᓰᓚ
Currently Selected:
ᐃᓐᖏᕈᑎᑦ 46: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
