ᒐᓔᑎᐊᒥᐅᓄᑦ 4

1ᐃᒫᒃ ᐅᖃᕐᐳᖓ ᑭᖑᕐᖑᑦᔨᔪᒃᓴᖅ, ᓄᑕᕋᐅᓂᖓᓂ, ᓯᐊᓛᑎᑐᑦ ᐱᔭᐅᕗᖅ, ᑕᒤᓐᓂᒃ ᑭᖑᕐᖑᑎᔭᒃᓴᓂᒃ ᐱᖃᕋᓗᐊᕐᑎᓪᓗᒍ; 2ᑲᒪᔨᓄᑦ ᐊᐅᓚᑦᓯᔨᓄᓪᓗ ᐱᕈᕐᓴᑎᓪᓗᒍ ᑲᒪᒋᔭᐅᕗᖅ ᐱᒃᓴᖏᑦ ᐊᐅᓚᑕᐅᓪᓗᑎᒃ ᐊᑖᑕᖓᑕ ᐱᑖᕐᕕᐅᖁᔭᖓ ᑎᑭᓚᐅᓐᖏᓐᓂᖓᓂ. 3ᑍᒫᒃᑕᐅᖅ ᐅᕙᒍᑦ; ᓄᑕᕋᐅᑎᓪᓗᑕ ᓯᐊᓛᕆᔭᐅᓚᐅᕐᐳᒍᑦ ᓯᓚᕐᔪᐊᑦᑎᓐᓂ ᐊᓂᕐᓂᕐᓄᑦ ᑕᑯᒃᓴᐅᖏᑦᑐᓄᑦ ᐊᐅᓚᑕᐅᑎᓪᓗᑕ. 4ᓇᓪᓕᐅᑦᑐᕐᓕ ᓈᒻᒪᓈᑦᓯᐊᕐᑐᖅ ᓇᓪᓕᐅᑎᖕᒪᑦ, ᒎᑎᐅᑉ ᐃᕐᓂᓂ ᑎᓕᓚᐅᕐᐹ, ᐊᕐᓇᒧᑦ ᐃᕐᓂᐊᖑᓪᓗᓂ, ᐱᖁᔭᓄᑦ ᐊᐅᓚᑕᐅᓪᓗᓂ, 5#ᕉᒪᒥᐅᓄᑦ 8:15-17.ᐱᖁᔭᓄᑦ ᐊᐅᓚᑕᐅᔪᑦ ᐱᐅᓕᔪᒪᓪᓗᒋᑦ, ᑎᒍᐊᕐᑖᖑᓗᑕ ᕿᑐᕐᖓᕐᑖᕆᔭᐅᖁᓪᓗᑕ.

6ᕿᑐᕐᖓᕆᔭᐅᓕᕋᑦᓯᓗ, ᒎᑎᐅᑉ ᐃᕐᓂᕐᒥ ᐊᓂᕐᓂᖓ ᐃᓗᑦᓯᓐᓄᐊᕐᑎᑉᐹ, ᑖᓐᓇ ᓂᓪᓕᐊᔪᖅ, “ᐋᐸ,#4:6 ᐋᐸ ᑐᑭᖃᕐᑐᖅ ᕼᐄᑉᐳᕉᑎᑐᑦ ᐊᑖᑕᒥᒃ ᓇᒡᓕᒋᔭᒥᓂᒃ ᐊᑖᑖᒃ!” 7ᑍᒤᒻᒪᑦ ᒎᑎᒃᑯᑦ ᓯᐊᓛᖑᔪᓐᓃᕐᐳᓯ ᕿᑐᕐᖓᕆᔭᐅᓕᕐᐳᓯᓕ, ᕿᑐᕐᖓᕆᓕᕋᒥᓯ ᑕᕝᕙ ᐱᑖᕐᑎᑎᑦᔪᑎᒃᓴᒥᓂᒃ ᐱᔭᒃᓴᖃᕐᑎᓕᕐᐹᓯ.

ᐸᐅᓗᓯᐅᑉ ᐃᓱᒫᓘᑎᖃᕐᓂᖓ ᒐᓔᑎᐊᒥᐅᓂᒃ

8ᑕᒪᑐᒪ ᓯᕗᓂᖓᒍᑦ, ᒎᑎᒥᒃ ᖃᐅᔨᒪᓚᐅᕐᑎᓐᓇᓯ, ᓯᐊᓛᕆᔭᐅᓚᐅᕐᐳᓯ ᐃᓕᖅᑯᓯᑐᐃᓐᓇᕐᓄᑦ ᒎᑎᐅᖏᑦᑐᓄᑦ. 9ᒫᓐᓇᓕ ᒎᑎᒥᒃ ᖃᐅᔨᒪᓕᕋᑦᓯ, ᐅᕝᕙᓗ ᒎᑎᒧᑦ ᖃᐅᔨᒪᔭᐅᓕᕋᑦᓯ, ᓱᖕᒪᑦ ᐅᑎᕐᓯᒪᓕᕐᐱᓰ ᐊᓂᕐᓂᕐᓄᑦ ᐱᔪᓐᓇᕐᓂᖃᖏᑦᑐᓄᑦ? ᓯᐊᓛᕆᔭᐅᒃᑲᓐᓂᕈᒪᓕᕆᕕᓰ ᑍᒃᑯᓄᖓ? 10ᐃᒃᐱᒍᓱᑦᓯᐊᓲᖑᒐᑦᓯ ᓇᓪᓕᐅᑎᕙᒃᑐᓄᑦ ᐅᓪᓗᓄᑦ, ᑕᖅᑭᓄᓪᓗ, ᐊᕐᕌᒍᒥᓗ ᓇᓪᓕᐅᑎᕙᒃᑐᓄᑦ, ᐊᕐᕌᒍᓂᒡᓗ. 11ᐃᓱᒫᓗᓕᕐᐳᖓ ᐱᓇᓱᐊᕐᓂᕆᓚᐅᕐᑕᒃᑲ ᐃᓕᑦᓯᓐᓄᑦ ᑕᒪᐅᖓᑐᐃᓐᓈᕐᓯᒪᔪᕆᓪᓗᒋᑦ.

12ᐅᒃᐱᕐᑑᖃᑎᒃᑲ, ᕿᓄᕕᒋᕙᑦᓯ, ᐅᕙᑦᑐᑦ ᑍᒤᓚᐅᕆᑦᓯ, ᐅᕙᖓᑦᑕᐅᖅ ᐃᓕᑦᓯᑐᑦ ᑍᒤᓐᓇᒪ. ᐅᕙᓐᓄᑦ ᐱᓂᐊᕐᓗᒃᓯᒪᖏᓐᓇᑦᓯ. 13ᐃᖅᑲᐅᒪᕗᓯ ᑎᒥᒃᑯᑦ ᐊᑲᕐᕆᖏᓐᓂᓐᓄᑦ#4:13 ᐃᓱᕆᖏᓂᓐᓄᑦ ᐃᓕᑦᓯᓐᓂᒃ ᓯᕗᓪᓕᐅᑦᔨᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᒡᕕᒋᖅᑳᓚᐅᕋᑦᓯ. 14ᑎᒥᒪ ᐊᑲᕐᕆᖏᓐᓂᖓ ᐊᒃᓱᕉᑎᒋᒐᓗᐊᕐᓗᓯᐅᒃ, ᖁᔭᓈᓚᐅᓐᖏᓚᑦᓯᓐᖓ ᓇᕐᕈᒋᓇᖓᓗ, ᒎᑎᐅᓪᓕ ᐂᖏᓕᖏᑎᑐᑦ ᕿᓚᖕᒥᑦ ᑎᑭᑦᑐᑎᑐᑦ ᑐᓐᖓᓱᒃᑎᓚᐅᕐᐸᑦᓯᓐᖓ, ᙭ᔅᑑᓯ ᔩᓱᓯᑐᑦ ᐊᒡᓛᑦ. 15ᓇᐅᒡᓕ ᐃᑲᔪᕈᒪᓂᕆᓚᐅᕐᑕᓯ? ᐅᕙᖓᓕ ᐅᖃᐅᑎᔪᓐᓇᕐᐸᑦᓯ ᐃᒫᒃ; ᐊᒡᓛᑦ ᐃᔨᓯ ᐱᕈᓐᓇᕈᑦᓯᐅᒃ ᐲᕐᓗᒋᑦ, ᐅᕙᓐᓄᑦ ᑐᓂᔪᒪᓚᐅᕋᓗᐊᕐᐸᓯ. 16ᒫᓐᓇᓕ ᐊᑭᕋᕐᑎᑐᑦ ᐃᓱᒪᒋᓕᕐᐱᓯᓐᖔ ᓱᓕᔪᒥᒃ ᐅᖃᐅᑎᓕᕋᑦᓯ?

17ᑍᒃᑯᐊ ᐊᓯᕗᑦ ᐊᒃᓱᕈᑦᓯᐊᕐᑐᐊᓘᔮᕐᒪᑕ ᐃᓕᑦᓯᓐᓄᑦ, ᑭᓯᐊᓂᓕ ᐃᓱᒪᒋᔭᖏᑦ ᓈᒻᒪᓈᕐᓯᒪᓐᖏᓚᑦ; ᐃᓕᑦᓯᓐᓂᒃ ᐊᕕᑎᑦᓯᓇᓱᐊᑐᐃᓐᓇᕐᐳᑦ ᐅᕙᓐᓂᑦ, ᐃᓕᑦᓯᓐᓄᑦ ᐃᓱᒪᒋᔭᐅᑦᓯᐊᕈᒪᑐᐃᓐᓇᕐᓗᑎᒃ. 18ᐃᓛᒃ ᐃᓱᒪᒋᑦᓯᐊᖃᑦᑕᐅᑎᓂᖅ ᐱᐅᔫᒐᓗᐊᕐᐳᖅ ᐱᑦᔪᑎᒃᓴᖓ ᓈᒻᒪᓈᕐᓯᒪᒃᐸᑦ, ᐃᓕᑦᓯᓐᓂ ᓇᔫᑎᖏᒃᑲᓗᐊᕈᒪ. 19ᕿᑐᕐᖓᑯᓗᒃᑲ, ᐊᓈᓇᐅᔪᑎᑐᑦ ᐃᒃᐱᒍᓱᒐᒪ ᓲᕐᓗ ᐃᕐᓂᓱᒃᑐᑐᑦ, ᐋᓐᓂᐊᕈᑎᒋᕙᑦᓯ, ᙭ᔅᑑᓯᐅᑉ ᐃᓅᓯᖓᓂᒃ ᐃᓅᓕᓚᐅᖏᓐᓂᑦᓯᓐᓂ. 20ᒫᓐᓇ ᓇᔪᕈᒪᓪᓚᕆᒃᑲᓗᐊᕐᐸᑦᓯ ᐊᑦᔨᒋᓐᖏᑕᖓᓂᒃ ᐱᐅᓯᖃᕐᕕᒋᔪᓐᓇᓪᓚᕆᓕᕋᑦᓯ, ᐃᓱᒫᓘᑎᖃᓪᓚᕆᓕᕋᒪ ᐃᓕᑦᓯᓐᓂᒃ.

ᕼᐂᒐᐅᑉ ᓵᕋᐅᓪᓗ ᐊᑦᔨᐅᑎᑕᐅᓂᖏᒃ

21ᐊᐱᕆᓚᐅᕐᓚᑦᓯ ᐱᖁᔭᓄᑦ ᐊᐅᓚᑕᐅᔪᒪᔪᓯ, ᐱᖁᔧᑦ ᑐᓴᕐᓯᒪᖏᓐᓇᑦᓯᐅᒃ? 22#ᒨᓯᓯ ᓯᕗᓪᓖᑦ 16:15; ᒨᓯᓯ ᓯᕗᓪᓖᑦ 21:2.ᐅᖃᕐᓯᒪᖕᒪᑕ ᐂᑉᕋᕼᐋᒻᒎᖅ ᐃᕐᓂᖃᓚᐅᕐᐳᖅ ᒪᕐᕉᖕᓂᒃ, ᐂᑉᐸᖓ ᓯᐊᓛᒃᑯᑦ ᐃᕐᓂᖓ, ᐂᑉᐸᖓᓕ ᓯᐊᓛᖑᖏᑦᑐᒃᑯᑦ ᐃᕐᓂᖓ. 23ᐃᕐᓂᖓᓗ ᓯᐊᓛᒃᑯᑦ ᐃᕐᓂᐊᖑᓚᐅᕐᑐᖅ ᑎᒥᐅᑉ ᐱᔪᒪᔭᖓ ᒪᓕᒡᓗᒍ ᐃᕐᓂᕐᑖᕆᓚᐅᕐᐹ, ᓯᐊᓛᖑᖏᑦᑐᒃᑯᓪᓕ ᐃᕐᓂᕐᑖᖓ ᐃᕐᓂᐊᖑᓚᐅᕐᐳᖅ ᐊᖏᕐᓯᒪᓂᒃᑯᑦ. 24ᑖᒃᑯᐊᒃ ᑐᑭᓯᑦᔪᑎᒃᓴᐅᔪᓐᓇᕐᐴᒃ: ᐊᕐᓈᒃ ᒪᕐᕉᒃ ᑐᑭᖃᕈᓐᓇᕐᒪᑎᒃ ᐊᖏᕐᓯᒪᓃᖕᓂᒃ ᒪᕐᕉᖕᓂᒃ. ᖃᖅᑲᒥ ᓮᓁᒥ ᐊᖏᖃᑎᒌᒍᑕᐅᓚᐅᕐᑐᒥᒃ ᓴᖅᑭᑎᑦᓯᔪᖅ ᑖᓐᓇ ᕿᑐᕐᖓᕐᑖᕐᓯᒪᕗᖅ ᓯᐊᓛᖑᓪᓗᓂ; ᐂᒐᕐ. 25ᐂᒐᕐ ᖃᖅᑲᒥ ᓮᓁᒥ ᐱᓂᐊᓂᐅᓯᒪᔪᒥᒃ ᑐᑭᖃᕐᐳᖅ ᐊᕅᐱᐊᒥᒃ; ᑖᓐᓇᓗ ᑐᑭᖃᕐᐳᖅ ᔨᕉᓴᓕᐅᑉ ᐃᒡᓗᒐᓴᒡᔪᐊᖏᓐᓂᒃ ᐅᓪᓗᒥ, ᑎᒍᔭᐅᓯᒪᓪᓗᑎᒃ ᓯᐊᓛᕆᔭᐅᔪᓂᒃ. 26ᕿᓚᖕᒥᓕ ᔨᕉᓴᓕᐅᔪᒫᕐᑐᖅ ᕿᓚᒃᓱᕐᑕᐅᓯᒪᓐᖏᓚᖅ, ᑖᓐᓇᓗ ᑕᕝᕙ ᐊᓈᓇᒋᕙᕗᑦ. 27#ᐂᓮᐊᓯ 54:1.ᐊᒡᓔᑦ ᑎᑎᕋᕐᓯᒪᖕᒪᑕ,

“ᐊᕐᓈᖅ ᕿᑐᕐᖏᓱᐃᑦᑐᑎᑦ ᖁᕕᐊᓱᒋᑦ;

ᕾᒐᓛᕐᓗᑎᑦ ᓂᓪᓕᐊᒋᑦ, ᐃᕐᓂᓱᖕᓂᕐᒧᑦ ᐋᓐᓂᐊᓚᐅᕐᓯᒪᖏᑦᑐᑎᑦ;

ᐊᕐᓇᖅ ᑐᓄᑕᐅᓯᒪᔪᕕᓂᖅ ᕿᑐᕐᖏᐅᕐᓂᕐᓴᐅᖕᒪᑦ

ᐊᕐᓇᐅᖃᑎᒥᓂᑦ ᐅᐃᒥᓄᑦ ᕿᒪᒃᑕᐅᓚᐅᕐᓯᒪᖏᑦᑐᒥᑦ.”

28ᑕᕝᕙᓕ, ᐅᒃᐱᕐᑑᖃᑎᒃᑲ, ᐂᓴᑭᑐᑦ ᕿᑐᕐᖓᐅᕗᓯ ᐊᖏᕐᓯᒪᓂᒃᑯᑦ. 29#ᒨᓯᓯ ᓯᕗᓪᓖᑦ 21:9.ᑍᑦᓱᒪᓂ ᑎᒥᐅᑉ ᐱᔪᒪᔭᖓ ᐊᑐᕐᓗᒍ ᐃᕐᓂᕐᑖᖑᓚᐅᕐᑑᑉ ᐊᓂᕐᓂᒃᑯᑦ ᐃᕐᓂᕐᑖᕆᔭᐅᓯᒪᔪᖅ ᐊᑭᕋᕐᑐᓚᐅᕐᒪᒍ, ᒫᓐᓇᑦᑕᐅᖅ ᑍᒤᑦᑑᒋᕗᖅ. 30#ᒨᓯᓯ ᓯᕗᓪᓖᑦ 21:10.ᖃᓄᕐᓕ ᐊᒡᓔᑦ ᐅᖃᕐᐸ? “ᐊᕐᓇᖅ ᓯᐊᓛᖑᔪᖅ ᐃᕐᓂᖓᓗ ᐊᐅᓪᓚᕐᑎᑕᐅᓕᒃ; ᓯᐊᓛᑉ ᐃᕐᓂᖓ ᐊᑖᑕᒥ ᐱᖏᓐᓂᒃ ᑭᖑᕐᖑᔨᖃᑦᑕᐅᓂᐊᖏᒻᒪᑦ ᓯᐊᓛᖑᖏᑦᑑᑉ ᐃᕐᓂᖓᓄᑦ.” 31ᑍᒤᒻᒪᑦ ᐅᒃᐱᕐᑑᖃᑎᒃᑲ, ᐊᕐᓇᒧᑦ ᓯᐊᓛᒧᑦ ᕿᑐᕐᖓᕆᔭᐅᓐᖏᓚᒍᑦ ᓯᐊᓛᖑᖏᑦᑐᒧᓪᓕ.

Currently Selected:

ᒐᓔᑎᐊᒥᐅᓄᑦ 4: EAIB

Highlight

Compare

Copy