ᑖᓂᐊᓕᐅᑉ ᐊᒡᓚᖏᑦ 1
1
ᑖᓂᐊᓕᐅᑉ ᐱᖃᓐᓇᕆᔭᖏᑕᓗ ᐅᓂᒃᑲᐅᓯᐅᓂᖓ
(1:1—6:28)
ᐊᖑᑎᑦ ᐃᓅᓱᒃᑐᑦ ᐊᖓᔪᖅᑳᕐᔪᐊᑉ ᓂᐱᑯᓁᓴᐅᑉ ᐃᒡᓗᖓᓂ
1 #
ᐊᑕᓃᑦ ᐂᑉᐸᖏᑦ 24:1; ᑯᕉᓂᑲ ᐂᑉᐸᖏᑦ 36:5-7. ᐊᖓᔪᖅᑳᕐᔪᐊᑉ ᔨᕼᐅᐃᐊᑭᒻ ᐊᕐᕌᒍᓂᒃ ᐱᖓᓱᓂᒃ ᐊᖓᔪᖅᑳᕐᔪᐊᖑᓕᕐᑎᓪᓗᒍ ᔫᑕᒥ, ᓂᐱᑯᓁᓴ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᐅᓇᑕᕆᐊᓚᐅᕐᐳᖅ ᔨᕉᓴᓕᒻᒧᑦ, ᐅᓇᑕᕐᑐᒃᓴᖁᑎᒥᓂᒡᓗ ᐊᕙᓗᓪᓗᒍ. 2#ᐊᑕᓃᑦ ᐂᑉᐸᖏᑦ 20:17,18; 24:10-16; ᑯᕉᓂᑲ ᐂᑉᐸᖏᑦ 36:10; ᐂᓮᐊᓯ 39:7,8.ᐊᑕᓂᐅᓪᓗ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᔨᕼᐅᐃᐊᑭᒻ ᑐᓂᕚ ᑖᑦᓱᒧᖓ, ᒎᑎᐅᓪᓗ ᐃᒡᓗᖓᑕ ᐃᓗᓕᖏᑕ ᐃᓚᖏᓐᓂᒃ ᐊᑭᑐᔪᓂᒃ ᐱᖃᓯᐅᑦᔨᓪᓗᓂ: ᓂᐱᑯᓁᓴᐅᑉ ᐊᐅᓪᓚᕈᑎᕔᑦ ᓄᓇᒧᑦ ᓯᓇᕆᒧᑦ ᒎᑎᓐᖑᐊᒥ ᐃᒡᓗᖓᓄᑦ; ᐃᓕᕔᓪᓗ ᒎᑎᓐᖑᐊᖃᕐᕕᖕᒥ ᐊᑭᑐᔪᓂᒃ ᐱᖁᑎᒃᑯᕕᖓᓄᑦ.
3ᐊᖓᔪᖅᑳᕐᔪᐊᓪᓗ ᐃᒡᓗᒥᓂ ᐊᖓᔪᖅᑳᖁᑎᓂ ᐊᓴᐱᓈᓯ ᐃᒡᔪᐃᕐᑕᐅᓯᒪᔪᓄᑦ ᐊᖓᔪᖅᑲᐅᔪᖅ ᑎᓕᕚ ᕾᑎᑦᓯᖁᓪᓗᒍ ᐃᓴᕆᐊᓕᓂᒃ, ᐊᖓᔪᖅᑳᕐᔪᐊᑉ ᐃᓚᖏᓐᓂᒃ ᐊᖓᔪᖅᑳᖑᔪᓪᓗ ᐃᓚᖏᓐᓂᒃ.
4ᐊᖑᑎᓂᒃ ᐃᓅᓱᒃᑐᓂᒃ ᐃᓗᓯᕐᓗᖃᖏᑦᑐᓂᒃ, ᐃᓂᖁᓇᕐᑑᓗᑎᒃ, ᓯᓚᑐᔪᓂᒃ ᐃᓕᑦᓯᓴᕅᑦᑑᓗᑎᒃ, ᖃᐅᔨᒪᑦᓯᐊᕐᓗᑎᒃ ᓱᓇᓕᒫᓂᒃ, ᑐᑭᓯᓴᕅᑦᑑᓗᑎᒡᓗ, ᐊᖓᔪᖅᑳᕐᔪᐊᑉ ᐃᒡᓗᖓᓂ ᐱᓇᓱᐊᕈᓐᓇᕐᓗᑎᒃ. ᐃᓕᓐᓂᐊᕐᑎᑕᐅᖁᓪᓗᒋ ᐹᐱᓘᓂᒥᐅᑦ ᐅᖃᐅᓯᖏᓐᓂᒃ ᐱᐅᓯᖏᓐᓂᒡᓗ. 5ᐊᖓᔪᖅᑲᕐᔪᐊᓪᓗ ᖃᐅᑕᒫᑦ ᓂᕆᑎᑕᐅᖃᑦᑕᖁᕔᑦ ᓂᕿᓂᒃ ᒪᒪᕐᑐᓂᒃ ᕔᓂᒥᒡᓗ ᐊᖓᔪᖅᑳᕐᔪᐊᑉ ᓂᕆᕝᕕᖓᓂᑦ ᐱᓯᒪᔪᓂᒃ. ᐊᕐᕌᒍᓂᒡᓗ ᐱᖓᓱᓂᒃ ᐃᓕᓐᓂᐊᕐᑎᑕᐅᖁᕔᑦ, ᑭᖑᕐᖓᒍᑦ ᐊᖓᔪᖅᑳᕐᔪᐊᒥ ᐱᔨᑦᓯᕐᑎᐅᓕᖁᓪᓗᒋᑦ. 6ᔫᑕᐅᑉ ᑭᖑᕚᖏᓐᓂᑦ ᐱᓯᒪᔪᑦ ᐃᓚᖏᑦ ᐅᑯᐊᖑᓚᐅᕐᐳᑦ: ᑖᓂᐊᓕ, ᕼᐊᓇᓁᐊ, ᒥᓮᐅᓪ, ᐊᔭᕅᐊᓗ. 7ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓᑕ ᑖᒃᑯᐊ ᐊᓯᖏᓐᓂᒃ ᐃᒫᒃ ᐊᑎᕐᑖᕐᑎᑉᐰᑦ: ᑖᓂᐊᓕ, ᐱᐊᓪᓴᔮᕆᒥᒃ; ᕼᐊᓇᓁᐊ, ᓵᑐᕌᑭᒥᒃ; ᒥᓮᐅᓪ, ᒥᓵᑭᒥᒃ; ᐊᔭᕅᐊᓗ, ᐊᐱᓐᑎᒎᒥᒃ.
8ᑖᓂᐊᓕᓕ ᐃᓱᒪᑖᕐᐳᖅ ᐆᒻᒪᑎᒥᓂ ᓴᓗᒤᓕᑎᑕᐅᔪᒪᓇᓂ ᐊᖓᔪᖅᑳᕐᔪᐊᑉ ᓂᕿᖏᓐᓄᑦ, ᐊᖓᔪᖅᑳᕐᔪᐊᓪᓗ ᕔᓂᖓᓄᑦ, ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓ ᐅᖃᐅᑎᕚ ᑍᒤᑦᑐᓂᒃ ᓂᕆᖃᑦᑕᕈᒪᓇᓂ. 9ᒎᑎᐅᓪᓗ ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓ ᓈᒃᑭᒍᓱᒃᑎᑉᐹ ᑖᓂᐊᓕᒥᒃ. 10ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓᑕ ᑖᓂᐊᓕ ᐅᖃᐅᑎᕚ, “ᑲᑉᐱᐊᓱᒃᑲᒪ ᐊᑕᓂᓐᓂᒃ ᐊᖓᔪᖅᑳᕐᔪᐊᒥᒃ, ᐱᖁᔨᓯᒪᖕᒪᑦ ᓂᕆᓂᐊᕐᑕᕐᓂᒃ ᐃᒥᕐᓂᐊᕐᑕᕐᓂᒡᓗ. ᐃᓅᓱᒃᑑᖃᑎᖕᓂᑦ ᐊᓯᖕᓂᑦ ᑕᑯᑦᓱᓇᕐᓂᓴᐅᔪᑎᑦ ᖃᐅᔨᒍᓂ, ᓂᐊᖁᐃᕐᑕᐅᒐᔭᕐᐳᖓ ᐱᑦᔪᑎᒋᓗᑎᑦ.”
11ᑖᓂᐊᓕ ᐅᖃᕐᐳᖅ ᑲᒪᔨᒧᑦ, ᒥᓪᓵᕆᒥ ᐊᑎᓕᖕᒧᑦ, ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓᑕ ᑖᓂᐊᓕᒥᒃ, ᕼᐊᓇᓁᐊᒥᒡᓗ, ᒥᓮᐅᓗ, ᐊᔭᕅᐊᒥᒡᓗ ᑲᒪᔨᐅᑎᑕᖓᓄᑦ. 12“ᐱᔨᑎᑦ ᐆᒃᑐᓚᐅᒃᑭᑦ ᐅᓪᓗᓂᒃ ᖁᓕᓂᒃ: ᐱᕈᕐᑐᕕᓂᑐᐃᓐᓇᓂᒃ ᓂᕿᖃᑎᓚᐅᕐᑎᒍᑦ ᐃᒥᑐᐃᓐᓇᕐᒥᒡᓗ ᐃᒥᖃᕐᑎᓪᓗᑕ. 13ᑖᒃᑯᐊ ᓈᒃᐸᑕ ᖃᐅᔨᓴᓛᕐᐳᑎᑦ ᐊᖑᑎᓂᑦ ᐃᓅᓱᒃᑐᓂᑦ ᐊᓯᑦᑎᓐᓂᑦ ᐊᖓᔪᖅᑳᕐᔪᐊᑉ ᓂᕿᖏᓐᓂᒃ ᓂᕿᖃᕐᑐᓂᑦ, ᑕᐅᑦᑐᕗᑦ ᖃᓄᐃᓐᓂᕐᓴᐅᖕᒪᖔᑦ, ᐃᓱᒪᒋᔭᕐᓂᒃ ᑕᕝᕙ ᐱᓂᐊᕐᕕᒋᔭᐅᔪᒪᓛᕐᐳᒍᑦ.”
14ᑍᒫᒃ ᑖᓐᓇ ᐊᖏᕐᐳᖅ ᐆᒃᑐᕐᓗᒋᓪᓗ ᐅᓪᓗᓂᒃ ᖁᓕᓂᒃ. 15ᐅᓪᓗᐃᓪᓕ ᖁᓕᑦ ᓈᑎᓪᓗᒋᑦ ᑖᒃᑯᐊ ᑕᐅᑦᑐᖏᑦ ᑕᑯᒥᓇᕐᓂᕐᓴᐅᕗᑦ ᖁᐃᓂᓂᕐᓴᐅᓪᓗᑎᒡᓗ ᐃᓅᓱᒃᑑᖃᑎᓕᒫᒥᖕᓂᑦ ᐊᖓᔪᖅᑳᔪᐊᑉ ᓂᕆᔭᐅᖁᔭᖏᓐᓂᒃ ᓂᕆᖃᑦᑕᕐᑐᓂᑦ. 16ᑲᒪᔨᐅᓪᓗ, ᐊᖓᔪᖅᑳᕐᔪᐊᑉ ᓂᕿᒋᖁᔭᖏᑦ ᓂᕿᑦᓯᐊᕔᑦ ᕔᓃᓪᓗ, ᐲᕐᐰᑦ ᑖᒃᑯᐊ ᐱᔭᕆᐊᖃᕐᑕᖏᓐᓂᑦ ᐱᕈᕐᑐᕕᓂᕐᓂᒃ ᓂᕿᖃᓕᕐᓗᑎᒃ.
17ᒎᑎᐅᑉ ᑖᒃᑯᐊ ᐃᓅᓱᒃᑐᑦ ᓯᑕᒪᑦ ᑐᓂᓯᕕᒋᕔᑦ, ᖃᐅᔨᒪᓂᕐᒥᒃ ᑐᑭᓯᔪᓐᓇᕐᓂᕐᒥᒡᓗ ᐃᓕᓯᒪᓂᕐᒥᒡᓗ. ᑖᓂᐊᓕᓗ ᑐᑭᓯᔪᓐᓇᕐᑎᑉᐹ ᑕᑯᑎᑕᐅᓂᕐᓂᒃ ᓯᓐᓇᒃᑑᒪᓂᕐᓂᒡᓗ.
18ᐅᓪᓗᐃᓪᓕ ᐃᓕᓐᓂᐊᕐᑎᑕᐅᕖᑦ ᐃᓱᓕᒻᒪᑕ ᐊᖓᔪᖅᑳᕐᔪᐊᑉ ᐱᖁᓯᒪᔭᖏᑦ, ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓᑕ ᐋᑉᐰᑦ ᓂᐱᑯᓁᓴᒧᑦ.
19ᐊᖓᔪᖅᑳᕐᔪᐊᑉ ᐅᖃᖃᑎᒋᕔᑦ; ᓇᓂᓯᔪᖃᓚᐅᓐᖏᓚᕐᓗ ᑖᓂᐊᓕᑐᑦ ᕼᐊᓇᓁᐊᑐᓪᓗ ᒥᓮᐅᓪᑐᓪᓗ ᐊᔭᕅᐊᑐᓪᓗ ᖃᐅᔨᒪᑎᒋᔪᓂᒃ; ᑍᒤᒻᒪᑦ ᐊᖓᔪᖅᑳᕐᔪᐊᑉ ᐱᔨᑖᕆᕔᑦ ᐃᒡᓗᒥᓂ. 20ᓯᓚᑐᓂᕐᓂᒃ ᑐᑭᓯᐅᒪᓂᕐᓂᒡᓗ ᐊᖓᔪᖅᑳᕐᔪᐊᑉ ᐊᐱᖁᑎᒋᔭᖏᓐᓂᒃ, ᖁᓖᕐᓱᓪᓗᐊᕐᓗᑎᒃ ᖃᐅᔨᒪᓂᕐᓴᐅᓚᐅᕐᐳᑦ ᐊᖓᒃᑯᓂᑦ ᓇᓚᐅᑦᑍᔪᓐᓇᕐᑐᓂᓪᓗ ᐊᖓᔪᖅᑳᕐᔪᐊᑉ ᐊᖓᔪᖅᑲᐅᕕᒋᔭᓕᒫᖓᓂ. 21ᑍᒤᒻᒪᑦ ᑖᓂᐊᓕ ᐃᓂᒥᓃᖏᓐᓇᓚᐅᕐᐳᖅ ᐊᕐᕌᒍ ᓯᕗᓪᓕᕐᐹᖅ ᓮᕋᓯᐅᑉ ᐊᖓᔪᖅᑳᕐᔪᐊᖑᓂᖓ ᑎᑭᓪᓗᒍ.
Currently Selected:
ᑖᓂᐊᓕᐅᑉ ᐊᒡᓚᖏᑦ 1: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
