ᒫᑎᐅᓯᐅᑉ ᐊᒡᓚᖏᑦ 3
3
ᔪᐊᓇᓯ ᐹᑉᑎᑎᕆᔨᐅᑉ ᐊᔪᕆᖅᑐᐃᓂᖓ
ᒫᑯᓯ 1:1-8; ᓘᑲᓯ 3:1-18; ᔪᐊᓇᓯ 1:19-28
1ᑍᑦᓱᒪᓂ ᔪᐊᓇᓯ ᐹᑉᑎᑎᕆᔨ ᐃᓄᖃᖏᑦᑐᒥ ᐊᔪᕆᖅᑐᐃᓕᖅᐳᖅ ᔫᑎᐊᒦᑦᑐᒥ. 2#ᒫᑎᐅᓯ 4:17; ᒫᑯᓯ 1:15.ᐅᖃᕐᓗᓂ, “ᖃᕿᐊᓕᕆᑦᓯ, ᒎᑎᐅᑉ ᐊᑕᓂᐅᕕᖓ ᖃᒡᓕᓕᕐᖕᒪᑦ!” 3#ᐂᓮᐊᓯ 40:3.ᔪᐊᓇᓯ ᑖᓐᓇᐅᕗᖅ ᓇᓚᐅᑦᑍᔫᑉ ᐂᓮᐊᓯᐅᑉ ᐅᖃᐅᓯᕆᓚᐅᖅᑕᖓ, ᐃᒫᒃ,
“ᐃᓄᖃᖏᑦᑐᒥ ᕾᒐᓛᖅᑐᖃᖅᐳᖅ,
‘ᐊᑕᓂᐅᑉ ᐊᖅᑯᑎᒃᓴᖓ ᐋᖅᑭᒃᓱᖅᓯᐅᒃ;
ᐊᖅᑯᑎᒋᓂᐊᖅᑕᖓ ᑐᑭᓕᐊᖅᓯᑎᓪᓗᒍ.’”
4 #
ᐊᑕᓃᑦ ᐂᑉᐸᖏᑦ 1:8. ᔪᐊᓇᓯ ᐊᓐᓄᕌᖃᓚᐅᖅᐳᖅ ᑳᒥᓕᐅᑉ#3:4 ᑳᒥᓕᒃ ᐅᕝᕙᓗ ᐱᑯᓕᒃ ᒥᖅᑯᖓᓂᒃ; ᑕᑦᓯᕈᑎᖃᕐᓗᓂ ᐊᒥᕕᓂᕐᖕᒥᒃ, ᓂᕿᖃᕐᓗᓂᓗ ᐱᒡᓕᖅᑕᓂᒃ ᐃᒍᑦᑍᓪᓗ ᓰᕐᖕᓇᐅᑎᖏᓐᓂᒃ. 5ᑕᕝᕙ ᔨᕉᓴᓕᒻᒥᐅᑦ, ᔫᑎᐊᒥᓗ ᓄᓇᖃᖅᑐᑦ ᓇᓂᑐᐃᓐᓇᖅ, ᑰᑉ ᔪᐊᕐᑕᓂᐅᑉ ᖃᓂᒋᔮᓂ ᓄᓇᖃᖅᑐᓕᒫᑦ ᑕᑯᔭᖅᑐᖅᐹᑦ, 6ᐊᔪᕐᖕᓂᕐᖕᒥᓂᒃ ᖃᕿᐊᓕᕐᖕᒪᑕ, ᑖᑦᓱᒪ ᐹᑉᑎᑉᐰᑦ ᑰᖕᒥ ᔪᐊᕐᑕᓂᒥ.
7 #
ᒫᑎᐅᓯ 12:34; 23:33. ᐹᕆᓯᓪᓕ ᓵᑦᔪᓰᓪᓗ ᐊᒥᓱᑦ ᑎᑭᑎᓂ ᐹᑉᑎᑦᓯᕕᖕᒥᓄᑦ ᑕᑯᒐᒥᒋᑦ, ᐅᖃᐅᑎᕔᑦ, “ᖁᒡᓗᒋᐊᖑᔮᖅᑐᓯ, ᑭᐊ ᕿᒫᖁᕚᓯ ᒎᑎᐅᑉ ᓂᓐᖓᖕᓂᖓᓂᑦ ᐱᔪᒫᖅᑐᒥᑦ? 8ᖃᕿᐊᓕᕐᖕᓂᓯ ᓇᓗᓁᓕᖅᓯᐅᒃ ᐱᓂᐊᕐᖕᓂᑦᓯᒍᑦ, 9#ᔪᐊᓇᓯ 8:33.ᐸᓯᔭᒃᓴᐅᖏᓐᓇᓱᒋᑦᑍᓕᒋᑦᓯ ᐃᓱᒪᓗᓯ, ‘ᐂᑉᕋᕼᐋᒻ ᑭᖑᕚᕆᕚᑎᒍᑦ’; ᐅᖃᐅᑎᕙᑦᓯᓕ, ᒎᑎ ᒪᑯᓂᖓ ᐅᔭᕋᖕᓂᒃ ᐂᑉᕋᕼᐋᒻᒧᑦ ᑭᖑᕚᕆᔭᐅᓕᖅᑎᑦᓯᔪᓐᓇᖅᐳᖅ! 10#ᒫᑎᐅᓯ 7:19.ᐅᓕᒪᐅᑦ ᐊᑐᐃᓐᓇᐅᓕᖅᐳᖅ ᓇᐹᖅᑐᑦ ᐊᒫᖏᑎᒍᑦ ᓇᑲᑎᕆᓂᐊᖅᑐᖅ; ᓇᐹᖅᑐᓕᒫᑦ ᐱᐅᔪᒥᒃ ᐱᕈᕐᕕᐅᖏᑦᑐᑦ ᓇᑲᑕᐅᓂᐊᖅᐳᑦ ᐃᒋᑕᐅᓗᑎᒃ ᐃᑯᒪᒧᑦ. 11ᐃᒪᕐᖕᒧᑦ ᐹᑉᑎᑉᐸᑦᓯ ᖃᕿᐊᓕᕐᖕᓂᑦᓯᓐᓄᑦ ᓇᓗᓁᒃᑯᑕᐅᖁᓪᓗᒍ, ᑭᖑᓂᒃᑯᓪᓕ ᕾᓂᐊᖅᑐᖅ ᐅᕙᓐᓂᑦ ᐊᔪᖏᓐᓂᖅᓴᕐᔪᐊᖑᕗᖅ, ᓇᓗᖅᑯᑎᕗᖓ, ᐊᒡᓛᑦ ᐃᑎᒐᒍᑎᖏᓐᓂᒃ ᑎᒍᒥᐊᕆᐊᒃᓴᖅ, ᑖᑦᓱᒪ ᐹᑉᑎᑦᓱᒫᖅᐹᓯ ᐊᓂᕐᖕᓂᕐᖕᒧᑦ ᐃᑦᔪᕐᖕᓁᑦᑐᒧᑦ ᐃᑯᒪᒧᓪᓗ. 12ᑖᑦᓱᒪ ᓂᐊᖂᔭᒃᓴᓂᒃ ᓴᓃᔧᑦᔪᑎᓂ ᑎᒍᒥᐊᖅᐹ, ᓂᐊᖂᔭᒃᓴᓂᒃ ᓯᖃᓕᑦᓯᕕᖕᒥᓂᑦ ᓂᐊᖂᔭᒃᓴᐅᖏᑦᑐᑦ ᐊᕕᑎᑦᓱᒪᓪᓗᒋᑦ ᓂᐊᖂᔭᒃᓴᓂᑦ, ᓂᐊᖂᔭᒃᓮᓪᓗ ᓯᕐᓗᐊᕐᖕᒥᓄᑦ ᑲᑎᑦᓱᒫᖅᐰᑦ, ᐃᕕᐅᓂᖏᑦ ᐃᑯᐊᓪᓚᒍᒫᖅᐰᑦ ᐃᑯᒪᒧᑦ ᖃᒥᓱᐃᑦᑐᒧᑦ.”
ᔩᓱᓯᐅᑉ ᐹᑉᑎᑕᐅᓂᖓ
ᒫᑯᓯ 1:9-11; ᓘᑲᓯ 3:21-22
13ᑍᑦᓱᒪᓂ ᔩᓱᓯ ᒐᓕᓕᐊᒥᑦ ᔪᐊᕐᑕᓂᒧᑦ ᑎᑭᑉᐳᖅ, ᔪᐊᓇᓯᒧᑦ ᐹᑉᑎᑕᐅᔪᒪᓪᓗᓂ. 14ᔪᐊᓇᓯᐅᓪᓕ ᓄᖅᑲᖅᑎᒐᓱᐊᕐᓗᒍ ᐅᖃᐅᑎᕚ, “ᐅᕙᖓ ᐹᑉᑎᑕᐅᔭᕆᐊᖃᕋᓗᐊᖅᐳᖓ ᐃᓕᖕᓄᑦ, ᐃᕝᕕᓪᓕ ᐅᕙᓐᓄᑦ ᕾᖔᖅᐳᑎᑦ!”
15ᔩᓱᓯᐅᑉ ᑭᐅᕚ, “ᒫᓐᓇ ᑍᒤᓕᕐᓕ; ᑍᒤᓕᐅᖅᑎᓪᓗᑕ ᐱᕕᒃᓴᖅ ᓇᓪᓕᐅᑎᕗᖅ ᒎᑎᐅᑉ ᐊᑐᖅᑕᐅᖁᔭᖓᓂᒃ.” ᑕᕝᕙ ᔪᐊᓇᓯᐅᑉ ᐊᖏᖅᐹ.
16ᔩᓱᓯ ᐹᑉᑎᑕᐅᔭᕇᕋᒥ ᐃᒫᓂᑦ ᖃᑭᕗᖅ, ᖃᑭᖕᒪᓪᓗ ᑕᑉᕔᓐᓇᖅ ᑕᑯᒋᑦ ᕿᓚᒃ ᐊᖕᒪᖅᐳᖅ, ᒎᑎᐅᑉ ᐊᓂᕐᖕᓂᖓ ᐊᖅᑲᖅᑐᑦ ᑕᑯᕚ ᑎᖕᒥᐊᑎᑐᑦ ᑑᕕᑐᑦ, ᔩᓱᓯᒦᓕᕐᓗᓂ. 17#ᒨᓯᓯ ᓯᕗᓪᓖᑦ 22:2; ᐃᓐᖏᕈᑦ 2:7; ᐂᓮᐊᓯ 42:1; ᒫᑎᐅᓯ 12:18; 17:5; ᒫᑯᓯ 1:11; ᓘᑲᓯ 9:35.ᓂᐱᒥᒃ ᕿᓚᖕᒥᑦ ᓂᓪᓕᖅᑐᖃᖅᐳᖅ ᐅᖃᖅᑐᒥᒃ, “ᐅᓇ ᑕᕝᕙ ᐃᕐᖕᓂᕋ ᓇᒡᓕᒋᔭᕋ, ᖁᕕᐊᒋᑦᓯᐊᖅᑕᕋ.”
Currently Selected:
ᒫᑎᐅᓯᐅᑉ ᐊᒡᓚᖏᑦ 3: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.