ᐂᓮᐊᓯᐅᑉ ᐊᒡᓚᖏᑦ 57
57
ᐃᓴᕆᐊᓕᒥᐅᑉ ᐊᓯᓐᓂᐊᕐᓂᖓᑦᑕ ᐱᐅᖏᑦᑑᓂᕋᕐᑕᐅᓂᖓ
1“ᓇᓛᒎᕐᑐᑦ ᑐᖁᔭᕌᖓᑕ, ᐃᓄᐃᑦ ᐆᒻᒪᑎᒥᒍᑦ ᐃᓱᒫᓘᑎᖃᓐᖏᓚᑦ; ᐱᓇᓱᐊᑦᓯᐊᕐᑐᑦ ᐃᓅᔪᓐᓃᕋᖓᑕ, ᐃᓱᒪᒋᔭᐅᓐᖏᓚᑦ ᑲᑉᐱᐊᓇᕐᑐᒥᑦ ᓴᐳᑎᔭᐅᖁᓪᓗᒋᑦ ᐱᔭᐅᓂᖏᓐᓂᒃ. 2ᑍᒤᑦᑐᑦ ᐃᑎᕐᓂᐊᕐᐳᑦ ᓮᒪᓇᕐᑐᒧᑦ; ᓇᓚᕕᖕᒥᖕᓂ ᑕᕾᕐᓯᓕᕐᐳᑦ, ᓈᒻᒪᓈᕐᓯᒪᓪᓗᑎᒃ ᐃᓅᓚᐅᕋᒥᒃ. 3ᐃᓕᑦᓯᓕ ᕾᒋᑦᓯ ᒪᐅᖓ, ᐃᕐᓂᕆᔭᐅᔪᓯ ᐊᖓᒃᑯᓄᑦ, ᑭᖑᕚᖑᔪᓯᓗ ᐊᓯᓐᓂᐊᕐᑎᓄᑦ ᐊᑭᓕᕐᑕᐅᓗᑎᒡᓗ ᐊᖑᑎᓂᐊᕐᑎᓄᑦ. 4ᑭᓇᒥᒃ ᒥᑕᐅᑎᖃᕐᐱᓰ? ᑭᓇᒧᓪᓗ ᐱᔮᕐᓱᕐᓗᓯ ᖃᓂᓯ ᐂᑦᑕᕐᑎᑉᐱᓯᐅᒃ ᐅᖃᓯ ᓄᐃᑦᑕᕐᑎᓪᓗᒋᑦ? ᐊᔪᕐᑐᓕᔪᓄᑦ ᕿᑐᕐᖓᐅᓐᖏᓚᓰ, ᐅᐃᕕᕐᕆᒃᓯᔩᑦ ᑭᖑᕚᖏᑦ, 5ᐃᒡᓕᒎᕐᓂᕐᔪᐊᒧᑦ ᐱᔪᒪᓂᐊᓗᓯ ᑲᔪᓯᑎᖃᑦᑕᕐᐸᓯ ᓇᐹᕐᑐᐃᑦ ᓯᑕᒃᑍᑦ ᐊᑯᓐᓂᖏᓐᓂ, ᓇᐹᕐᑐᓕᒫᓪᓗ ᐊᑖᓂ; ᕿᑐᕐᖓᓯ ᑐᖁᑉᐸᒃᐸᓯ ᓇᕐᓴᓂ, ᕾᕈᓱᐃᓪᓗ ᖁᖕᓈᖏᑕ ᐃᓗᖏᓐᓂ. 6ᐅᔭᕋᖕᓂᒃ ᕾᕋᑦᑐᓂᒃ ᓇᕐᓴᓂᑦ ᐱᓇᓱᐊᕐᐸᒃᐳᓯ; ᓇᓚᐅᑦᑖᕐᓂᒃᑯᑦ ᑐᑭᑖᕈᑎᒋᓪᓗᒋᑦ ᐃᒥᕐᓂᐊᕐᑕᑦᓯᓐᓂᒃ ᑯᕕᓯᓪᓗᓯ ᑐᓂᕐᕈᓯᕐᐸᒃᐳᓯ, ᓂᐊᖂᔭᒃᓴᓂᒡᓗ ᑐᓂᕐᕈᓯᕐᕕᒋᓪᓗᒋᑦ, ᑕᒪᒃᑯᓄᖓ ᓮᒻᒪᕐᑎᑕᐅᔪᓐᓇᕐᐳᖔ? 7ᓄᓇᓂ ᐳᕐᑐᔪᓂ ᐱᖑᕐᓂᓗ ᐃᓇᖓᖃᑎᒌᒋᐊᕐᑐᕐᐸᒃᐳᓯ, ᑐᓂᔭᒃᓴᑦᓯᓐᓂᒡᓗ ᑐᓂᕐᕈᓯᕆᐊᕐᑐᕐᐸᒃᓗᓯ. 8ᐅᒃᑯᐊᑦᓯᓐᓄᑦ ᐊᕙᓗᖏᓐᓄᓪᓗ ᓂᕕᓐᖓᕐᑎᑦᓯᕙᒃᐳᓯ ᒎᑎᖃᖏᑦᑐᑦ ᐱᔪᓐᓇᐅᑎᖏᓐᓂᒃ; ᐅᕙᓐᓂᒃ ᖁᔭᓈᕐᓯᖔᕐᓗᓯ, ᕿᐱᓯᓗ ᒪᒃᐱᕐᓗᒋᑦ ᐃᓐᓇᖓᖃᑎᒌᒃᐸᒃᐳᓯ; ᓯᓂᒡᕕᓯ ᓴᓂᒧᑐᔫᓕᕐᑎᓪᓗᒋᑦ ᐊᖏᖃᑎᖃᕐᐸᒃᐳᓯ ᐊᑭᑭᒡᓕᒋᐊᕈᑎᒃᓴᖏᓐᓂᒃ ᑖᒃᑯᐊ; ᓯᓂᒡᕕᖏᑦ ᐅᖓᒋᒐᑦᓯᐅᒃ, ᐊᓐᓄᕅᓐᖔᕐᑎᓪᓗᒋᑦ ᑕᑯᓐᓇᕈᒪᓪᓗᒋᑦ. 9ᐂᓚᐅᕐᐳᓯ ᒧᓕᑭᒧᑦ ᐅᕐᓱᒥᒃ ᓇᒃᓴᕐᓗᓯ ᑎᐱᑦᓯᐊᕆᒃᓴᐅᑎᓯ ᐅᓄᕐᓯᑎᓪᓗᒋᑦ; ᐊᐅᓪᓚᕐᑎᑦᓯᓚᐅᕐᐳᓯ ᐃᓚᑦᓯᓐᓂᒃ, ᐅᖓᓯᑦᑐᒥᐅᓄᑦ, ᐊᒡᓛᑦ ᑐᖁᓯᒪᔪᑦ ᐃᓂᖏᓐᓄᑦ. 10ᐃᓕᖅᑯᓯᕆᔭᓯ ᓯᕕᑐᓂᖓ ᑕᖃᑦᔪᑎᒋᒐᑦᓯᐅᒃ, ᓱᓕ ᐅᖃᓚᐅᓐᖏᓚᓯ, ‘ᓴᐱᕐᓇᕐᓯᕗᖅ,’ ᐱᔪᓐᓇᕐᓯᒃᑲᓐᓂᓚᐅᕋᑦᓯ, ᑍᒤᒻᒪᑦ ᐊᔪᓕᓚᐅᓐᖏᓚᓯ. 11ᑭᓇᒃᑯᓐᓂᒃ ᑲᑉᐱᐊᒋᔭᖃᒧᑦ ᓯᕘᕋᒋᔭᖃᒧᓪᓗ ᓴᒡᓗᓚᐅᕐᐱᓰ? ᐅᕙᓐᓂᒡᓗ ᐃᖅᑲᐅᒪᔪᓐᓃᕐᓗᓯ, ᐃᖅᑬᔪᓐᓇᕋᓯᓗ ᐅᕙᓐᓂᒃ, ᓂᐱᖃᓚᐅᖏᓐᓂᓐᓄᑦ ᐊᑯᓂ, ᑍᒤᒻᒪᑦ ᐅᕙᓐᓂᒃ ᓯᕘᕋᔪᓐᓃᕐᐱᓰ? 12ᐃᓱᐊᕐᑑᓂᕋᕐᓗᓯ ᐱᓂᐊᕐᓂᑦᓯᐊᕆᖕᓂᕋᕐᓗᓯᓗ ᐅᖃᐅᓯᕆᓂᐊᕐᐸᑦᓯ, ᑕᒪᓐᓇᓕ ᐃᓕᑦᓯᓐᓄᑦ ᐃᑲᔪᕈᑎᒃᓴᖃᕐᓂᐊᓐᖏᓚᖅ. 13ᐃᑲᔪᕐᑎᒃᓴᕐᓯᐅᕐᓗᓯ ᓂᓪᓕᐊᒍᑦᓯ ᒎᑎᓐᖑᐊᑦᓯᓐᓄᑦ ᐱᐅᓕᔭᐅᓂᐊᓕᕐᐳᓯ, ᐊᓄᕆᒧᑦ ᑎᒃᑕᐅᕋᕈᒫᕐᐳᑦ, ᐊᓂᕐᓵᕐᓂᑐᐃᓐᓇᕐᒧᑦ ᑎᒃᑕᐅᔭᕇᕈᒫᕐᐳᑦ, ᐅᕙᓐᓂᒡᓕ ᑕᑎᖃᕐᑑᑉ ᓄᓇ ᐱᒋᔪᒫᕐᐹ, ᖃᖅᑲᖁᑎᒐᓗ ᐃᑦᔪᕐᓁᑦᑐᖅ ᓇᖕᒥᓂᕆᓕᕐᓗᓂᐅᒃ.”
ᒎᑎᐅᑉ ᒪᒥᑎᑦᓯᑦᔪᑎᒃᓴᖏᑦ ᐹᓪᓚᒃᓯᒪᔪᒧᑦ
14ᐅᖃᕐᑐᖃᕈᒫᕐᐳᖅ, “ᓴᓇᒋᑦᓯ, ᓴᓇᒋᑦᓯ, ᐊᖅᑯᑎᒃᓴᖅ ᐱᔭᕇᓕᕐᓯᐅᒃ, ᐃᓄᖁᑎᒪ ᐊᑐᕐᓂᐊᕐᑕᖓᓂ ᐊᒡᕕᐊᕈᑎᒃᓮᑦ ᐲᔭᕐᑕᐅᓕᕐᓕᑦ.” 15ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ. 16ᐸᓯᒃᓯᓂᐊᓐᖏᓚᖓ ᑕᐅᕗᖓᓕᒫᖅ, ᓂᓐᖓᐅᒤᓐᓇᕐᓂᐊᕐᓇᖓᓗ; ᐃᓅᑉ ᐊᓂᕐᓂᖓ ᓵᓐᓂ ᐊᔪᓕᖁᓇᒍ, ᑕᕐᓂᖏᓪᓗ ᓴᓇᓚᐅᕋᒃᑭᑦ. 17ᓂᓐᖓᓚᐅᕋᒪ ᐊᔪᕐᑐᓕᔪᒪᓗᐊᕐᓂᖏᓐᓂᒃ ᐱᑦᔪᑎᖃᕐᓗᖓ, ᓱᒋᐊᓚᐅᕐᐸᒃᑲ, ᐃᔨᕐᓗᖓᓗ ᑖᒃᑯᓇᓐᖓᑦ ᓂᓐᖓᓚᐅᕋᒪ, ᑭᓯᐊᓂᓕ ᑲᑕᒃᐸᓪᓕᐊᑐᐃᓐᓇᓚᐅᕐᐳᑦ ᐊᑐᕈᒪᔭᑐᐃᓐᓇᕐᒥᖕᓂᒃ ᑲᔪᓯᕙᒃᓗᑎᒃ. 18ᐱᓂᐊᕐᓂᖏᑦ ᑕᑯᓯᒪᕙᒃᑲ, ᐋᖅᑭᒍᒫᕐᐸᒃᑲᓕ; ᑕᓯᐅᕈᒫᕋᒃᑭᑦ ᐅᑎᕐᑎᑦᓯᕕᒋᓗᒋᓪᓗ ᓮᒻᒪᕐᑎᑕᐅᓂᕐᒥᒃ, ᕿᒃᓵᖕᓂᕆᔭᖏᓐᓂᓪᓗ ᒪᓂᒍᕐᓗᒋᑦ. 19#ᐃᐱᓯ 2:17.ᓮᒪᓂᕐᑕᖃᕐᓕ, ᓮᒪᓂᕐᑕᖃᕐᓕ, ᖃᓂᑦᑐᒦᑦᑐᓄᑦ ᐅᖓᓯᒃᑐᒦᑦᑐᓄᓪᓗ, ᐊᑕᓂᖅ ᐅᖃᕐᐳᖅ; ᑕᕝᕙ ᐋᖅᑭᒍᒫᕐᐸᒃᑲ. 20ᐱᐅᖏᑦᑐᓂᒃ ᐃᓕᖅᑯᓯᓖᑦ ᑕᕆᐅᑉ ᒪᓕᖏᑎᑐᑦ ᑍᒤᑉᐳᑦ ᓄᖅᑲᖓᔪᓐᓇᖏᑦᑐᑦ, ᒪᓕᒡᔪᐊᖏᓪᓗ ᓴᖅᑭᑎᑦᓯᓪᓗᑎᒃ ᐃᓱᕐᑐᒥᒃ ᒪᕐᕋᕐᒥᒡᓗ. 21#ᐂᓮᐊᓯ 48:22.ᓮᓕᑦᓯᐊᕐᓇᕐᑐᒥᒃ ᐱᑕᖃᓐᖏᓚᖅ, ᐱᐅᖏᑦᑐᒥᒃ ᐃᓕᖅᑯᓯᖃᕐᑐᓄᑦ, ᒎᑎᒐ ᐅᖃᕐᐳᖅ.”
Currently Selected:
ᐂᓮᐊᓯᐅᑉ ᐊᒡᓚᖏᑦ 57: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
