ᒨᓯᓯ ᑕᓪᓕᒪᖏᑦ 2
2
1 #
ᒨᓯᓯ ᓯᑕᒪᖏᑦ 21:4. “ᑕᕝᕙ ᐅᑎᒧᑦ ᐊᐅᓪᓚᓕᓚᐅᕐᐳᒍᑦ, ᐃᖏᕐᕋᓕᕐᓗᑕᓗ ᐃᓄᖃᖏᑦᑐᒧᑦ ᐃᒪᐅᑉ ᐊᐅᐸᓗᒃᑕᐅᑉ ᓇᓛᓄᑦ, ᑍᒫᒃ ᐊᑕᓂᐅᑉ ᐱᖁᓚᐅᕐᒪᑎᒍᑦ, ᑕᕝᕙᓂᓗ ᓄᓇᖃᓕᓚᐅᕐᐳᒍᑦ ᐊᑯᓂᒐᓚᒃ ᓰᐊᕆᐅᑉ ᖃᖅᑲᖏᓐᓂ.
2“ᑕᕝᕙ ᐊᑕᓂᐅᑉ ᐅᖃᐅᑎᓚᐅᕐᐹᖓ 3ᑕᒫᓂ ᖃᖅᑲᓂ ᓇᔪᕐᑕᑦᑎᓐᓂ ᐊᑯᓂᐅᓂᕗᑦ ᓈᒻᒪᒃᓯᓂᕋᕐᓗᒍ ᓅᒋᐊᖃᓕᕐᓂᑦᑎᓐᓂᒡᓗ ᐅᓐᓄᐊᓪᓗᐊᑉ ᓇᓛᓄᑦ. 4#ᒨᓯᓯ ᓯᕗᓪᓖᑦ 36:8.ᐃᓕᑦᓯᓐᓂᒃ ᐅᖃᐅᑦᔨᖁᓪᓗᖓ ᖃᐅᔨᒪᑦᔪᑎᒃᓴᑦᓯᓐᓂᒃ ᐃᒫᒃ ᐅᖃᐅᑎᓚᐅᕐᐹᖓ: ‘ᓰᐊᕆᐅᑉ ᖃᖅᑲᖏᑎᒍᑦ ᐃᖏᕐᕋᓂᐊᓕᕋᑦᓯ, ᑖᒃᑯᐊ ᑕᒫᓂ ᓄᓇᓖᑦ ᐅᖓᓯᒋᔭᑦᓯᒍᑦ ᐃᓚᒋᒐᓗᐊᕐᐸᓯ, ᐄᓴᐅᑉ ᑭᖑᕚᕆᖕᒪᒋᑦ. ᐃᓕᑦᓯᓐᓂᒡᓕ ᓯᕘᕋᓂᐊᕐᐳᑦ, 5ᑖᒃᑯᐊ ᐅᓇᑕᕋᓱᐊᕐᑕᒃᓴᕆᓐᖏᓚᓯ, ᑖᒃᑯᐊ ᓄᓇᖓᓐᓂᒃ ᒥᑭᔪᒥᒡᓘᓐᓃᑦ ᐃᑎᒐᒃᑎᑐᑦ ᐊᖏᑎᒋᔪᒥᒡᓘᓐᓃᑦ ᑐᓂᓯᕕᒋᓂᐊᖏᓐᓇᑦᓯ. ᑕᒪᓐᓇ ᓄᓇᒋᔭᖓᑦ ᓰᐊᕆ; ᐄᓴᐅᑉ ᑭᖑᕚᖏᓐᓄᑦ ᓄᓇᒋᔭᐅᖁᓪᓗᒍ ᑐᓂᓯᒪᒐᒃᑯ. 6ᓂᕿᒃᓴᓂᒡᓕ ᑖᒃᑯᓇᓐᖓᑦ ᓂᐅᕕᕈᓐᓇᕋᓗᐊᕐᐳᓯ ᑮᓇᐅᔭᓄᑦ, ᓂᕿᒃᓴᖃᖁᓪᓗᓯ; ᐃᒥᕐᒥᒃᑕᐅᖅ ᓂᐅᕕᕈᓐᓇᕆᕗᓯ ᐃᒥᕈᓐᓇᖁᓪᓗᓯ.’ 7ᐊᑕᓂᐅᑉ ᒎᑎᑦᓯ ᓮᒻᒪᕐᑎᓯᒪᖕᒪᓯ ᐱᓇᓱᐊᕐᓯᒪᔭᑦᓯᒍᑦ ᑕᒤᑎᒍᑦ. ᑖᑦᓱᒪᓗ ᑲᒪᒋᑦᓯᐊᕐᓯᒪᕚᓯ ᑕᒪᐅᓇ ᓄᓇᒃᑯᑦ ᐃᓄᖃᖏᑦᑐᒃᑯᑦ ᐃᖏᕐᕋᑎᓪᓗᓯ, ᑖᑦᓱᒪᓗ ᐃᓚᒋᓚᐅᕐᐹᓯ ᑖᒃᑯᓇᓂ ᐊᕐᕌᒍᓂ 40ᓂ, ᓱᓇᓕᒫᑦᓯᐊᓂᒡᓗ ᑭᓐᖒᒪᒋᔭᑦᓯᓐᓂᒃ ᑐᓂᓯᕕᒋᓯᒪᓪᓗᓯ.
8“ᑍᒤᒻᒪᑦ ᑕᕝᕙ ᑲᔪᓯᓕᓚᐅᕐᐳᒍᑦ, ᐃᓚᒋᔭᕗᑦ ᕿᒪᒃᓗᒋᑦ ᐄᓴᐅᑉ ᑭᖑᕚᖏᑦ ᓰᐊᕆᒦᑦᑐᑦ, ᐃᖏᕐᕋᓪᓗᑕ ᐊᕋᐸᐅᑉ ᐊᖅᑯᑎᖏᑦ ᕿᒪᒡᓗᒋᑦ ᐃᓚᑎᒥᑦ ᐃᔨᐅᓂ-ᒋᐱᕆᒥᓪᓗ. ᓴᖑᓚᐅᕐᐳᒍᑦ ᑐᕌᓕᕐᓗᑕ ᓄᓇᒧᑦ ᒧᐊᐱᐅᑉ ᐱᕈᕐᑐᖃᖏᑦᑐᖓᓄᑦ. 9#ᒨᓯᓯ ᓯᕗᓪᓖᑦ 19:37.ᐊᑕᓂᐅᑉ ᐅᖃᐅᑎᓚᐅᕐᐹᖓ, ‘ᐃᓄᐃᑦ ᒧᐊᐱᒥᐅᑦ ᐸᒡᕕᓴᕐᓂᐊᕐᓇᒋᑦ, ᓘᑎᐅᑉ ᑭᖑᕚᕆᖕᒪᒋᑦ, ᐅᓇᑕᕋᓱᐊᕐᓂᐊᕐᓇᒋᓪᓗ. ᓄᓇᒥᒃ ᐋᕆᒥᒃ ᐃᒡᓗᒐᓴᒡᑖᕐᑎᓯᒪᒐᒃᑭᑦ, ᑖᒃᑯᐊᓕ ᓄᓇᖓᓐᓂᒃ ᒥᑭᔪᒥᒡᓘᓐᓃᑦ ᑐᓂᓯᕕᒋᓂᐊᓐᖏᓚᑦᓯ.’”
10(ᓴᓐᖏᔪᕐᔪᐊᕌᓗᐃᑦ ᐃᒥᒻᒥᒃ ᑍᔭᐅᔪᑦ ᐃᓄᒃᐹᓘᓪᓗᑎᒡᓗ ᐅᓄᕐᑐᐊᓘᑦᓱᑎᒃ ᑕᕝᕙᓂ ᓄᓇᒥ ᐊᕐᒥ ᓄᓇᖃᕐᐸᓚᐅᕐᐳᑦ. ᐊᓇᑭᒥᓂᒃ ᐃᓅᖃᑎᒌᓂᒃ ᑍᔭᐅᔪᑎᑐᑦ ᐊᖏᔫᑕᐅᑎᒋᓚᐅᕐᐳᑦ, ᑖᒃᑯᑎᑐᓇᖅ ᐊᓇᑭᒥᐅᑎᑐᑦ ᐊᖏᔫᑎᐊᓗᒃᑎᑐᑦ. 11ᐊᓇᑭᒥᐅᑎᑐᑦ ᐊᑎᖃᕐᑎᑕᐅᕙᓚᐅᕆᕗᑦ ᕆᐰᒻᓂᒃ; ᒧᐊᐱᒥᐅᓂᓪᓕ ᐊᑎᖃᕐᑎᑕᐅᓚᐅᕐᐳᑦ ᐃᒥᒻᒥᓂᒃ. 12ᐃᓄᐃᑦᑕᐅᖅ ᕼᐅᕅᑎᒥᐅᑦ ᓄᓇᖃᕐᐸᓚᐅᕆᕗᑦ ᓰᐊᕆᒥ, ᐄᓴᐅᓪᓕ ᑭᖑᕚᖏᑕ ᑖᒃᑯᐊ ᓄᓇᒥᑦ ᑕᕝᕙᓐᖓᑦ ᐊᓂᑎᓚᐅᕐᐰᑦ, ᐃᓅᖃᑎᒌᖕᓂᖏᓪᓗ ᓄᖑᑎᓪᓗᒋᑦ, ᐃᒻᒥᖕᓂᒃ ᑕᕝᕙᓂ ᓄᓇᑖᖔᕐᓗᑎᒃ, ᓲᕐᓗᑦᑕᐅᖅ ᐃᓴᕆᐊᓕᒥᐅᑦ ᒪᑐᒪ ᑭᖑᕐᖓᒍᑦ ᐊᑭᕋᕐᑐᕐᑎᒥᖕᓂᒃ ᐊᐅᓪᓚᕐᑎᑦᓯᔪᒫᕐᒪᑕ ᑕᒫᓐᖓᑦ ᓄᓇᒥᑦ ᐊᑕᓂᐅᑉ ᑐᓂᓯᒪᔭᖓᓂᑦ ᑖᒃᑯᓄᖓ.)
13“ᑭᖑᓂᖓᒍᑦ ᐃᑳᕐᓯᓕᓚᐅᕆᕗᒍᑦ ᑰᖕᒥᒃ ᔨᕆᑦᒥᒃ ᐊᑎᓕᖕᒥᒃ ᐊᑕᓂᐅᑉ ᑍᒫᒃ ᐱᖁᔨᓂᖓ ᒪᓕᒡᓗᒍ. 14#ᒨᓯᓯ ᓯᑕᒪᖏᑦ 14:28-35.ᑕᒪᐅᓇ ᑰᒃᑯᑦ ᔨᕆᑦᑯᑦ ᐃᑳᓚᐅᕐᐳᒍᑦ ᓄᓇᒥᑦ ᑲᑎᓯ-ᐸᕐᓂᐊᒥᑦ ᐊᐅᓪᓚᕐᓯᒪᓂᑦᑕ ᐊᕐᕌᒍᖏᑕ 38ᒋᓕᕐᑕᖓᓂ. ᐊᖑᑎᓕᒫᑦ ᐅᓇᑕᕐᑐᒃᓴᐅᔪᑦ ᑍᑦᓱᒪᓂᐅᑎᓪᓗᒍ ᑐᖁᖓᔪᐃᓐᓇᐅᓕᕐᑎᓪᓗᒋᑦ, ᐊᑕᓂᖅ ᑍᒤᓐᓂᐊᕐᓂᕅᓪᓗᓂ ᐅᖃᓚᐅᕐᒪᑦ. 15ᐊᑕᓂᐅᑉ ᓵᓐᖎᓐᓇᓚᐅᕐᐰᑦ ᓄᖑᓚᐅᖅᑳᕋᓂᒋᑦ.
16“ᑐᖁᔪᐃᓐᓇᐅᓯᒪᓕᕐᒪᑕᓕ, 17ᐊᑕᓂᐅᑉ ᐅᖃᐅᑎᕚᑎᒍᑦ, 18‘ᐅᓪᓗᒥᓕ ᒧᐊᐱᒥᐅᑦ ᓄᓇᖓᒍᑦ ᐃᖏᕐᕋᓂᐊᕐᐳᓯ ᓄᓇ ᐋᕆ ᐊᖅᑯᑎᒋᓗᒍ. 19#ᒨᓯᓯ ᓯᕗᓪᓖᑦ 19:38.ᑕᕝᕙ ᐊᒧᓁᑎᒃᑯᑦ ᓄᓇᖓᓐᓄᑦ ᖃᓂᑦᑑᓕᕐᓂᐊᕐᐳᓯ, ᓘᑎᐅᑉ ᑭᖑᕚᖏᓐᓄᑦ. ᑖᒃᑯᐊ ᐸᒡᕕᓴᕐᓂᐊᕐᓇᓯᒋᒃ ᐅᓇᑕᕋᓱᐊᕐᓂᐊᕐᓇᒋᓪᓗ, ᑖᒃᑯᐊ ᓄᓇᖓᑕ ᐃᓚᖓᓐᓂᒃ ᒥᑭᔪᒥᒡᓘᓐᓃᑦ ᑐᓂᓯᓂᐊᖏᓐᓇᒪ ᐃᓕᑦᓯᓐᓄᑦ; ᓄᓇ ᑖᒃᑯᓄᖓ ᑐᓂᔭᕇᕐᓯᒪᒐᒃᑯ.’”
20(ᑕᒪᓐᓇ ᓄᓇᒋᔭᐅᔪᖅ ᐊᑎᖃᕐᑎᑕᐅᓲᖑᒋᕗᖅ ᕆᐰᒥᐅᑦ ᓄᓇᖓᓐᓂᒃ, ᐃᓄᐃᑦ ᑕᒫᓂ ᓄᓇᖃᓚᐅᕐᓯᒪᔪᑦ ᐊᑎᖃᐅᑎᒋᔭᐅᓪᓗᑎᒃ; ᐊᒧᓁᑎᒥᐅᓂᓪᓕ ᐊᑎᖃᕐᑎᑕᐅᓚᐅᕐᐳᑦ ᔨᒻᔪᒥᒻᓂᒃ. 21ᑖᒃᑯᐊᓗ ᐊᔪᖏᑦᑐᐊᓘᓚᐅᕐᐳᑦ ᐅᓄᕐᓗᑎᒡᓗ ᐊᖏᔫᑎᐊᓘᓚᐅᕐᐳᑦ ᐊᓇᑭᒥᐅᑎᑐᑦ. ᐊᑕᓂᐅᓪᓕ ᓄᖑᑕᐅᑎᓚᐅᕐᐰᑦ, ᑍᒤᒻᒪᑦ ᐊᒧᓁᑎᒥᐅᓂᑦ ᓄᓇᑖᕆᔭᐅᓚᐅᕐᐳᖅ ᓄᓇᖓᑦ ᑕᕝᕙᓂᓗ ᓄᓇᖃᓕᕐᓗᑎᒃ. 22ᐊᒻᒪ ᐊᑕᓂᖅ ᑍᒫᑦᓮᓐᓇᖅ ᐱᓇᓱᐊᓚᐅᕆᕗᖅ ᓰᐊᕆᒥᐅᓄ, ᐄᓴᐅᑉ ᑭᖑᕚᖏᓐᓄᑦ, ᕼᐅᕅᑎᒥᐅᑦ ᓄᖑᑕᐅᑎᓚᐅᕐᐰᑦ, ᐃᑐᒤᑎᒥᐅᑦ ᑕᕝᕙᓂ ᓄᓇᑖᖔᕈᓐᓇᖁᓪᓗᒋᑦ, ᒫᓐᓇ ᓱᓕ ᑕᕝᕙᓂ ᓄᓇᖃᕐᐳᑦ. 23ᐃᒪᕐᔪᐊᓪᓕ ᒥᑎᑎᕆᓂᐊᑉ ᐋᐅᐃᒥᐅᑦ ᓯᓈᓃᑦᑐᑦ ᓄᓇᓖᑦ ᓄᓇᑖᕆᔭᐅᓯᒪᕗᑦ ᕿᑭᕐᑕᒥᐅᑕᕐᓂᑦ ᑲᑉᕼᐊᑐᐊᕆᒥᐅᓂᑦ, ᑕᒫᓂ ᓄᓇᓕᑐᖃᐅᓚᐅᕐᑐᑦ ᓄᖑᑕᐅᓚᐅᕐᐳᑦ, ᓄᓇᓕᒫᖓᓗ ᓄᓇᑖᕆᔭᐅᓪᓗᓂ ᑕᒪᑐᒪ ᓄᓇᐅᑉ ᓯᕿᓂᖓᓃᑦᑐᑦ ᒑᓴᒥᐅᑦ ᐊᒡᓛᑦ ᑎᑭᓪᓗᒋᑦ.)
24“ᓄᓇᓖᓪᓕ ᒧᐊᐱᒥᐅᑦ ᖄᖏᕋᑦᑎᒋᒃ, ᐊᑕᓂᐅᑉ ᐅᖃᐅᑎᕚᑎᒍᑦ, ‘ᒫᓐᓇ ᐋᕐᓄᓂᐅᑉ ᑰᖓ ᐃᑳᓕᕐᓯᐅᒃ. ᐊᒧᕅᑎᒃᑯᑦ ᐊᖓᔪᖅᑳᕐᔪᐊᖓᑦ ᓮᕼᐆᓂ ᕼᐃᓴᐸᓂᒥ ᓄᓇᓕᒃ ᐃᓕᑦᓯᓐᓄᑦ ᑐᓂᕙᕋ, ᓄᓇᖓᓗ ᐱᖃᓯᐅᑎᓪᓗᒍ. ᐅᓇᑕᕆᐊᓕᕐᓯᐅᒃ, ᓄᓇᖓᓗ ᓄᓇᑖᕆᓗᒍ. 25ᐅᓪᓗᒥᒥᑦ ᐱᒋᐊᕐᓗᒍ ᓇᓂᑐᐃᓐᓇᒥᐅᓄᑦ ᐃᓄᖕᓄᑦ ᓯᕘᕋᒋᔭᐅᓕᕐᑎᓐᓂᐊᕐᐸᑦᓯ. ᐃᓕᑦᓯᓐᓂᒃ ᑍᓯᔪᖃᑐᐊᕐᐸᑦ ᑍᒃᑯᐊᓕᒫᖅ ᓴᔪᓕᖃᑦᑕᕐᓂᐊᕐᐳᑦ ᑲᑉᐱᐊᓱᒧᑦ.’”
ᐃᓴᕆᐊᓕᒥᐅᑦ ᓵᓚᖃᕐᓂᖓᑦ ᐊᖓᔪᖅᑳᕐᔪᐊᕐᒥᒃ ᓯᕼᐅᓐᒥᒃ
ᒨᓯᓯ ᓯᑕᒪᖏᑦ 21:21-30
26“ᑕᕝᕙ ᑎᓕᓯᓕᕐᐳᖓ ᓄᓇᒥᑦ ᐃᓄᖃᖏᑦᑐᒥᑦ ᑭᑎᒫᑎᒥᑦ ᐱᔪᓂᒃ ᐊᖓᔪᖅᑳᕐᔪᐊᕐᒧᑦ ᓮᕼᐆᓂᒧᑦ ᕼᐃᓴᐸᓂᒥ ᓄᓇᖃᕐᑐᒧᑦ ᐅᓇᑕᖏᑦᔪᑎᒃᓴᒥᒃ ᐅᖃᐅᓯᖃᕐᑐᓂᒃ ᐃᒤᓕᔪᓂᒃ: 27‘ᓄᓇᑦᓯᒍᑦ ᐊᖅᑯᓵᑐᐃᓐᓇᕈᓐᓇᕐᑎᓚᐅᕐᑎᒍᑦ, ᐊᖅᑯᑎᒃᑰᑐᐃᓐᓇᕐᓗᑕ ᐃᖏᕐᕋᓂᐊᕐᐳᒍᑦ, ᐊᖅᑯᑎᐅᑉ ᓯᓚᑖᓄᑦ ᓴᖑᓂᐊᓐᖏᓚᒍᑦ ᓴᐅᒥᒧᑦ ᑕᓕᕐᐱᒧᓪᓘᓐᓃᑦ. 28ᓂᕿᒃᓴᑦᑎᓐᓂᒃ ᑮᓇᐅᔭᓄᑦ ᓂᐅᕕᕐᓂᐊᕐᐳᒍᑦ ᓂᕆᔪᓐᓇᖁᓪᓗᑕ ᐃᒥᒃᓴᑦᑎᓐᓂᒡᓗ ᐃᒥᕈᓐᓇᖁᓪᓗᑕ, ᓄᓇᑦᓯᒍᑦ ᐊᖅᑯᓵᕈᓐᓇᕐᑎᑕᐅᔪᒪᑐᐃᓐᓇᕐᐳᒍᑦ. 29ᑰᒃ ᔪᐊᕐᑕᓂᐅᑉ ᑰᖓ ᐃᑳᕐᓗᒍ ᓄᓇᒧᑦ ᐊᑕᓂᐅᑉ ᒎᑎᑦᑕ ᑐᓂᓯᒪᔭᖓᓄᑦ ᑎᑭᓚᐅᖏᓐᓂᑦᑎᓐᓂ. ᐄᓴᐅᑉ ᑭᖑᕚᖏᑦ, ᓰᐊᕆᒥ ᓄᓇᓖᑦ, ᒧᐊᐱᒥᐅᓪᓗ, ᐋᕆᒥ ᓄᓇᓖᑦ, ᐅᕙᑦᑎᓐᓂᒃ ᓄᓇᒥᒃᑎᒍᑦ ᐊᖅᑯᓵᕈᓐᓇᕐᑎᑦᓯᖃᑦᑕᓚᐅᕐᓂᖏᑎᑐᑦ ᐱᔪᓐᓇᕐᑎᑕᐅᔪᒪᕗᒍᑦ.’
30“ᕼᐃᓴᐸᓂᒥᓕ ᐊᖓᔪᖅᑳᕐᔪᐊᖅ ᓮᕼᐆᓂ ᓄᓇᒥᒍᑦ ᐊᖅᑯᓵᖁᔨᓚᐅᓐᖏᓚᖅ ᐅᕙᑦᑎᓐᓂᒃ. ᐊᑕᓂᐅᑉ ᒎᑎᑦᓯ ᐊᖓᔪᖅᑳᕐᔪᐊᑉ ᐆᒻᒪᑎᖓ ᓯᑎᔫᑎᓚᐅᕐᒪᒍ ᓈᒻᒪᒃᓴᖏᑦᑑᑎᑦᓱᓂᐅᒡᓗ, ᓵᓚᖃᕈᓐᓇᖁᓪᓗᑕ ᓄᓇᖁᑎᖓᓗ ᓄᓇᖁᑎᑖᕆᓗᒍ, ᒫᓐᓇ ᓱᓕ ᑖᓐᓇ ᓇᔪᕐᐸᕗᑦ.
31“ᑕᕝᕙ ᐊᑕᓂᐅᑉ ᐅᖃᐅᑎᕚᖓ, ‘ᑕᑯᒋᑦ, ᐊᖓᔪᖅᑳᕐᔪᐊᖅ ᓮᕼᐆᓂ ᓄᓇᖁᑎᖓᓗ ᐃᓕᖕᓄᑦ ᑐᓂᕙᒃᑲ; ᓄᓇᖁᑎᖓᓂᒃ ᐊᕐᓵᕐᓗᒍ ᓄᓇᖁᑎᖓ ᓄᓇᑖᕆᓕᕐᓯᐅᒃ.’ 32ᓮᕼᐆᓂ ᑕᕝᕙ ᐊᖑᑎᖁᑎᓕᒫᒥᓂᒃ ᐃᓚᖃᕐᓗᓂ ᐅᕙᑦᑎᓐᓂᒃ ᐅᓇᑕᕋᓱᐊᓕᓚᐅᕐᐳᖅ ᓄᓇᐅᑉ ᔧᕼᐋᓯᐅᑉ ᖃᓂᒋᔮᓂ, 33ᐊᑕᓂᐅᓪᓕ ᒎᑎᑦᑕ ᐅᕙᑦᑎᓐᓄᑦ ᑐᓂᓚᐅᕐᐹ; ᑕᕝᕙ ᑐᖁᓚᐅᕐᐸᕗᑦ, ᐃᕐᓂᖏᓪᓗ, ᐃᓄᓕᒫᖏᓪᓗ. 34ᑍᑦᓱᒪᓂᑦᓮᓐᓇᕐᑕᐅᖅ ᓄᓇᓖᑦ ᖃᓂᒋᔮᓃᑦᑐᓕᒫᑦ ᓵᓚᒋᓚᐅᕐᐸᕗᑦ ᓄᖑᑦᓯᐊᕐᓗᒋᓪᓗ, ᐃᓄᓕᒫᖏᓪᓗ ᑐᖁᓪᓗᒋᑦ, ᐊᖑᑎᑦ, ᐊᕐᓁᑦ, ᓄᑕᖅᑲᓪᓗ. ᐊᒥᐊᒃᑯᖃᕐᑎᑦᓯᓚᐅᓐᖏᓚᒍᓪᓘᓐᓃᑦ. 35ᐃᓅᑦᔪᑎᒃᓴᐅᔪᓐᓇᕐᑐᓪᓕ ᐱᓚᐅᕐᐸᕗᑦ ᓄᓇᓖᓪᓗ ᓱᓇᑐᐃᓐᓇᓕᒫᖏᑦ ᐱᑖᕆᓪᓗᒋᑦ. 36ᐊᑕᓂᐅᑉ ᒎᑎᑦᑕ ᓵᓚᖃᕐᑎᓚᐅᕐᒪᑎᒍᑦ ᐊᕈᐃᕆᒥᑦ ᐋᕐᓄᓂᐅᑉ ᓇᕐᓴᖓᓂᑦ ᐱᒋᐊᕐᓗᒍ, ᑕᕝᕙᓂᓗ ᓇᕐᓴᒥ ᐃᒡᓗᒐᓮᑦ ᐊᑯᓐᓂᖓᓃᑦᑐᑦ, ᓄᓇᒧᑦ ᒋᓕᐊᑎᒧᑦ ᑎᑭᓪᓗᒋᑦ. ᐃᒡᓗᒐᓮᓪᓕ ᐊᕙᓗᕐᔪᐊᖏᑦ ᐊᔪᕐᓇᓗᐊᕐᑐᖃᓚᐅᓐᖏᓚᑦ ᐅᕙᑦᑎᓐᓄᑦ. 37ᑭᓯᐊᓂᓕ ᓄᓇᓖᑦ ᐊᒧᓁᑎᒥᐅᑦ ᖃᓂᒋᔮᓄᐊᓚᐅᓐᖏᓚᒍᑦ ᑰᓪᓗ ᐊᑎᓕᐅᑉ ᔭᐴᒃᒥᒃ ᐅᕝᕙᓗ ᖃᖅᑲᓃᑦᑐᓄᑦ ᐃᒡᓗᒐᓴᖕᓄᑦ ᐅᕝᕙᓗ ᐊᓯᖏᓐᓄᓪᓘᓐᓃᑦ ᓄᓇᓕᖕᓄᑦ ᐊᑕᓂᐅᑉ ᒎᑎᑦᑕ ᐅᐸᒃᑕᐅᖁᓚᐅᓐᖏᑕᖏᓐᓄ ᐅᐸᒍᑎᓚᐅᓐᖏᓚᒍᑦ.”
Currently Selected:
ᒨᓯᓯ ᑕᓪᓕᒪᖏᑦ 2: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
