ᐃᓐᖏᕈᑎᑦ 10
10
ᐃᓐᖏᕈᑦ ᖃᐅᔨᒪᓂᕐᒧᑦ ᒎᑎᐅᑉ ᓵᓚᖃᕐᓂᖓᓂᒃ ᐱᐅᖏᑦᑐᒥᒃ
1ᐊᑕᓃᖅ, ᓱᖕᒪᑦ ᓇᖏᕐᐱᑦ ᐅᖓᓯᒃᑐᒥ?
ᓱᖕᒪᓪᓗ ᐊᔪᕐᓇᕐᑐᖃᓕᕌᖓᑦ ᐃᔨᕐᓯᒪᖃᑦᑕᕐᐲᑦ?
2ᐱᐅᖏᑦᑐᓕᔪᑦ ᐱᐅᔪᕆᓂᕐᒥᖕᓄᑦ ᐊᔪᕐᓴᕐᑐᑦ ᓵᓚᒋᓇᓱᐊᕐᐰᑦ;
ᓵᓚᖃᕈᒪᓂᕐᒧᑦ ᐃᓱᒪᖃᑎᒌᒍᑎᒋᓯᒪᔭᒥᖕᓄᑦ ᓇᖕᒥᓂᖅ ᓵᓚᐅᓚᐅᕐᓕᑦ.
3ᐱᐅᖏᑦᑐᓕᔪᑦ ᐆᒻᒪᑎᒥ ᐱᔪᒪᔭᖏᓐᓂᒃ ᐱᐅᔪᕆᑦᔪᑎᖃᕐᐳᑦ;
ᐱᔪᒪᑐᓛᕐᑐᑦ ᐱᔪᒪᔭᖏᓐᓂᒃ ᑐᓂᓯᕕᒋᕔᑦ,
ᐊᑕᓂᕐᒥᒡᓗ ᓇᕐᕈᒋᔭᖃᕐᓗᑎᒃ.
4ᐱᐅᖏᑦᑐᓕᔪᑦ ᐱᐅᔪᕆᓂᕐᒥᖕᓄᑦ ᐊᑕᓂᐅᑉ ᑮᓇᖓᓂᒃ ᕿᓂᓐᖏᓚᑦ;
ᒎᑎᓗ ᐃᓱᒪᖏᓐᓂ ᐃᓂᖃᓐᖏᓚᖅ.
5ᐱᓂᐊᕐᓂᖏᑦ ᑍᒪᓐᖓᑦ ᑲᔪᓯᕙᒃᐳᑦ:
ᐃᖅᑲᕐᑐᐃᓂᕐᐱᑦ ᐳᕐᑐᓂᖏᑦ, ᑖᑦᓱᒪ ᑎᑭᑦᓱᓐᓇᓐᖏᓔᑦ;
ᐊᑭᕋᕐᑐᕐᑎᓂᓕ, ᒥᑕᐅᑎᒋᕔᑦ.
6ᐆᒻᒪᑎᒥᒍᑦ ᐃᓱᒪᕗᖅ,
“ᐊᓯᓐᓂᑦ ᐊᐅᓚᑕᐅᓂᐊᓐᖏᓚᖓ,
ᐊᑲᐅᖏᑦᑐᒧᓪᓗ ᖃᖓᓕᒫᖅ ᑎᑭᑕᐅᓂᐊᕐᓇᖓ.”
7 #
ᕉᒪᒥᐅᓄᑦ 3:14. ᖃᓂᖓᓕ ᑕᑕᑉᐳᖅ ᐅᖃᐅᓯᕐᓗᖕᒥᒃ
ᓴᒡᓗᓂᕐᓂᒡᓗ ᑲᑉᐱᐊᓱᒃᑎᑦᓯᓂᕐᒥᒡᓗ:
ᐊᑲᐅᖏᑦᑐᑦ ᐱᐅᖏᑦᑐᓕᓃᓪᓗ ᐅᖃᖓᑕ ᐊᑖᓃᑉᐳᑦ.
8ᐃᒃᓯᕙᕗᕐᓗ ᓄᓇᓕᖕᓂ ᑎᕐᓕᐊᕐᓯᕕᖕᓂ;
ᐅᐸᓗᐃᓪᓗᒋᓪᓗ ᐸᓯᔭᒃᓴᐅᖏᑦᑐᑦ ᑐᖁᓴᕐᐰᑦ,
ᐃᔨᕋᕐᑐᕐᓗᓂᓗ ᐃᑲᔪᕐᑎᖃᖏᑦᑐᑦ ᐅᓇᖕᒥᕔᑦ.
9ᖃᐅᔨᔭᐅᓇᓂᓗ ᐅᑕᖅᑭᕗᖅ ᓛᔭᑎᑐᑦ ᓯᑎᒥᓂ ᐅᑕᖅᑭᔪᑎᑐᑦ,
ᐅᑕᖅᑭᕗᕐᓗ ᐊᔪᕐᓴᕐᑐᖅ ᓵᓚᒋᔪᒪᓪᓗᒍ;
ᐊᔪᕐᓴᑐᓪᓗ ᓵᓚᒋᕔᑦ, ᐅᓂᐊᕐᓗᒋᓪᓗ ᓄᓗᐊᒥᓄᑦ.
10ᐅᑯᖓᕗᕐᓗ ᑕᑯᔭᐅᑦᑍᓕᓪᓗᓂ, ᖃᐅᔨᔭᐅᑦᑍᓕᕗᕐᓗ,
ᐃᑲᔪᕐᑎᖃᖏᑦᑐᑦ ᐅᕐᕈᑎᑦᓱᒪᓪᓗᒋᑦ ᐱᔪᓐᓇᕐᓂᕐᒥᓄᓪᓗ ᓵᓚᒋᔪᒪᓪᓗᒋᑦ.
11ᐆᒻᒪᑎᒥᒍᑦ ᐃᒻᒥᓄᑦ ᐅᖃᕐᓯᒪᒐᒥ,
“ᒎᑎ ᐳᐃᒍᕐᓯᒪᕗᖅ,
ᑮᓇᓂ ᐃᔨᕐᓯᒪᕚ, ᑕᑯᓂᐊᓐᖏᓚᕐᓗ.”
12ᐊᑕᓃᖅ, ᒪᑭᓕᕆᑦ!
ᒎᑏ, ᐊᒡᒊᑦ ᖁᒻᒧᐊᒃᑎᓚᐅᕈᒃ!
ᒥᑭᒡᓕᑎᕐᓯᒪᔪᑦ ᐳᐃᒍᕐᓂᐊᕐᓇᒋᑦ.
13ᓱᖕᒪᑦ ᐱᐅᖏᑦᑐᓕᔪᑦ ᒎᑎᒥᒃ ᓇᕐᕈᓇᕐᑎᑦᓯᕚᑦ?
ᐃᓱᒪᒥᒍᑦ ᐅᖃᕐᓯᒪᖕᒪᑕ,
“ᑕᒪᒃᑯᓂᖓ ᐸᓯᓴᐅᑦᔪᑎᖃᕐᓂᐊᓐᖏᓚᖓ.”
14ᐃᕝᕕᓪᓕ ᑕᐅᑐᒃᐳᑎᑦ,
ᑕᑯᓐᓇᕐᐳᑎᓪᓗ ᐊᑲᐅᖏᑦᑐᓂᒃ, ᕿᒃᓵᖕᓂᕐᓂᒡᓗ,
ᐊᒡᒐᖕᓄᓪᓗ ᐊᑭᓂᐊᕈᒪᕙᑎᑦ.
ᐃᑲᔪᕐᑎᖃᖏᑦᑐᑦ ᐃᓕᖕᓄᑦ ᒪᓂᕗᑦ;
ᐃᑲᔪᕐᑎᐅᒐᕕᑦ ᐊᑖᑕᖃᖏᑦᑐᓄᑦ.
15ᐱᐅᖏᑦᑐᓕᔫᑉ ᑕᓕᖓ ᐊᔪᕐᑐᓕᔫᓪᓗ ᑕᓕᖓ ᓇᐱᓚᐅᒃᑭᒃ;
ᐱᐅᖏᑦᑐᓕᓂᖏᓪᓗ ᓴᖅᑭᑎᓚᐅᒃᑭᑦ ᐃᔨᕐᓯᒪᔪᖃᕈᓐᓃᕐᓗᑎᒃ.
16ᐊᑕᓂᖅ ᐊᖓᔪᖅᑳᕐᔪᐊᖑᕗᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ;
ᐃᓅᖃᑎᒌᒡᔪᐊᑦ ᒎᑎᖃᖏᑦᑐᑦ ᓄᖑᑦᓱᒫᕐᐳᑦ ᓄᓇᖓᓂᑦ.
17ᐊᑕᓃᖅ, ᐱᐅᔪᕆᖏᑦᑐᑦ ᐱᔪᒪᔭᖏᑦ ᑐᓴᓚᐅᕐᐸᑎᑦ;
ᐆᒻᒪᑎᖏᓪᓗ ᑲᔪᖏᕐᓴᕐᐸᑎᑦ, ᓂᓪᓕᐊᓂᖏᓪᓗ ᓈᓚᒍᒪᕙᑎᑦ.
18ᐊᑖᑕᖃᖏᑦᑐᑦ, ᓵᓚᓯᐊᖑᔪᓪᓗ ᓴᐳᑎᔪᒪᕙᑎᑦ,
ᐃᓄᐃᑦ ᓄᓇᒦᑦᑐᑦ ᑲᑉᐱᐊᓱᒃᑎᑦᓯᔪᓐᓃᖁᓪᓗᒋᑦ.
Currently Selected:
ᐃᓐᖏᕈᑎᑦ 10: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
