ᓲᓗᒨᓂᐅᑉ ᐅᖃᓪᓚᖕᓂᖏᑦ 31
31
ᐊᖓᔪᖅᑳᕐᔪᐊᑉ ᐃᓱᒪᑖᕈᑎᒃᓴᖏᑦ
1ᓕᒧᐃᓕᐅᑉ, ᒫᓴᒥᐅᑦ ᐊᖓᔪᖅᑳᕐᔪᐊᖓᑕ ᐅᖃᐅᓯᖏᑦ, ᐊᓈᓇᖓᑕ ᐃᓕᓮᑦᔪᑎᒋᓚᐅᕐᑕᖏᑦ ᑖᑦᓱᒧᖓ:
2ᓇᒡᓕᒋᒻᒪᕆᒃᑖᒃ ᐃᕐᓃᒃ ᖃᓄᐃᓕᕐᐲᑦ?
ᐃᒡᓕᐊᓐᓄᑦ ᓇᖕᒥᓂᖅ ᐃᕐᓂᕐᑖᕆᓚᐅᕐᐸᒋᑦ?
ᐊᖏᒻᒪᕆᒍᑎᓕᐅᕐᓗᖓ ᐃᕐᓂᕐᑖᕆᓚᐅᕐᐸᒋᑦ?
3ᓄᑭᖃᑦᓯᐊᕐᓃᑦ ᐊᑐᕐᓂᐊᕐᓇᒍ ᐊᕐᓇᓄᑦ,
ᐱᓇᓱᐊᕈᑎᓕᒫᑎᓪᓗ ᑐᓂᓂᐊᕐᓇᒋᑦ ᐊᕐᓇᓄᑦ; ᐊᖓᔪᖅᑳᕐᔪᐊᓂᒃ ᐊᓯᕈᐃᖃᑦᑕᕐᓯᒪᖕᒪᑕ.
4ᑕᒪᓐᓇ ᐊᖓᔪᖅᑳᕐᔪᐊᕐᓯᐅᑕᐅᓐᖏᓚᖅ, ᓕᒧᐃᓖ,
ᐊᖓᔪᖅᑳᕐᔪᐊᖅ ᕔᓂᒥᒃ ᐃᒥᕐᑐᒃᓴᐅᓐᖏᓚᑦ,
ᐊᐅᓚᑦᓯᔨᐅᔪᑦ ᐃᒥᐊᓗᖕᒥᒃ ᓴᓐᖏᔪᒥᒃ ᐃᒥᕈᒪᔪᒃᓴᐅᓐᖏᓚᑦ;
5ᐃᒥᕐᓯᒪᓕᕈᑎᒃ ᐊᖏᕈᑕᐅᓯᒪᔪᒥᒃ ᐳᐃᒍᖁᓇᒋᑦ,
ᐃᓄᐃᓪᓗ ᐊᔪᕐᓴᕐᑐᑦ ᐃᒃᐱᒋᔭᐅᑦᓯᐊᕆᐊᖃᕐᓂᖏᓐᓂᒃ ᑲᒪᔪᓐᓃᖁᓇᒋᑦ.
6ᑐᖁᑐᐃᓐᓇᕆᐊᖃᓕᕐᑐᑦ ᓴᓐᖏᔪᒥᒃ ᐃᒥᕐᑎᑦᓱᓐᓇᕐᐸᓯ,
ᕔᓂᑐᕐᑎᓪᓗᒋᓪᓗ ᐆᒻᒪᑎᒥᒍᑦ ᖁᕕᐊᓱᖏᑦᑐᑦ;
7ᐃᒥᕐᑐᒃᓴᐅᕗᑦ ᐊᔪᕐᓴᕐᓂᕐᒥᖕᓂᒃ ᐳᐃᒍᖁᓪᓗᒋᑦ,
ᐆᒻᒪᑎᒥᒍᓪᓗ ᖁᕕᐊᓱᖏᓐᓂᕆᔭᒥᖕᓂᒃ ᐃᖅᑲᐅᒪᔪᓐᓃᖁᓪᓗᒋᑦ.
8ᐃᒻᒥᖕᓂᒃ ᐅᖃᕈᓐᓇᖏᑦᑐᑦ ᐅᖃᕈᑎᔭᒃᓴᕆᕙᑎᑦ,
ᐱᕕᒃᓴᖃᖏᑦᑐᑦ ᐃᑲᔪᕐᑎᒃᓴᖃᖏᑦᑐᓪᓗ ᓴᐳᑎᓯᒪᔭᒃᓴᕆᕙᑎᑦ.
9ᑖᒃᑯᐊ ᐅᖃᕈᑎᔭᒃᓴᕆᕙᑎᑦ ᓈᒻᒪᓈᕐᑐᒥᒃ ᐊᑦᔨᒌᒃᑎᑦᓯᖁᓪᓗᑎᑦ,
ᐱᔪᓐᓇᕐᑕᓂᖏᓐᓂᒃ ᐃᑲᔪᖃᑦᑕᒃᑭᑦ ᐊᔪᕐᓴᕐᑐᑦ ᐃᑲᔪᕐᑕᐅᔭᕆᐊᓖᓪᓗ.
ᓄᓕᐊᕆᔭᐅᔫᑉ ᐱᔪᓐᓇᑦᓯᐊᕐᓂᖓ
10ᑭᓇ ᐊᕐᓇᒥᒃ ᐂᑉᐸᑦᓯᐊᕙᐅᔪᒥᒃ ᓇᓂᓯᔪᓐᓇᕐᐹ?
ᑖᓐᓇ ᐱᓪᓚᕆᐅᓂᕐᓴᒻᒪᕆᐅᕗᖅ ᐱᖁᑎᓂᑦ ᑕᑯᒥᓇᕐᑐᓂᑦ.
11ᑖᓐᓇ ᐅᐃᖓᑕ ᐅᒃᐱᕆᑦᓯᐊᕈᓐᓇᕐᐹ,
ᑖᓐᓇᓗ ᒪᑭᒪᐅᑎᒃᓴᒥᒃ ᐊᔪᕐᓴᓕᕐᓂᐊᓐᖏᓚᖅ.
12ᐊᕐᓇᐅᑉ ᐅᐃᓂ ᐱᑦᓯᐊᕐᕕᒋᖕᒪᒍ, ᐱᐅᖏᑦᑐᒥᒡᓗ ᐱᓂᐊᕐᕕᒋᓇᒍ,
ᐊᕐᓇᐅᑉ ᐃᓅᓂᓕᒫᒥᓂ.
13ᐃᒻᒥᓂᒃ ᐊᓐᓄᕌᒃᓴᓕᐅᕐᓂᕐᒧᑦ ᓄᕕᕐᓵᒃᓴᓕᐅᕐᓂᕐᒧᓪᓗ,
ᐊᒡᒐᒥᓄᓪᓗ ᐱᓇᓱᐊᕆᐊᒃᓴᖅ ᐃᕿᐊᓱᖏᑦᓯᐊᕐᓗᓂ.
14ᑖᓐᓇ ᐊᕐᓇᖅ ᐊᑦᔨᖃᕐᐳᖅ ᓲᕐᓗ ᐅᒥᐊᕐᔪᐊᑎᑐᑦ ᓂᐅᕕᐊᒃᓴᕐᑕᕐᑐᑎᑐᑦ,
ᓂᕿᒃᓴᓂᒃ ᐅᖓᓯᒃᑐᒥᑦ ᑎᑭᐅᑦᔨᖃᑦᑕᕐᑐᑎᑐᑦ.
15ᒪᑭᑉᐸᒃᑐᖅ ᓱᓕ ᐅᓐᓄᐊᖑᑎᓪᓗᒍ,
ᐃᒡᓗᒥᐅᖃᑎᒥ ᓂᕆᔭᒃᓴᖏᓐᓂᒃ ᐋᖅᑭᒃᓱᐃᔪᒪᓪᓗᓂ,
ᐊᕐᓁᓪᓗ ᐱᔨᒥ ᐱᓇᓱᐊᕐᓂᐊᕐᑕᖏᓐᓂᒃ ᓇᓗᓁᕐᓯᔪᒪᓪᓗᓂ.
16ᓄᓇᓗ ᖃᐅᔨᓴᓚᐅᕐᓗᓂᐅᒃ ᓂᐅᕕᐊᕆᕙ ᓇᖕᒥᓂᖅ;
ᑮᓇᐅᔭᒥᓄᑦ ᐱᓇᓱᐊᕐᓗᓂ ᐊᑭᓕᕐᑕᐅᑦᔪᑎᒋᓯᒪᔭᒥᓄᑦ
ᓄᓇ ᓴᓇᓪᓗᒍ ᐸᐅᕐᖓᓄᑦ ᐱᕈᕐᓰᕕᓕᐊᕆᕚ.
17ᐱᓇᓱᒃᓯᑎᐅᓪᓗᓂ ᓄᑭᖃᑦᓯᐊᕐᓗᓂᓗ,
ᐱᓇᓱᐊᕐᑕᒥᓂᒡᓗ ᐱᔭᕇᑦᓯᐊᖃᑦᑕᕐᓱᓂ.
18ᖃᐅᔨᒪᓪᓗᓂᓗ ᓂᐅᕕᐊᒃᓴᖏᑕ ᐱᕙᓪᓕᕐᓇᕐᓂᖏᓐᓂᒃ,
ᐅᓐᓄᐊᕈᕐᓰᕙᒡᓗᓂᓗ ᐱᓇᓱᐊᖏᓐᓇᕐᓗᓂ.
19ᓇᖕᒥᓂᖅ ᐃᕙᓗᒃᓴᒥᓂᒃ ᓴᓇᕙᒡᓗᓂ,
ᓇᖕᒥᓂᕐᓗ ᐊᓐᓄᕌᒃᓴᒥᓂᒃ ᓄᕕᕐᓴᕐᐸᒡᓗᓂ.
20ᑐᓂᓯᖃᑦᑕᕐᓗᓂᓗ ᐊᔪᕐᓴᕐᑐᓄᑦ ᐱᔭᕆᐊᓕᖕᓄᓪᓗ,
ᐄᓛᒃ, ᓇᖕᒥᓂᖅ ᐊᒡᒐᖕᒥᓄᑦ ᓴᓇᓪᓗᓂ ᐃᑲᔪᕐᑕᐅᔭᕆᐊᓕᖕᓂᒃ ᐃᑲᔪᖃᑦᑕᕐᐳᖅ.
21ᓂᒡᓚᕐᑐᐊᓘᒐᓗᐊᕐᐸᑦ ᐊᐳᓯᕐᓗᓂ ᐃᓱᒫᓗᖕᓂᐊᓐᖏᓚᖅ,
ᐃᓚᖏᑦ ᐊᓐᓄᕌᖃᑦᓯᐊᕐᒪᑕ ᐅᖅᑰᔪᓂᒃ.
22ᕿᐱᓕᐅᕐᐸᒡᓗᓂᓗ ᓇᖕᒥᓂᖅ;
ᐊᓐᓄᕌᖃᕐᓗᓂᓗ ᐊᑭᑐᔪᒃᓴᔭᓂᒃ ᐊᐅᐸᓪᓚᕆᒃᑐᓂᒃ.
23ᐅᐃᖓᓗ ᖃᐅᔨᒪᔭᐅᑦᓯᐊᕐᐳᖅ ᐃᓄᖕᓄᑦ,
ᐊᖓᔪᖅᑳᖑᖃᑕᐅᓪᓗᓂᓗ ᓄᓇᒥᓂ.
24ᐊᓐᓄᕌᓕᐅᕐᐸᒃᐳᖅ ᑕᑦᓯᕈᑎᒃᓴᓂᒡᓗ ᓂᐅᕐᕈᑎᖃᕐᐸᒃᑐᖅ;
ᓂᐅᕕᕐᑎᓄᓪᓗ ᓂᐅᕕᐊᒃᓴᓕᐅᕐᐸᒃᓱᓂ ᑕᑦᓯᓂᒃ.
25ᓴᓐᖏᓂᖅ ᐅᐱᒋᔭᐅᓂᕐᓗ ᐊᓐᓄᕌᕆᕔᑦ,
ᖁᕕᐊᒋᔭᖃᕐᐳᖅ ᐅᓪᓗᓂᒃ ᕾᔪᓂᒃ.
26ᖃᓂᕐᒥᒍᑦ ᐅᖃᕐᐸᒃᐳᖅ ᓯᓚᑐᔪᓂᒃ,
ᐊᔪᕆᕐᑐᐃᓂᖓᓗ ᐱᑦᓯᐊᕐᓂᕐᒥᒃ ᓴᖅᑭᑎᑦᓯᕗᖅ.
27ᐃᓚᒌᑦ ᐱᔭᕆᐊᖃᕐᓂᖏᑦ ᐊᒃᓱᕉᑎᒋᓪᓗᒋᑦ ᐱᓇᓱᐊᕐᐰᑦ,
ᓂᕆᕙᓐᖏᓚᕐᓗ ᓂᕿᒃᓴᒥᒃ ᐃᕿᐊᓱᒃᑐᑦ ᓂᕿᖓᓂᒃ.
28ᕿᑐᕐᖓᖏᑦ ᐱᕈᕋᒥᒃ ᓮᒻᒪᕐᑎᑕᐅᓯᒪᓂᕋᕐᐹᑦ;
ᐅᐃᖓᑕᑦᑕᐅᖅ ᖁᕕᐊᒋᕚ, ᓂᕐᑐᕐᓗᒍᓗ.
29ᐅᖃᐅᓯᕆᕚ, “ᐊᕐᓁᑦ ᐅᓄᕐᑐᑦ ᓄᓕᐊᑦᓯᐊᕙᐅᔪᓐᓇᕐᐳᑦ,
ᐃᕝᕕᓪᓕ ᑕᒤᓐᓂᑦ ᐱᐅᓂᕐᐹᖑᕗᑎᑦ.”
30ᐱᔪᒥᓇᕐᓂᖅ ᐅᐃᕖᕐᕆᒃᓯᔪᓐᓇᕐᐳᖅ, ᑕᐅᑦᑐᑦᓯᐊᕆᖕᓂᖓᓗ ᑍᒤᑦᓮᓐᓇᕈᓐᓇᓐᖏᓚᖅ,
ᐊᕐᓇᕐᓕ ᐊᑕᓂᕐᒥᒃ ᓯᕘᕋᔪᖅ ᑖᓐᓇ ᓂᕐᑐᕐᑕᐅᔭᕆᐊᖃᕐᐳᖅ.
31ᑐᓂᓯᕕᐅᓕ ᐊᒡᒐᒥᓄᑦ ᐱᕈᕐᑎᑕᖏᓐᓂᒃ,
ᐱᓇᓱᐊᕐᓯᒪᔭᖏᑕ ᓂᕐᑐᕐᓇᕐᑎᓪᓕᐅᒃ ᐃᓄᖕᓄᑦ.
Currently Selected:
ᓲᓗᒨᓂᐅᑉ ᐅᖃᓪᓚᖕᓂᖏᑦ 31: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
