ᑖᓂᐊᓕᐅᑉ ᐊᒡᓚᖏᑦ 12
12
ᑭᓱᑐᐃᓐᓁᑦ ᐃᓱᒃᓴᖓᑦ
1 #
ᑕᑯᑎ 12:7;
ᒫᑎᐅᓯ 24:21; ᒫᑯᓯ 13:19; ᑕᑯᑎ 7:14; 12:7. “ᑍᑦᓱᒪᓂ ᒤᑯ, ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓ ᐃᓅᖃᑎᒌᓂᒃ ᓴᐳᑦᔨᔨ ᒪᑭᑦᓱᒫᕐᐳᖅ, ᐃᓗᖏᕐᑐᕐᓇᕐᑐᖃᕈᒫᕐᒪᑦ ᑍᒪᓐᖓᑦ ᐃᓴᕆᐊᓕᑎᑦ ᐱᒋᐊᕐᓂᖓᓐᓂᑦ ᐅᓪᓗᒥᒧᑦ ᑎᑭᓪᓗᒍ ᐱᓚᐅᕐᓯᒪᖏᑦᑐᒥᒃ. ᑭᓯᐊᓂᓕ ᐃᓅᖃᑎᒌᑦ ᓇᓪᓕᐊᑦ ᐊᑎᖃᕐᑐᑦ ᒪᒃᐱᕐᑐᕋᕐᓂ ᓴᐳᑎᔭᐅᔪᒫᕐᐳᑦ. 2#ᐂᓮᐊᓯ 26:19; ᒫᑎᐅᓯ 25:46; ᔪᐊᓇᓯ 5:29.ᐅᓄᕐᑐᕐᔪᐊᑦ ᓄᓇᐅᑉ ᐃᓗᐊᓂ ᓯᓂᒃᑐᑦ ᒪᑭᑦᓱᒫᕐᐳᑦ: ᐃᓚᖏᑦ ᐃᓅᓯᕐᒧᑦ ᐃᓱᖃᖏᑦᑐᒧᑦ, ᐃᓚᖏᓪᓗ ᑲᓐᖑᓇᕐᑐᒧᑦ ᑲᑉᐱᐊᓇᕐᑐᒧᑦ ᐃᓱᖃᖏᑦᑐᒧᑦ. 3ᓯᓚᑐᔪᓪᓕ ᖃᐅᒪᔪᒫᕐᐳᑦ ᕿᓚᐅᑉ ᖃᐅᒪᓂᖓᑐᑦ, ᑕᓯᐅᕐᓯᓚᐅᕐᑐᓪᓗ ᐅᓄᕐᑐᓂᒃ ᐃᓗᐊᕐᑐᒧᑦ ᐅᓪᓗᕆᐊᑎᑐᑦ ᖃᐅᒪᔪᒫᕐᐳᑦ ᐃᓱᖃᖏᑦᑐᒧᑦ.
4 #
ᑕᑯᑎ 22:10. “ᐃᕝᕕᓪᓕ, ᑖᓂᐊᓖ, ᑎᑎᕋᕐᓯᒪᔪᑦ ᑖᒃᑯᐊ ᒪᑐᓕᒃᑭᑦ ᓇᕿᑦᔪᓯᕐᓗᒋᓪᓗ ᓱᓇᑐᐃᓐᓁᑦ ᐃᓱᓕᖅᑳᕐᑎᓐᓇᒋᑦ, ᐅᓄᕐᑐᑦ ᐊᕗᖓ ᒪᐅᖓᓗ ᐊᐅᓪᓚᕈᒫᕐᒪᑕ, ᐊᖏᓂᕐᓴᒥᒃ ᖃᐅᔨᒃᑲᓐᓂᕈᒪᓗᑎᒃ.”
5ᑕᕝᕙ ᐅᕙᖓ ᑖᓂᐊᓕ, ᑕᑯᓕᕐᐳᖓ ᒪᕐᕉᖕᓂᒃ ᓇᖏᕐᑑᖕᓂᒃ, ᐂᑉᐸᖓ ᓇᖏᕐᑐᖅ ᑰᑉ ᓯᓈᓂ, ᐂᐸᖓᓗ ᑰᑉ ᐊᑭᐊᓂ. 6ᐂᑉᐸᖓ ᐅᖃᕐᐳᖅ ᐊᖑᒻᒧᑦ ᖃᓪᓗᓈᕐᑕᓂᒃ ᐊᓐᓄᕌᓕᖕᒧᑦ, ᑖᓐᓇ ᑰᑉ ᐃᒪᖓᑕ ᖁᓛᓃᑦᑐᖅ, “ᖃᓄᖅ ᐊᑯᓂᐅᑎᒋᓂᐊᕐᐹ ᑕᒪᒃᑯᐊ ᑲᒪᓇᕐᑐᑦ ᓇᓪᓕᐅᑎᖅᑳᕐᑎᓇᒌᑦ?”
7 #
ᑕᑯᑎ 10:5;
ᑕᑯᑎ 12:14. ᐊᖑᑎᐅᑉ ᖃᓪᓗᓈᕐᑕᓂᒃ ᐊᓐᓄᕌᓕᐅᑉ, ᑰᑉ ᖁᓛᓂ ᓇᖏᕐᑑᑉ, ᑕᓕᕐᐱᓂ ᐃᓴᒃᐹ ᓴᐅᒥᓂᓗ ᕿᓚᖕᒧᑦ ᐃᓴᓪᓗᒍ, ᑐᓴᕐᐸᕋᓗ ᐊᖏᕈᑎᒥᒃ ᐅᖃᕐᑐᖅ ᑖᓐᓇ ᐃᓅᑦᓮᓐᓇᕐᑐᖅ ᐃᓱᖃᖏᑦᑐᒧᑦ ᐊᖏᕈᑎᒋᓪᓗᒍ, ᐅᖃᕐᓗᓂ, “ᓇᓪᓕᐅᓐᓂᖅ ᓇᓪᓕᐅᓐᓂᒃᑲᓐᓂᕐᓗ ᓇᑉᐸᕐᓗ ᐊᓂᒍᕐᐸᑕ, ᐃᓄᐃᑦ ᐃᑦᔪᕐᓁᑦᑐᑦ ᐱᔪᓐᓇᕐᓂᖃᕐᕕᐅᓂᖏᑦ ᐃᓱᓕᑉᐸᑕ, ᑕᒪᒃᑯᐊ ᑕᕝᕙ ᓇᓪᓕᐅᑎᔭᕇᕈᒫᕐᐳᑦ.”
8ᑐᓵᓚᐅᕐᐳᖓ ᑐᑭᓯᓇᖓᓗ, ᐊᐱᕆᓚᐅᕐᐳᖓ, “ᐊᑕᓂᕋ, ᑕᒪᒃᑯᐊ ᑭᖑᓂᖓᓂ ᖃᓄᐃᑦᓱᒫᕐᐹᑦ?”
9ᑭᐅᕚᖓᓗ, “ᑖᓂᐊᓖ, ᐊᐅᓪᓚᓕᕆᑦ, ᐅᖃᐅᓰᑦ ᑕᒪᒃᑯᐊ ᒪᑐᓯᒪᖕᒪᑕ ᓇᕿᑦᔪᓯᕐᓯᒪᓪᓗᑎᒡᓗ ᑭᓯᐊᓂ ᐃᓱᐊᑕ ᓇᓪᓕᐅᑎᓂᖓ ᑎᑭᑉᐸᑦ.” 10#ᑕᑯᑎ 22:11.ᐅᓄᕐᑐᑦ ᓴᓗᒻᒪᕐᓴᕐᑕᐅᔪᒫᕐᐳᑦ, ᑕᕐᓴᖃᕈᓐᓁᕐᓗᑎᒡᓗ, ᓱᕉᓂᖏᑦ ᐲᔭᕐᑕᐅᓗᑎᒃ; ᐱᐅᖏᑦᑐᓕᔪᓪᓕ ᑍᒪᓐᖓᑦ ᐱᐅᖏᑦᑐᓖᓐᓇᕐᓂᐊᕐᐳᑦ, ᐱᐅᒋᑦᑐᓕᔪᑦ ᑐᑭᓯᔪᓐᓇᕐᓂᐊᓐᖏᓚᑦ, ᓯᓚᑐᔪᓪᓕ ᑐᑭᓯᓂᐊᕐᐳᑦ.
11 #
ᑖᓂᐊᓕ 9:27; 11:31; ᒫᑎᐅᓯ 24:15; ᒫᑯᓯ 13:14. ᑍᑦᓱᒪᓂ ᖃᐅᑕᒫᑦ ᐆᒪᔪᓂᒃ ᑐᓂᕐᕈᓯᖃᑦᑕᕐᓂᐅᑉ ᓄᖅᑲᕐᑎᑕᐅᓂᖓᓂᑦ, ᐃᑦᔪᕐᓇᕐᑐᐊᓘᓪᓗ ᐃᓕᔭᐅᓂᖓ ᓱᕈᕐᑎᑕᐅᓐᓇᕐᑑᑉ ᐊᑯᓐᓂᖓᓂ, ᐅᓪᓗᐃᑦ 1,290ᐅᕗᑦ. 12ᖁᕕᐊᓱᑦᓯᐊᕐᐳᑦ, ᐅᑕᖅᑭᔪᑦ ᑎᑭᐅᑎᔪᓪᓗ ᐅᓪᓗᐃᑦ 1,335 ᐃᓱᐊᓄᑦ.
13ᐃᕝᕕᓪᓕ, ᐊᖏᕐᕋᓕᕆᑦ ᐃᓱᐊ ᐅᑕᖅᑭᓗᒍ ᑕᕾᕐᓯᕐᓗᑎᑦ, ᐅᓪᓗᐃᑦ ᐃᓱᓕᑉᐸᑕ ᒪᑭᑦᓱᒫᕋᕕᑦ ᓇᓚᐅᑦᑖᕈᑎᒃᑯᓪᓗ ᐱᑖᕆᔭᒃᓮᑦ ᐃᓕᖕᓄᑦ ᑐᓂᔭᐅᔪᒫᕐᐳᖅ.
Currently Selected:
ᑖᓂᐊᓕᐅᑉ ᐊᒡᓚᖏᑦ 12: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
