ᐃᓐᖏᕈᑎᑦ 21
21
ᖁᕕᐊᓲᑎᖃᕐᓂᖅ ᐊᑕᓂᐅᑉ ᐱᐅᓕᕐᓯᓂᖓᓂᒃ
ᐃᓐᖏᕐᑏᑦ ᑲᒪᔨᖓᓐᓄᑦ ᑍᕕᑎᐅᑉ ᐃᓐᖏᕈᑖ
1ᐊᑕᓃᖅ, ᐊᖓᔪᖅᑲᕐᔪᐊᖅ ᓴᓐᖏᔫᓂᕐᓂᒃ ᖁᕕᐊᓲᑎᖃᕐᐳᖅ;
ᐃᑲᔪᕐᓂᕐᓂᒡᓗ ᐊᖏᔪᒥᒃ ᖁᕕᐊᓲᑎᖃᒻᒪᕆᒃᐳᖅ!
2ᐆᒻᒪᑎᖓᑕ ᐱᔪᒪᔭᖓᓂᒃ ᑐᓂᓯᕕᒋᒐᕕᐅᒃ,
ᖃᓂᖓᑕᓗ ᕿᓄᐊᕆᔭᖓᓂᒃ ᕿᐱᓗᒡᕕᒋᖏᓐᓇᕕᐅᒃ. ᓰᓚ
3ᑲᑎᒐᕕᐅᒃ ᓮᒻᒪᕐᑎᑦᑎᑦᔪᑎᓂᒃ ᐅᓄᕐᑐᓂᒃ ᑐᓂᓪᓗᒍ;
ᓂᐊᖂᑎᓗ ᐱᐅᓂᕐᐹᖅ ᒎᓗ ᐃᓕᒐᕕᐅᒃ ᓂᐊᖁᐊᓄᑦ.
4ᐃᓕᖕᓄᑦ ᐃᓅᓯᕐᒥᒃ ᕿᓄᖕᒪᑦ, ᑕᕝᕙ ᑐᓂᓯᕕᒋᓚᐅᕐᐸᑦ
ᐅᓪᓗᓂᒃ ᐅᓄᕐᑐᓂᒃ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.
5ᓂᕐᑐᐃᑦᔪᑎᖃᕐᔪᐊᕐᐳᖅ ᐱᐅᓕᒃᓯᓂᕐᓂᒃ;
ᐅᐱᒋᔭᐅᓂᖅ ᐊᖓᔪᖅᑳᕐᔪᐊᑐᓪᓗ ᑕᑯᓐᓈᕐᑕᐅᓂᖅ,
ᐃᓕᕙᑎᑦ ᑖᑦᓱᒧᖓ.
6ᑐᓂᓯᕕᒋᒐᕕᐅᒃ ᓮᒻᒪᕐᑎᑕᐅᓂᕐᓂᒃ ᐃᓱᖃᖏᑦᑐᒧᑦ;
ᐊᒃᓱᒻᒪᕆᐊᓗᒃ ᖁᕕᐊᓱᒃᑎᑉᐸᑦ ᓇᔫᑎᓂᕐᓄᑦ.
7ᐊᖓᔪᖅᑳᕐᔪᐊᖅ ᑕᑎᖃᕐᒪᑦ ᐊᑕᓂᕐᒥᒃ,
ᖁᑦᓯᖕᓂᕐᐹᑉ ᓇᒡᓕᖕᓂᖓᒍᑦ ᓱᖁᓯᔪᐃᑦᑐᒧᑦ ᑖᓐᓇ ᐊᐅᓚᑕᐅᓂᐊᓐᖏᓚᖅ.
8ᐊᒡᒐᒃᐱᑦ ᐊᑭᕋᕐᑐᕐᑎᑎᑦ ᑕᒪᕐᒥᒃ ᓇᓂᔪᒫᕐᐰᑦ,
ᐊᒡᒐᒃᐱᓪᓗ ᑕᓕᕐᐱᒃᐱᑦ ᓇᓂᔪᒫᕐᐰᑦ ᐃᓕᖕᓂᒃ ᐆᒥᓱᒃᑐᑦ.
9ᐃᑯᐊᓚᑎᑦᓱᒫᕐᐸᑎᑦ ᑭᐊᒃᓴᐅᑎᑐᑦ ᐃᒐᕕᒃᑐᑦ,
ᑍᑦᓱᒪᓂ ᓂᓐᖓᐅᒪᓕᕈᕕᑦ;
ᐊᑕᓂᐅᑉ ᓂᓐᖓᐅᒪᓂᕐᒥᓄᒃ ᐄᔪᒫᕐᐰᑦ,
ᐃᑯᒪᐅᓪᓗ ᓂᕆᔪᒫᕐᐰᑦ.
10ᕿᑐᕐᖓᖏᑦ ᓄᖑᑦᓱᒫᕐᐸᑎᑦ ᓄᓇᒥᑦ,
ᑭᖑᕚᖏᓪᓗ ᓄᖑᑦᓱᒫᕐᐸᑎᑦ ᐃᓄᐃᑦ ᕿᑐᕐᖓᖏᓐᓂᑦ.
11ᐃᓱᒪᓕᐅᖃᑎᒌᓚᐅᕐᒪᑕ ᐱᐅᖏᑦᑐᒥᒃ ᐱᓂᐊᕈᒪᓪᓗᑎᒃ ᐃᓕᖕᓄᑦ;
ᐃᓱᒪᓕᐅᖃᑎᒌᓯᒪᕗᑦ ᑲᔪᓯᑎᑦᓱᓐᓇᓐᖏᑕᒥᖕᓂᒃ.
12ᑍᒤᒻᒪᑦ ᕿᒫᑎᓐᓂᐊᕋᕕᒋᑦ;
ᐅᕐᓕᕐᑐᕐᓂᐊᕋᕕᒋᓪᓗ ᐱᑎᒃᓰᑦ ᕿᓗᓯᒪᓗᒍ ᑮᓇᖏᓐᓄᑦ.
13ᐊᑕᓃᖅ, ᐊᖏᔪᕈᕐᑎᑕᐅᓕᕆᑦ, ᓴᓐᖏᔫᓃᑦ ᐱᓪᓗᒍ!
ᐅᕙᒍᑦ ᐃᓐᖏᕐᓂᐊᕐᐳᒍᑦ ᐱᔪᓐᓇᕐᓃᑦ ᓂᕐᑐᕐᓗᒍ.
Currently Selected:
ᐃᓐᖏᕈᑎᑦ 21: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
