ᐄᑉᕈᐃᓄᑦ 6

1ᑍᒤᒻᒪᑦ ᓯᕗᒧᐊᓕᕐᑕ ᙭ᔅᑑᓯᒥ ᐱᒋᐊᓕᓵᕐᑐᕐᓯᐅᑎᑦ ᕿᒪᒡᓗᒋᑦ ᓵᒋᐊᕐᓂᐅᑉ ᑐᓐᖓᕕᒃᓴᖏᓐᓂᒃ ᐱᓇᓱᐊᒃᑲᓐᓂᕈᓐᓃᕐᑕ ᐱᓂᐊᕐᓂᕐᓂᒃ ᑐᖁᖓᔪᓂᒃ, ᐱᕈᕇᕐᓯᒪᔪᕐᓯᐅᑎᓂᒃ ᐱᓇᓱᐊᖔᓕᕐᑕ ᖃᓄᖅ ᐅᒃᐱᕐᑐᒃᓴᐅᖕᒪᖔᑦᑕ ᒎᑎᒧᑦ. 2ᐃᓕᓮᓗᑕ ᐹᑉᑎᑕᐅᓂᕐᒥᒃ, ᐸᑎᒻᒥᔭᐅᓂᕐᒥᒡᓗ, ᑐᖁᖓᔪᓪᓗ ᒪᑭᕝᕕᒃᓴᖓᓂᒃ, ᐃᖅᑲᕐᑐᕐᑕᐅᓂᕐᒥᒡᓗ ᐃᓱᖃᖏᑦᑐᒧᑦ. 3ᑍᒫᒡᓗ ᐱᓇᓱᐊᕈᒪᕗᒍᑦ ᒎᑎ ᐱᖁᔨᒃᐸᑦ.

4ᓵᒋᐊᕐᑎᑕᐅᒃᑲᓐᓂᕈᓐᓇᓐᖏᓚᑦ ᖃᐅᒻᒪᒃᓴᕐᑕᐅᓯᒪᓚᐅᕐᑐᑦ, ᑐᓂᕐᕈᑎᓂᒡᓗ ᕿᓚᖕᒥᑦ ᐱᔪᓂᒃ ᐆᒃᓯᓯᒪᔪᑦ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓚᖏᐅᑎᑎᑕᐅᓯᒪᔪᑦ, 5ᖃᐅᔨᓯᒪᔪᑦ ᒎᑎᐅᑉ ᐅᖃᐅᓯᖓᑕ ᐱᐅᔫᓂᖓᓂᒃ ᓯᓚᕐᔪᐊᓪᓗ ᐱᔪᒫᕐᑑᑉ ᐱᔪᓐᓇᕐᓂᖓᓂᒃ ᐃᒃᐱᒋᓯᒪᔪᑦ, 6ᑍᒤᑦᑐᓂᒃ ᖃᐅᔨᓚᐅᕐᓗᑎᒃ ᑲᑕᒃᐸᑕ, ᓵᒋᐊᕐᑎᑕᐅᒃᑲᓐᓂᕆᐊᒃᓴᖅ ᐊᔪᕐᓇᕐᐳᑦ, ᒎᑎᐅᑉ ᐃᕐᓂᖓᓂᒃ ᑭᑭᐊᒃᑐᐃᒃᑲᓐᓂᕐᒪᑕ ᓴᓐᓂᖓᔪᓕᖕᒧᑦ ᐃᓄᖕᓄᓪᓗ ᑲᓐᖑᓇᕐᓯᑎᓪᓗᒍ.

7ᓄᓇ ᐃᒥᖃᑦᑕᕐᑐᖅ ᓯᓚᓗᖕᒥᑦ ᖃᐅᓯᕐᑎᑕᐅᔭᕌᖓᒥ ᐱᕈᕐᑎᑦᓯᕙᒃᐳᖅ ᐱᕈᕐᑐᓂᒃ ᐊᑐᕐᓇᕐᑑᓕᕐᓗᓂᓗ ᑲᓐᖓᕐᓱᐃᓚᐅᕐᑐᓄᑦ ᒎᑎᐅᑉ ᓮᒻᒪᕐᑎᑦᓯᓂᖓᓄᑦ. 8#ᒨᓯᓯ ᓯᕗᓪᓖᑦ 3:17,18.ᓄᓇᓕ ᑲᑭᓪᓚᕐᓇᕐᑐᓂᒃ ᐱᕈᕐᓂᕐᓗᒃᑐᓂᒡᓗ ᐱᕈᕐᕕᐅᒃᐸᑦ ᐊᑑᑎᒃᓴᖃᓐᖏᓚᖅ ᓇᕐᕈᒋᔭᐅᓂᖓ ᓇᓗᓇᕈᓐᓃᕐᐸᒃᐳᖅ. ᑭᖑᓪᓕᕐᐹᒥᒃ ᐃᑯᐊᓚᒐᒃᓴᑐᐃᓐᓇᐅᓕᕐᓗᓂ.

9ᑍᒫᒡᓕ ᐅᖃᓪᓚᒃᑲᓗᐊᕈᑦᑕ, ᐃᓚᓐᓇᕆᔭᒃᑲ, ᐃᓕᑦᓯᓐᓂᒃ ᖁᓚᕈᑎᖃᓐᖏᓚᒍᑦ; ᖃᐅᔨᒪᒐᑦᑕ ᓮᒻᒪᕐᑎᑕᐅᓯᒪᒐᑦᓯ ᐱᐅᓕᔭᐅᕕᒃᓴᑦᓯᓐᓄᑦ. 10ᒎᑎ ᐊᑦᔨᒌᖏᑎᑦᓯᖏᒻᒪᑦ; ᐱᓇᓱᐊᕐᓯᒪᔭᑦᓯᓐᓂᒃ ᖄᖐᓐᓁᓂᐊᖏᓚᖅ ᑖᑦᓱᒥᖓᓗ ᐱᓪᓚᕆᖃᕐᓂᕐᒥᒃ ᓴᖅᑭᑎᓯᒪᔭᑦᓯᓐᓂᒃ ᐃᓄᖁᑎᖏᓐᓂᒃ ᐃᑲᔪᖃᑦᑕᕐᓯᒪᓂᑦᓯᒍᑦ ᓱᓕᓗ ᐃᑲᔪᖃᑦᑕᕋᑦᓯᒋᒃ. 11ᐃᓇᑦᓯᓪᓚᕆᒃᐳᒍᑦ ᐃᓕᑦᓯ ᐊᑐᓂᑦ ᑲᑦᓱᖕᒊᕐᓯᒪᓂᕆᔭᓯ ᑲᔪᓯᑦᓯᐊᖁᓪᓗᒍ ᐃᓱᐊᓄᑦ, ᓂᕆᐅᖕᓂᕆᔭᓯ ᑲᔪᓯᑦᓯᐊᕈᓐᓇᖁᓪᓗᒍ. 12ᐃᓕᑦᓯᓐᓂᒃ ᐃᕿᐊᓱᓕᖁᔨᓐᖏᓚᒍᑦ, ᒪᓕᖁᕙᑦᓯᓕ ᐅᒃᐱᕐᓗᑎᒃ ᕿᓄᐃᓵᓚᐅᕐᑐᓄᑦ ᐊᖏᕈᑕᐅᓯᒪᔪᓂᒡᓗ ᐱᑎᑕᐅᓚᐅᕐᑐᓄᑦ.

ᒎᑎᐅᑉ ᐊᖏᕈᑎᒋᓯᒪᔭᖏᑕ ᓱᓕᓪᓚᕆᖕᓂᖓ

13ᒎᑎ ᐂᑉᕋᕼᐋᒻᒧᑦ ᐊᖏᕈᑎᖃᓕᕋᒥ, ᓱᓕᑎᓐᓂᐊᕐᓂᕋᕐᑕᒥᓂᒃ ᐊᖏᕈᑎᖃᓚᐅᕐᐳᖅ, ᐊᓯᒥᓂᒡᓕ ᑍᔭᒃᓴᒥᒃ ᐊᖏᓂᕐᓴᕐᑕᖃᖏᒻᒪᑦ, ᓇᖕᒥᓂᖅ ᐊᑎᕐᒥᓂᒃ ᐊᑐᕐᓗᓂ ᐊᖏᕈᑎᖃᓚᐅᕐᐳᖅ. 14#ᒨᓯᓯ ᓯᕗᓪᓖᑦ 22:16,17.ᐅᖃᕐᓗᓂ, “ᓱᓕᓪᓚᕆᒡᓗᖓ ᓮᒻᒪᕐᑎᓐᓂᐊᕐᐸᒋᑦ ᑭᖑᕚᒃᓴᖃᕐᑎᓐᓂᐊᕐᐸᒋᓪᓗ ᐊᒥᓱᓂᒃ.” 15ᐂᑉᕋᕼᐊᒻᓗ ᕿᓄᐃᓵᓚᐅᕐᓗᓂ, ᐊᖏᕈᑕᐅᓯᒪᔪᒥᒃ ᐱᑎᑕᐅᓚᐅᕐᐳᖅ. 16ᐃᓄᒃ ᐅᖃᕕᒡᓗᓂ ᐊᖏᒻᒪᕆᒑᖓᒥ ᐊᑎᕐᒥᒃ ᑍᓯᖃᓯᐅᑦᔨᓲᖑᕗᖅ ᐊᖏᖅᑭᔭᒥᓂᒃ, ᐅᖃᕕᒡᓗᑎᒡᓗ ᐊᖏᒻᒪᕆᒍᑎᖃᕌᖓᑕ ᐂᕙᔭᐅᔪᓐᓇᓐᖏᓚᑦ. 17ᒎᑎᓕ ᖁᓚᕐᓇᖏᑦᓯᐊᕐᑐᒥᒃ ᐊᖏᕈᑎᒋᔭᒥᓂᒃ ᐊᓯᑦᔨᑦᔮᖏᓐᓂᖓᓂᒃ ᖃᐅᔨᑎᑦᓯᔪᒪᒐᒥ ᐊᖏᒻᒪᕆᒍᑕᐅᔪᒥᒃ ᑲᔪᓯᑎᑦᓯᔪᒃᓴᓄᑦ, ᖁᓚᕐᓁᕐᑎᓚᐅᕐᐹ ᐊᖏᒻᒪᕆᖕᓂᕐᒥᒃ ᓇᓗᓁᒃᑯᓯᕐᓗᓂᐅᒃ. 18ᒎᑎ ᑍᒤᓕᐅᓚᐅᕐᐳᖅ, ᓴᖅᑭᑎᑦᓯᔪᒪᓪᓗᓂ ᒪᕐᕉᖕᓄᑦ ᓱᖁᓯᔪᐃᑦᑑᖕᓄᑦ ᒎᑎ ᓴᒡᓗᔭᕆᐊᒃᓴᖅ ᐊᔪᕐᓇᒻᒪᕆᖕᓂᖓᓂᒃ, ᐅᕙᒍᑦ ᓴᐳᑦᔭᐅᓂᕐᒥᒃ ᓂᕆᐅᒋᔭᒃᓴᕐᑖᕐᓯᒪᔪᒍᑦ ᑲᔪᖏᕐᓴᕐᑕᐅᒻᒪᕆᖁᓪᓗᑕ. 19#ᒨᓯᓯ ᐱᖓᔪᖏᑦ 16:2.ᑕᒪᑐᒥᖓ ᓂᕆᐅᒋᔭᒃᓴᖃᕐᑐᒍᑦ ᑕᕐᓂᑦᑎᓐᓄᑦ ᑭᓴᕐᕕᓕᐅᕐᓯᒪᕗᒍᑦ, ᖁᓚᕐᓇᖏᑦᑐᒥᒃ ᐊᑦᑕᕐᓇᖏᑦᑐᒥᒡᓗ. ᑐᒃᓯᐊᕐᕕᒡᔪᐊᑉ ᑖᓗᑕᕐᔪᐊᖓᑕ ᐅᖓᑖᓄᑦ ᐃᑎᕐᓯᒪᔪᒥᒃ ᐃᑦᔪᕐᓁᓐᓂᕐᐹᖁᑎᖓᓄᑦ, 20#ᐃᓐᖏᕈᑦ 110:4.ᑕᕝᕙᓂ ᔩᓱᓯ, ᐅᕙᑦᑎᓐᓂᒃ ᐱᑦᔪᑎᖃᕐᓗᓂ ᐃᑎᕐᓯᒪᕗᖅ, ᐅᕙᑦᑎᓐᓂᑦ ᓯᕗᓪᓕᐅᓪᓗᓂ. ᑐᓂᕐᕈᓯᕐᑎᑦᓯᔨᓄᓪᓗ ᐊᖓᔪᖅᑲᐅᓕᕐᓗᓂ ᐃᓱᖃᖏᑦᑐᒧᑦ, ᒥᓪᑭᓯᑎᐅᑉ ᑐᓂᕐᕈᓯᕐᑎᑦᓯᔨᐅᓂᖓᑐᑦ.

Currently Selected:

ᐄᑉᕈᐃᓄᑦ 6: EAIB

Highlight

Compare

Copy