ᒫᑎᐅᓯᐅᑉ ᐊᒡᓚᖏᑦ 17
17
ᔩᓱᓯᐅᑉ ᑕᑯᒃᓴᑯᑦ ᐊᓯᓐᖑᕐᑎᑕᐅᓂᖓ
1ᐅᓪᓗᐃᑦ ᐱᖓᓲᔪᕐᑐᑦ ᑭᖑᓂᖓᒍᑦ ᔩᓱᓯᐅᑉ ᐲᑦᑐᕉᓯ ᔧᒥᓯᑯᒃᓗ ᔪᐊᓇᓯᑯᒃ ᓄᑲᕇᒃ, ᐃᓚᒋᓪᓗᒋᑦ ᖃᖅᑲᒧᑦ ᐳᕐᑐᔪᒧᑦ ᒪᔪᐊᕈᑎᕔᑦ, ᐃᓚᑐᐊᕆᓪᓗᒋᑦ. 2ᐃᓕᓐᓂᐊᕐᑎᑦ ᑕᑯᓐᓈᕐᑎᓪᓗᒋᑦ ᔩᓱᓯᐅᑉ ᑕᑯᒃᓴᐅᓂᖓ ᐊᓯᖑᕐᑎᑕᐅᕗᖅ, ᑮᓇᖓ ᖃᐅᒻᒪᒃᐳᖅ ᓯᕿᓂᐅᑉ ᖃᐅᒪᓂᖓᑐᑦ, ᐊᓐᓄᕌᖏᓪᓗ ᖃᐅᒪᔪᕐᔪᐊᖑᓕᕐᓗᑎᒃ. 3ᑕᑯᒋᑦ, ᑖᒃᑯᓄᖓ ᓴᖅᑭᑦᑐᖃᕐᐳᖅ ᒨᓯᓯᒥᒃ ᐃᓔᑦᔭᒥᒡᓗ ᔩᓱᓯᒥᒃ ᐅᖃᖃᑎᖃᕐᑑᖕᓂᒃ. 4ᐲᑦᑐᕉᓯ ᐅᖃᕐᐳᖅ ᔩᓱᓯᒧᑦ, “ᐊᑕᓃᖅ, ᑕᕝᕙᓂ ᖁᕕᐊᓇᓗᐊᓕᕐᒪᑦ; ᐱᔪᒪᒍᕕᑦ, ᑕᕝᕙᓂ ᓯᓂᒃᑕᕐᕕᓕᐅᕈᒪᕗᖓ ᐱᖓᓱᓂᒃ, ᐃᓕᖕᓄᑦ, ᒨᓯᓯᒧᓪᓗ, ᐃᓔᑦᔭᒧᓪᓗ.”
5 #
ᒨᓯᓯ ᓯᕗᓪᓖᑦ 22:2; ᐃᓐᖏᕈᑦ 2:7; ᐂᓮᐊᓯ 42:1; ᒫᑎᐅᓯ 3:17; 12:18; ᒫᑯᓯ 1:11; ᓘᑲᓯ 3:22;
ᒨᓯᓯ ᑕᓪᓕᒪᖏᑦ 18:15. #
2 ᐲᑦᑐᕉᓯ 1:17,18. ᐅᖃᓪᓚᒃᑎᓪᓗᒍ ᓱᓕ, ᑕᑯᒋᑦ, ᓄᕗᔭᒧᑦ ᖃᐅᒪᔪᒧᑦ ᑎᑭᑕᐅᕗᑦ, ᓂᐱ ᓄᕗᔭᒥᑦ ᐅᖃᕐᐳᖅ, “ᑖᓐᓇ ᑕᕝᕙ ᐃᕐᓂᕋ ᓇᒡᓕᒋᔭᕋ, ᖁᕕᐊᒋᑦᓯᐊᕐᑕᕋ; ᑖᓐᓇ ᓈᓚᒃᓯᐅᒃ!”
6ᐃᓕᓐᓂᐊᕐᑎᑦ ᑕᒪᑐᒥᖓ ᑐᓴᕋᒥᒃ, ᓄᓇᒧᑦ ᐳᓐᖓᓕᕐᐳᑦ, ᑲᑉᐱᐊᓱᓗᐊᕐᓂᕐᒧᑦ. 7ᔩᓱᓯᐅᓪᓕ ᐅᐸᒃᓗᒋᑦ ᐊᒃᑐᕐᐰᑦ, ᐅᖃᕐᓗᓂ, “ᒪᑭᒋᑦᓯ, ᑲᑉᐱᐊᓱᖏᓪᓗᓯ.” 8ᐃᓕᓐᓂᐊᕐᑎᓪᓕ ᑕᑯᓴᕋᒥᒃ, ᐃᓄᖕᒥᒃ ᑕᑯᓐᖏᓚᑦ ᔩᓱᓯᐅᑉ ᐊᓯᐊᓂᒃ.
9ᖃᖅᑲᒥᑦ ᐊᖅᑲᓕᕐᓗᑎᒃ, ᔩᓱᓯᐅᑉ ᐃᓂᕐᑎᕐᐰᑦ, ᐅᖃᕐᓗᓂ, “ᑕᒪᑐᒥᖓ ᑕᑯᑎᑕᐅᓂᑦᓯᓐᓂᒃ ᑭᓇᑐᐃᓐᓇᕐᒧᑦ ᐅᖃᕐᑍᓕᒋᑦᓯ; ᐃᓅᑉ ᐃᕐᓂᖓ ᒪᑭᓚᐅᖅᑳᕐᑎᓐᓇᒍ ᑐᖁᖓᔪᓂᑦ.”
10 #
ᒪᓚᑬ 4:5. ᐃᓕᓐᓂᐊᕐᑎᑦ ᐊᐱᕆᕚᑦ, “ᓱᖕᒪᓂᒃᑯᐊ ᐱᖁᔭᓂᒃ ᐃᓕᓮᔩᑦ ᐅᖃᖃᑦᑕᕐᐸᑦ ᐃᓔᑦᔭ ᓯᕗᓪᓕᐅᓗᓂ ᑎᑭᑦᑕᕆᐊᖃᕐᓂᕋᕐᓗᒎ?”
11ᔩᓱᓯᐅᑉ ᑭᐅᕔᑦ, “ᐃᓛᒃ ᐃᓔᑦᔭ ᓯᕗᓪᓕᐅᓪᓗᓂ ᑎᑭᓯᒪᕗᖅ, ᑖᑦᓱᒪ ᑕᒪᕐᒥᒃ ᐅᐸᓗᖕᒊᔭᕐᓂᐊᕐᐰᑦ, 12#ᒫᑎᐅᓯ 11:14.ᐅᖃᐅᑎᕙᑦᓯᓕ, ᐃᓔᑦᔭ ᑎᑭᑦᑕᕇᕐᓯᒪᕗᖅ, ᐃᓄᐃᓪᓗ ᐃᓕᑕᕆᓐᖏᓛᑦ, ᐱᓂᐊᕐᕕᒋᓚᐅᕐᐹᓪᓗ ᐃᓱᒪᕐᓲᑎᒋᓪᓗᒍ. ᑍᒫᒃᑕᐅᖅ ᐃᓅᑉ ᐃᕐᓂᖓ ᑖᒃᑯᓇᓐᖓᑦ ᐋᓐᓂᐊᑎᑕᐅᔪᒫᕆᕗᖅ.”
13ᑕᕝᕙ ᐃᓕᓐᓂᐊᕐᑎᑦ ᑐᑭᓯᕗᑦ ᔪᐊᓇᓯ ᐹᑉᑎᑎᕆᔨᒥᒃ ᐅᖃᐅᓯᖃᕐᓂᖓᓂᒃ.
ᔩᓱᓯᐅᑉ ᓄᑲᑉᐱᐊᒥᒃ ᐊᓂᕐᓂᕐᓗᖕᒧᑦ ᐃᑎᕐᑕᐅᓯᒪᔪᒥᒃ ᐋᖅᑭᒃᓯᓂᖓ
ᒫᑯᓯ 9:14-29; ᓘᑲᓯ 9:37-43a
14ᐃᓄᒐᓴᒡᔪᐊᓄᑦ ᐅᑎᕐᒪᑕ, ᐊᖑᑦ ᔩᓱᓯᒧᐊᕐᐳᖅ, ᓵᖓᓄᓪᓗ ᓰᖅᑯᕐᓗᓂ, 15ᐅᖃᕐᐳᖅ, “ᐊᑕᓃᖅ, ᐃᕐᓂᕋ ᓂᑲᒋᓚᐅᕈᒃ, ᖀᕐᓱᖃᑦᑕᕐᒪᑦ, ᖀᕐᓱᓕᕌᖓᒥ ᐅᕐᕈᖃᑦᑕᕐᒪᑦ ᐃᑯᒪᒧᑦ ᐃᒪᕐᒧᓪᓘᓐᓃᑦ. 16ᐃᓕᓐᓂᐊᕐᑎᖕᓄᓪᓕ ᐋᖅᑲᐅᒐᓗᐊᕐᐸᕋ, ᑖᒃᑯᐊᓕ ᐋᖅᑭᒍᓐᓇᓐᖏᓛᑦ.”
17ᔩᓱᓯᐅᑉ ᑭᐅᕚ, “ᐅᒃᐱᕐᓂᖃᖏᑦᑐᓯ ᑕᒻᒪᕐᓯᒪᔪᐊᓘᔪᓯᓗ, ᖃᓄᖅ ᐊᑯᓂᐅᑎᒋᔪᖅ ᓇᔪᕆᐊᖃᕐᐸᑦᓰ? ᖃᓄᕐᓗ ᐊᑯᓂᐅᑎᒋᔪᖅ ᕿᓄᐃᓵᕐᕕᒋᔭᕆᐊᖃᕐᐸᑦᓰ? ᓄᑲᑉᐱᐊᖅ ᐅᕙᓐᓄᑦ ᒪᐅᖓ ᕾᑎᓚᐅᕈᒃ.” 18ᔩᓱᓯᐅᑉ ᐊᓂᕐᓂᕐᓗᒃ ᐃᓂᕐᑎᕐᓗᒍ ᑕᕝᕙᓐᖓᑦ ᐊᓂᖁᕚ, ᐊᓂᕐᓂᕐᓗᒃ ᓄᑲᑉᐱᐊᒥᑦ ᐊᓂᕗᖅ, ᑕᕝᕙᑦᓮᓐᓇᖅ ᓄᑲᑉᐱᐊᖅ ᐋᖅᑭᒃᐳᖅ.
19ᑕᕝᕙ ᐃᓕᓐᓂᐊᕐᑎᑦ ᔩᓱᓯᒧᐊᕐᐳᑦ ᐃᓄᑑᓕᕐᒪᑦ ᐊᐱᕆᕚᑦ, “ᓱᖕᒪᓪᓕ ᐊᓂᕐᓂᕐᓗᒃ ᐊᓂᑎᑦᓱᓐᓇᓐᖏᓚᕘᑦ?”
20 #
ᒫᑎᐅᓯ 21:21; ᒫᑯᓯ 11:23; 1 ᑯᕆᓐᑎ 13:2. ᔩᓱᓯᐅᑉ ᑭᐅᕔᑦ, “ᐅᒃᐱᕐᓂᑭᓗᐊᕋᑦᓯ, ᓱᓕᔪᒥᒃ ᐅᖃᐅᑎᕙᑦᓯ, ᐅᒃᐱᕐᓂᖃᕈᑦᓯ ᐱᕈᕐᓯᐊᒃᓴᐅᑉ ᑲᓐᖓᕐᓲᑎᒃᓴᕐᑕᖓᑐᑦ ᒥᑭᔪᑯᓗᒃᑎᑐᑦ ᒪᔅᑕᕐᑦᑐᑦ, ᐆᒧᖓ ᖃᖅᑲᒧᑦ ᐅᖃᕈᓐᓇᕐᐳᓯ, ‘ᐅᕙᓐᖓᑦ ᓅᑦᒋᑦ ᐊᕗᖓ,’ ᑕᕝᕙᓐᖓᓪᓗ ᓅᓐᓂᐊᕐᐳᖅ; ᓱᓇᓕᒫᓂᒃ ᐊᔪᕐᑕᖃᕐᓂᐊᓐᖏᓚᓯ.” [ 21ᑕᒪᒃᑯᐊᓕ ᐊᓂᕐᓂᕐᓗᐃᑦ ᑐᒃᓯᐊᕐᓂᕐᒧᑦ ᓂᕆᑦᑍᓕᓂᕐᒧᓪᓗ ᑭᓯᐊᓂ ᐊᓂᑎᑕᐅᔪᓐᓇᕐᐳᑦ; ᐊᓯᐊᒍᓪᓕ ᐊᓂᑎᑕᐅᔪᓐᓇᓐᖏᓚᑦ.]#17:21 ᐃᑦᔪᔪᑐᖃᐃᑦ ᐃᓚᖏᓐᓂ ᐱᑕᖃᖏᓪᓗᓂ ᐃᓚᖏᓐᓂ ᐃᓕᔭᐅᓯᒪᓪᓗᓂ. ᑕᑯᓗᒍ ᒫᑯᓯ 9:29
ᔩᓱᓯᐅᑉ ᐅᖃᐅᓯᖃᒃᑲᓐᓂᕐᓂᖓ ᑐᖁᑕᐅᓂᒃᓴᒥᓂᒃ
ᒫᑯᓯ 9:30-32; ᓘᑲᓯ 9:43b-45
22ᐃᓕᓐᓂᐊᕐᑎᑦ ᑲᑎᓐᖓᓕᕐᒪᑕ ᒐᓕᓕᐊᒥ, ᔩᓱᓯᐅᑉ ᐅᖃᐅᑎᕔᑦ, “ᐃᓅᑉ ᐃᕐᓂᖓ ᐃᓄᖕᓄᑦ ᐱᔭᐅᒃᑲᕐᑕᐅᔭᕆᐊᖃᕐᐳᖅ. 23ᑖᒃᑯᓇᓐᖓᓪᓗ ᑐᖁᑕᐅᔪᒫᕐᐳᖅ; ᐅᓪᓗᐃᓪᓕ ᐱᖓᔪᐊᓐᓂ ᒪᑭᑦᓱᒫᕆᕗᖅ.”
ᐃᓕᓐᓂᐊᕐᑎᓪᓗ ᕿᒃᓵᒻᒪᕆᓕᕐᐳᑦ.
ᑐᒃᓯᐊᕐᕕᒃᔪᐊᕐᒥ ᐊᑭᓕᐅᑦᔨᓂᖅ ᑖᒃᓯᑎᒍᑦ
24 #
ᒨᓯᓯ ᐂᑉᐸᖏᑦ 30:13; 38:26. ᔩᓱᓯ ᐃᓕᓐᓂᐊᕐᑎᖏᓪᓗ ᑲᐲᕐᓂᐊᒧᑦ ᑎᑭᒻᒪᑕ, ᑐᒃᓯᐊᕐᕕᒃᔪᐊᕐᒥ ᑖᒃᓯᑎᒍᑦ ᐊᑭᓕᕐᓱᐃᑎᑦᓯᔨ, ᐲᑦᑐᕉᓯᒧᐊᕐᐳᖅ ᐊᐱᕆᓪᓗᒍ, “ᐅᓇ ᐃᓕᓮᔨᓯ ᑐᒃᓯᐊᕐᕕᒃᔪᐊᑉ ᑖᒃᓯᖏᓐᓂᒃ ᐊᑭᓖᕙᓐᖏᑦᑑᖅ?”
25ᐲᑦᑐᕉᓯᐅᑉ ᑭᐅᕚ, “ᐊᑭᓖᓲᖑᖕᒥᔪᖅ.” ᐲᑦᑐᕉᓯ ᐃᒡᓗᒧᑦ ᐃᑎᕐᒪᑦ, ᔩᓱᓯᐅᑉ ᓂᓪᓕᕆᐊᖅᑳᓪᓗᓂ ᐅᖃᐅᑎᕚ, “ᓮᒨᓃ, ᖃᓄᕐᓕ ᐃᓱᒪᖃᕐᐲᑦ? ᓇᓪᓕᐊᑦ ᐊᑭᓖᔭᕆᐊᖃᕐᐹ ᐊᑐᕈᑎᒥᖕᓂᒃ ᑖᒃᓯᓂᒡᓘᓐᓃᑦ ᓄᓇᕐᔪᐊᕐᒥ ᐊᖓᔪᖅᑳᕐᔪᐊᖑᔪᓅᑦ? ᑖᒃᑯᐊᓘᓐᓃᑦ ᑕᒫᓂ ᓄᓇᑐᖃᓖᑦ ᐊᖓᔪᖅᑲᐅᕕᒋᔭᖏᑦ, ᐅᕝᕙᓘᓐᓃᑦ ᓂᐅᕐᕈᓯᒪᔪᑦ?”
26ᐲᑦᑐᕉᓯᐅᑉ ᑭᐅᕚ, “ᑖᒃᑯᐊ ᓂᐅᕐᕈᓯᒪᔪᑦ.”
ᔩᓱᓯᐅᑉ ᑭᐅᕚ, “ᑍᒤᒻᒪᑦ, ᓄᓇᑐᖃᓖᑦ ᐊᑭᓖᔭᕆᐊᖃᓐᖏᓚᑦ, 27ᑖᒃᑯᐊᓕ ᐊᒡᕕᐊᕈᑎᒃᓴᓕᐅᕐᓂᐊᖏᓐᓇᑦᑎᒍ; ᑍᒤᒻᒪᑦ, ᑕᓯᕐᒧᑦ ᐃᖃᓪᓕᐊᓚᐅᕆᑦ; ᓯᕗᓪᓕᕐᐹᕐᓗ ᐃᖃᓗᒃᑍᑦ, ᖃᓂᖓ ᐂᑦᑕᕐᑎᓐᓂᐊᕐᐸᑦ, ᖃᓂᖓᓂᓪᓗ ᑮᓇᐅᔭᓂᒃ ᓇᓂᓯᓂᐊᕐᐳᑎᑦ ᐊᑭᓕᐅᑎᓪᓗᐊᕐᑕᑦᑎᓐᓂᒃ ᑐᒃᓯᐊᕐᕕᒡᔪᐊᕐᒧᑦ; ᑖᒃᑯᐊ ᑮᓇᐅᔭᑦ ᐱᓗᒋᑦ ᐊᑭᓕᐅᑎᒋᓂᐊᕐᐸᑎᑦ ᐊᑭᓕᐅᑎᒋᔭᕆᐊᖃᕐᑕᑦᑎᓐᓄᑦ ᑖᒃᓯᓄᑦ.”
Currently Selected:
ᒫᑎᐅᓯᐅᑉ ᐊᒡᓚᖏᑦ 17: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
