ᔨᕆᒤᐊᐅᑉ ᐊᒡᓚᖏᑦ 15
15
ᔫᑕᒥᐅᑦ ᐊᓯᕈᕐᑕᐅᔪᒃᓴᐅᓂᖓᑦ
1 #
ᒨᓯᓯ ᐂᑉᐸᖏᑦ 32:11-14; ᒨᓯᓯ ᓯᑕᒪᖏᑦ 14:13-19;
ᓴᒧᐃᓕ ᓯᕗᓪᓖᑦ 7:5-9. ᑕᕝᕙ ᐊᑕᓂᐅᑉ ᐅᖃᕐᕕᒋᕚᖓ, “ᒨᓯᓯᓗ ᓴᒧᐃᓕᓗ ᐅᕙᓐᓄᑦ ᕿᓄᒐᔭᕋᓗᐊᕐᐸᑎᒃ, ᑖᒃᑯᐊ ᐃᓅᖃᑎᒌᑦ ᓂᑲᒋᓕᕋᔭᓐᖏᓚᒃᑲ, ᑕᑯᓐᓇᕈᒪᖏᓐᓇᒃᑭᑦ ᓇᔪᕐᑕᓐᓂᑦ ᐊᐅᓪᓚᖁᓚᐅᒃᑭᑦ. 2#ᑕᑯᑎ 13:10.ᐊᐱᕆᔭᐅᒍᕕᑦ, ‘ᓇᒧᓐᖓᕐᓂᐊᕋᑦᑕᓖ?’ ᐅᖃᐅᑎᓂᐊᕐᐸᑎᑦ, ‘ᐃᒫᒃ ᐊᑕᓂᖅ ᐅᖃᕐᐳᖅ:
“ᑍᒃᑯᐊ ᐋᓐᓂᐊᔪᑦ ᑐᖁᓂᐊᕐᐳᑦ, ᐅᓇᑕᕐᑐᓂᓗ ᑐᖁᔪᒃᓴᒃᓮᑦ ᑐᖁᓂᐊᕐᐳᑦ;
ᐱᕐᓕᕐᓗᑎᒡᓗ ᑐᖁᔪᒃᓮᑦ ᐱᕐᓕᕐᓗᑎᒃ ᑐᖁᓂᐊᕐᐳᑦ,
ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒃᓮᑦ ᐊᐅᓪᓚᕈᑦᔭᐅᓂᐊᕐᐳᑦ.”’
3ᓯᑕᒪᓂᒃ ᐊᑦᔨᒌᖏᑦᑐᓂᒃ ᐊᓯᕈᐃᔪᒃᓴᓂᒃ ᑎᑭᑎᑦᓯᓂᐊᕐᐳᖓ, ᐊᑕᓂᖅ ᐅᖃᕐᐳᖅ, ᓴᕕᒡᔪᐊᒥᒃ ᑐᖁᑦᓯᑦᔪᑎᒃᓴᒥᒃ, ᕿᒻᒥᓂᒡᓗ ᑎᒥᖏᑦ ᐅᓂᐊᕐᑕᐅᓗᑎᒃ ᓂᕆᔪᒃᓴᓂᒃ, ᑎᖕᒥᐊᓂᒡᓗ ᑎᒥᕕᓂᕐᓂᒃ ᓂᕆᔪᒃᓴᓂᒃ, ᐆᒪᔪᓂᒡᓗ ᓄᔪᐊᕐᑕᓂᒃ ᑎᒥᕕᓂᕐᓂᒃ ᓂᕆᔪᒃᓴᓂᒃ ᓄᖑᑕᐅᖁᓪᓗᒋᑦ. 4#ᐊᑕᓃᑦ ᐂᑉᐸᖏᑦ 21:1-16; ᑯᕉᓂᑲ ᐂᑉᐸᖏᑦ 33:1-9.ᐊᖓᔪᖅᑳᕐᔪᐊᓄᑦ ᓄᓇᕐᔪᐊᓕᒫᒥ ᑲᑉᐱᐊᓲᑎᒃᓴᐅᑎᓐᓂᐊᕐᐸᒃᑲ ᐊᖓᔪᖅᑳᕐᔪᐊᑉ ᒫᓇᓯᐅᑉ ᕼᐃᓯᑬᐊᐅᑉ ᐃᕐᓂᖓᑕ ᐱᓂᐊᕐᓂᕆᓚᐅᕐᑕᖏᑦ ᔨᕉᓴᓕᒧᑦ ᐱᑦᔪᑎᒋᓗᒋᑦ.
5ᑭᒃᑯᓐᓄᓪᓕ ᓇᒡᓕᒋᔭᐅᓂᐊᕐᐱᓰ, ᔨᕉᓴᓕᒥᐅᑕᐅᔪᓯ?
ᑭᒃᑯᓐᓄᓪᓗ ᕿᒃᓵᒍᑕᐅᓂᐊᕐᐱᓰ?
ᑭᓇᒃᑯᓐᓄᓪᓗ ᖃᓄᐃᒻᒪᖔᑦᓯ ᐊᐱᕆᔭᐅᔪᓐᓇᕐᓂᐊᕐᐱᓰ? 6ᓇᕐᕈᒋᓕᓚᐅᕋᑦᓯᓐᖓ, ᐊᑕᓂᖅ ᐅᖃᕐᐳᖅ, ᐅᕙᓐᓂᒃ ᑐᓄᐃᒐᑦᓯ;
ᑎᒍᓂᐊᕐᐸᑦᓯ ᐊᓯᕈᕐᑕᐅᑎᓪᓗᓯᓗ; ᑕᖃᑦᔪᑎᒐᑦᓯ.
7ᐱᕈᕐᓰᕕᓕᕆᔩᑦ ᓴᓃᔭᐅᑎᖏᓐᓄᑦ ᑎᒃᑕᐅᕋᕐᑎᑦᓱᒫᕐᐸᑦᓯ
ᐊᓄᕆᒧᑦ ᐃᒡᓗᒐᓴᒡᔪᐊᑦ ᐃᑎᕐᑕᕐᕕᖏᓐᓂ;
ᕿᒃᓵᒃᑎᓐᓂᐊᕐᐸᒃᑲ, ᐊᓯᕈᕐᓗᒋᓪᓗ ᐃᓄᖁᑎᒃᑲ;
ᐱᐅᓯᕐᒥᖕᓂᒃ ᕿᒤᓚᐅᖏᒻᒪᑕ.
8ᐅᐃᒡᒐᕐᓂᖁᑎᖏᑦ ᐅᓄᕐᓂᕐᓴᐅᓂᐊᕐᐳᑦ ᓯᐅᕋᕐᓂᑦ ᓯᒡᔭᒦᑦᑐᓂᑦ;
ᐅᓪᓘᑉ ᕿᑎᖓᓂ ᐊᓯᕈᐃᔭᕐᑐᕐᑐᒥᒃ ᑎᑭᑎᑦᓯᓂᐊᕐᐳᖓ
ᐃᓅᓱᒃᑐᐃᑦ ᐊᓈᓇᖏᓐᓄᑦ ᕿᒃᓵᖕᓇᕐᑎᑦᓯᓂᐊᕐᐳᖓ;
ᓂᕆᐅᓇᖏᑦᑐᒃᑯᑦ ᐋᓐᓂᕐᓇᕐᑐᒃᑯᑦ ᑲᑉᐱᐊᓇᕐᑐᑯᓪᓗ.
9ᐊᕐᓇᖅ 7ᓂᒃ ᕿᑐᕐᖓᓕᒃ ᓄᑮᕈᑎᓂᐊᕐᐳᖅ ᐊᓂᕐᓇᖏᕐᓗᓂᓗ;
ᓯᕿᓂᖅ ᑕᑯᓐᓇᕈᓐᓃᕐᓂᐊᕐᐹ ᓱᓕ ᐅᓪᓘᒐᓗᐊᕐᑎᓪᓗᒍ;
ᖁᕕᐊᓇᖏᑦᑐᒦᓐᓂᐊᕐᐳᖅ ᑲᓐᖑᓇᕐᑐᒦᓪᓗᓂᓗ.
ᐊᒥᐊᒃᑰᔫᓪᓗ ᐅᓇᑕᕐᑐᓂ ᑐᖁᑕᐅᔪᒫᕐᐳᑦ, ᐊᑕᓂᖅ ᐅᖃᕐᐳᖅ.”
ᔨᕆᒤᐊᐅᑉ ᓈᒻᒪᒃᓴᖏᓪᓗᓂ ᐅᖃᕐᓂᖓ ᐊᑕᓂᕐᒧᑦ
10ᑲᑉᐱᐊᓐᓇᒦᒃ, ᐊᓈᓇᒪ ᕿᑐᕐᖓᕐᑖᕆᓚᐅᕐᓂᕐᒪᖓ, ᐃᓅᓕᕋᒪ ᐊᒃᓱᕈᕐᓇᓗᐊᕐᑐᒥᒃ, ᑮᓇᐅᔭᓂᒃ ᐊᑐᕐᑐᐊᓚᐅᕐᓯᒪᓇᖓ ᐊᑐᕐᕕᖃᓚᐅᕐᓯᒪᓇᖓᓗ, ᐅᕙᓐᓂᒡᓕ ᐅᖃᕐᓂᕐᓘᑎᖃᓕᕐᐳᑦ. 11ᐊᑕᓃᖅ ᑍᒤᓕᕐᓕ, ᐱᐅᔪᒥᒃ ᐱᓇᓱᐊᓚᐅᖏᒃᑯᒪ ᐃᓕᖕᓄᑦ, ᑐᒃᓯᐊᓚᐅᖏᒃᑯᒪᓗ ᐃᓕᖕᓄᑦ ᐊᑭᕋᕐᑐᕐᑐᑦ ᐱᑦᔪᑎᒋᓗᒋᑦ ᑲᑉᐱᐊᓇᕐᑐᖃᓕᕐᑎᓪᓗᒍ ᐅᖁᒤᑦᑐᖃᓕᕐᑎᓪᓗᒍᓗ. 12ᐃᓄᒃ ᓱᕅᔪᓐᓇᕐᐹ? ᓴᕕᕋᔮᓗᖕᒥᒃ ᑲᓐᓄᔭᒥᒃ ᐃᓚᖃᕐᑐᒥᒃ? ᐅᓐᓄᐊᓪᓗᐊᑉ ᓇᓛᓂᒥᐅᓂᑦ ᐱᓯᒪᔪᒥᒃ?
13“ᐊᒃᓗᐃᑦᔪᑎᓯ ᐱᒃᑯᒥᓇᕐᑐᖁᑎᓯᓗ ᓇᒡᕚᕐᑕᒐᒃᓴᐅᔪᒫᕐᐳᑦ, ᐊᑭᖃᖏᓪᓗᑎᒃ, ᐊᔪᕐᑐᓕᓂᓯ ᐱᓪᓗᒋᑦ ᓄᓇᒋᔭᓕᒫᑦᓯᓐᓂ. 14ᓯᐊᓛᕆᔭᐅᓕᕈᒫᕐᐳᓯ ᐊᑭᕋᑦᓯᓐᓄᑦ ᓄᓇᒋᓚᐅᕐᓯᒪᓐᖏᑕᑦᓯᓐᓂ, ᓂᓐᖓᐅᓯᕋ ᐃᑯᐊᓛᕐᑐᑎᑐᑦ ᐃᑯᐊᓚᔪᒫᕐᒪᑦ ᐃᓱᖃᖏᑦᑐᒧᑦ.
15“ᐊᑕᓃᖅ ᖃᐅᔨᒪᑦᓯᐊᕋᕕᑦ, ᐃᖅᑲᐅᒪᓗᖓ ᐅᐸᓚᐅᓐᖓ, ᐊᑭᕋᕐᑐᕐᑎᒃᑲ ᐊᑭᓂᐊᕐᕕᒋᓚᐅᒃᑭᑦ, ᕿᓄᐃᓵᕈᓐᓇᕐᓂᓐᓄᑦ ᐊᐅᓪᓚᕈᑦᔭᐅᑎᑦᑍᓕᓐᖓ; ᐅᖁᒤᒃᓴᕐᑎᑕᐅᓂᕋ ᐃᓕᖕᓂᒃ ᐱᑦᔪᑎᖃᕐᓂᖓ ᖃᐅᔨᒪᕙᑦ. 16ᐅᖃᐅᑎᒐᕕᖓ ᐅᖃᐅᓯᕆᔭᑎᑦ ᐆᒻᒪᒻᒥᐅᑕᕐᑖᕆᓚᐅᕐᐸᒃᑲ, ᖁᕕᐊᓲᑎᒃᓴᕐᑖᕆᓪᓗᒋᓪᓗ ᐃᓗᒃᑯᑦ, ᕾᖁᔭᐅᓯᒪᒐᒪ ᐊᑎᒃᑯᑦ, ᐊᑕᓃᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ. 17ᖁᕕᐊᓱᒃᑐᑦ ᐃᒃᓯᕙᖃᑎᒋᓚᐅᓐᖏᓚᒃᑲ, ᖁᕕᐊᓱᓚᐅᓐᖏᓚᖓᓘᓐᓃᑦ; ᐃᓄᑑᓪᓗᖓ ᐃᒃᓯᕙᓚᐅᕐᐳᖓ, ᕾᖁᔭᐅᓯᒪᓂᕋ ᐃᓕᖕᓄᑦ ᐱᑦᔪᑎᒋᓪᓗᒍ, ᓂᓐᖓᐅᒪᓂᕐᒥᒃ ᑕᑕᑎᓚᐅᕋᕕᖓ. 18ᓱᖕᒪᓪᓕ ᐋᓐᓂᐊᓂᕋ ᓄᖅᑲᕈᓐᓇᓐᖏᓚᖅ, ᐃᑭᓕᕐᑕᐅᓂᒃᑲᓗ ᒪᒥᑦᓱᓐᓇᕋᑎᒃ, ᐊᖅᑮᔪᒪᓐᖏᓚᑏᑦ? ᑰᒃᑎᑐᑦ ᐃᒤᕈᓯᒪᔪᑎᑐᑦ ᐅᕙᓐᓄᑦ ᑍᒤᑦᑑᓂᐊᕐᐲᑦ?”
19ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ: “ᐅᕙᓐᓄᑦ ᐅᑎᕈᕕᑦ ᑕᕝᕙ ᐅᑎᕐᑎᓐᓂᐊᕐᐸᒋᑦ, ᐱᔨᑦᓯᓕᕐᓂᐊᕋᕕᖓ, ᐊᑐᕐᓇᕐᑐᓂᒡᓗ ᐅᖃᓪᓚᖃᑦᑕᓕᕐᓂᐊᕋᕕᑦ, ᐊᑐᕐᓇᖏᑦᑐᓂᒃ ᐅᖃᐅᓯᖃᕈᓐᓃᕐᓗᑎᑦ, ᖃᓂᕆᓕᕐᓂᐊᕆᕙᒋᑦ, ᑖᒃᑯᓄᖓ ᐅᐸᒃᑕᐅᔪᒫᕐᐳᑎᑦ, ᑖᒃᑯᓄᖓᓕ ᐅᐸᒍᑎᔭᕆᐊᖃᕐᓂᐊᓐᖏᓚᑎᑦ. 20ᐃᒡᓗᒐᓮᑦ ᐊᕙᓗᕐᔪᐊᖏᑎᑐᑦ ᑍᒤᑦᑑᑎᓐᓂᐊᕐᐸᒋᑦ ᐃᓄᖕᓄᑦ, ᐊᕙᓗᕐᔪᐊᑎᑐᑦ ᐱᔭᐅᓐᓇᖏᑦᑐᑎᑐᑦ ᑲᓐᓄᔭᒥᑦ ᓴᓇᔭᐅᓯᒪᔪᑎᑐᑦ, ᐃᓕᖕᓂᒃ ᐱᓇᓱᐊᕋᓗᐊᕈᑎᒃ ᓵᓚᖃᕐᓂᐊᓐᖏᓚᑦ, ᐅᕙᖓ ᓇᔪᕐᓂᐊᕋᒃᑭᑦ ᓴᐳᑎᓂᐊᕐᐸᒋᑦ ᐱᐅᓕᓗᑎᓪᓗ.” ᐊᑕᓂᖅ ᐅᖃᕐᐳᖅ. 21“ᓴᐳᑎᓂᐊᕐᐸᒋᑦ ᐊᔪᕐᑐᓕᔪᑦ ᐊᒡᒐᖏᓐᓂᑦ, ᐱᐅᓕᓗᑎᓪᓗ ᐊᑐᖏᑦᑐᓕᔪᓂᑦ.”
Currently Selected:
ᔨᕆᒤᐊᐅᑉ ᐊᒡᓚᖏᑦ 15: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
