ᒪᓚᑬᑉ ᐊᒡᓚᖏᑦ 1
1
1ᐊᑕᓂᐅᑉ ᐅᖃᐅᓯᖏᑦ ᐃᓴᕆᐊᓕᒥᐅᓄᑦ ᒪᓚᑬᒃᑯᑦ.
ᐊᑕᓂᐅᑉ ᓇᒡᓕᒍᓱᖕᓂᖓ ᐃᓴᕆᐊᓕᒥᐅᓂᒃ
2 #
ᕉᒪᒥᐅᓄᑦ 9:13. #
ᐂᓮᐊᓯ 34:5-17; 63:1-6; ᔨᕆᒤᐊ 49:7-22; ᐃᓯᑭᐊᓕ 25:12-14; 35:1-15; ᐂᒨᓯ 1:11,12; ᐅᐸᑍᐊ 1:1-14. ᐊᑕᓂᖅ ᐅᖃᕐᐳᖅ, “ᓇᒡᓕᒋᓚᐅᕐᐸᑦᓯ.”
ᐅᖃᕐᐳᓯᓕ, “ᖃᓄᐃᓕᐅᕐᓗᑎᑦ ᓇᒡᓕᒋᕕᒋᑎᒍᑦ?”
ᐊᑕᓂᖅ ᐅᖃᕐᐳᖅ, “ᐄᓴ ᔧᑰᑉ ᖃᑕᓐᖑᑎᒋᓚᐅᓐᖏᓛ? ᔧᑯᓕ ᓇᒡᓕᒋᓚᐅᕐᐸᕋ. 3ᐄᓴ ᐆᒥᒋᓪᓗᒍ, ᖃᖅᑲᖁᑎᖓᓗ ᓱᓇᖃᕈᓐᓃᕐᑎᓚᐅᕐᐸᕋ ᑭᖑᕐᖑᑎᔭᒃᓴᖏᓪᓗ ᓱᓇᖃᔪᐃᑦᑐᒥ ᑐᓂᓚᐅᕐᐸᒃᑲ ᕿᒻᒥᖓᔪᓄᑦ.”
4ᐄᑐᒥ ᐅᖃᕋᓗᐊᕐᐸᑦ, “ᐊᔪᓕᕐᑎᑕᐅᓯᒪᒐᓗᐊᕐᐳᒍᑦ ᐅᑎᕐᓂᐊᕐᐳᒍᓪᓕ, ᐋᖅᑭᒃᓱᕆᐊᕐᑐᕐᓗᒋᑦ ᓱᕋᒃᓯᒪᔪᑦ ᐃᓂᒋᓚᐅᕐᑕᕗᑦ.” ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ; “ᓴᓇᓂᐊᕋᓗᐊᕐᐳᑦ, ᓱᕋᖕᓂᐊᕆᕙᒃᑲᓕ; ᑍᔭᐅᓕᓚᐅᕐᑎᓐᓇᒋᑦ ᐱᐅᖏᑦᑐᓕᔪᑦ ᓄᓇᖓᓂᒃ, ᐃᓄᐃᓪᓗ ᑍᔭᐅᔪᒫᕆᕗᑦ ᐊᑕᓂᐅᑉ ᓂᓐᖓᐅᑎᓯᒪᓕᕐᐰᑦ ᐃᓱᖃᖏᑦᑐᒧᑦ.”
5ᓇᖕᒥᓂᖅ ᑕᑯᔪᒫᕐᐳᓯ, ᐅᖃᕐᓗᓯᓗ, “ᐊᑕᓂᖅ ᐊᔪᒐᖃᖏᑦᑐᕐᔪᐊᖑᕗᖅ ᐊᒡᓛᑦ ᐃᓴᕆᐊᓕᒥᐅᑦ ᓄᓇᖓᑕ ᑭᒡᓕᖓᑕ ᐅᖓᑖᓃᑉᐳᖅ.”
ᐊᑕᓂᐅᑉ ᐋᖅᑭᒋᐊᕐᓯᓂᖓ ᑐᓂᕐᕈᓯᕐᑎᑦᓯᔨᓂᒃ
6ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ ᑐᓂᕐᕈᓯᕐᑎᑦᓯᔨᓄᑦ, “ᐃᕐᓂᐅᑉ ᐊᑖᑕᓂ ᐅᐱᒋᕚ, ᐱᔨᐅᓪᓗ ᐊᖓᔪᖅᑳᓂ, ᐊᑖᑕᐅᒍᒪᓕ, ᓇᐅᒡᓕ ᐅᐱᒋᔭᐅᓂᕋ? ᐊᖓᔪᖅᑳᖑᒍᒪᓗ ᓇᐅᒡᓕ ᐃᓕᕋᒋᔭᐅᓂᕋ? ᑐᓂᕐᕈᓯᕐᑎᑦᓯᔩᑦ ᐊᑎᓐᓂᒃ ᓇᕐᕈᔪᓯ. ᐅᖃᕐᐳᓯ, ‘ᖃᓄᖅ ᐊᑎᕐᓂᒃ ᓇᕐᕈᓚᐅᕐᐱᑖ?’ 7ᓇᕐᕈᓇᕐᑐᓂᒃ ᓂᕿᓂᒃ ᑐᓂᕐᕈᓯᕐᐳᓯ ᑐᓂᕐᕈᓯᕐᕕᓐᓂ, ᐅᖃᕐᐳᓯᓗ, ‘ᖃᓄᖅ ᓇᕐᕈᓇᕐᓯᑎᑦᓯᓚᐅᕐᐱᑖ?’ ᐃᓱᒪᓚᐅᕋᑦᓯ ᐊᑕᓂᐅᑉ ᑐᓂᕐᕈᓯᕐᕕᖁᑎᖓ ᐱᓪᓚᕆᐅᓗᐊᓐᖏᓚᖅ. 8#ᒨᓯᓯ ᑕᓪᓕᒪᖏᑦ 15:21.ᑕᐅᑐᖏᑦᑐᓂᒃ ᐆᒪᔪᓂᒃ ᑐᓂᕐᕈᓯᕐᑎᓪᓗᓯ, ᑕᒪᓐᓇ ᐱᐅᖏᑦᑑᓐᖏᓛᖅ? ᑐᓯᐊᑦᑐᓂᒃ ᖃᓂᒪᔪᓂᒡᓗ ᑐᓂᕐᕈᓯᕐᑎᓪᓗᓯ ᑕᒪᓐᓇ ᐱᐅᖏᑦᑑᓐᖏᓛᖅ? ᑐᓂᕐᕈᑎᒋᒍᑦᓯᒋᒃ ᐊᐅᓚᑦᓯᔨᑦᓯᓐᓄᑦ; ᐃᓕᑦᓯᓐᓃᒃ ᖁᕕᐊᓲᑎᖃᕋᔭᕐᐹᑦ? ᐃᓚᓕᐅᕋᔭᕐᐹᓰ ᓈᒻᒪᒋᓗᓯ? ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.
9“ᒫᓐᓇᓕ ᒎᑎᐅᑉ ᖁᕕᐊᒋᔭᖓᓂᒃ ᕿᓂᓕᕆᑦᓯ, ᐅᕙᑦᑎᓐᓄᑦ ᓈᒃᑭᒍᓱᓕᖁᓪᓗᒍ. ᑍᒤᓕᐅᓕᕈᑦᓯ, ᓈᒻᒪᒋᒐᔭᕐᐹᓰ? ᖁᕕᐊᒋᓗᓯᓗ? ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ. 10ᑭᓇ ᐊᑯᓐᓇᑦᓯᓐᓂ ᐅᒃᑯᐊᒥᒃ ᒪᑐᓯᔪᓐᓇᕐᐹ? ᐊᑐᕐᓂᕐᓗᒡᓗᓯ ᐃᑭᑦᓯᖁᓇᓯ ᑐᓂᕐᕈᓯᕐᕕᓐᓂ? ᐃᓕᑦᓯᓐᓂᒃ ᖁᕕᐊᒋᔭᖃᕈᓐᓃᕐᐳᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑐᓂᕐᕈᑎᓯᓘᓐᓃᑦ ᐃᓚᓕᐅᕐᓂᐊᕈᓐᓃᕐᐸᒃᑲ. 11ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓂ, ᓇᓂᓕᒫᖅ ᑎᐱᑦᓯᐊᕆᒃᑐᓂᒃ ᐳᔪᕐᓂᒃ ᑐᓂᕐᕈᓯᕐᐳᑦ ᐊᑎᓐᓄᑦ, ᐃᑦᔪᕐᓁᑦᑐᓂᒡᓗ ᑐᓂᕐᕈᑎᓂᒃ; ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓄᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ. 12ᓇᕐᕈᓇᕐᓯᑎᓚᐅᕐᐸᓯᓕ ᐃᒫᒃ ᐅᖃᕐᑎᓪᓗᓯ, ‘ᐊᑕᓂᐅᑉ ᑐᓂᕐᕈᓯᕐᕕᖓ ᓇᕐᕈᓇᕐᐳᖅ, ᐱᕈᕐᑐᐃᓪᓗ ᓂᖀᓪᓗ ᓇᕐᕈᓇᕆᕗᑦ.’ 13‘ᐃᕿᐊᓐᖑᓇᕐᓯᕗᑦ,’ ᓇᕐᕈᒋᓪᓗᖓᓗ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑎᒡᓕᒐᕕᓃᑦ ᐂᑦᑑᑎᒋᕙᓯ, ᑐᓯᐊᑦᑐᑦ, ᖃᓂᒪᔪᓪᓗ, ᑕᒪᒃᑯᐊᓗ ᑐᓂᕐᕈᑎᒋᓪᓗᒋᑦ! ᐃᓚᓕᐅᕆᐊᖃᕐᐸᒃᑳ ᑐᓂᕐᕈᑎᓰ? ᐊᑕᓂᖅ ᐅᖃᕐᐳᖅ. 14ᓱᒋᐊᒐᒃᓴᐅᕗᖅ ᐆᒪᔪᖁᑎᖃᕋᓗᐊᕐᓗᓂ ᐊᖑᓴᓪᓗᕐᒥᒃ ᐊᖏᕈᑎᒋᓯᒪᔭᒥᓂᒃ ᑐᓂᕐᕈᑎᒋᔪᒪᓪᓗᒍ, ᑐᓂᕐᕈᓯᖔᕈᓂ ᐆᒪᔪᒥᒃ ᓈᒻᒪᖏᑦᑐᒥᒃ ᐊᑕᓂᕐᒧᑦ, ᐅᕙᖓ ᐊᖓᔪᖅᑳᕐᔪᐊᒍᕗᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᑎᕋᓗ ᓯᕘᕋᒋᔭᐅᕗᖅ ᐃᓅᖃᑎᒌᒡᔪᐊᓄᑦ.”
Currently Selected:
ᒪᓚᑬᑉ ᐊᒡᓚᖏᑦ 1: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
