ᐃᓯᑭᐊᓕᐅᑉ ᐊᒡᓚᖏᑦ 40
40
ᑐᒃᓯᐊᕐᕕᒡᔪᐊᒃᓴᒥᒃ ᑕᑯᑎᑕᐅᓂᖅ
(40:1—48:35)
ᐃᓯᑭᐊᓕᐅᑉ ᔨᕉᓴᓕᒧᐊᕈᑦᔭᐅᓂᖓ
1ᐊᐅᓪᓚᕈᑦᔭᐅᓯᒪᓂᑦᑕ ᐊᕐᕌᒍᖏᑕ 25ᖓᓐᓂ, ᐊᕐᕌᒎᑉ ᐱᒋᐊᕐᓂᖓᓂ, ᑕᖅᑭᐅᑉ ᐅᓪᓗᒋᑕ 10ᖓᓐᓂ, ᔨᕉᓴᓕᐅᑉ ᓵᓚᐅᓯᒪᓂᖓᑕ ᐊᕐᕌᒍᐃᑦ 14ᖓᓐᓂ, ᐅᓪᓗᒥ ᑕᕝᕙᓂᓪᓗᐊᖅ, ᐊᑕᓂᐅᑉ ᐱᔪᓐᓇᕐᓂᖓᑕ ᓇᔪᓕᕐᐹᖓ, 2#ᑕᑯᑎ 21:10.ᒎᑎᐅᑉ ᑕᑯᑎᑕᐅᓂᒃᑯᑦ ᐃᓴᕆᐊᓕᒥᐅᑦ ᓄᓇᖓᓄᐊᕈᑎᕚᖓ, ᖃᖅᑳᓘᓪᓗ ᐳᕐᑐᔫᑉ ᖃᖓᓄᐊᕐᑎᑉᐹᖓ, ᐃᒡᓗᒐᓴᒡᔪᐊᑎᑐᑦ ᓴᓇᓯᒪᔫᔮᕐᑐᓂᒃ ᐊᑭᓪᓗᐊᓐᓂ ᑕᑯᓕᕐᐳᖓ. 3#ᑕᑯᑎ 11:1; 21:15.ᑕᕝᕗᓐᖓᐅᑎᖕᒪᖓ, ᑕᑯᒋᑦ, ᑕᑯᓕᕐᐳᖓ ᐊᖑᒻᒥᒃ, ᑕᐅᑦᑐᖓ ᑲᓐᓄᔭᑎᑐᑦ ᕿᓪᓕᕐᑐᒥᒃ, ᐊᒃᓱᓇᐅᔭᒥᒃ ᕿᕋᑕᔪᒥᒃ ᐆᒃᑐᕋᐅᒻᒥᒡᓗ ᓱᓪᓗᓕᖕᒥᒃ ᑎᒍᒥᐊᕐᑐᒥᒃ; ᐃᑎᕐᑕᕐᕕᖕᒥ ᓇᖏᕐᑐᒥᒃ. 4ᑖᑦᓱᒪᓗ ᐅᖃᐅᑎᕚᖓ, “ᐃᓅᑉ ᐃᕐᓂᖓ, ᑕᑯᔭᑎᑦ ᐃᒃᐱᒋᑦᓯᐊᒃᑭᑦ, ᑐᓴᑦᓯᐊᕐᓗᒋᓪᓗ ᓯᐅᑎᖕᓄᑦ, ᑐᑭᓯᑦᓯᐊᕋᓱᐊᕐᓗᑎᓪᓗ ᑕᒤᓐᓂᒃ ᐃᓕᖕᓄᑦ ᑕᑯᔭᐅᑎᓐᓂᐊᕐᑕᓐᓂᒃ, ᑕᒪᒃᑯᓂᖓ ᑕᑯᑎᑦᓯᖁᓪᓗᖓ ᐃᓕᖕᓄᑦ ᑕᒪᐅᓐᖓᕐᑎᑕᐅᒐᕕᑦ; ᑕᑯᔭᓕᒫᕐᓂᒃ ᐃᓴᕆᐊᓕᐅᑉ ᑭᖑᕚᖏᓐᓄᑦ ᐅᖃᐅᓯᖃᕐᑐᒃᓴᐅᕗᑎᑦ.”
ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᖅ ᐃᑎᕐᑕᕐᕕᒃ
5 #
ᐊᑕᓃᑦ ᓯᕗᓪᓖᑦ 6:1-38; ᑯᕉᓂᑲ ᐂᑉᐸᖏᑦ 3:1-9. ᑕᑯᒋᓪᓗ, ᑐᒃᓯᐊᕐᕕᒡᔪᐊᕐᒥᒃ ᑕᑯᕗᖓ ᓯᓚᑖᒍᑦ ᐊᕙᑎᓕᒫᒥᒍᑦ ᐊᕙᓗᕐᔪᐊᓕᖕᒥᒃ, ᐊᖑᑎᐅᓪᓗ ᑎᒍᒥᐊᕐᑕᖓ ᐆᒃᑐᕋᐅᑦ ᓱᓪᓗᓕᒃ ᑕᑭᓂᖃᕐᐳᖅ 10ᓂᒃ ᐃᑎᒐᖕᓂᒃ, ᑖᑦᓱᒧᖓᓗ ᐊᕙᓗᕐᔪᐊᖅ ᐆᒃᑐᕋᖕᒪᒍ ᐃᑦᔪᓂᖃᕐᐳᖅ ᐆᒃᑐᕋᐅᑎᖓᑐᑦ, ᐆᒃᑐᕋᐅᑎᖓᑐᓪᓗ ᓯᓕᖕᓂᖃᕐᓗᓂ. 6ᑕᕝᕙᓐᖓᓪᓗ ᐃᑎᕐᑕᕐᕕᖕᒧᐊᕐᐳᖅ ᓯᕿᓂᐅᑉ ᓄᐃᕕᐊᑕ ᓇᓛᓄᑦ ᓵᓐᖓᔪᒧᑦ, ᑐᓪᓕᕌᑎᒍᑦ ᒪᔪᕋᕐᓗᓂ, ᐃᑎᕐᑕᕐᕕᐅᑉ ᑐᓪᓕᕌᖓ ᐆᒃᑐᕋᕐᒪᒍ ᐆᒃᑐᕋᐅᑎᖓᑐᑦ ᑍᒤᓪᓗᐊᕐᐳᖅ.#40:6 ᑍᒤᓪᓗᐊᕐᐳᖅ ᐳᕐᑐᓂᖓ ᐅᕝᕙᓗ ᐃᑦᔪᓂᖓ 7ᐃᑎᕐᑕᕐᕕᐅᓪᓗ ᓴᓂᕌᒍᑦ ᐃᒡᓗᐊᕈᓯᕐᑕᖃᐅᕐᐳᖅ ᐆᒃᑐᕋᐅᑎᖓᑐᑦ ᑕᑭᓂᓕᖕᓂᒃ, ᓴᓂᒧᓪᓗ ᓯᓕᖕᓂᖃᕐᓗᑎᒃ ᐆᒃᑐᕋᐅᑎᖓᑐᑦ; ᐃᒡᓗᕈᓰᓪᓗ ᐊᑯᓐᓂᖏᑕ ᓱᓪᓗᖓ ᓯᕕᑐᓂᖃᕐᐳᖅ ᐃᑎᒐᖕᓂᒃ ᓯᑕᒪᐅᔪᕐᑐᓂᒃ; ᑖᒃᑯᐊᓗ ᐃᒡᓗᕈᓰᑦ ᐅᖓᑖᒍᑦ ᐃᑎᕐᑕᕐᕕᖓ ᑐᒃᓯᐊᕐᕕᒡᔪᐊᒧᑦ ᓵᓐᖓᔪᖅ, ᐆᒃᑐᕋᐅᑎᖓᑐᑦ ᑕᑭᓂᖃᕐᐳᖅ. 8ᐃᑎᕆᐊᕐᕕᐅᑉ ᑐᕐᓲᖑᔭᖓ ᐆᒃᑐᕋᕐᒪᒍ ᐃᑎᒐᖕᓂᒃ 14ᓂᒃ ᐊᖏᓂᖃᕐᐳᖅ. 9ᓱᓪᓗᑯᑖᑉ ᐃᓱᐊᓃᑦᑐᖅ ᑐᒃᓯᐊᕐᕕᒡᔪᐊᒧᑦ ᖃᓂᓐᓂᕐᐹᖅ ᐆᒃᑐᕋᕐᒪᒍ ᓴᓂᕋᖏᒃ ᐊᑐᓂᑦ ᐃᑦᔪᓂᖃᕐᐴᒃ ᓯᑕᒪᓂᒃ ᐃᑎᒐᖕᓂᒃ. 10ᑖᒃᑯᐊᓗ ᐃᒡᓗᕈᓰᑦ ᐱᖓᓱᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᑦ ᐊᖏᓂᖏᑦ ᐊᑦᔨᒌᒃᐳᑦ; ᐃᒡᓗᕈᓯᖏᑕᓗ ᐊᑯᑦᑐᓂᖏᑦ ᐊᑐᓂᑦ ᐊᑦᔨᒌᒥᒃ ᓴᓂᒧᑐᓂᖃᕐᓗᑎᒃ. 11ᐊᒻᒪ ᐆᒃᑐᕋᕆᕚ ᐃᑎᕐᑕᕕᐅᑉ ᓱᓪᓗᑲᑖᖓᑕ ᓴᓂᒧᑐᓂᖓ, ᓴᓂᒧᑐᓂᖃᕐᐳᖅ 22ᓂᒃ ᐃᑎᒐᖕᓂᒃ; ᐃᑎᕐᑕᕐᕕᖓᓗ 16ᓂᒃ ᐃᑎᒐᖕᓂᒃ ᓴᓂᒧᑐᓂᖃᕐᓗᓂ. 12ᐃᒡᓗᕈᓰᓪᓗ ᐊᑯᓐᓂᖏᑎᒍᑦ ᐊᑯᓐᓈᖅᑯᑕᖃᕐᐳᑦ, ᐳᒃᑭᑦᑐᓂᒃ ᐃᑎᒐᒃᑐᑦ ᒪᕐᕈᑲᓴᒃᑎᑐᑦ ᐊᑐᓂᑦ ᐳᕐᑐᑎᒋᔪᓂᒃ; ᐊᑐᓂᓪᓗ 10ᓂᒃ ᐃᑎᒐᖕᓂᒃ ᐊᖏᓂᖃᕐᑐᐃᓐᓇᐅᓪᓗᑎᒃ. 13ᐃᑎᕐᑕᕐᕕᐅᑉ ᓯᓚᑖᑕ ᓴᓂᕋᖓᓂᑦ ᐃᑎᕐᑕᕐᕕᐅᑉ ᐂᑉᐸᖓᑕ ᓯᓚᑖᑕ ᓴᓂᕋᖓᓄᑦ ᐆᒃᑐᕋᕐᒪᒋᑦ ᐊᑐᓂᑦ ᐊᑯᑦᑐᓂᖃᕐᐳᑦ 42ᓂᒃ ᐃᑎᒐᖕᓂᒃ. 14ᐃᒡᓗᕈᓯᖅ ᓱᓪᓗᑯᑖᑉ ᐃᓱᐊᓃᑦᑐᖅ ᐊᓂᕕᖕᒧᐊᖓᔪᖅ ᐆᒃᑐᕋᕐᒪᒍ; ᓴᓂᒧᑐᓂᖃᕐᐳᖅ 34ᓂᒃ ᐃᑎᒐᖕᓂᒃ. 15ᐃᑎᕐᑕᕐᕕᐅᑉ ᐅᒃᑯᐊᖓᓂᑦ ᓱᓪᓗᑯᑖᑉ ᐃᓱᐊᓃᑦᑐᖅ ᐃᑎᕐᑕᕐᕕᒃ ᑎᑭᓪᓗᒍ ᓯᕕᑐᓂᖃᕐᐳᑦ 84ᓂᒃ ᐃᑎᒐᖕᓂᒃ. 16ᐃᒡᓗᕈᓰᓪᓗ ᐃᒐᓛᖃᐅᕐᐳᑦ ᑕᑭᔪᑯᑖᓂᒃ, ᒪᑐᑦᑕᐅᑎᓕᖕᓂᒃ ᓯᓚᒧᐊᖓᔪᓂᒃ, ᐃᒡᓗᕈᓰᓪᓗ ᐊᑯᓐᓂᖏᑎᒍᑦ ᐊᑭᓐᓇᖏᑦ ᐃᑎᕐᓴᓕᐅᕈᑎᓯᒪᔪᓂᒃ ᓇᐹᕐᑐᓐᖑᐊᓂᒃ ᐹᒥᓂᒃ ᑕᕐᓯᕐᓱᕐᓯᒪᓪᓗᑎᒃ.
ᓯᓚᓪᓕᖅ ᑐᕐᓲᖑᔭᖅ
17ᑕᕝᕙ ᑖᑦᓱᒪ ᑐᕐᓲᖑᔭᕐᒧᐊᕈᑎᕚᖓ ᓯᓚᓪᓕᕐᒧᑦ; ᑕᑯᒋᓪᓗ, ᐃᒡᓗᕈᓯᕐᑕᖃᐅᕐᐳᖅ 30ᓂᒃ, ᐊᕙᓗᕐᔪᐊᑉ ᐃᓗᖔᖓᓃᑦᑐᓂᒃ; ᐃᒡᓗᕈᓰᓪᓗ ᓯᕗᕋᓕᒫᖏᑦ ᕿᑯᕐᓯᒪᔪᒥᒃ ᓇᑎᓕᐅᕐᓯᒪᕗᑦ. 18ᕿᑯᕐᓯᒪᔪᕐᓗ ᓈᔨᓯᒪᕗᖅ ᓂᕈᑐᓂᐅᔭᓕᒫᖓᓂᒃ ᐃᑎᕐᑕᕐᕕᖏᑦ ᓴᓂᕌᓃᑦᑐᑦ ᐱᖃᓯᐅᑎᓯᒪᓪᓗᒋᑦ, ᐃᑎᕐᑕᕐᕕᖏᑕᓕ ᓇᑎᖏᑦ ᐊᒃᐸᓯᖕᓂᕐᓴᐅᕗᑦ ᑐᕐᓲᖑᔭᕐᒥᑦ ᐃᓗᕙᓯᖕᓂᕐᓴᒥᑦ. 19ᐊᖑᑎᐅᑉ ᐆᒃᑐᕋᕐᒪᒍ ᐃᑎᕐᑕᕐᕕᐅᑉ ᐃᓗᖔᖓᓃᑦᑑᑉ ᐃᓗᐊᓂᑦ ᐃᑎᕐᑕᕐᕕᐅᑉ ᓯᓚᑖᓃᑦᑑᑉ ᓯᓚᑖᓄᑦ ᓯᕕᑐᓂᖃᕐᐳᑦ ᐊᑯᓐᓂᖏᒃ 168ᓂᒃ ᐃᑎᒐᖕᓂᒃ.
ᑕᕝᕙ ᓯᕗᓂᓐᓄᑦ ᐅᓐᓄᐊᓪᓗᐊᑉ ᓇᓛᓄᐊᕐᐳᖅ.
ᐃᑎᕐᑕᕐᕕᒃ ᐅᓐᓄᐊᓪᓗᐊᑉ ᓇᓛᓃᑦᑐᖅ
20ᑕᑯᒋᓪᓗ, ᓯᓚᓪᓕᕐᒥ ᑐᕐᓲᖑᔭᕐᒥ ᐃᑎᕐᑕᕐᕕᒃᑕᖃᕐᐳᖅ ᐅᓐᓄᐊᓪᓗᐊᒧᑦ ᓵᓐᖓᔪᒥᒃ, ᑖᑦᓱᒪᓗ ᐆᒃᑐᕋᕐᐹ ᑐᑭᒧᑦ ᓴᓂᒧᓪᓗ. 21ᐃᒡᓗᕈᓯᕐᑕᖃᕐᐳᖅ ᓴᓂᕌᒍᑦ, ᐱᖓᓱᓂᒃ ᐊᑭᓕᕇᓂᒃ, ᐊᑯᓐᓂᖏᓪᓗ ᐃᑎᕐᑕᕐᕕᖏᓪᓗ ᐊᑦᔨᒌᓂᒃ ᓴᓂᒧᑐᓂᖃᕐᐳᑦ, ᐃᑎᕐᑕᕐᕕᐅᓪᓗ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᑎᑐᑦ ᐊᖏᓂᖃᕐᐳᑦ; ᑐᑭᒧᖃᕐᐳᑦ 84ᓂᒃ ᐃᑎᒐᖕᓂᒃ, ᓴᓂᒧᑐᓂᖃᕐᓗᑎᒡᓗ 42ᓂᒃ. 22ᐃᒡᓗᕈᓰᓪᓗ ᐃᒐᓛᖏᑦ ᐊᑭᓐᓇᖏᓪᓗ ᑕᕐᓯᕐᓱᕐᓯᒪᕗᑦ ᓇᐹᕐᑐᓐᖑᐊᓂᒃ ᐹᒥᓂᒃ ᐃᑎᕐᓴᓕᐅᕈᑎᓯᒪᔪᓂᒃ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᑎᑐᑦ; ᑐᖕᒥᕌᖃᕐᓗᑎᒡᓗ ᒪᔪᕋᐅᑎᓂᒃ 7ᓂᒃ; ᐃᑎᕐᑕᕐᕕᖓᓗ ᓵᓐᖓᕗᖅ ᑐᕐᓲᖑᔭᕐᒧᑦ. 23ᐃᑎᕐᑕᕐᕕᒃ ᐅᓐᓄᐊᓪᓗᐊᑉ ᓇᓛᓃᑦᑐᖅ, ᓯᕿᓂᐅᓪᓗ ᓄᐃᕕᐊᑕ ᓇᓛᓃᑦᑑᖅ ᐃᑎᕐᑕᕐᕕᒃ, ᑐᕐᓲᖑᔭᕐᒧᑦ ᐃᑎᕐᑕᕐᕖᒃ; ᐆᒃᑐᕋᕐᒪᒋᒃ ᐊᑯᓐᓂᖏᒃ ᐃᑎᕐᑕᕐᕕᖕᒧᑦ ᓴᓂᒧᑐᓂᖃᕐᐴᒃ ᐃᑎᒐᖕᓂᒃ 168ᓂᒃ.
ᐃᑎᕐᑕᕐᕕᒃ ᐅᓪᓗᓪᓗᐊᑉ ᓇᓛᓃᑦᑐᖅ
24ᐊᒻᒪ ᐅᓪᓗᓪᓗᐊᑉ ᓇᓛᓄᐊᕈᑎᒋᕚᖓ, ᑕᑯᕗᖓᓗ ᐃᑎᕐᑕᕐᕕᖕᒥᒃ ᐅᓪᓗᓪᓗᐊᑉ ᓇᓛᓃᑦᑐᒥᒃ; ᐆᒃᑐᕋᕐᒪᒋᓪᓗ ᐊᑯᓐᓂᖏᑦ ᐃᑎᕐᑕᕐᕕᖏᓪᓗ; ᓴᓂᒧᑐᓂᖃᕐᐳᑦ ᐊᓯᖏᑎᑐᑦ ᐆᒃᑐᕋᖃᑦᑕᖅᑲᐅᔭᖏᑎᑐᑦ. 25ᐃᒡᓗᕈᓯᖏᓪᓗ ᐊᑐᓂᑦ ᐃᒐᓛᖃᐅᕆᓪᓗᑎᒃ ᑍᒫᑦᓮᓐᓇᖅ ᐊᓯᖏᑎᑐᑦ; ᐃᑎᕐᑕᕐᕕᓕᒫᑦ ᐊᑐᓂᑦ ᑐᑭᒧᖃᕐᐳᑦ 84ᓂᒃ ᐃᑎᒐᖕᓂᒃ, ᓴᓂᒧᑐᓂᖃᕐᓗᑎᒡᓗ 42ᓂᒃ. 26ᑐᖕᒥᕌᖃᕆᕗᑦ ᒪᔪᕋᐅᑎᓂᒃ 7ᓂᒃ ᐃᑎᕐᑕᕐᕕᖕᒧᐊᖓᔪᓂᒃ, ᐃᑎᕐᑕᕐᕕᐅᓪᓗ ᐃᓗᐊᒍᑦ ᐃᒡᓗᕈᓯᖃᐅᕐᓗᓂ; ᓇᐹᕐᑐᓐᖑᐊᓂᒃᑕᐅᖅ ᐹᒥᓐᖑᐊᓂᒃ ᐊᑭᓐᓇᖓᒍᑦ ᑕᕐᓯᕐᑐᕐᓯᒪᕗᑦ, ᐃᒡᓗᒃᑐᑦ ᐊᑭᓕᕇᓂᒃ. 27ᐃᑎᕐᑕᕐᕕᖃᕐᐳᕐᓗ ᑐᕐᓲᖑᔭᕐᒧᑦ ᐃᓗᓪᓕᕐᒧᐊᖓᔪᒥᒃ; ᐅᓪᓗᓪᓗᐊᑉ ᓇᓛᓃᑦᑐᒧᑦ ᓵᖓᔪᒥᒃ; ᐆᒃᑐᕋᕐᒪᒋᓪᓗ ᐃᑎᕐᑕᕐᕕᖕᒥᑦ ᐃᑎᕐᑕᕐᕕᖕᒧᑦ ᓴᓂᒧᑐᓂᖃᕐᐳᑦ 168ᓂᒃ ᐃᑎᒐᖕᓂᒃ.
ᑐᕐᓲᖑᔭᕐᒥ ᐃᓗᓪᓕᕐᒥ: ᐃᑎᕐᑕᕐᕕᒃ ᐅᓪᓗᓪᓗᐊᑉ ᓇᓛᓃᑦᑐᖅ
28ᑕᕝᕙ ᐅᓪᓗᓪᓗᐊᑉ ᓇᓛᓃᑦᑐᒧᑦ ᐃᑎᕐᑕᕐᕕᖕᒧᐊᕈᑎᕚᖓ, ᐃᑎᕐᑕᕐᕕᒡᓗ ᐆᒃᑐᕋᕐᒪᒍ; ᐊᖏᓂᖓ ᐊᑦᔨᒋᔭᐅᕗᖅ ᐆᒃᑐᕋᖃᑦᑕᖅᑲᐅᔭᖏᓐᓄᑦ ᐃᑎᕐᑕᕐᕕᖕᓄᑦ. 29ᖃᐅᔨᓴᕐᑏᑦ ᐃᒡᓗᕈᓯᖏᑦ, ᐃᑎᕐᑕᕐᕕᐅᓪᓗ ᓱᓪᓗᐊᓃᑦᑐᑦ ᐃᒡᓗᕈᓰᑦ ᐊᖏᓂᖏᑦ ᐃᑎᕐᑕᕐᕕᖕᓂ ᐊᓯᖏᓐᓃᑦᑐᑎᑐᑦ ᑍᒤᓪᓗᐊᕐᐳᑦ; ᑍᒫᑦᓮᓐᓇᕐᓗ ᐃᒐᓛᖃᐅᕆᓪᓗᑎᒃ ᐃᒡᓗᕈᓯᖏᑦ; ᑐᑭᒧᖃᕆᕗᑦ 84ᓂᒃ ᐃᑎᒐᖕᓂᒃ, ᓴᓂᒧᑐᓂᖃᕐᓗᑎᒡᓗ 42ᓂᒃ. 30ᐃᓗᐊᓃᑦᑐ ᐃᒡᓗᕈᓯᖏᑦ, ᑍᒫᓪᓗᐊᖅ ᐃᒡᓗᕈᓯᕐᑎᑐᑦ ᐊᓯᖏᑎᑐᑦ ᐊᖏᓂᖃᕆᕗᑦ. 31ᐃᑎᕐᑕᕐᕕᖓᓗ ᑐᕐᓲᖑᔭᕐᒧᑦ ᓯᓚᓪᓕᕐᒧᑦ ᓵᓐᖓᕗᖅ, ᓴᓂᕋᖓᓗ ᑖᕐᓯᕐᑐᕐᓯᒪᕗᖅ ᓇᐹᕐᑐᓐᖑᐊᓂᒃ ᐹᒥᓂᒃ, ᒪᔪᕋᐅᑎᖏᓪᓗ ᑐᖕᒥᕌᖃᕐᐳᑦ ᓯᑕᒪᐅᔪᕐᑐᓂᒃ.
ᑐᕐᓲᖑᔭᕐᒥ ᐃᓗᓪᓕᕐᒥ: ᐃᑎᕐᑕᕐᕕᒃ ᓯᕿᓂᐅᑉ ᓄᐃᕕᐊᓃᑦᑐᖅ
32ᐊᖑᑎᐅᑉ ᐃᑎᕐᑕᕐᕕᒃᒨᕐᑎᑉᐹᖓ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒧᑦ, ᐃᑎᕐᑕᕐᕕᒃ ᐆᒃᑐᕋᕐᒪᒍ; ᐊᑦᔨᒋᔭᐅᕗᖅ ᐊᓯᖏᓐᓄᑦ ᐆᒃᑐᕋᖃᑦᑕᖅᑲᐅᔭᖏᓐᓄᑦ. 33ᐃᒡᓗᕈᓰᑦ, ᐃᑎᕐᑕᕐᕕᖓᑕᓗ ᓴᓂᕌᓃᑦᑐᑦ ᐃᒡᓗᕈᓰᑦ, ᐊᑭᓐᓇᖏᓪᓗ ᐊᑐᓂᑦ ᐆᒃᑐᕋᕐᑕᐅᓂᖏᑦ ᐊᑦᔨᒋᔭᐅᒋᕗᑦ ᐊᓯᖏᓐᓄᑦ; ᐃᒡᓗᕈᓯᓕᒫᖏᓪᓗ ᐃᒐᓛᖃᐅᕆᓪᓗᑎᒃ; ᑐᑭᒧᖃᕐᐳᓪᓗ 84ᓂᒃ ᐃᑎᒐᖕᓂᒃ, ᓴᓂᒧᑐᓂᖃᕐᓗᑎᒡᓗ 42ᓂᒃ. 34ᐃᑎᕐᑕᕐᕕᖓᑕ ᐃᓗᐊᓃᑦᑐᖅ ᐃᒡᓗᕈᓯᖅ ᐊᓂᕕᖃᕐᐳᖅ ᑐᕐᓲᖑᔭᕐᒧᑦ ᓵᓐᖓᔪᒥᒃ, ᐃᒡᓗᕈᓰᓪᓗ ᐊᑯᓐᓂᖏᑦ ᓇᐹᕐᑐᓐᖑᐊᓂᒃ ᐹᒥᓂᒃ ᑕᕐᓯᕐᑐᕐᓯᒪᕗᑦ, ᐊᑭᓐᓇᖏᑦ ᐊᑐᓂᑦ ᐃᒡᓗᒌᓂᒃ; ᒪᔫᑎᖏᓪᓗ ᑐᖕᒥᕌᖃᕐᐳᑦ ᓯᑕᒪᐅᔪᕐᑐᓂᒃ.
ᑐᕐᓲᖑᔭᕐᒥ ᐃᓗᓪᓕᕐᒥ: ᐃᑎᕐᑕᕐᕕᒃ ᐅᓐᓄᐊᓪᓗᐊᑉ ᓇᓛᓃᑦᑐᖅ
35ᑕᕝᕙ ᐃᑎᕐᑕᕐᕕᖕᒧᐊᕐᑎᑉᐹᖓ ᐅᓐᓄᐊᓪᓗᐊᑉ ᓇᓛᓃᑦᑐᒧᑦ, ᑍᒫᑦᓮᓐᓇᖅ ᐆᒃᑐᕋᕐᒪᒍ; ᐊᑦᔨᒋᔭᐅᒋᕗᖅ ᐆᒃᑐᕋᖃᑦᑕᖅᑲᐅᔭᖏᓐᓄᑦ. 36ᑍᒫᑦᓮᓐᓇᖅ ᐃᓗᖔᖓᒍᑦ ᐃᒡᓗᕈᓯᖃᕆᕗᖅ, ᐊᖏᓂᖏᓪᓗ ᐊᓯᖏᓐᓄᑦ ᐊᑦᔨᒋᔭᐅᒋᓪᓗᑎᒃ; ᐃᒡᓗᕈᓯᓕᒫᖏᓪᓗ ᐃᒐᓛᖃᕆᓪᓗᑎᒃ; ᑐᑭᒧᖃᕐᐳᕐᓗ 84ᓂᒃ ᐃᑎᒐᖕᓂᒃ, ᓴᓂᒧᑐᓂᖃᕐᓗᑎᒡᓗ 42ᓂᒃ. 37ᐃᑎᕐᑕᕐᕕᐅᑉ ᐃᓗᐊᓃᑦᑐᖅ ᐊᓂᕕᖃᕐᐳᖅ ᑐᕐᓲᖑᔭᕐᒧᑦ ᓯᓚᓪᓕᕐᒧᑦ, ᐃᒡᓗᕈᓰᓪᓗ ᐊᑭᓐᓇᖏᑦ ᓇᐹᕐᑐᓐᖑᐊᓂᒃ ᐹᒥᓂᒃ ᑕᕐᓯᕐᑐᕐᓯᒪᕗᑦ, ᐊᑭᓐᓇᖏᑦ ᐊᑐᓂᑦ ᐃᒡᓗᒌᓂᒃ; ᒪᔫᑎᖏᓪᓗ ᑐᖕᒥᕌᖃᕐᐳᑦ ᓯᑕᒪᐅᔪᕐᑐᓂᒃ.
ᐃᒡᓗᐃᑦ ᐃᑎᕐᑕᕐᕕᐅᑉ ᐅᓐᓄᐊᓪᓗᐊᑉ ᓇᓛᓃᑦᑑᑉ ᖃᓂᒋᔮᓃᑦᑐᑦ
38ᑐᕐᓲᖑᔭᕐᒥ ᓯᓚᕙᓯᖕᓂᕐᓴᒥ ᐃᒡᓗᕈᓯᒃᑲᓐᓂᕐᒥᒃ ᐊᒃᑐᐊᔪᖃᕐᐳᖅ ᐃᑎᕐᑕᕐᕕᖕᒧᑦ ᐃᓚᒋᓕᐅᓯᒪᔪᒥᒃ ᐅᓐᓄᐊᓪᓗᐊᑉ ᓇᓛᓃᑦᑐᒥ, ᑕᕝᕙᓂ ᐃᑯᐊᓪᓚᒡᓗᒋᑦ ᑐᓂᕐᕈᑎᒃᓮᑦ ᐃᕐᕈᕐᑐᕐᑕᐅᕕᖃᕐᐳᑦ. 39ᑕᕝᕙᓂᓗ ᐃᒡᓗᕈᓯᕐᒥ ᓵᑕᖃᕐᐳᖅ ᓯᑕᒪᓂᒃ ᐊᑐᓂᑦ ᒪᕐᕉᓪᓗᑎᒃ ᐊᑭᓕᕇᒃᑐᓂᒃ, ᑖᒃᑯᓇᓂ ᓵᓂ ᑐᖁᑕᐅᖃᑦᑕᕆᐊᖃᕐᐳᑦ ᐃᑯᐊᓪᓚᒡᓗᒋᑦ ᑐᓂᕐᕈᑎᒃᓮᑦ ᐊᔪᕐᓃᓪᓗ ᐃᓱᒪᒋᔪᓐᓁᕐᑕᐅᓂᒃᓴᖏᓐᓄᑦ ᑐᓂᕐᕈᑎᒃᓮᑦ ᐸᓯᔭᒃᓴᐅᓂᕐᒧᓪᓗ ᐊᑭᓕᐅᑎᒃᓴᒧᑦ ᑐᓂᕐᕈᑎᒃᓮᑦ. 40ᐃᒡᓗᕈᓯᐅᑉ ᑖᑦᓱᒪ ᓯᓚᑖᓂ ᓵᑕᖃᕆᕗᖅ ᓯᑕᒪᓂᒃ ᐊᑐᓂᑦ ᒪᕐᕉᓪᓗᑎᒃ ᐊᑭᓕᕇᓂᒃ ᐃᑎᕐᑕᕐᕕᖕᒥ ᐅᓐᓄᐊᓪᓗᐊᒦᑦᑑᑉ ᐊᕙᑖᓃᑦᑐᓂᒃ. 41ᓵᑦ ᑲᑎᓪᓗᒋᑦ ᓯᑕᒪᐅᔪᕐᑑᕗᑦ ᑐᓂᕐᕈᑎᒃᓴᓂᒃ ᑐᖁᕅᕕᒃᓮᑦ, ᓯᑕᒪᑦ ᐃᒡᓗᕈᓯᐅᑉ ᐃᓗᐊᓃᑉᐳᑦ, ᓯᑕᒪᑦᑕᐅᖅ ᑐᕐᓲᖑᔭᐅᑉ ᐃᑎᕐᑕᕐᕕᖓᑕ ᓴᓂᐊᓃᓪᓗᑎᒃ. 42ᓯᑕᒪᓂᒃᑕᐅᖅ ᓵᑕᖃᕆᕗᖅ ᐅᔭᕋᖕᓂᒃ ᓴᓇᓯᒪᔪᓂᒃ ᑐᓂᕐᕈᑎᒃᓴᓄᑦ ᐃᑯᐊᓚᑎᑕᒃᓴᓄᑦ ᐊᑐᕐᑕᐅᔪᒃᓴᓂᒃ, ᐳᕐᑐᓂᖃᕐᑐᓂᒃ ᐃᑎᒑᒃ ᒪᕐᕈᑲᓵᖕᓂᒃ, ᖄᖏᑦ ᑐᑭᒧᓪᓗ ᓴᓂᒧᓪᓗ ᐃᑎᒑᒃ ᒪᕐᕉᒃ ᕿᑎᖅᑲᕐᓗ ᐊᖏᓂᖃᕐᐳᑦ ᓯᒃᑭᑕᓪᓗᐊᖑᓪᓗᑎᒃ, ᑖᒃᑯᓇᓂᓗ ᑐᖁᓮᑦᔪᑎᒃᓴᑦ ᐃᓂᖃᕐᐳᑦ ᑐᓂᕐᕈᑎᒃᓴᑦ ᐃᑯᐊᓚᑎᑕᒃᓴᓪᓗ ᑐᖁᑕᐅᕕᖏᓐᓂ. 43ᓂᒃᓯᖕᓂᒡᓗ ᓯᓈᓃᑦᑐᖃᐅᕐᐳᑦ ᓵᒧᑦ ᐊᑦᑐᖏᕐᓯᒪᔪᓂᒃ; ᐊᒡᒊᑦ ᓴᓂᒧᑐᓂᖓᑐᑦ ᑕᑭᓂᖃᕐᑐᓂᒃ. ᑐᓂᕐᕈᑎᒃᓴᓕᒫᑦ ᓂᕿᖏᑦ ᓵᑉ ᖄᖏᓐᓄᐊᖃᕐᑕᐅᕕᒃᓴᖏᓐᓂ. 44ᑕᕝᕙ ᑖᑦᓱᒪ ᑐᕐᓲᖑᔭᕐᒧᑦ ᐃᓗᕙᓯᖕᓂᕐᓴᒧᐊᕈᑎᕚᖓ, ᑕᑯᒋᓪᓗ, ᑕᕝᕙᓂ ᐃᒡᓗᕈᓯᕐᑕᖃᕐᐳᖅ ᒪᕐᕉᖕᓂᒃ ᑐᕐᓲᖑᔭᕐᒧᑦ ᐊᓂᕕᖃᕐᑑᖕᓂᒃ, ᐃᑎᕐᑕᕐᕕᐅᑉ ᐅᓐᓄᐊᓪᓗᐊᑉ ᓇᓛᓃᑦᑐᖅ ᐅᓪᓗᓪᓗᐊᑉ ᓇᓛᓄᑦ ᓵᓐᖓᕗᖅ, ᐃᒡᓗᕈᓯᐅᓪᓗ ᐱᖃᑖ ᐅᓪᓗᓪᓗᐊᑉ ᓇᓛᓃᑦᑐᖅ ᐅᓐᓄᐊᓪᓗᐊᑉ ᓇᓛᓄᑦ ᓵᓐᖓᓪᓗᓂ. 45ᐅᖃᐅᑎᕚᖓᓗ, “ᑖᓐᓇ ᐃᒡᓗᕈᓯᖅ ᐅᓪᓗᓪᓗᐊᑉ ᓇᓛᓄᑦ ᓵᓐᖓᔪᖅ ᐃᒡᓗᕈᓯᕆᔭᐅᕗᖅ ᑐᓂᕐᕈᓯᕐᑎᑦᓯᔨᓄᑦ ᑐᒃᓯᐊᕐᕕᒡᔪᐊᕐᒥ ᑲᒪᔨᐅᔪᓄᑦ. 46ᐃᒡᓗᕈᓯᕐᓗ ᐅᓐᓄᐊᓪᓗᐊᑉ ᓇᓛᓄᑦ ᓵᓐᖓᔪᖅ ᐃᒡᓗᕈᓯᕆᔭᐅᕗᖅ ᑐᓂᕐᕈᓯᕐᑎᑦᓯᔨᓄᑦ ᑐᓂᕐᕈᓯᕐᕕᖕᒥ ᐱᓕᕆᖃᑦᑕᕐᑐᓄᑦ ᑲᒪᔨᐅᔪᓄᑦ; ᔭᑑᑭᐅᑉ ᑭᖑᕚᖏᓐᓄᑦ, ᑖᒃᑯᐊ ᓕᕔᑎᑦ ᑭᖑᕚᖏᓐᓂᑦ ᐱᓯᒪᔪᓂᑦ ᐊᑕᓂᐅᑉ ᓇᔪᕐᑕᖓᓄᑦ ᐃᑎᕈᓐᓇᕐᑐᑑᖕᒪᑕ ᐊᑕᓂᕐᒥᒃ ᐱᔨᑦᓯᕆᐊᕐᑐᕐᓗᑎᒃ.”
ᐃᓗᕙᓯᖕᓂᕐᓴᖅ ᑐᕐᓲᖑᔭᖅ ᑐᒃᓯᐊᕐᕕᒡᔪᐊᕐᓗ
47ᑖᑦᓱᒪᓗ ᑐᕐᓲᖑᔭᖅ ᐆᒃᑐᕋᕐᒪᒍ, ᐊᑦᔨᒌᒥᒃ ᓂᕈᑐᓂᖃᕐᐳᖅ ᐃᑎᒐᖕᓂᒃ 168ᓂᒃ ᑐᑭᒧᑦ ᓴᓂᒧᓪᓗ, ᑭᒃᐹᕆᓪᓗᐊᕐᓗᓂ; ᓯᕗᕌᓂᓗ ᑐᓂᕐᕈᓯᕐᕕᒃᑕᖃᕐᐳᖅ ᑐᒃᓯᐊᕐᕕᒡᔪᐊᕐᒥ. 48ᑕᕝᕙ ᐃᑎᕐᑎᑉᐹᖓ ᑐᒃᓯᐊᕐᕕᒡᔪᐊᑉ ᑐᕐᓲᖑᔭᖓᓄᑦ, ᑕᒪᓐᓇᓗ ᐆᒃᑐᕋᕐᒪᒍ ᑐᑭᒧᑦ ᑕᑭᓂᖃᕐᐳᖅ 9ᓂᒃ ᐃᑎᒐᖕᓂᒃ ᑐᕐᓲᖑᔭᓕᒫᖓ, ᓴᓂᒧᑐᓂᖃᕐᓗᑎᒡᓗ 24ᓂᒃ ᐃᑎᒐᖕᓂᒃ; ᐃᑎᕐᑕᕐᕕᐅᓪᓗ ᐊᑭᓐᓇᖏᑕ ᐊᑯᓐᓂᖏᑦ ᓴᓂᒧᑐᓂᖃᕐᐳᑦ ᑕᓪᓕᒪᓂᒃ ᐃᑎᒐᖕᓂᒃ ᐊᑐᓂᑦ. 4934ᓂᒡᓗ ᐃᑎᒐᖕᓂᒃ ᓴᓂᒧᑐᓂᖃᕐᐳᑦ, ᑐᑭᒧᖃᕐᓗᑎᒡᓗ ᐊᕙᑎᓂᒃ; ᒪᔫᑎᖃᕐᓗᑎᒡᓗ ᑐᖕᒥᕌᖃᕐᑐᓂᒃ ᖁᓕᓂᒃ; ᖁᒻᒧᓪᓗ ᓱᑲᖃᕐᐳᑦ ᐊᑭᓕᕇᖕᓂᒃ ᐃᑎᕐᑕᕐᕕᐅᑉ ᐊᕙᑖᓃᑦᑑᖕᓂᒃ.
Currently Selected:
ᐃᓯᑭᐊᓕᐅᑉ ᐊᒡᓚᖏᑦ 40: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
