ᒨᓯᓯ ᑕᓪᓕᒪᖏᑦ 1
1
ᓇᓗᓁᕐᓯᑦᔪᑏᑦ
1ᐅᑯᐊ ᐅᖃᐅᓰᑦ ᒨᓯᓯᐅᑉ ᐅᖃᐅᓯᕕᓂᖏᑦ ᐃᓴᕆᐊᓕᒥᐅᓄᑦ ᑍᑦᓱᒪᓂ ᐃᓄᖃᖏᑦᑐᒦᑎᓪᓗᒋᑦ ᔪᐊᕐᑕᓂᐅᑉ ᑰᖓᑕ ᐊᑭᐊᓂ, ᐊᕋᐸᒥ ᓲᐸᐅᑉ ᖃᓂᒋᔮᓂ, ᐸᕌᓂᐅᓪᓗ ᑐᐱᐅᓪ ᐊᑯᓐᓂᖓᓂ, ᐊᒻᒪ ᓔᐸᓂ, ᕼᐊᔨᕌᑎᐅᓪᓗ, ᑎᔭᕼᐊᑉ ᐊᑯᓐᓂᖏᓐᓃᓪᓗᑎᒃ. 2(ᐅᓪᓗᓂᒃ 11ᓂᒃ ᐃᖏᕐᕋᓇᕐᐳᖅ ᖃᖅᑲᒥᑦ ᕼᐆᕆᑉᒥᑦ ᓰᐊᕆᐅᑉ ᖃᖅᑲᖏᑎᒎᕐᓗᓂ ᑲᑎᓯ-ᐸᕐᓂᐊᒧᑦ.) 3ᑕᖅᑮᑦ 11ᒋᓕᕐᑕᖏᑕ ᐅᓪᓗᖏᑕ ᓯᕗᓪᓕᕐᐹᖓᓂ ᐄᑦᔨᑉᑎᒥᑦ ᐊᐅᓪᓚᓚᐅᕐᓂᖏᑕ ᐊᕐᕌᒍᖏᑕ 40ᒋᓕᕐᑕᖓᓂ, ᒨᓯᓯᐅᑉ ᐃᓴᕆᐊᓕᒥᐅᑦ ᐅᖃᐅᑎᓚᐅᕐᐰᑦ ᐊᑕᓂᐅᑉ ᐅᖃᐅᓯᕆᔭᐅᖁᓚᐅᕐᑕᓕᒫᖏᓐᓂᒃ ᑖᒃᑯᓄᖓ. 4#ᒨᓯᓯ ᓯᑕᒪᖏᑦ 21:21-35.ᑕᒪᓐᓇᓕ ᑍᒤᓚᐅᕐᐳᖅ ᐊᑕᓂᐅᑉ ᐊᖓᔪᖅᑳᕐᔪᐊᒥᒃ ᓮᕼᐆᓂᒥᒃ ᐊᒧᕅᑎᒥᐅᑕᕐᒥᒃ ᓵᓚᖃᕐᓂᖓᑕ ᑭᖑᓂᖓᓂ, ᑖᓐᓇ ᐊᐅᓚᑦᓯᔨᐅᓚᐅᕐᑐᖅ ᓄᓇᖃᕐᓗᓂ ᕼᐃᓴᐸᓂᒥ, ᐊᖓᔪᖅᑳᕐᔪᐊᕐᓗ ᐋᒡ ᐹᓴᓂᒥ ᐊᖓᔪᖅᑳᕐᔪᐊᖑᕕᓕᒃ, ᓄᓇᖃᕐᓗᓂ ᐊᔅᑕᕈᑎᒥ ᐃᑐᕆᐂᒥᓗ. 5ᐃᓄᐃᓪᓕ ᓱᓕ ᔪᐊᕐᑕᓂᐅᑉ ᑕᓕᕐᐱᐊᓃᑎᓪᓗᖏᑦ ᒧᐊᐱᒥᐅᑦ ᓄᓇᖓᓂ ᒨᓯᓯ ᒎᑎᐅᑉ ᐱᖁᔭᖏᓐᓂᒃ ᐃᓕᓮᓂᖏᓐᓂᒡᓗ ᓇᓗᓁᕐᓯᕙᓪᓕᐊᓕᓚᐅᕐᐳᖅ.
ᐅᖃᕐᓗᓂ, 6“ᖃᖅᑲᒥ ᕼᐆᕆᑉᒦᑎᓪᓗᑕ ᓱᓕ, ᐊᑕᓂᖅ ᒎᑎᕗᑦ ᐅᕙᑦᑎᓐᓄᑦ ᐅᖃᓚᐅᕐᐳᖅ, ᑕᕝᕙᓂ ᖃᖅᑲᒥ ᓄᓇᖃᕐᓂᓯ ᓯᕕᑐᓂᖓ ᓈᒻᒪᓕᕐᐳᖅ. 7ᐸᕐᓇᒡᓗᓯ ᑕᕝᕙᓐᖓᑦ ᓅᓕᕆᑦᓯ, ᐊᒧᕅᑎᒥᐅᑦ ᖃᖅᑲᖏᓐᓄᐊᕐᓗᓯ ᓄᓇᓕᓕᒫᓄᑦ ᖃᓂᒋᔮᓃᑦᑐᓄᑦ ᔪᐊᕐᑕᓂᐅᑉ ᓇᕐᓴᖓᓄᑦ ᑎᑭᓪᓗᓯ, ᖃᖅᑲᓕᖕᓄᑦ ᓇᑎᕐᓇᓕᖕᓄᓪᓗ, ᓄᓇᓕᖕᓄᓪᓗ ᐊᒃᐸᓯᖕᓂᕐᓴᓄᑦ ᓯᕿᓂᐅᑉ ᓇᓛᓃᑦᑐᓄᑦ ᓂᒋᑉᒥ, ᒥᑎᑎᕆᓂᐊᑉ ᐃᒪᖓᑕ ᑭᒡᓕᖓᓄᑦ ᑎᑭᓪᓗᓯ. ᑬᓇᓂᐅᑉ ᓄᓇᖓᓄᑦ ᐂᔪᒃᓴᐅᕗᓯ ᓕᐸᓇᓂᐅᓪᓗ ᖃᖅᑲᖏᑦ ᖄᖏᕐᓗᒋᑦ ᑰᒑᓗᖕᒧᑦ ᐃᕗᕅᑎᒧᑦ ᑎᑭᓪᓗᓯ. 8ᑕᒪᓐᓇᓕᒫᖅ ᑕᕝᕙ ᓄᓇ ᐅᕙᖓ ᐊᑕᓂᐅᔪᖓ, ᑐᓂᓂᐊᕐᓂᕋᕐᓗᒍ ᐊᖏᕈᑎᒋᓯᒪᔭᕋ ᓯᕗᓕᕕᓂᑦᓯᓐᓄᑦ, ᐂᑉᕋᕼᐋᒻᒧᑦ, ᐂᓴᑭᒧᓪᓗ, ᔧᑯᒧᓪᓗ, ᑭᖑᕚᓕᒫᖏᓐᓄᓪᓗ, ᑍᒤᒻᒪᑦ ᑕᒪᐅᖓ ᓄᓇᒧᑦ ᐂᓕᕆᑦᓯ ᓄᓇᑖᕆᓗᒍᓗ.”
ᒨᓯᓯᐅᑉ ᑎᓕᓯᓂᖓ ᐋᖅᑭᒃᓱᐃᔨᓂᒃ
ᒨᓯᓯ ᐂᑉᐸᖏᑦ 18:13-27
9ᒨᓯᓯ ᐃᓄᖕᓄᑦ ᐅᖃᕐᐳᖅ, “ᓱᓕ ᖃᖅᑲᒥ ᓮᓁᒦᓪᓗᑕ ᐃᓕᑦᓯᓐᓄᑦ ᐅᖃᓚᐅᕐᓯᒪᕗᖓ, ‘ᐃᓄᑑᓗᖓ ᐃᓕᑦᓯᓐᓂᒃ ᑲᒪᔪᑑᔭᕆᐊᒃᓴᖅ ᐅᖁᒤᓗᐊᓕᕐᐳᖅ. ᐃᓄᑑᓗᖓ ᐃᓄᓕᕆᔪᑑᔭᕆᐊᒃᓴᖅ ᐊᔪᓕᕐᐳᖓ. 10ᐊᑕᓂᐅᑉ ᒎᑎᑦᓯ ᐃᓄᒋᐊᒃᑐᕐᔪᐊᓐᖑᕐᑎᓯᒪᓕᕐᒪᓯ ᐅᓪᓗᕆᐊᑎᑐᑦ ᕿᓚᖕᒦᑐᑎᑐᑦ. 11ᐊᑕᓂᐅᑉ, ᓯᕗᓕᕕᓂᑦᓯ ᒎᑎᖓᑦᑕ, ᐅᓄᕐᓯᕙᓪᓕᐊᑎᓪᓕᓯ 1,000ᐃᕐᓱᓪᓗᐊᕐᑐᒥᒃ, ᐊᔪᕐᓴᖏᑦᓯᐊᕐᑎᓪᓗᓯᓗ, ᑍᒫᒃ ᐊᖏᕐᕕᒋᓯᒪᖕᒪᓯ ᑕᒪᑐᒥᖓ! 12ᖃᓄᕐᓕ ᐃᓄᑑᓗᖓ ᐅᑯᒤᑦᑐᐊᓗᖕᓂᒃ ᐊᑲᐅᖏᑦᔪᑎᑦᓯᓐᓂᒃ ᐋᖅᑭᒃᓱᐃᓇᓱᐊᕐᑐᑑᔪᓐᓇᕋᔭᕐᐳᖔ? 13ᓯᓚᑐᔪᓂᒃ ᓂᕈᐊᓚᐅᕆᑦᓯ, ᑐᑭᓯᒪᑦᓯᐊᕐᑐᓂᒃ, ᖃᐅᔨᒪᑦᓯᐊᕐᑐᓂᒡᓗ ᑭᖑᕚᕇᓂᑦ ᐊᑐᓂᑦ ᐱᓯᒪᔪᓂᒃ, ᑖᒃᑯᐊᓗ ᐊᖓᔪᖅᑳᓐᖑᕐᑎᓐᓂᐊᕐᐸᒃᑲ ᐃᓕᑦᓯᓐᓄᑦ.’ 14ᑕᒪᑐᒥᖓᓗ ᐊᖏᓚᐅᕐᓯᒪᕗᓯ ᐊᑲᐅᓂᕐᐹᖑᓇᓱᒋᓪᓗᒍ ᑕᒪᓐᓇ. 15ᑕᕝᕙ ᐃᓕᑦᓯᓐᓂᑦ ᓯᓚᑐᔪᓂᒃ ᖃᐅᔨᒪᑦᓯᐊᕐᑐᓂᒡᓗ ᑕᓯᐅᕐᑎᐅᓂᐊᕐᑐᓂᒃ ᓂᕈᐊᓚᐅᕐᐳᓯ ᑭᖑᕚᕇᖑᔪᓂᑦ ᐱᓯᒪᔪᓂᒃ, ᑖᒃᑯᐊᓗ ᐃᓕᑦᓯᓐᓄᑦ ᐊᖓᔪᖅᑳᕈᕐᑎᓚᐅᕐᐸᒃᑲ. ᐃᓚᖏᑦ ᑲᒪᓂᐊᓕᕐᓗᑎᒃ ᐃᓄᖕᓄᑦ 1,000ᓄᑦ, ᐃᓚᖏᓪᓗ 100ᓄᑦ ᐃᓚᖏᓪᓗ 50ᓄᑦ, ᐃᓚᖏᓪᓗ 10ᓄᑦ. ᐊᓯᖏᓐᓂᒃᑕᐅᖅ ᐊᖓᔪᖅᑳᖑᓂᐊᕐᑐᓂᒃ ᑭᖑᕚᕇᓂ ᑎᓕᓯᓚᐅᕆᕗᖓ.
16“ᑍᑦᓱᒪᓂᐅᑎᓪᓗᒍ ᐃᒤᓕᐅᖁᓪᓗᒋᑦ ᒪᓕᖕᓂᐊᕐᑕᖏᓐᓂᒃ ᐅᖃᐅᑦᔪᓚᐅᕐᓯᒪᕙᒃᑲ, ‘ᐃᓄᖁᑎᑦᓯᓐᓂᑦ ᐊᑲᐅᓐᖏᓕᐅᕈᑕᐅᔪᓂᒃ ᓈᓚᑦᓯᐊᖃᑦᑕᕐᓂᐊᕐᐳᓯ. ᐊᑲᐅᓐᖏᓕᐅᕈᑕᐅᔪᓕᒫᓪᓗ ᐋᖅᑭᒃᓱᑦᓯᐊᕋᓱᐊᖃᑦᑕᕐᓗᒋᑦ ᐊᑦᔨᒌᒃᑎᑦᓯᓗᓯ, ᐃᓄᖁᑎᑦᓯ ᐃᓱᒫᓘᑎᒋᔭᖏᓐᓂᒃ ᐱᓇᓱᐊᕋᓗᐊᕈᑦᓯ ᐅᕝᕙᓗ ᓄᓇᖃᑎᒃᓴᔭᑐᖃᕆᓐᖏᑕᑦᓯᓐᓂᒃ ᐱᓕᕆᔭᕆᐊᖃᕈᑦᓯ ᑕᕝᕙᓂ ᓄᓇᖃᑎᒋᔭᑦᓯᓐᓂᒃ. 17ᐃᓔᓐᓇᖏᓐᓂᒃ ᑕᑉᐱᕐᓱᐃᓗᓯ ᐱᓇᓱᐊᕐᑐᒃᓴᐅᓐᖏᓚᓯ ᐋᖅᑭᒃᓱᐃᓕᕐᑎᓪᓗᓯ; ᐋᖅᑭᒃᓱᐃᔪᒃᓴᐅᕗᓯᓕ ᐊᑦᔨᒌᒃᑎᑦᓯᓗᓯ, ᑭᓇᑐᐃᓐᓇᐅᒐᓗᐊᕐᐸᑦ. ᓇᓪᓕᐊᓐᓂᒡᓘᓐᓃᑦ ᓯᕘᕋᒋᔭᖃᕐᑐᒃᓴᐅᓐᖏᓚᓯ, ᑐᑭᑖᕆᔭᓯ ᒎᑎᒥᑦ ᐱᖕᒪᑕ. ᐃᓕᑦᓯᓐᓄᓪᓕ ᓱᓇᑐᐃᓐᓇᖅ ᐅᖁᒤᓗᐊᕐᐸᑦ, ᑕᕝᕙ ᐅᕙᓐᓄᑦ ᑐᓂᔭᒃᓴᕆᕙᓯ, ᑕᕝᕙ ᐅᕙᖓ ᑐᑭᑖᕐᕕᒋᓂᐊᕐᐸᒃᑲ.’ 18ᑍᑦᓱᒪᓂᑦᑕᐅᖅ ᖃᓄᐃᓕᐅᕆᐊᖃᕐᓂᑦᓯᓐᓂᒃ ᓱᓇᑐᐃᓐᓇᓕᒫᓄᑦ ᐊᔪᕆᕐᑐᓚᐅᕆᕙᑦᓯ.”
ᖃᐅᔨᓴᕆᐊᕐᑎᑕᐅᔪᑦ ᐃᔨᕋᕐᑐᕐᓗᑎᒃ ᑎᓕᔭᐅᕗᑦ ᓄᓇᒥᑦ ᑲᑎᔅ ᐸᕐᓂᐊᒥᑦ
ᒨᓯᓯ ᓯᑕᒪᖏᑦ 13:1-33
19“ᐱᓇᓱᐊᓚᐅᕐᐳᒍᑦ ᐊᑕᓂᐅᑉ ᒎᑎᑦᑕ ᐱᓇᓱᐊᕐᑕᐅᖁᓚᐅᕐᑕᖏᓐᓂᒃ. ᖃᖅᑲᒥᑦ ᕼᐆᕆᑉᒥᑦ ᐊᐅᓪᓚᓚᐅᕐᐳᒍᑦ ᐃᖏᕐᕋᓪᓗᑕᓗ ᓯᕕᑐᔪᐊᓗᒃᑯᑦ ᓯᐅᕅᓐᓈᓗᒃᑯᑦ ᓯᕘᕋᓇᕐᑐᒃᑯᓪᓗ ᐊᒧᕅᑎᒃᑯᑦ ᖃᖅᑲᖏᓐᓄᐊᕐᐸᓪᓕᐊᓪᓗᑕ, ᓄᓇᒧᓪᓕ ᑲᑎᓯ-ᐸᕐᓂᐊᒧᑦ ᑎᑭᓐᓇᑦᑕ, 20ᐅᖃᐅᑎᓚᐅᕐᐸᑦᓯ, ‘ᒫᓐᓇ ᐊᒧᕅᑎᒃᑯᑦ ᖃᖅᑲᖏᓐᓄᐊᕋᑦᑕ ᐊᑕᓂᐅᑉ ᒎᑎᑦᑕ ᐅᕙᑦᑎᓐᓄᑦ ᑐᓂᔭᖓᓄᑦ, 21ᑕᑯᒋᑦ, ᐊᑕᓂᐅᑉ ᒎᑎᑦᓯ ᓄᓇᒥᒃ ᑐᓂᓯᕕᒋᓯᒪᕚᓯ; ᑕᕝᕗᖓ ᐂᓕᕆᑦᓯ ᓄᓇᑖᕆᓗᒍ, ᐊᑕᓂᐅᑉ ᓯᕗᓕᕕᓂᑦᓯ ᒎᑎᖓᑦᑕ ᑕᒪᑐᒥᖓ ᐅᖃᐅᑎᓚᐅᕐᒪᓯ; ᓯᕘᕋᖏᓪᓗᓯ ᓴᐱᖏᓪᓗᓯᓗ.’
22“ᐅᕙᓐᓄᓪᓕ ᕾᓪᓗᓯ ᐅᖃᓚᐅᕐᐳᓯ, ‘ᐊᖑᑎᓂᒃ ᑎᓕᓯᓚᐅᕐᑕ ᓯᕗᓂᑦᑎᓐᓄᑦ ᐃᔨᕋᕐᑐᓪᓗᑎᒃ ᖃᐅᔨᓴᕆᐊᕐᑐᒃᓴᓂᒃ, ᓇᐅᒃᑰᕐᓗᓂ ᐱᐅᓂᕐᐸᐅᖕᒪᖔᑦ ᖃᓄᐃᑦᑐᓂᒡᓗ ᐃᒡᓗᒐᓴᖃᕐᒪᖔᑕ ᐅᕙᑦᑎᓐᓄᑦ ᐅᖃᕈᓐᓇᖁᓪᓗᒋᑦ.’
23“ᑕᒪᓐᓇᓕ ᐊᑲᐅᔫᔮᕐᒪᑦ, ᑕᕝᕙ ᐊᖑᑎᓂᒃ 12ᓂᒃ ᑎᓕᓯᓕᓚᐅᕐᐳᖓ, ᑭᖑᕚᕇᓂᑦ ᐊᑐᓂᑦ ᐱᓯᒪᔪᓂᒃ. 24ᑖᒃᑯᐊ ᖃᖅᑲᓄᐊᓚᐅᕐᐳᑦ ᑕᒫᓂᓗ ᖃᐅᔨᓇᓱᐊᕐᓗᑎᒃ ᐃᔅᑯᓕᐅᑉ ᓇᕐᓴᖓ ᑎᑭᓪᓗᒍ. 25ᓄᓇᐅᓪᓗ ᐱᕈᕐᑐᖏᑕ ᐃᓚᖏᓐᓂᒃ ᒥᓇᓚᐅᕐᐳᑦ ᐅᕙᑦᑎᓐᓄᑦ, ᐅᓂᒃᑳᕐᓗᑎᒡᓗ ᐊᑕᓂᐅᑉ ᒎᑎᑦᑕ ᑐᓂᓯᒪᔭᖓ ᓄᓇ ᐱᕈᕐᑐᖃᑦᓯᐊᕐᓂᖓᓂᒃ.
26 #
ᒨᓯᓯ ᑕᓪᓕᒪᖏᑦ 9:23; ᐄᑉᕈᐃᓄᑦ 3:16. “ᐃᓕᑦᓯᓕ ᑕᕝᕗᓐᖓᕈᒪᓚᐅᓐᖏᓚᓯ, ᐊᑕᓂᐅᓪᓗ ᒎᑎᑦᓯ ᐱᖁᔨᓂᖓ ᐊᑭᕋᕐᑐᓚᐅᕐᐸᓯ. 27ᐃᓕᑦᓯᓐᓄᓪᓕ ᐅᖃᖃᑦᑕᐅᑎᓕᓚᐅᕐᐳᓯ: ‘ᐊᑕᓂᐅᑉ ᐆᒥᒋᒐᒥᑎᒍᑦ, ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᐹᑎᒍᑦ ᐊᒧᕅᑎᒥᐅᓄᑦ ᓵᓚᐅᑎᑦᓱᒪᓪᓗᑕ, ᑐᖁᑕᐅᖁᓪᓗᑕᓗ. 28ᓱᖕᒪᓪᓕ ᑕᕝᕗᓐᖓᕆᐊᖃᕐᐱᑖ? ᓯᕘᕋᓕᕐᐳᒍᑦ. ᑎᓕᓚᐅᕐᑕᑦᑎᓐᓄᑦ ᐅᓂᒃᑳᕐᕕᐅᓚᐅᕋᑦᑕ ᑕᕝᕙᓂᒥᐅᑦ ᓴᓐᖏᓂᕐᓴᐅᓂᖏᓐᓂᒃ ᐊᖏᓂᕐᓴᐅᓂᖏᓐᓂᒡᓗ ᐅᕙᑦᑎᓐᓂᑦ, ᐃᒡᓗᒐᓴᖏᓪᓗᒎᖅ ᐊᕙᓗᕐᔪᐊᖃᕐᓗᑎᒃ ᕿᓚᖕᒧᑦ ᐊᒃᑐᐊᔪᓂᒃ; ᐱᓗᐊᓐᖑᐊᕐᑐᒥᒡᓗ ᑍᑲᓂᒥᐅᒡᒎᖅ ᐊᓇᑭᒥᐅᑦ ᐃᓄᒃᐹᓘᖕᒪᑕ!’
29“ᐅᖃᓚᐅᕐᐳᖓᓕ, ‘ᐅᑯᐊ ᐃᓄᐃᑦ ᓴᐱᕆᔭᕆᐊᖃᓐᖏᑕᓯ ᓯᕘᕋᒋᖏᓪᓗᒋᓪᓗ. 30ᐊᑕᓂᐅᑉ ᒎᑎᑦᓯ ᑖᑦᓱᒪ ᑕᓯᐅᕐᓂᐊᕐᒪᓯ, ᐅᓇᑕᕐᓂᑦᓯᓐᓂᓗ ᐃᑲᔪᕐᓂᐊᕐᐹᓯ, ᐄᑦᔨᑉᑎᒥ ᐱᓇᓱᐊᕐᑎᓪᓗᒍ ᓇᖕᒥᓂᖅ ᑕᑯᖃᑦᑕᓚᐅᕋᑦᓯᐅᒃ, 31#ᐋᐴᓯᑕᓖᑦ 13:18.ᓄᓇᒥᓕ ᐃᓄᖃᖏᑦᑐᒥ, ᑕᑯᓯᒪᒋᕗᓯ ᖃᓄᖅ ᐊᑕᓂᕐᒧᑦ ᒎᑎᑦᓯᓐᓄᑦ ᓴᐳᑎᔭᐅᓯᒪᓚᐅᕐᓂᑦᓯᓐᓂᒃ ᑕᒪᐅᓈᕐᑎᓪᓗᓯ ᓄᓇᒧᑦ ᒪᐅᖓ ᑎᑭᓪᓗᓯ, ᐊᑖᑕᐅᑉ ᐃᕐᓂᕐᒥᓂᒃ ᐊᒡᔭᕐᓯᓲᖑᓂᖓᑐᑦ.’ 32#ᐄᑉᕈᐃᓄᑦ 3:19.ᑍᒫᒡᓕ ᐅᖃᓚᐅᕋᓗᐊᕐᑎᓪᓗᖓ ᐃᓕᑦᓯᓐᓄᑦ, ᓱᓕ ᐊᑕᓂᕐᒥᒃ ᒎᑎᑦᓯᓐᓂᒃ ᑕᑎᖃᕈᓐᓇᕐᓯᓯᒪᓐᖏᓚᓯ, 33ᓯᕗᓂᑦᓯᓐᓂ ᑕᖕᒫᕐᓯᒪᕕᒃᓴᑦᓯᓐᓂ ᐋᖅᑭᒃᓱᐃᔭᕇᕐᓯᒪᖃᑦᑕᕋᓗᐊᕐᑎᓪᓗᒍ, ᓴᖅᑭᑎᑦᓯᔪᒪᓪᓗᓂ ᐃᓕᑦᓯᓐᓂᒃ ᑕᓯᐅᕐᓯᓂᕐᒥᓂᒃ, ᓯᕗᓂᑦᓯᓐᓂ ᐅᓐᓄᒃᑯᑦ ᐃᑯᒪᒥᒃ ᑕᑭᔪᑯᑖᒥᒃ ᓴᖅᑭᔮᕐᑎᑦᓯᖃᑦᑕᕐᐳᖅ ᐅᓪᓗᒃᑯᓪᓕ ᓄᕗᔭᒥᒃ ᑕᑭᔪᑯᑖᒥᒃ ᓯᕗᓂᑦᓯᓐᓃᑎᑦᓯᖃᑦᑕᕐᓗᓂ.”
ᐊᑕᓂᐅᑉ ᐃᓴᕆᐊᓕᒥᐅᓂᒃ ᓱᒋᐊᕐᓂᖓ
ᒨᓯᓯ ᓯᑕᒪᖏᑦ 14:20-45
34 #
ᐄᑉᕈᐃᓄᑦ 3:18. “ᐊᑕᓂᐅᑉ ᐊᑲᐅᒃᓴᖏᓐᓂᕆᔭᓯ ᑐᓵᒐᒥᐅᒃ ᓂᓐᖓᐅᒪᑦᔪᑎᒋᓕᕐᐹ, ᓴᖑᑎᓐᓂᐊᖏᑕᒥᓂᒡᓗ ᐅᖃᓚᐅᕐᐳᖅ, 35‘ᐅᑯᐊ ᐃᓅᖃᑎᒌᒡᔪᐊᑦ ᐱᐅᖏᑦᑐᓕᔩᑦ ᓇᓪᓕᐊᓐᓂᒡᓘᓐᓃᑦ ᐃᑎᕐᑐᖃᕐᓂᐊᓐᖏᓚᖅ ᓄᓇᒧᑦ ᐱᕈᕐᑐᖃᑦᓯᐊᕐᑐᒧᑦ ᐊᖏᕈᑎᒋᓚᐅᕐᑕᓐᓄᑦ ᑐᓂᔪᒪᓪᓗᒍ ᓯᕗᓕᕕᓂᖓᓐᓄᑦ. 36ᑬᓚᐱ ᑭᓯᒥ ᔨᐳᓂᐊᐅᑉ ᐃᕐᓂᖓ; ᓄᓇᒧᑦ ᑖᑦᓱᒧᖓ ᐃᑎᕐᓂᐊᕐᐳᖅ, ᑖᓐᓇ ᐅᕙᓐᓂᒃ ᒪᓕᒃᑐᑑᓯᒪᖕᒪᑦ, ᓄᓇ ᑕᒪᓐᓇ ᐅᐸᒃᓯᒪᓚᐅᕐᑕᖓ ᑖᑦᓱᒧᖓ ᑐᓂᓂᐊᕐᐸᕋ, ᑖᑦᓱᒪᓗ ᑭᖑᕚᖏᓐᓄᑦ.’ 37ᐅᕙᓐᓄᑦᑕᐅᖅ ᐊᑕᓂᖅ ᓂᓐᖓᐅᒪᑦᔪᑎᖃᕆᕗᖅ ᐃᓕᑦᓯ ᐱᑦᔪᑎᒋᓪᓗᓯ, ᐅᖃᕐᓗᓂᓗ, ‘ᐃᕝᕕᑦᑕᐅᖅ ᐊᒡᓛᑦ ᑕᕝᕗᖓ ᓄᓇᒧᑦ ᐃᑎᕐᓂᐊᓐᖏᓚᑎᑦ; 38ᔮᓱᐊᓕ ᓈᓂᐅᑉ ᐃᕐᓂᖓ, ᐃᑲᔪᕐᑎᒋᔧᑦ, ᓴᐱᖁᓇᒍ ᑲᔪᖏᕐᓴᕐᓂᐊᕐᐸᑦ; ᑖᑦᓱᒪ ᐃᓴᕆᐊᓕᒥᐅᑦ ᑕᓯᐅᕐᓂᐊᕐᒪᒋᑦ ᓄᓇᒧᑦ ᑕᕝᕗᖓ ᐃᑎᕐᑎᓪᓗᒋᑦ.’
39“ᑕᕝᕙ ᐊᑕᓂᖅ ᐅᕙᑦᑎᓐᓄᓕᒫᖅ ᐅᖃᓕᕐᐳᖅ, ‘ᕿᑐᕐᖓᓯᓕ, ᓱᓕ ᓈᒻᒪᓈᕐᑐᒥᒃ ᓈᒻᒪᓈᖏᑦᑐᒥᒡᓗ ᖃᐅᔨᒪᔭᕆᐊᒃᓴᖅ ᒥᑭᓗᐊᕐᑑᖓᓗᐊᑦ, ᑖᒃᑯᐊ ᑕᕝᕗᖓ ᓄᓇᒧᑦ ᐃᑎᕐᓂᐊᕐᐳᑦ, ᑖᒃᑯᐊ ᐅᖃᐅᓯᕆᓯᒪᔭᓯ ᐊᑭᕋᕐᑐᕐᑎᑦᓯᓐᓄᑦ ᕿᒫᑎᑕᐅᓛᕐᓂᐊᕐᓂᕋᕐᓗᒋᑦ. ᑖᒃᑯᓄᖓ ᓄᓇ ᑐᓂᓂᐊᕐᐸᕋ, ᑖᒃᑯᐊ ᓄᓇᒋᓂᐊᕐᒪᒍ. 40ᐃᓕᑦᓯᓕ, ᐅᑎᒧᑦ ᓵᓪᓗᓯ ᐃᓄᖃᖏᑦᑐᒧᑦ ᐊᐅᓪᓚᓕᕆᑦᓯ ᐃᒪᖅ ᐊᐅᐸᓗᒃᑕᖅ ᑐᕌᕐᓗᒍ.’
41“ᐃᓕᑦᓯᓕ ᑭᐅᓚᐅᕐᐳᓯ, ‘ᒨᓯᓰ ᐊᑕᓂᕐᒧᑦ ᐊᔪᕐᑐᓕᓯᒪᕗᒍᑦ, ᒫᓐᓇᓕ ᑖᒃᑯᓄᖓ ᐅᓇᑕᕆᐊᕈᒪᓕᕐᐳᒍᑦ, ᓲᕐᓗ ᐊᑕᓂᐅᑉ ᒎᑎᑦᑕ ᑍᒫᒃ ᐱᖁᓚᐅᕐᒪᑎᒍᑦ.’ ᑕᕝᕙ ᐊᑕᖏᕐᓗᓯ ᐊᑐᐃᓐᓇᕈᓕᓚᐅᕐᐳᓯ ᐅᓇᑕᕆᐊᕈᒪᓪᓗᓯ, ᐃᓱᒪᓪᓗᓯ ᓵᓚᒋᔭᕐᓂᕐᑑᓂᐊᕋᓱᒋᓪᓗᒋᑦ ᓄᓇᒥ ᖃᖅᑲᓃᑦᑐᑦ.
42“ᐊᑕᓂᕐᓕ ᐅᕙᓐᓄᑦ ᐅᖃᕐᐳᖅ, ‘ᐅᓇᑕᕆᐊᖁᖏᓪᓗᒋᑦ ᐅᖃᐅᑎᒃᑭᑦ, ᐅᓇᑕᕆᐊᕐᐸᑕ ᐃᓚᒋᑦᔮᖏᓐᓇᒃᑭᑦ, ᐊᑭᕋᖏᓐᓄᓪᓕ ᓵᓚᒋᔭᐅᓂᐊᕐᐳᑦ.’ 43ᐊᑕᓂᐅᑉ ᐅᖃᐅᓯᕆᓚᐅᕐᑕᖏᓐᓂᒃ ᐅᖃᐅᑎᓚᐅᕐᐸᑦᓯ, ᐃᓕᑦᓯᓕ ᓈᓚᓚᐅᓐᖏᓚᓯ. ᐊᑭᕋᕐᑐᖔᓚᐅᕐᐸᓯᓕ ᐊᑕᓂᐅᑉ ᐱᖁᔨᓂᖓ, ᐊᔪᖏᑦᑑᓇᓱᒋᓪᓗᓯ ᑕᕝᕙ ᐅᓇᑕᕆᐊᓕᓚᐅᕐᐳᓯ ᖃᖅᑲᒥᐅᓄᑦ. 44ᑕᕝᕙ ᐊᒧᕅᑎᒥᐅᑦ ᖃᖅᑲᓂ ᓄᓇᓖᑦ ᐃᓕᑦᓯᓐᓄᐊᕈᒫᕐᐳᑦ ᐃᒍᑦᓴᑎᑐᑦ ᑲᑎᓐᖓᔪᐊᓗᒃᑎᑐᑦ ᑍᒤᓪᓗᑎᒃ ᑕᕝᕙ ᕿᒫᑎᑕᐅᔪᒫᕐᐳᓯ ᓄᓇᒥᑦ ᓰᐊᕆᒥᑦ ᕼᐅᕐᒪᒥᐅᑦ ᑎᑭᓪᓗᒋᑦ ᓵᓚᒋᔭᐅᓪᓗᓯᓗ ᑕᕝᕙᓂ ᐄᑐᒥᐅᑉ ᖃᖅᑲᖏᓐᓂ. 45ᑕᕝᕙ ᐅᑎᕋᑦᓯ ᐊᑕᓂᕐᒧᑦ ᕿᐊᓪᓗᓯ ᑐᒃᓯᐊᓕᓚᐅᕐᐳᓯ ᐃᑲᔪᕐᑕᐅᔪᒪᓪᓗᓯ, ᑖᑦᓱᒪᓕ ᑐᓴᓚᐅᓐᖏᓛᓯ ᐅᖃᐅᓯᕆᔭᓯᓘᓐᓃᑦ ᐃᒃᐱᒋᓚᐅᓐᖏᓔᑦ.”
ᓄᓇᒥ ᐃᓄᖃᖏᑦᑐᒦᓐᓂᖓᑦ ᐊᕐᕌᒍᓂᒃ ᐅᓄᕐᑐᓂᒃ
46“ᑍᒤᒻᒪᑦ, ᐊᑯᓂᒐᓚᒃ ᑕᕝᕙᓂ ᓄᓇᒥ ᑲᑎᓯᒥ ᓄᓇᖃᓕᓚᐅᕐᐳᒍᑦ.”
Currently Selected:
ᒨᓯᓯ ᑕᓪᓕᒪᖏᑦ 1: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
