ᐃᓕᓯᒪᓃᑦ ᐃᒃᓖᓯᐊᓯᑏᔅ 1
1
ᐃᓅᓯᖅ ᓱᕙᓕᑭᐊᖑᕗᖅ
1ᐊᔪᕆᕐᑐᐃᔫᑉ ᐅᖃᐅᓯᖏᑦ, ᑍᕕᑎᐅᑉ ᐃᕐᓂᖓᑕ, ᔨᕉᓴᓕᒥ ᐊᖓᔪᖅᑳᕐᔪᐊᖑᔫᑉ.
2“ᓱᕙᓕᑭᐊᖅ! ᓱᕙᓕᑭᐊᖅ!” ᐊᔪᕆᑐᐃᔪᖅ ᐅᖃᕐᐳᖅ, “ᑕᒪᕐᒥᒃ ᓱᓇᑐᐃᓐᓁᑦ ᓱᕙᓕᑭᐊᖑᕗᑦ.” 3ᐃᓄᒃ ᓱᓇᒥᒃ ᐱᕚᓪᓕᕈᑎᖃᕐᐹ ᐊᒃᓱᕈᕈᑎᒋᔭᒥᓂᒃ? ᓴᓇᓂᕐᒥᓄᑦ ᓯᕿᓂᐅᑉ ᐊᑖᓂ? 4ᑭᖑᕚᕆᑦ ᐊᓂᒍᕐᐸᓪᓕᐊᕗᑦ, ᐊᒻᒪ ᑭᖑᕚᕆᑦ ᐊᓯᖏᑦ ᑭᖑᕝᕕᐅᑎᒋᕗᑦ; ᓄᓇᓕ ᓱᖁᓯᕈᓐᓇᓐᖏᓚᖅ ᐃᓱᖃᖏᑦᑐᒧᑦ. 5ᓯᕿᓂᕐᓗ ᓄᐃᕙᒃᐳᖅ, ᓂᐱᕙᒃᓗᓂᓗ, ᑐᐊᕕᕐᓗᓂᓗ ᓄᐃᕕᒋᕙᒃᑕᒥᓄᑦ ᐂᓕᕆᕗᖅ. 6ᐊᓄᕆ ᓯᕿᓂᕐᒧᑦ ᐃᖏᕐᕋᕗᖅ. ᓴᖑᓪᓗᓂᓗ ᐅᑎᓕᕆᕗᖅ ᐅᓐᓄᐊᓪᓗᐊᒧᑦ; ᑕᕝᕙ ᐅᐃᑦᔮᖃᑦᑕᓕᕆᕗᖅ ᑍᒪᓐᖓᑦ, ᐊᒻᒪ ᐅᑎᓕᕆᓪᓗᓂ. 7ᑰᑦ ᑕᒪᕐᒥᒃ ᐃᒪᕐᐱᖕᒧᑦ ᑰᒃᐳᑉ, ᑭᓯᐊᓂᓕ ᐃᒪᕐᔪᐊᑦ ᑕᑕᑉᐸᓪᓕᐊᓐᖏᓚᑦ; ᑰᓕᕆᐊᕐᕕᒋᔭᒥᖕᓂᓪᓕ, ᑕᕝᕙ ᐅᑎᓕᕆᓪᓗᑎᒃ. 8ᑭᓱᑐᐃᓐᓁᑦ ᑕᖃᓇᕐᑐᐃᓐᓇᐅᕗᑦ, ᐅᖃᐅᓯᕆᔭᐅᔪᐃᓐᓇᐅᕙᒐᑎᒃ, ᐃᔩᒡᓗ ᑕᑯᔭᒥᖕᓂᒃ ᓈᒻᒪᒃᓯᔪᓐᓇᓐᖏᓛᒃ, ᓯᐅᑏᒡᓗ ᑐᓴᕐᑕᒥᖕᓂᒃ ᓈᒻᒪᒃᓯᔪᓐᓇᖏᓐᓂᕘᒃ. 9ᐱᑕᖃᓚᐅᕐᑐᑦ ᐱᑕᕾᓐᓇᕐᓂᐊᕐᒪᑕ, ᖃᓄᐃᓕᐅᕐᑕᐅᓚᐅᕐᑐᓪᓗ ᐱᔭᕆᐊᖃᒃᑲᓐᓂᖃᑦᑕᕆᕗᑦ, ᓄᑖᒥᒃ ᐱᑕᖃᓐᖏᓚᖅ ᓯᕿᓂᐅᑉ ᐊᑖᓂ. 10ᓱᓇᒥᒃ ᐱᑕᖃᕐᐸ ᐅᖃᐅᓯᐅᔪᓐᓇᕐᑐᒥᒃ, “ᑕᑯᒍᒃ ᐅᓇ ᓄᑖᖅ”? ᒪᑯᐊᓕ ᐱᑕᖃᕇᓚᐅᕐᑐᑦ ᐃᑦᓴᕐᔪᐊᖅ ᐱᑕᖃᓚᐅᓐᖏᑎᓪᓗᑕ. 11ᐱᔭᕇᕐᑐᑦ ᐃᖅᑲᐅᒪᔭᐅᔪᓐᓇᓐᖏᓚᑦ. ᓯᕗᓂᑦᑎᓐᓂᓗ ᕾᔪᑦ ᐃᖅᑲᐅᒪᔭᐅᔪᓐᓇᕐᓂᐊᖏᓐᓂᕗᑦ, ᑭᖑᓪᓕᑦᑎᓐᓂᑦ.
ᓯᓚᑐᓂᐅᑉ ᓱᓇᐅᖏᓐᓂᖓ
12ᐅᕙᖓ, ᐊᔪᕆᕐᑐᐃᔪᖓ, ᐊᖓᔪᖅᑳᕐᔪᐊᖑᓚᐅᕐᐳᖓ ᐃᓴᕆᐊᓕᑎᓄᑦ ᔨᕉᓴᓕᒥ. 13ᐃᓕᓐᓂᐊᓚᐅᕐᐳᖓ, ᕿᓂᕐᓗᖓᓗ ᓄᓇᒦᑦᑐᓕᒫᓂᒃ; ᑐᑭᓯᕗᖓ ᒎᑎᐅᑉ ᐃᓄᐃᑦ ᐅᖁᒤᑦᑐᓂᒃ ᑐᓂᓯᕕᒋᖕᒪᒋᑦ! 14ᖃᐅᔨᓯᒪᕙᒃᑲ ᑕᒪᕐᒥᒃ ᓯᕿᓂᐅᑉ ᐊᑖᓂ ᐱᓇᓱᐊᕐᑕᐅᔪᑦ; ᑐᑭᓯᕙᒃᑲ ᓱᕙᓕᑭᐊᖑᖕᒪᑕ, ᓲᕐᓗ ᐊᓄᕆᒥᒃ ᐊᓐᖑᑎᓇᓱᐊᕐᑐᑐᑦ. 15ᓂᐅᖓᔪᑦ ᑐᑭᓕᐊᕐᓯᑎᑕᐅᔪᓐᓇᓐᖏᓚᑦ, ᐱᑕᖃᖏᑦᑐᓪᓗ ᓈᓴᖃᓯᐅᑎᔭᐅᔪᓐᓇᓐᖏᓚᑦ.
16 #
ᐊᑕᓃᑦ ᓯᕗᓪᓖᑦ 4:29-31. ᐃᒫᒃ ᐃᓱᒪᓕᓚᐅᕐᐳᖓ, “ᑕᑯᒋᑦ, ᓯᓚᑐᓂᕐᔪᐊᓕᐊᓘᓕᕐᐳᖓ, ᓯᓚᑐᓂᕐᓴᐅᓕᕐᓗᖓᓗ ᑕᒤᓐᓂᑦ ᔨᕉᓴᓕᒥ ᐊᖓᔪᖅᑳᕐᔪᐊᖑᓚᐅᕐᓯᒪᔪᓂᑦ ᓯᕗᓂᓐᓂᑦ; ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ ᐊᖏᔪᒥᒃ ᐊᑐᕐᓯᒪᓕᕐᐳᖓ.” 17ᐃᓕᓐᓂᐊᓚᐅᕐᐳᖓᓗ ᓯᓚᑐᓂᕐᒥᒃ, ᐃᓱᒤᕈᑎᓂᕐᒥᒡᓗ, ᓯᓔᑦᑑᓂᕐᒥᒡᓗ. ᑐᑭᓯᕗᖓᓕ ᑕᒪᒃᑯᐊ ᐊᓄᕆᒥᒃ ᓲᕐᓗ ᐊᓐᖑᑎᓇᓱᒃᑐᑐᑦ ᑍᒤᑐᐃᓐᓇᕐᐳᑦ. 18ᓯᓚᑐᓂᕐᒥᒃ ᖃᐅᔨᕙᓪᓕᐊᓪᓗᓂ ᐊᖏᔪᒥᒃ ᕿᒃᓵᖕᓇᕐᓂᖃᕐᒪᑦ. ᖃᐅᔨᒪᓕᕐᐸᓪᓕᐊᓪᓗᓂ ᕿᒃᓵᖕᓇᕐᑐᑦ ᐊᖏᓕᕙᓪᓕᐊᒋᕗᑦ.
Currently Selected:
ᐃᓕᓯᒪᓃᑦ ᐃᒃᓖᓯᐊᓯᑏᔅ 1: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
