ᒫᑎᐅᓯᐅᑉ ᐊᒡᓚᖏᑦ 2
2
ᐅᓪᓗᕆᐊᓂᒃ ᐃᓕᓯᒪᔪᑦ ᑕᑯᔭᖅᑐᕐᖕᓂᖓᑦ ᔩᓱᓯᒥᒃ
1ᔩᓱᓯ ᐃᕐᖕᓂᐊᖑᖕᒪᑦ ᐱᑦᓕᐊᒥ ᔫᑎᐊᒦᑦᑐᒥ, ᐃᕉᑕᓯ ᐊᖓᔪᖅᑳᕐᔪᐊᖑᑎᓪᓗᒍ, ᑕᑯᒋᑦ, ᐊᖑᑏᑦ ᐅᓪᓗᕆᐊᓂᒃ ᐃᓕᓯᒪᔪᑦ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᑦ, ᔨᕉᓴᓕᒻᒧᑦ ᑎᑭᑉᐳᑦ. 2ᐊᐱᕆᓪᓗᑎᒡᓗ, “ᔫᑎᑦ ᐊᖓᔪᖅᑳᕐᔪᐊᒃᓴᖓᑦ ᐃᕐᖕᓂᐊᖑᓯᒪᔪᖅ ᓇᓃᑉᐹ? ᑖᑦᓱᒪ ᐅᓪᓗᕆᐊᖓ ᓴᖅᑭᓚᐅᕐᖕᒪᑦ ᓯᕿᓂᐅᑉ ᓄᐃᕕᐊᑕ ᓇᓛᓂᑦ, ᑎᑭᑉᐳᒍᑦ ᐅᐱᒋᔭᖅᑐᕐᓗᒍ.”
3ᐃᕉᑕᓯ ᑕᒪᑐᒥᖓ ᑐᓴᕋᒥ, ᖁᐊᖅᓵᖅᐳᖅ, ᔨᕉᓴᓕᒻᒥᐅᓪᓗ ᑕᒪᕐᖕᒥᒃ; 4ᐃᕉᑕᓯᐅᓪᓕ ᑐᓂᕐᕈᓯᖅᑎᑦᓯᔩᑦ ᐊᖓᔪᖅᑳᓕᒫᖏᑦ ᐱᖁᔭᓂᒡᓗ ᐃᓕᓮᔩᑦ ᕾᖁᓪᓗᒋᑦ ᐊᐱᖅᓱᖅᐰᑦ, “ᓇᓂ ᙭ᔅᑑᓯ ᐃᕐᖕᓂᐊᖑᓂᐊᕐᖕᓂᕋᖅᑕᐅᓯᒪᕙ?”
5ᑖᒃᑯᐊ ᑭᐅᕚᑦ, “ᐱᑦᓕᐊᒥ ᔫᑎᐊᒦᑦᑐᒥ; ᐃᒫᒃ ᓇᓚᐅᑍᔪᖅ ᑎᑎᕋᖅᓯᒪᖕᒪᑦ:
6 #
ᒤᑲ 5:2. ‘ᐃᕝᕕᑦ ᐱᑦᓕᐊᒻ, ᓄᓇᒥ ᔫᑕᒦᑦᑐᑎᑦ,
ᒥᑭᓐᓂᖅᐸᐅᓐᖏᓚᑎᑦ ᐃᒡᓗᒐᓴᒡᔪᐊᓂᑦ ᐊᖏᓂᖅᐸᐅᔪᓂᑦ ᔫᑕᒥ;
ᐃᓕᖕᓂᑦ ᐊᐅᓚᑦᓯᔨᒃᓴᖅ ᐱᔪᒫᕐᖕᒪᑦ
ᑖᑦᓱᒪ ᐃᓄᖁᑎᒃᑲ ᐃᓴᕆᐊᓕᒥᐅᑦ ᑕᓯᐅᕈᒫᕐᖕᒪᒋᑦ.’”
7ᑕᕝᕙ ᐃᕉᑕᓯᐅᑉ ᐅᓪᓗᕆᐊᓂᒃ ᐃᓕᓯᒪᔪᑦ ᐃᔨᕋᖅᑐᕐᓗᓂ ᑲᑎᒪᖃᑎᒋᓪᓗᒋᑦ, ᑐᑭᓯᕕᒋᕔᑦ ᖃᖓᓪᓚᕆᒃ ᐅᓪᓗᕆᐊᖅ ᓴᖅᑭᓚᐅᕐᖕᒪᖔᑦ. 8ᑭᖑᓂᖓᒍᑦ ᐱᑦᓕᐊᒧᑦ ᑎᓕᕔᑦ, ᐅᖃᐅᑎᓪᓗᒋᑦ, “ᓄᑕᕋᖅ ᓇᓃᒻᒪᖔᑦ ᕿᓂᑦᓯᐊᖅᓯᐅᒃ, ᓇᓂᒍᑦᓯᐅᒡᓗ, ᖃᐅᔨᑎᓐᓂᐊᖅᐸᑦᓯᓐᖓ, ᐅᕙᖓᑦᑕᐅᖅ ᐅᐱᒋᔭᖅᑐᕈᒪᒐᒃᑯ.”
9ᐊᖓᔪᖅᑳᕐᔪᐊᖅ ᑍᒫᒃ ᐅᖃᕇᕐᖕᒪᑦ, ᑖᒃᑯᐊ ᑕᕝᕙᓐᖓᑦ ᐊᐅᓪᓚᖅᐳᑦ, ᐃᖏᕐᕋᓕᖅᑎᓪᓗᒋᑦ ᐅᓪᓗᕆᐊᖅ ᑕᑯᓚᐅᖅᑕᑎᒃ ᑕᑯᒋᕚᑦ. 10ᑕᑯᒐᒥᑦᔪᒃ ᖁᕕᐊᓱᒻᒪᕆᒃᐳᑦ, ᐅᓪᓗᕆᐊᖅ ᓯᕗᓕᕆᕚᑦ, ᓄᑕᕋᑯᓘᑉ ᓇᔪᖅᑕᖓᑕ ᖁᓛᓄᐊᕋᒥ ᓄᖅᑲᖅᐳᖅ. 11ᐃᒡᓗᒧᑦ ᐃᑎᕋᒥᒃ, ᓄᑕᕋᑯᓗᒃ ᐊᓈᓇᖓᓗ ᒥᐊᕆ ᑕᑯᒐᒥᑦᔪᒃ, ᓵᖓᓄᑦ ᓰᖅᑯᕐᓗᑎᒃ ᑐᒃᓯᐊᕐᕕᒋᕚᑦ. ᑐᓂᕐᕈᑎᒥᖕᓂᒃ ᓴᖅᑭᑎᑦᓯᓪᓗᑎᒃ ᑐᓂᓯᕕᒋᕚᑦ, ᒎᓗᒥᒃ, ᑎᐱᑦᓯᐊᕆᒃᓴᐅᒥᒡᓗ ᕗᕋᖕᑭᓐᓯᓐᓯᒥᒃ, ᑎᐱᑦᓯᐊᕆᒃᓴᐅᒻᒥᒡᓗ ᒧᕐᒥᒃ.
12ᑭᖑᓂᖓᒍᑦ ᓄᓇᒥᖕᓄᑦ ᐅᑎᖅᐳᑦ ᐊᖅᑯᑎᒋᓚᐅᖅᑕᒥ ᐊᓯᐊᒍᑦ, ᒎᑎᐅᑉ ᓯᓐᓇᒃᑑᒪᒃᑯᑦ ᐃᓂᖅᑎᓚᐅᕐᖕᒪᒋᑦ ᐃᕉᑕᓯᒧᑦ ᐅᑎᖁᓇᒋᑦ.
ᔩᓱᓯᐅᑉ ᕿᒪᐅᑦᔭᐅᓂᖓ ᐄᑦᔨᑉᑎᒧᑦ
13ᐊᐅᓪᓚᕐᖕᒪᑕ, ᑕᑯᒋᑦ, ᐊᑕᓂᐅᑉ ᐂᖏᓕᖓᑕ ᔫᓯᐱ ᓴᖅᑭᕝᕕᒋᕚ ᓯᓐᓇᒃᑑᒪᒃᑯᑦ, ᐅᖃᕐᓗᓂ, “ᐃᕉᑕᓯ ᓄᑕᕋᑯᓗᖕᒥᒃ ᕿᓂᕐᖕᓂᐊᓕᕐᖕᒪᑦ ᑐᖁᑦᓯᔪᒪᓗᓂ. ᑍᒤᒻᒪᑦ ᒪᑭᓕᕆᑦ, ᓄᑕᕋᑯᓗᒃ ᐊᓈᓇᖓᓗ ᓇᒃᓴᕐᓗᒋᒃ ᕿᒫᓕᕆᑦ ᐄᑦᔨᑉᑎᒧᑦ, ᑍᑲᓃᓐᓂᐊᖅᐳᑎᑦ ᐅᕙᓐᓄᑦ ᓅᖁᔭᐅᓕᓚᐅᖏᓐᓂᕐᖕᓂ.”
14ᔫᓯᐱ ᒪᑭᓐᓇᒥ, ᓄᑕᕋᑯᓗᒃ ᐊᓈᓇᖓᓗ ᓇᒃᓴᕐᓗᒋᒃ, ᐅᓐᓄᐊᖑᑎᓪᓗᒍ ᐊᐅᓪᓚᖅᐳᑦ, ᐄᑦᔨᑉᑎᒧᑦ ᕿᒫᓪᓗᑎᒃ, 15#ᕼᐆᓯᐊ 11:1.ᑕᕝᕙᓃᓚᐅᖅᐳᑦ ᐃᕉᑕᓯ ᑐᖁᓚᐅᖏᓐᓂᖓᓂ; ᑕᒪᓐᓇ ᐱᓂᐊᕐᖕᓂᐅᓚᐅᖅᐳᖅ ᐊᑕᓂᐅᑉ ᐅᖃᐅᓯᕆᓯᒪᔭᖏᑦ ᓇᓚᐅᑦᑍᔪᖁᑦ ᓇᓚᐅᑦᓯᖁᓪᓗᒋᑦ, ᐃᒤᓕᔪᑦ: “ᐃᕐᖕᓂᕋ ᑬᖁᓚᐅᖅᐸᕋ ᐄᑦᔨᑉᑎᒥᑦ.”
ᓄᑕᕅᑦ ᑐᖁᕋᖅᑕᐅᓂᖏᑦ
16ᐃᕉᑕᓯ ᖃᐅᔨᓕᕋᒥ ᐅᓪᓗᕆᐊᓂᒃ ᐃᓕᓯᒪᔪᓄᑦ ᓴᒡᓗᕿᑕᐅᓂᕐᖕᒥᓂᒃ, ᓂᓐᖓᕕᒃᔪᐊᖅᐳᖅ, ᐱᖁᔨᓕᖅᐳᖅ ᓄᑕᕅᑦ ᓄᑲᑉᐱᐊᖑᒃᐸᑕ ᐱᑦᓕᐊᒦᑦᑐᑦ ᖃᓂᒋᔮᓃᑦᑐᓪᓗ ᑕᒪᕐᖕᒥᒃ ᑐᖁᕋᖅᑕᐅᖁᓪᓗᒋᑦ, ᒪᕐᕉᖕᓂᒃ ᐊᕐᕌᒍᓖᑦ ᓄᑲᖅᖠᓪᓗ, ᑍᒤᓕᐅᓚᐅᖅᐳᖅ ᑖᒃᑯᐊ ᐅᓪᓗᕆᐊᖓᓂᒃ ᑕᑯᓚᐅᖅᑐᑦ ᑐᑭᓯᕕᒋᑦᓯᐊᓚᐅᕋᒥᒋᑦ ᖃᖓᐅᑎᓪᓗᒍ ᓴᖅᑭᓚᐅᕐᖕᒪᖔᑦ.
17ᑍᒤᓕᐅᖅᑎᓪᓗᒋᑦ ᓇᓚᐅᑦᑍᔫᑉ ᔨᕆᒤᐊᐅᑉ ᐅᖃᐅᓯᖏᑦ ᓇᓚᐅᑦᓯᓚᐅᖅᐳᑦ ᐃᒤᓕᔪᑦ:
18 #
ᔨᕆᒤᐊ 31:15. “ᕌᒪᒥ ᓂᐱ ᑐᓴᖅᓴᐅᕗᖅ,
ᕿᐊᓂᖅ ᐅᒡᒍᐊᕕᒃᔪᐊᕐᖕᓂᕐᓗ,
ᕅᒋᓕᐅᑉ ᕿᑐᕐᖓᓂ ᕿᐊᑦᔪᑎᒋᕔᑦ;
ᓮᒻᒪᖅᓴᖅᑕᐅᔪᒪᓐᖏᓚᖅ ᕿᑐᕐᖓᖏᑦ ᓄᖑᑕᐅᖕᒪᑕ.”
ᔫᓯᐱᒃᑯᑦ ᓈᓴᕇᑎᒧᑦ ᐅᑎᕐᖕᓂᖓᑦ ᐄᑦᔨᑉᑎᒥᑦ
19ᐃᕉᑕᓯ ᑐᖁᖕᒪᑦ, ᑕᑯᒋᑦ, ᐊᑕᓂᐅᑉ ᐂᖏᓕᖓᑕ ᔫᓯᐱ ᓴᖅᑭᕝᕕᒋᕚ ᓯᓐᓇᒃᑑᒪᒃᑯᑦ ᐄᑦᔨᑉᑎᒦᑎᓪᓗᒍ ᓱᓕ, ᐅᖃᐅᑎᓪᓗᒍ, 20“ᒪᑭᓪᓗᑎᑦ, ᓄᑕᕋᑯᓗᒃ ᐊᓈᓇᖓᓗ ᓇᒃᓴᕐᓗᒋᒃ, ᐅᑎᓕᕆᑦᓯ ᐃᓴᕆᐊᓕᐅᑉ ᓄᓇᖓᓄᑦ, ᓄᑕᕋᑯᓗᖕᒥᒃ ᑐᖁᑦᓯᓇᓱᓚᐅᖅᑐᑦ ᑐᖁᖕᒪᑕ.” 21ᔫᓯᐱ ᒪᑭᓐᓇᒥ, ᓄᑕᕋᑯᓗᒃ ᐊᓈᓇᖓᓗ ᓇᒃᓴᕐᓗᒋᒃ, ᐃᓴᕆᐊᓕᐅᑉ ᓄᓇᖓᓄᑦ ᐅᑎᖅᐳᑦ.
22ᔫᓯᐱ ᑐᓴᕋᒥ ᐋᑭᓚᐅᓯᐅᑉ ᐊᖓᔪᖅᑳᕐᔪᐊᖑᓕᕐᖕᓂᖓᓂᒃ ᔫᑎᐊᒥ, ᐊᑖᑕᒥᓂᒃ ᐃᕉᑕᓯᒥᒃ ᐃᓇᖐᓪᓗᓂ, ᑕᕝᕗᓐᖓᕆᐊᒃᓴᖅ ᓯᕘᕋᓕᖅᐳᖅ, ᓯᓐᓇᒃᑑᒪᒃᑯᓪᓕ ᒎᑎᐅᑉ ᐅᖃᐅᑎᖕᒥᖕᒪᒍ, ᓄᓇᒧᑦ ᒐᓕᓕᐊᒧᑦ ᓴᖑᕗᖅ, 23#ᒫᑯᓯ 1:24; ᓘᑲᓯ 2:39; ᔪᐊᓇᓯ 1:45.ᐃᒡᓗᒐᓴᖕᓄᑦ ᓈᓴᕇᑎᒥᒃ ᐊᑎᓕᖕᓄᑦ ᑎᑭᓐᓇᒥ, ᑕᕝᕙᓂ ᓄᓇᖃᓕᖅᐳᖅ, ᓇᓚᐅᑦᑍᔫᑦ ᐅᖃᐅᓯᕆᓯᒪᔭᖏᑦ ᓇᓚᐅᑦᓯᓕᖅᐳᑦ ᐃᒤᓕᔪᑦ: “ᓈᓴᕇᑎᒥᐅᑕᕐᖕᒥᒃ ᑍᔭᐅᔪᒫᖅᐳᖅ.”
Currently Selected:
ᒫᑎᐅᓯᐅᑉ ᐊᒡᓚᖏᑦ 2: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.