ᐂᓮᐊᓯᐅᑉ ᐊᒡᓚᖏᑦ 18
18
ᒎᑎᐅᑉ ᓱᒋᐊᕐᓯᔪᒫᕐᓂᖓ ᐃᑎᐅᐱᐊᒥᐅᓂᒃ
1 #
ᔨᐸᓁᐊ 2:12. ᐋᕼᐊ, ᓄᓇ ᐃᓴᕈᕐᓱᕐᕙᓗᖕᓂᒃ ᑐᓴᕐᓴᐅᔪᓕᒃ, ᐃᑎᐅᐱᐊᑉ ᑰᖏᑕ ᐊᑭᐊᓃᑦᑐᖅ; 2ᑍᑲᓐᖓᑦ ᑎᓕᓯᕙᒃᑐᑦ ᑰᒃᑯᑦ ᓁᓕᒃᑯᑦ, ᐅᒥᐊᖃᕐᓗᑎᒃ ᓱᓪᓗᓕᕐᔪᐊᓂᒃ ᐅᒥᐊᓕᐊᕆᓯᒪᔪᓂᒃ! ᐂᓕᕆᑦᓯ ᓱᑲᑦᑑᔪᓯ ᐅᖃᕆᐊᕐᑐᕐᑎᐅᓪᓗᓯ. ᐃᓅᖃᑎᒌᒡᔪᐊᓄᑦ ᐊᖏᔫᑎᐅᓪᓗᑎᒃ ᕾᕋᑦᑐᓂᒃ ᐅᕕᓂᖃᕐᑐᓄᑦ, ᐃᓄᖕᓄᑦ ᑲᑉᐱᐊᒋᔭᐅᔪᓄᑦ ᖃᓂᑦᑐᒦᑦᑐᓄᑦ ᐅᖓᓯᒃᑐᒦᑦᑐᓄᓪᓗ, ᐃᓅᖃᑎᒌᒡᔪᐊᓄᑦ ᐊᔪᖏᑦᑐᕐᔪᐊᓄᑦ ᓵᓚᖃᕐᐸᒃᑐᓄᑦ, ᓄᓇᖏᑦ ᑰᖕᓄᑦ ᑭᒡᓕᓕᐅᕐᑕᐅᓯᒪᔪᓄᑦ. 3ᓄᓇᕐᔪᐊᕐᒥᐅᑕᓕᒫᖑᔪᓯ, ᓄᓇᕐᔪᐊᕐᒥ ᐃᓂᖃᕐᑐᓯ, ᓇᓗᓁᒃᑯᑕᖅ ᓴᖅᑭᑉᐸᑦ ᖃᖅᑲᐅᑉ ᖄᖓᓂ, ᑕᑯᓐᓇᕐᓂᐊᓕᕐᐳᓯ! ᑎᑦᑐᓚᐅᑎᓗ ᓂᓪᓕᕐᑎᑕᐅᒃᐸᑦ ᓈᓚᒋᑦᓯ! 4ᐊᑕᓂᐅᑉ ᐃᒫᒃ ᐅᖃᕐᕕᒋᖕᒪᖓ: “ᓂᐱᖃᖏᓪᓗᖓ ᑕᑯᓐᓇᕈᒪᕙᑦᓯ ᐃᓂᒋᔭᓐᓂᑦ ᓯᓚᑦᓯᐊᖑᑎᓪᓗᒍ ᓯᕿᓂᕐᒧᑦ ᐆᓇᕐᑎᑕᐅᔪᑎᑐᑦ, ᓄᕗᔭᑎᑐᓪᓗ ᖃᐅᓯᕐᑎᑦᓯᔪᑎᑐᑦ ᐱᕈᕐᑐᓂᒃ ᑲᑎᕐᓱᐃᕕᖕᒥ ᐅᖅᑰᑎᓪᓗᒍ. 5ᑲᑎᕐᓱᐃᕕᒃ ᓇᓪᓕᐅᑎᓚᐅᕐᑎᓐᓇᒍ ᓄᓇᕋᖏᑦ ᑲᑕᒐᕐᓯᒪᓕᕐᑎᓪᓗᒋᑦ, ᕔᓂᒃᓮᑦ ᐸᐅᕐᖓᖏᑦ ᐱᕈᕇᕐᓯᒪᑦᓯᐊᓕᕐᑎᓪᓗᒋᑦ, ᐱᕈᕐᑐᑦ ᓄᐃᓕᕐᑐᑦ ᓇᑲᑎᕈᒫᕐᐰᑦ ᓇᐹᕐᑐᐃᑦ ᓄᕗᖏᓐᓂᒃ ᓇᑲᑎᕆᑦᔪᑎᒧᑦ, ᐊᕙᓚᖓᔪᐃᓪᓗ ᓇᐹᕐᑐᒥᒃ ᓯᐊᒻᒪᒃᐸᓪᓕᐊᔪᑦ ᐲᔭᕈᒫᕐᐰᑦ. 6ᐃᓘᓐᓇᓕᒫᑦᓯᐊᑎᒃ ᕿᒤᓐᓇᕐᑕᐅᔪᒫᕐᐳᑦ ᑎᖕᒥᐊᓄᑦ ᓂᕿᑐᕐᑐᓄᑦ ᖃᖅᑲᓃᑦᑐᓄᑦ ᐆᒪᔪᓄᓪᓗ ᓄᓇᒦᑦᑐᓄᑦ. ᐊᐅᔭᓕᒫᖅ ᑎᖕᒥᐊᓄᑦ ᓂᕿᒋᔭᐅᓕᕈᒫᕐᐳᑦ, ᐅᑭᐅᓕᒫᕐᓗ ᐆᒪᔪᓄᑦ ᓄᓇᒦᑦᑐᓄᑦ ᓂᕿᒋᔭᐅᓗᑎᒃ.” 7ᑕᒪᓐᓇ ᓇᓪᓕᐅᑎᒃᐸᑦ ᑐᓂᕐᕈᑏᑦ ᐂᑦᑑᑎᒋᔭᐅᔪᒫᕐᐳᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓄᑦ ᐃᓅᖃᑎᒌᒡᔪᐊᓂᑦ ᐊᖏᔫᑕᐅᓪᓗᑎᒃ ᕾᕋᑦᑐᓂᒃ ᐅᕕᓂᖃᕐᑐᓂᑦ, ᐃᓄᖕᓄᑦ ᑲᑉᐱᐊᒋᔭᐅᔪᓄᑦ ᖃᓂᑦᑐᒦᑦᑐᓄᑦ ᐅᖓᓯᒃᑐᒦᑦᑐᓄᓪᓗ, ᐃᓅᖃᑎᒌᒡᔪᐊᓄᑦ ᐊᔪᖏᑦᑐᕐᔪᐊᓄᑦ ᓵᓚᖃᕐᐸᒃᑐᓄᑦ, ᓄᓇᖏᑦ ᑰᖕᓄᑦ ᑭᒡᓕᓕᐅᕐᑕᐅᓯᒪᔪᓄᑦ, ᓮᐅᓂᐅᑉ ᖃᖅᑲᖓᓄᐊᕈᒫᕐᐳᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᐊᑎᖃᕐᕕᒋᔭᖓᓂ.
Currently Selected:
ᐂᓮᐊᓯᐅᑉ ᐊᒡᓚᖏᑦ 18: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
