ᒫᑎᐅᓯᐅᑉ ᐊᒡᓚᖏᑦ 16
16
ᑲᒪᓇᕐᑐᓕᖁᔨᓪᓗᑎᒃ ᐊᔪᐃᓐᓇᕐᑐᑦ
ᒫᑯᓯ 8:11-13; ᓘᑲᓯ 12:54-56
1 #
ᒫᑎᐅᓯ 12:38; ᓘᑲᓯ 11:16. ᐹᕆᓯᑦ ᐃᓚᖏᑦ ᓵᑦᔪᓰᓪᓗ ᔩᓱᓯᒧᐊᕐᐳᑦ ᐆᒃᑐᕈᒪᓪᓗᒍ; ᑍᒤᒻᒪᑦ ᑲᒪᓇᕐᑐᓕᖁᕚᑦ, ᑕᑯᑎᑕᐅᔪᒪᓪᓗᑎᒃ ᓇᓗᓁᒃᑯᑕᕐᒥᒃ ᕿᓚᖕᒥᑦ ᐱᔪᒥᒃ. 2ᔩᓱᓯᐅᑉ ᑭᐅᕔᑦ, “ᓯᕿᓂᖅ ᓂᐱᓕᕐᑎᓪᓗᒍ ᐅᖃᕐᐸᒃᐳᓯ, ‘ᓯᓚᑦᓯᐊᕙᐅᓛᓕᕆᕗᖅ; ᓄᕗᔧᑦ ᐊᐅᐸᕐᓯᖕᒪᑕ.’ 3ᐅᓪᓛᒻᒪᕆᒃᑯᓪᓗ ᐅᖃᕐᐸᒃᑭᕗᓯ, ‘ᐅᓪᓗᒥ ᓯᓚᓗᖕᓂᐊᕐᐳᖅ, ᓄᕗᔧᑦ ᐊᐅᐸᕐᑑᓪᓗᑎᒃ ᕿᕐᓂᕐᑕᐅᖕᒪᑕ.’ ᓯᓚᒥᒃ ᓇᓚᐅᑦᑍᔪᓐᓇᕐᑐᓯ ᑕᑯᓐᓈᕐᓗᓯ ᕿᓚᖕᒥᒃ, ᑐᑭᓯᔪᓐᓇᓐᖏᓚᓯᓕ ᓇᓗᓁᒃᑯᑕᕐᓂᒃ ᓇᓪᓕᐅᑎᓕᕐᑐᓂᒃ ᒫᓐᓇᐅᔪᒥᒃ! 4#ᒫᑎᐅᓯ 12:39; ᓘᑲᓯ 11:29.ᐅᓪᓗᒥ ᐃᓄᐃᑦ ᐱᐅᖏᑦᑑᓕᔪᑦ ᒎᑎᖃᖏᑦᑐᓪᓗ ᑲᒪᓇᕐᑐᓂᓕᕐᒥᒃ ᑕᑯᔪᒪᕗᑦ, ᐆᒥᖓ ᑭᓯᐊᓂ ᑐᓂᓯᕕᐅᓂᐊᕐᐳᑦ ᔫᓇᐅᑉ ᑲᒪᓇᕐᑐᓕᓂᖓᓂᒃ.”
ᑕᕝᕙ ᕿᒪᒃᐰᑦ ᐊᐅᓪᓚᕐᓗᓂ ᑕᕝᕙᓐᖓᑦ.
ᐹᕆᓯᑦ ᓵᑦᔪᓰᓪᓗ ᐳᕙᓪᓚᖅᑯᑎᖏᑦ
ᒫᑯᓯ 8:14-21
5ᐃᓕᓐᓂᐊᕐᑎᑦ ᑕᓯᒃᑯᑦ ᐃᑳᕐᓗᑎᒃ ᐊᑭᐊᓄᐊᕋᒥᒃ, ᓂᐊᖂᔭᒥᒃ ᓇᒃᓴᕆᐊᒃᓴᖅ ᐳᐃᒍᕐᑐᕕᓂᐅᕗᑦ. 6#ᓘᑲᓯ 12:1.ᑕᕝᕙ ᔩᓱᓯᐅᑉ ᐅᖃᐅᑎᕔᑦ, “ᑲᒪᑦᓯᐊᕆᑦᓯ ᐃᒃᐱᒍᓱᑦᓯᐊᕐᓗᓯᓗ ᐹᕆᓯᑦ ᓵᑦᔪᓰᓪᓗ ᐳᕙᓪᓚᖅᑯᑎᖏᓐᓂᒃ.”
7ᑖᒃᑯᐊ ᐃᒻᒥᖕᓄᑦ ᐅᖃᖃᑎᒌᓕᕐᐳᑦ, ᐅᖃᕐᓗᑎᒃ, “ᑍᒫᖑᓇ ᐅᖃᑐᖅ ᓂᐊᖂᔭᒥᒃ ᓇᒃᓴᓚᐅᖏᓐᓂᑦᑎᓐᓄᑦ.”
8ᔩᓱᓯᐅᑉ ᖃᐅᔨᒪᒐᒥᒋᑦ ᖃᓄᖅ ᐅᖃᐅᓯᖃᕐᒪᖔᑕ, ᐅᖃᐅᑎᕔᑦ, “ᓱᖕᒪᑦ ᐃᓕᑦᓯᓐᓄᑦ ᐅᖃᖃᑎᒌᒃᐱᓰ ᓂᐊᖂᔭᒡᒋᕐᓯᒪᖏᓐᓂᑦᓯᓐᓃᒃ? ᐅᒃᐱᕐᓂᖃᓐᖏᓗᐊᕋᑦᓯ! 9#ᒫᑎᐅᓯ 14:17-21.ᓱᓕ ᑐᑭᓯᓐᖏᓚᓰ ᐃᖅᑲᐅᒪᓇᒻᓯᓗ ᓂᐊᖂᔭᓂᒃ ᐊᒡᒍᐃᓚᐅᕋᒪ ᑕᓪᓕᒪᓂᒃ 5,000ᓄᑦ ᐱᔭᐅᓂᐊᕐᑐᓃᒃ? ᖃᑦᓯᓂᒃ ᐃᕕᐅᔭᓂᒃ ᑕᑍᓚᐅᕐᐱᓰ? 10#ᒫᑎᐅᓯ 15:34-38.ᐊᒻᒪᓗᑦᑕᐅᖅ ᐳᐃᒍᕆᕕᓯᐅᒃ ᓂᐊᖂᔭᓂᒃ 7ᓂᒃ ᐊᒡᒍᐃᓚᐅᕋᒪ 4,000ᓄᑦ ᐱᔭᐅᓂᐊᕐᑎᓪᓗᒋᑦ? ᖃᑦᓯᓂᒃ ᐃᕕᐅᔭᓂᒃ ᑕᑍᓚᐅᕐᐱᓯ 11ᓱᖕᒪᓪᓖ ᑐᑭᓯᓐᖏᓚᓯ ᓂᐊᖂᔭᒥᒃ ᐱᑦᔪᑎᖃᕐᓗᖓ ᐅᖃᖏᓐᓇᒪ? ᐃᓕᑦᓯᓐᓂᒃ ᐃᒃᐱᒍᓱᑦᓯᐊᕆᑦᓯ ᐹᕆᓯᑦ ᓵᑦᔪᓰᓪᓗ ᐳᕙᓪᓚᖅᑯᑎᖏᓐᓂᒃ!”
12ᑕᕝᕙ ᐃᓕᓐᓂᐊᕐᑎᑦ ᑐᑭᓯᓕᕐᐳᑦ ᐅᓗᕆᐊᓱᖁᔭᐅᖏᓐᓂᕐᒥᒡᓂᒃ ᓂᐊᖂᔭᒧᑦ ᐳᕙᓪᓚᖅᑯᑎᒥᒃ, ᐹᕆᓯᓪᓕ ᓵᑦᔪᓰᓪᓗ ᐊᔪᕆᕐᑐᐃᓂᖏᓐᓂᒃ ᑖᒃᑯᓂᖓᑐᐊᖅ.
ᐲᑦᑐᕉᓯᐅᑉ ᓇᓗᓁᕐᓯᓂᖓ ᔩᓱᓯᒥᒃ
ᒫᑯᓯ 8:27-30; ᓘᑲᓯ 9:18-21
13ᑕᕝᕙ ᔩᓱᓯ ᓯᓴᕆᐊ ᐱᓕᐰᑉ ᓄᓇᖓᑕ ᖃᓂᒋᔮᓄᐊᕐᐳᖅ, ᑕᕝᕙᓂ ᐃᓕᓐᓂᐊᕐᑎᓂ ᐊᐱᕆᕔᑦ, “ᐃᓅᑉ ᐃᕐᓂᖓ ᐃᓄᖕᓂᑦ ᑭᓇᐅᓇᓱᒋᔭᐅᕚ?”
14 #
ᒫᑎᐅᓯ 14:1,2; ᒫᑯᓯ 6:14,15; ᓘᑲᓯ 9:7,8. ᑖᒃᑯᐊ ᑭᐅᕚᑦ, “ᐃᓚᖏᑦ ᔪᐊᓇᓯ ᐹᑉᑎᑎᕆᔨᐅᓂᕅᕗᑦ, ᐃᓚᖏᓪᓕ ᐃᓔᑦᔭᐅᓂᕅᕗᑦ, ᐃᓚᖏᓪᓗᑦᑕᐅᖅ ᔨᕆᒤᐊᐅᓂᕅᕗᑦ ᐅᕝᕙᓗ ᓇᓚᐅᑦᑍᔪᑦ ᐃᓚᖓᑦ.”
15ᑕᕝᕙ ᔩᓱᓯᐅᑉ ᐅᖃᐅᑎᕔᑦ, “ᐃᓕᑦᓯᓖ ᑭᓇᐅᓇᓱᒋᕕᓯᓐᖔ?”
16 #
ᔪᐊᓇᓯ 6:68,69. ᑕᕝᕙ ᓮᒨᓂ ᐲᑦᑐᕉᓯᐅᑉ ᑭᐅᕚ, “ᒥᓮᐊᓯᐅᕗᑎᑦ,#16:16 “᙭ᔅᑑᓯ” “ᒥᓮᐊᓯ” ᐊᑦᔨᒌᖕᒪᑎᒃ ᑐᑭᖃᕐᐳᖅ ᐅᕐᓱᕐᑎᑕᐅᓯᒪᔪᖅ ᓂᕈᐊᕐᑕᐅᓯᒪᓂᕐᒥᓄᑦ ᒎᑎᐅᑉ ᐆᒪᔫᑉ ᐃᕐᓂᖓ.”
17ᔩᓱᓯᐅᑉ ᐅᖃᐅᑎᕚ, “ᓮᒨᓃ ᔪᐊᓇᓯᐅᑉ ᐃᕐᓂᖓ ᓇᓛᒍᑦ ᐅᖃᕐᐳᑎᑦ! ᑕᒪᓐᓇ ᖃᐅᔨᑎᑕᐅᓃᑦ ᐃᓄᑐᐃᓐᓇᕐᒥᑦ ᐱᓐᖏᓚᖅ, ᐊᑖᑕᒪᓕ ᕿᓚᖕᒦᑦᑑᑉ ᑕᒪᑐᒥᖓ ᑐᑭᓯᑎᑉᐹᑎᑦ. 18ᑍᒤᒻᒪᑦ ᐅᖃᐅᑎᕙᒋᑦ, ᐲᑦᑐᕉᓯᐅᕗᑎᑦ, ᕾᕐᑐᖅ; ᕾᕐᑐᒧᑦ ᑕᕝᕗᖓ ᐃᓚᒌᒃᑐᖁᑎᒃᑲ ᑐᓐᖓᕕᖃᕐᑎᓪᓗᒋᑦ ᐋᖅᑭᒃᓱᕐᓂᐊᕐᐸᒃᑲ, ᑲᑉᐱᐊᓇᕐᑐᕕᐅᓪᓗᓐᓃ ᐃᓯᕐᑕᕐᕕᖓᑕ ᓵᓚᒋᔪᓐᓇᕐᓂᐊᓐᖏᓚ. 19#ᒫᑎᐅᓯ 18:18; ᔪᐊᓇᓯ 20:23.ᑐᓂᓯᕕᒋᓂᐊᕐᐸᒋᑦ ᒎᑎᐅᑉ ᐊᑕᓂᐅᕕᖓᑕ ᐅᒃᑯᐃᕈᑎᖏᓐᓂᒃ; ᓄᓇᕐᔪᐊᒥ ᕿᓚᒃᓱᕐᓂᐊᕐᑕᑎᑦ ᕿᓚᖕᒥ ᕿᓚᒃᓱᕐᑕᐅᓯᒪᔪᒫᕆᕗᑦ, ᓄᓇᕐᔪᐊᒥᓗ ᑕᒫᓂ ᕿᓚᕈᑦᔮᕐᓂᐊᕐᑕᑎᑦ ᕿᓚᖕᒥᑦᑕᐅᖅ ᕿᓚᕈᑦᔮᕐᑕᐅᔪᒫᕆᕗᑦ.”
20ᑕᕝᕙ ᔩᓱᓯᐅᑉ ᐃᓕᓐᓂᐊᕐᑎᓂ ᐃᓂᕐᑎᕐᐰᑦ ᑭᓇᒧᓪᓘᓐᓃᑦ ᐅᖃᖁᓇᒋᑦ ᙭ᔅᑑᓯᐅᓂᕐᒥᓂᒃ.
ᔩᓱᓯᐅᑉ ᐋᓐᓂᐊᑎᑕᐅᓂᒃᓴᒥᓂᒃ ᑐᖁᑕᐅᓂᒃᓴᒥᓂᒡᓗ ᐅᖃᐅᓯᖃᕐᓂᖓ
ᒫᑯᓯ 8:31—9:1; ᓘᑲᓯ 9:22-27
21ᑕᕝᕙᓐᖓᑦ ᐱᒋᐊᕐᓗᓂ ᔩᓱᓯ ᓇᓗᓇᖏᑦᓯᐊᕐᑐᒥᒃ ᐃᓕᓐᓂᐊᕐᑎᒥᓄᑦ ᐅᖃᐅᓯᖃᓕᕐᐳᖅ, “ᔨᕉᓴᓕᒻᒧᐊᕆᐊᖃᕐᐳᖓ ᑕᕝᕙᓂ ᐋᓐᓂᐊᑎᑕᐅᔪᒫᕐᐳᖓ ᐊᖏᔪᒥᒃ ᔫᑎᓄᑦ ᐊᖓᔪᖅᑲᐅᔪᓄᑦ, ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᓐᓄᑦ, ᐱᖁᔭᓂᒡᓗ ᐃᓕᓮᔨᓄᑦ, ᑐᖁᑕᐅᔪᒫᕐᐳᖓ, ᐅᓪᓗᐃᓪᓕ ᐱᖓᔪᐊᓐᓂ ᒪᑭᑦᓱᒫᕆᕗᖓ.”
22ᐲᑦᑐᕉᓯᐅᑉ ᓴᓂᒥᓄᐊᕐᑎᓪᓗᓂᐅᒃ ᐃᓂᕐᑎᒻᒪᕆᓕᕐᐹ; ᐅᖃᕐᓗᓂ, “ᒎᑎᐅᑉ ᑕᒪᓐᓇ ᓄᖅᑲᕐᑎᓪᓕᐅᒃ, ᐊᑕᓃᖅ! ᑕᒪᓐᓇ ᐃᓕᖕᓄᑦ ᑎᑭᓚᐅᕐᓯᒪᓂᐊᓐᖏᓚᖅ!”
23ᔩᓱᓯᐅᑉ ᐲᑦᑐᕉᓯ ᓵᓪᖢᒍ ᐅᖃᐅᑎᕚ, “ᓵᑖᓇᓰ, ᑐᓄᓐᓅᐊᕆᑦ! ᐊᑐᕆᐊᖃᕐᑕᓐᓂᒃ ᐊᒡᕕᐊᕋᓱᐊᕋᕕᑦ; ᑕᒪᓐᓇ ᐃᓱᒪᒋᔧᑦ ᒎᑎᒥᑦ ᐱᖏᒻᒪᑦ, ᐃᓄᑐᐃᓐᓇᕐᒥᓪᓕ ᐱᕗᖅ!”
24 #
ᒫᑎᐅᓯ 10:38; ᓘᑲᓯ 14:27. ᑕᕝᕙ ᔩᓱᓯᐅᑉ ᐃᓕᓐᓂᐊᕐᑎᓂ ᐅᖃᐅᑎᕔᑦ, “ᓇᓪᓕᐊᑦ ᐅᕙᓐᓄᑦ ᒪᓕᒍᒪᔪᖅ, ᐱᓇᓱᐊᕈᒪᔭᒥᓂᒃ ᖁᔭᓈᕐᓯᔪᒃᓴᐅᕗᖅ, ᓴᓐᓂᖓᔪᓕᒥᓂᒃ ᐊᒡᔭᕐᓯᓗᓂ, ᒪᓕᒃᑐᒃᓴᐅᕗᖅ ᐅᕙᓐᓂᒃ. 25#ᒫᑎᐅᓯ 10:39; ᓘᑲᓯ 17:33; ᔪᐊᓇᓯ 12:25.ᐃᓅᓯᕐᒥᓂᒃ ᐊᓐᓂᕈᓱᒃᑐᖅ ᐃᓅᓯᕐᒥᓂᒃ ᐊᓯᐅᔨᔪᒫᕐᐳᖅ, ᓇᓪᓕᐊᓪᓕ ᐃᓅᓯᕐᒥᓂᒃ ᐊᓯᐅᔨᔪᖅ ᐅᕙᓐᓂᒃ ᐱᑦᔪᑎᖃᕐᓗᓂ ᑖᓐᓇ ᐃᓅᓯᕐᒥᒃ ᓇᓂᓯᓂᐊᕐᐳᖅ. 26ᐃᓄᒃ ᓱᓇᒥᒃ ᐱᕙᓪᓕᐅᑎᒃᓴᖃᕋᔭᕐᐹ ᓯᓚᕐᔪᐊᓕᒫᒥᒃ ᐱᑖᕈᓂ, ᐃᓅᓯᕐᒥᓂᒡᓗ ᐊᓯᐅᔨᓗᓂ ᐅᕝᕙᓗ ᓱᓇᒥᒃ ᑐᓂᔭᒃᓴᖃᕋᔭᕐᐹ? ᐃᓅᓯᕐᒥᓂᒃ ᐅᑎᕐᑎᑦᓯᔪᓐᓇᖁᓪᓗᒎ? 27#ᒫᑎᐅᓯ 25:31; ᐃᓐᖏᕈᑦ 62:12; ᕉᒪᒥᐅᓄᑦ 2:6.ᐃᓅᑉ ᐃᕐᓂᖓ ᑎᑭᑦᓱᒫᕐᒪᑦ ᐂᖏᓖᖁᑎᓂ ᐃᓚᒋᓗᒋᑦ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂᑦ, ᑕᕝᕙᓂ ᐊᑐᓂᑦ ᐊᑭᓕᕈᒫᕐᐰᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ. 28ᓱᓕᔪᒥᒃ ᐅᖃᐅᑎᕙᑦᓯ! ᐅᕙᓃᑦᑐᖃᕐᐳᖅ ᐃᓅᑉ ᐃᕐᓂᖓᑕ ᐊᖓᔪᖅᑳᕐᔪᐊᖑᕐᓂᕆᓂᐊᕐᑕᖓᓂᒃ ᑕᑯᓚᐅᖅᑳᕋᑎᒃ ᑐᖁᓂᐊᖏᑦᑐᓂᒃ.”
Currently Selected:
ᒫᑎᐅᓯᐅᑉ ᐊᒡᓚᖏᑦ 16: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
