ᒐᓔᑎᐊᒥᐅᓄᑦ 2
2
ᐸᐅᓗᓯ ᐋᐴᓯᑕᓕᐅᖃᑎᖏᓪᓗ
1 #
ᐋᐴᓯᑕᓖᑦ 11:30; 15:2. ᐊᕐᕌᒍᐃᑦ 14 ᐊᓂᒍᕐᓯᒪᓕᕐᑎᓪᓗᒋᑦ ᔨᕉᓴᓕᒻᒧᑦ ᐅᑎᓚᐅᕐᐳᖓ ᐸᕐᓇᐹᓯᒥᒃ ᐱᖃᑎᖃᕐᓗᖓ, ᑍᑑᓯᓗ ᐃᓚᒋᓪᓗᑎᒍ. 2ᔨᕉᓴᓕᒻᓕᐊᓚᐅᕐᐳᖓ ᒎᑎᐅᑉ ᑕᑯᑎᓚᐅᕐᒪᖓ ᑕᐅᕗᓐᖓᕆᐊᖃᕐᓂᓐᓂᒃ; ᑕᓯᐅᕐᑎᐅᔪᑦ ᐅᒃᐱᕐᑑᖃᑎᒌᓂ ᑲᑎᒪᖃᑎᑐᐊᕆᓪᓗᒋᑦ ᓇᓗᓁᕐᓯᕕᒋᓚᐅᕐᐸᒃᑲ ᐅᖃᐅᓰᑦ ᑐᓴᕈᒥᓇᕐᑐᑦ ᔫᑎᐅᖏᑦᑐᓄᑦ ᐊᔪᕆᕐᑐᐃᑦᔪᑎᒋᖃᑦᑕᕐᑕᒃᑲ ᐱᓇᓱᐊᕐᓂᕆᓚᐅᕐᑕᒃᑲᓗ ᐱᑦᔪᑎᒋᓪᓗᒋᑦ, ᒫᓐᓇ ᐱᓇᓱᐊᕐᓂᕆᔭᒃᑲ ᑕᒪᐅᖓᑐᐃᓐᓈᖁᓇᒋᑦ. 3ᐱᖃᑎᒋᖃᑦᑕᕐᑕᕋ ᑍᑑᓯ, ᒍᕇᑭᐅᒐᓗᐊᕐᑎᓪᓗᒍ, ᑭᐱᔭᐅᑎᑕᐅᓚᐅᓐᖏᓚᖅ, 4ᐃᓚᖏᑦ ᐅᒃᐱᕐᑑᖃᑕᐅᓐᖑᐊᕐᑐᑦ ᐃᓚᓕᐅᑎᓚᐅᕐᒪᑕ, ᐅᕙᑦᑎᓐᓂᒃ ᖃᐅᔨᓴᕋᓱᐊᕐᓗᑎᒃ ᕿᓚᕈᔮᕐᑕᐅᓯᒪᓂᕆᔭᑦᑎᓐᓂᒃ ᔩᓱᓯ ᙭ᔅᑑᓯᒥᒃ ᐃᓚᖃᕐᓂᑦᑎᓐᓄᑦ, ᐅᕙᑦᑎᓐᓂᒃ ᐊᔪᓕᕐᑎᑦᓯᓗᑎᒃ ᓯᐊᓛᕐᑖᕈᒪᒧᑦ. 5ᐅᖃᐅᓰᑦ ᑐᓴᕈᒥᓇᕐᑐᑦ ᓱᓕᓂᖓ ᐃᓕᑦᓯᓐᓄᑦ ᐱᓯᒪᔭᐅᖁᒐᑦᑎᒍ, ᑖᒃᑯᓄᖓ ᓵᓚᒋᔭᐅᓂᐅᓴᓚᐅᓐᖏᓚᒍᑦ.
6 #
ᒨᓯᓯ ᑕᓪᓕᒪᖏᑦ 10:17. ᑍᒃᑯᓄᖓ ᑕᓯᐅᕐᑎᐅᓇᓱᒃᑑᒐᓗᐊᑦ ᖃᓄᐃᑑᒐᓗᐊᕐᒪᖔᑕ ᐅᕙᓐᓄᓪᓕ ᐃᓱᒫᓗᓇᖏᒻᒪᑕ; ᒎᑎ ᐃᓔᓐᓇᕐᓯᐅᖏᒻᒪᑦ, ᑍᒃᑯᓂᖓ ᐅᖃᐅᓯᖃᕐᐳᖓ, ᑕᓯᐅᕐᑎᐅᓇᓱᒃᑑᒐᓗᐊᑦ ᐅᕙᓐᓂᒃ ᐃᓱᒪᑖᑎᑦᓯᒃᑲᓐᓂᖏᒻᒪᑕ. 7ᖃᐅᔨᓯᒪᓕᕐᐳᓪᓕ, ᒎᑎᒧᑦ ᐱᔭᒃᓴᖃᕐᑎᑕᐅᓂᓐᓂᒃ ᔫᑎᐅᖏᑦᑐᓄᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᔪᕆᕐᑐᐃᓂᕐᒥᒃ, ᓲᕐᓗᑦᑕᐅᖅ ᐲᑦᑐᕉᓯ ᐱᔭᒃᓴᖃᕐᑎᑕᐅᓯᒪᖕᒪᑦ ᐊᔪᕆᕐᑐᐃᖁᓪᓗᒍ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᔫᑎᓄᑦ. 8ᒎᑎᐅᑉ ᐱᔪᓐᓇᕐᓂᖓᒍᑦ ᑎᓕᔭᐅᓚᐅᕋᒪ ᔫᑎᐅᖏᑦᑐᓄᑦ ᐱᓇᓱᐊᖁᓪᓗᖓ, ᑍᒫᑦᓮᓐᓇᕐᑕᐅᖅ ᐲᑦᑐᕉᓯ ᑎᓕᔭᐅᓯᒪᖕᒪᑦ ᔫᑎᓄᑦ ᐱᓇᓱᐊᖁᓪᓗᒍ. 9ᔧᒥᓯ, ᓰᐸᓯᓗ, ᔪᐊᓇᓯᓗ, ᑖᒃᑯᐊ ᐅᒃᐱᕐᑑᖃᑎᒌᓄᑦ ᐊᖓᔪᖅᑳᕆᔭᐅᔪᑦ, ᖃᐅᔨᑦᓯᐊᓚᐅᕐᐳᑦ ᒎᑎᒧᑦ ᐱᔭᒃᓴᖃᕐᑎᑕᐅᓂᓐᓂᒃ ᑕᒪᑐᒥᖓ; ᑍᒤᒻᒪᑦ ᐅᕙᓐᓂᒃ ᐸᕐᓇᐹᓯᒥᒡᓗ ᑎᓕᓯᓚᐅᕐᐳᑦ, ᓇᓗᓁᕐᓯᓪᓗᑎᒃ ᐱᓇᓱᐊᖃᑎᒌᖕᓂᑦᑎᓐᓂᒃ. ᐊᖏᖃᑎᒌᓚᐅᕐᐳᒍᓪᓗ ᐸᓇᐹᓯᓗ ᐅᕙᒍᒃ ᔫᑎᐅᖏᑦᑐᓄᑦ ᐱᓇᓱᐊᕐᓂᐊᕐᓗᓄᒃ ᑍᒃᑯᐊ ᔫᑎᓄᑦ ᐱᓇᓱᐊᕐᓂᐊᕐᓗᑎᒃ. 10ᐅᖃᑐᐃᓐᓇᓚᐅᕐᐳᓪᓗ ᐊᔪᕐᓴᕐᑐᓂᒃ ᐃᖅᑲᐅᒪᖃᑦᑕᖁᓪᓗᑕ ᐃᓚᒋᔭᑦᑎᓐᓂ, ᑕᒪᓐᓇᑦᑕᐅᖅ ᐱᓇᓱᐊᕈᒪᓂᕐᐹᕆᓯᒪᖕᒥᒐᒃᑯ.
ᐊᓐᑎᐅᑭᐊᒥ ᐸᐅᓗᓯᐅᑉ ᐃᓂᕐᑎᕆᓂᖓ ᐲᑦᑐᕉᓯᒥᒃ
11ᓰᐸᓯᓕ ᐊᓐᑎᐅᑭᐊᒧᑦ ᑎᑭᒻᒪᑦ, ᐃᓄᐃᑦ ᑕᒃᑯᐊᓂ ᓈᒻᒪᒃᓴᖏᓐᓂᓐᓂᒃ ᓇᓗᓁᕐᓯᕕᒋᓚᐅᕐᐸᕋ, ᑕᒻᒪᕐᓯᒪᓪᓚᕆᓚᐅᕐᒪᑦ. 12ᔧᒥᓯᐅᑉ ᑎᓕᓯᒪᔭᖏᑦ ᑎᑭᓚᐅᖏᓐᓂᖏᓐᓂ, ᐲᑦᑐᕉᓯ ᔫᑎᐅᖏᑦᑐᓄᑦ ᓂᕆᖃᑕᐅᖃᑦᑕᓚᐅᕐᒪᑦ. ᑎᑭᒻᒪᑕᓕ ᔫᑎᐅᖏᑦᑐᓄᑦ ᓂᕆᖃᑕᐅᖃᑦᑕᕈᓐᓃᓚᐅᕐᐳᖅ ᑭᐱᔭᐅᓯᒪᔪᑦ ᓯᕘᕋᒋᒐᒥᒋᑦ. 13ᔫᑎᓪᓗᑦᑕᐅᖅ ᐃᓚᖏᑦ ᒪᓕᒃᓴᓚᐅᕐᐳᑦ ᑕᒃᑯᕐᒨᓕᖃᑕᐅᓪᓗᑎᒃ ᐲᑦᑐᕉᓯᒧᑦ, ᐊᒡᓛᑦ ᐸᕐᓇᐹᓯ ᑕᒃᑯᕐᒨᖃᑕᐅᓕᓚᐅᕆᕗᖅ ᑕᒻᒪᕐᑎᑕᐅᓪᓗᓂ. 14ᑕᒪᑐᒥᖓᓕ ᖃᐅᔨᒐᒪ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓇᓛᒎᑦ ᒪᓕᒍᓐᓃᕐᓂᖏᓐᓂᒃ, ᓰᐸᓯ ᐅᖃᐅᑎᓚᐅᕐᐸᕋ, ᐃᓄᐃᑦ ᑐᓵᔪᐃᓐᓇᐅᑎᓪᓗᒋᑦ, “ᔫᑎᐅᓪᓗᑎᑦ, ᔫᑎᐅᖏᑦᑐᑎᑐᑦ ᐃᓅᖃᑕᐅᓕᓚᐅᕐᐳᑎᑦ ᔫᑎᑎᑑᖏᑦᑐᖅ. ᓱᖕᒪᑦ ᔫᑎᐅᖏᑦᑐᑦ ᔫᑎᑎᑐᑦ ᐃᓄᓯᕐᑖᕐᑎᓐᓇᓱᐊᕐᐱᒌᑦ?”
ᔫᑎᓪᓗ ᔫᑎᐅᖏᑦᑐᓪᓗ ᐱᐅᓕᔭᐅᕗᑦ ᐅᒃᐱᕐᓂᒃᑯᑦ
15ᐅᕙᒍᑦ ᔫᑎᐅᔪᒍᑦ ᔫᑎᐅᕗᒍᑦ ᐃᕐᓂᐊᖑᓂᑦᑎᒍᑦ, ᔫᑎᐅᖏᑦᑑᓇᑕ ᐊᔪᕐᑐᓕᔪᑦ. 16#ᐃᓐᖏᕈᑦ 143:2; ᕉᒪᒥᐅᓄᑦ 3:20; ᕉᒪᒥᐅᓄᑦ 3:22.ᖃᐅᔨᒪᕗᒍᓪᓕ ᐃᓄᒃ ᓈᒻᒪᒃᓯᑎᑕᐅᖕᒪᑦ ᐱᖁᔧᑦ ᐱᓂᐊᖁᔭᖏᑎᒎᖏᑦᑐᖅ ᐅᒃᐱᕐᓂᖅᑲᕐᓂᑯᓪᓕ ᔩᓱᓯ ᙭ᔅᑑᓯᒧᑦ. ᐅᕙᒍᑦᑕᐅᖅ ᔩᓱᓯ ᙭ᔅᑑᓯᒧᑦ ᐅᒃᐱᓕᕐᓯᒪᒐᑦᑕ, ᐸᓯᔭᒃᓴᐅᔪᓐᓃᕐᑎᑕᐅᓪᓗᑕ ᐅᒃᐱᕐᓂᑦᑎᒍᑦ ᙭ᔅᑑᓯᒧᑦ, ᐱᖁᔭᓂᒃ ᒪᓕᑦᓯᐊᕐᓂᕐᒨᖏᑦᑐᖅ, ᐱᖁᔧᑦ ᒪᓕᒃᑕᐅᑦᓯᐊᕐᓂᖏᑎᒍᑦ ᐸᓯᔭᒃᓴᐅᔪᓐᓃᕐᑐᖃᕈᓐᓇᖏᒻᒪᑦ. 17ᐸᓯᔭᒃᓴᐅᔪᓐᓃᕐᑎᑕᐅᔪᒪᓗᑕ ᙭ᔅᑑᓯ ᐃᓚᓕᐅᕐᓯᒪᒍᑦᑎᒍ, ᑕᕝᕙ ᔫᑎᐅᖏᑦᑐᑎᑐᑦ ᐊᔪᕐᑐᓕᓯᒪᓂᕗᑦ ᓇᓗᓇᕈᓐᓃᕐᑎᑕᐅᒐᔭᕐᐳᖅ, ᑍᒤᑉᐸᑦ ᙭ᔅᑑᓯ ᑕᕝᕙ ᐊᔪᕐᑐᓕᑎᑦᓯᓐᓂᕐᐹ? ᑍᒤᑦᓱᓐᓇᓐᖏᓚᖅ! 18ᐋᖅᑭᒃᓱᐃᓕᕐᒥᒍᒪ ᓱᕋᒃᑎᓚᐅᕐᑕᓐᓂᒃ, ᑕᕝᕙ ᓇᓗᓇᕈᓐᓃᕋᔭᕐᐳᖅ ᐱᖁᔭᓂᒃ ᓈᓚᖏᓐᓂᕋ. 19ᐱᖁᔧᑦ ᒪᓕᒡᓗᒋᑦ ᑐᖁᕗᖓ ᐱᖁᔭᓄᑦ ᑐᖁᑕᐅᓪᓗᖓ, ᒎᑎᒥ ᐃᓅᔪᓐᓇᕐᓯᖁᓪᓗᖓ. ᙭ᔅᑑᓯ ᑭᑭᐊᒃᑐᕐᑕᐅᖃᑎᒋᒐᒃᑯ; 20ᐅᕙᖓ ᐃᓅᔪᓐᓃᕐᐳᖓ, ᙭ᔅᑑᓯᓕ ᐅᕙᓐᓂ ᐃᓅᓕᕐᐳᖅ. ᒫᓐᓇ ᑎᒥᓐᓂ ᐃᓅᓯᕋ, ᐅᒃᐱᕐᓂᒃᑯᑦ ᐃᓅᓕᕐᐳᖓ ᒎᑎᐅᑉ ᐃᕐᓂᖓᓄᑦ, ᑖᑦᓱᒪ ᓇᒡᓕᒋᒐᒥᖓ ᐃᓅᓯᓂ ᑐᓂᓚᐅᕐᐹ ᐱᑦᔪᑎᒋᓪᓗᖓ. 21ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓇᕐᕈᒋᓐᖏᓚᕋ, ᐱᖁᔭᑎᒍᓪᓕ ᐃᓗᐊᕐᓯᑎᑕᐅᔪᖃᕈᓐᓇᕐᐸᑦ, ᙭ᔅᑑᓯ ᑐᖁᓯᒪᒐᔭᕐᐳᖅ ᐊᑑᑎᖃᖏᑦᑐᒥᒃ.
Currently Selected:
ᒐᓔᑎᐊᒥᐅᓄᑦ 2: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
