ᐃᓗᐊᕐᓮᔩᑦ ᐊᒡᓚᖏᑦ 17
17
ᒤᑲᐅᑉ ᒎᑎᓐᖑᐊᖏᑦ
1ᐊᖑᑎᑕᖃᓚᐅᕐᐳᖅ ᒤᑲᒥᒃ ᐊᑎᓕᖕᒥᒃ, ᓄᓇᖃᕐᑐᒥᒃ ᖃᖅᑲᔮᓂ ᐃᕗᕅᒥᒥ. 2ᑖᑦᓱᒪ ᐊᓈᓇᓂ ᐅᖃᐅᑎᕚ, “ᑎᒡᓕᒡᕕᐅᓪᓗᑎᑦ ᓯᐅᓪᕕᕆᓂᒃ 1,100ᓂᒃ, ᐅᖃᕐᓂᕐᓗᒍᑎᒋᓚᐅᕐᐸᑦ ᑎᒡᓕᒃᑐᕕᓂᖅ. ᑍᒤᓕᑎᓪᓗᑎᑦ ᑐᓴᓚᐅᕐᐸᒋᑦ. ᑕᑯᒋᑦ, ᑮᓇᐅᔧᑦ ᐱᓯᒪᕙᒃᑲ; ᐅᕙᖎᓐᓇ ᑎᒍᓯᓚᐅᕐᑐᖓ.”
ᐊᓈᓈᖓ ᐅᖃᕐᐳᖅ, “ᐊᑕᓂᐅᑉ ᓮᒻᒪᕐᑎᓪᓕᑎᑦ ᐃᕐᓃᒃ!” 3ᑮᓇᐅᔧᑦ 1,100 ᓯᐅᓪᕕᕇᑦ ᐅᑎᕐᑎᓚᐅᕐᐰᑦ ᐊᓈᓇᒥᓄᑦ, ᐊᓈᓇᖓᓗ ᐅᖃᕐᐳᖅ, “ᑐᓂᕐᕈᑎᒋᓂᐊᕐᐸᒃᑲ ᐊᑕᓂᕐᒧᑦ ᓯᐅᓪᕕᕇᑦ ᐃᕐᓂᕋ ᐱᑦᔪᑎᒋᓪᓗᒍ. ᐃᓄᓐᖑᐊᒥᒃ ᓴᕕᕋᔭᖕᒥᒃ ᒎᑎᓐᖑᐊᒥᒃ, ᐊᐅᒃᑎᓚᐅᕐᓗᒍ ᓴᓇᓯᒪᔪᒥᒃ ᓴᓇᔪᖃᖁᓪᓗᒍ; ᒫᓐᓇᓕ ᐅᑎᕐᑎᑉᐸᒃᑲ ᐃᓕᖕᓄᑦ.” 4ᐊᓈᓇᒥᓄ ᑮᓇᐅᔧᑦ ᐅᑎᕐᑎᒻᒪᒋᑦ. ᐊᓈᓇᖓᑕ ᑮᓇᐅᔧᑦ 200 ᓯᐅᓪᕕᕇᑦ ᑐᓂᕔᑦ ᓯᐅᓪᕙᓕᕆᔨᒧᑦ, ᑖᓐᓇᓗ ᒎᑎᓐᖑᐊᒥᒃ ᐃᓄᓐᖑᐊᓕᐅᕐᐳᖅ, ᐃᓕᓪᓗᒍᓗ ᒤᑲᐅᑉ ᐃᒡᓗᖓᓄᑦ.
5ᑖᓐᓇ ᐊᖑᑦ ᒤᑲ ᓇᖕᒥᓂᖅ ᑐᒃᓯᐊᕐᕕᖃᓚᐅᕐᐳᖅ. ᑐᓂᕐᕈᓯᕐᑎᑦᓯᔨᓯᐅᑎᒥᒃ ᓴᒡᕕᖕᒥᐅᑕᓕᐅᓚᐅᕐᐳᖅ ᐃᒡᓗᒥᐅᑕᓂᒡᓗ ᒎᑎᓐᖑᐊᓂᒃ, ᐃᕐᓂᕐᒥᓗ ᐃᓚᖓᓐᓂᒃ ᑐᓂᕐᕈᓯᕐᑎᑦᓯᔨᓐᖑᕐᑎᑦᓯᓪᓗᓂ. 6#ᐃᓗᐊᕐᓮᔩᑦ 21:25.ᑍᑦᓱᒪᓂ ᐊᖓᔪᖅᑳᕐᔪᐊᖃᓚᐅᖏᒻᒪᑦ ᐃᓴᕆᐊᓕᓂ, ᐃᓄᓕᒫᑦ ᓈᒻᒪᒐᓱᒋᔭᒥᖕᓂᒃ ᐃᓅᓚᐅᕐᐳᑦ.
7ᑍᑦᓱᒪᓂ ᐅᕕᒃᑲᕐᑕᖃᓚᐅᕐᐳᖅ ᐊᖑᒻᒥᒃ ᓄᓇᖃᕐᑐᒥᒃ ᐱᑦᓕᐊᒥ, ᔫᑕᒦᑦᑐᒥ, ᔫᑕᐅᑉ ᑭᖑᕚᖏᓐᓄᑦ ᓄᓇᖃᖃᑕᐅᔪᒥᒃ, ᑖᓐᓇᓗ ᓕᕔᑎᐅᕗᖅ; ᑕᒫᓂᓗ ᓂᐅᕐᕈᐊᖑᓚᐅᕐᐳᖅ. 8ᐊᐅᓪᓚᕐᒪᓪᓗ ᓄᓇᓕᖕᓂᑦ ᐱᑦᓕᐊᒥᑦ ᔫᑕᒦᑦᑐᒥᑦ ᓄᓇᒋᓂᐊᕐᑕᒥᓂᒃ ᕿᓂᕐᓗᓂ; ᐃᖏᕐᕋᓚᐅᕐᓗᓂ, ᖃᖅᑲᓕᖕᓄᑦ ᐃᕗᕅᒥᒧᑦ ᑎᑭᓚᐅᕐᐳᖅ ᒤᑲᐅᑉ ᐃᒡᓗᖓᓄᐊᕐᓗᓂ. 9ᒤᑲᐅᑉ ᐊᐱᕆᕚ, “ᓇᑭᓐᖔᕐᐲᑦ?”
ᑭᐅᕚ, “ᓕᕔᑎᐅᕗᖓ ᐱᑦᓕᐊᒥᑦ ᔫᑕᒦᑦᑐᒥᑦ ᐱᕗᖓ, ᐃᖏᕐᕋᖃᑦᑕᕐᐳᖓ ᓄᓇᒃᓴᓐᓂᒃ ᕿᓂᕐᓗᖓ.”
10ᒤᑲᐅᑉ ᐅᖃᐅᑎᕚ, “ᐅᕙᓃᓕᕆᑦ, ᐊᑖᑕᒋᓚᐅᕐᓚᒋᑦ, ᑐᓂᕐᕈᓯᕐᑎᑦᓯᔨᒋᓗᑎᓪᓗ, ᑐᓂᖃᑦᑕᕐᓂᐊᕐᐸᒋᑦ, ᑮᓇᐅᔭᓂᒃ ᓯᐅᓪᕕᕆᓂᒃ ᖁᓕᓂᒃ ᐊᕐᕌᒍᑕᒫᑦ, ᐊᓐᓄᕌᓂᒡᓗ, ᓂᕿᖃᕐᑎᓐᓂᐊᕐᐸᒋᓪᓗ, ᑕᕝᕙ ᓕᕔ ᑕᕝᕙᓃᓕᕐᐳᖅ.” 11ᐅᕕᒃᑲᕐᓗ ᓕᕔᑎ ᓈᒻᒪᒃᓴᕐᓗᓂ ᐃᒡᓗᒥᐅᖃᑎᒋᓕᕐᐹ; ᒤᑲᐅᓪᓗ ᐅᕕᒃᑲᖅ ᐃᕐᓂᖏᓐᓄᑦ ᐃᓚᒋᔭᐅᓕᕐᓗᓂ. 12ᒤᑲᐅᑉ ᑐᓂᕐᕈᓯᕐᑎᑦᓯᔨᓐᖑᕐᑎᑉᐹ ᓕᕔᑎ, ᐅᕕᒃᑲᕐᓗ ᑖᓐᓇ ᑐᓂᕐᕈᓯᕐᑎᑦᓯᔨᑖᕆᓪᓗᒍ ᑕᕝᕙᓂ ᐊᖏᕐᕋᖃᓕᕐᐳᖅ ᒤᑲᐅᑉ ᐃᒡᓗᖓᓂ. 13ᑕᕝᕙ ᒤᑲ ᐅᖃᕐᐳᖅ, “ᖃᐅᔨᒪᕗᖓ ᐊᑕᓂᐅᑉ ᓮᒻᒪᕐᑎᓐᓂᐊᕐᒪᖓ, ᒫᓐᓇ ᓕᕔᑎᒥᒃ ᑐᓂᕐᕈᓯᕐᑎᑦᓯᔨᖃᓕᕋᒪ.”
Currently Selected:
ᐃᓗᐊᕐᓮᔩᑦ ᐊᒡᓚᖏᑦ 17: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
