ᓴᒧᐃᓕ ᐂᑉᐸᖏᑦ 20
20
ᓰᐸᐅᑉ ᐊᑭᕋᕐᑐᓕᕐᓂᖓ
1 #
ᐊᑕᓃᑦ ᓯᕗᓪᓖᑦ 12:16; ᑯᕉᓂᑲ ᐂᑉᐸᖏᑦ 10:16. ᒋᐅᓪᒐᐅᓪᒦᑦᑐᖃᓚᐅᕐᐳᖅ ᐊᑎᓕᖕᒥᒃ ᓰᐸᒥᒃ, ᐱᑭᕆᐅᑉ ᐃᕐᓂᖓᓂᒃ ᑐᑭᖃᑦᓯᐊᖏᑦᑐᒥᒃ, ᐱᓐᔭᒥᓂᐅᑉ ᑭᖑᕚᖏᓐᓂᒥᐅᑕᒥᒃ; ᑎᑦᑐᓚᐅᑎᓂ ᓂᓪᓕᕐᑎᓪᓗᓂᐅᒃ ᕾᒐᓪᓛᓚᐅᕐᐳᖅ, “ᑍᕕᑎ ᑲᑕᓕᕐᓕ! ᒪᓕᑦᔮᓐᖏᓚᕗᑦ ᔨᓯᐅᑉ ᐃᕐᓂᖓ; ᐃᓴᕆᐊᓕᒥᐅᑦ ᐃᓄᖏᑦ, ᐊᖏᕐᕋᓕᕐᑕ!” 2ᑍᒤᒻᒪᑦ ᐃᓴᕆᐊᓕᒥᐅᑉ ᕿᒤᓚᐅᕐᐳᑦ ᑍᕕᑎᒥᒃ ᓰᐸᒥᒡᓗ ᐱᑭᕆᐅᑉ ᐃᕐᓂᖓᓂᒃ ᒪᓕᖔᓕᕐᓗᑎᒃ, ᔫᑕᐅᓪᓕ ᐃᓄᖏᑦ ᐱᑦᓯᐊᖏᓐᓇᓚᐅᕐᐳᑦ ᒪᓖᓐᓇᕐᓗᒍᓗ ᑍᕕᑎ ᔪᐊᕐᑕᓂᐅᑉ ᑰᖓᓂᑦ ᔨᕉᓴᓕᒧᑦ.
3 #
ᓴᒧᐃᓕ ᐂᑉᐸᖏᑦ 16:22. ᑍᕕᑎ ᑎᑭᓐᓇᒥ ᐃᒡᓗᒥᓄᑦ ᔨᕉᓴᓕᒧᑦ, ᓄᓕᐊᓂ ᖁᓖᑦ ᐅᑎᕐᕕᒋᓚᐅᕐᐰᑦ ᑲᒪᖁᓚᐅᕐᑕᓂ ᐃᒡᓗᒥᓂᒃ, ᖃᐅᔨᓴᕐᑎᒧᓪᓗ ᑲᒪᒋᔭᐅᑎᓕᕐᓗᒋᑦ, ᐱᔭᕆᐊᖃᕐᑕᖏᓐᓂᒃ ᑲᒪᒋᑦᓯᐊᓚᐅᕐᐰᑦ, ᑭᓯᐊᓂᓕ ᐃᓐᓇᖓᖃᑎᒋᓚᐅᓐᖏᓔᑦ. ᐱᑦᑍᓕᓕᕐᑎᓚᐅᕐᐰᑦ ᐃᓅᓯᓕᒫᖏᓐᓂ, ᐃᓅᓕᓚᐅᕐᐳᑦ ᐅᐃᒡᒐᕐᓂᑯᑎᑐᑦ.
4ᐊᖓᔪᖅᑳᕐᔪᐊᖅ ᐊᒪᓴᒧᑦ ᐅᖃᕐᐳᖅ, “ᐊᖑᑏᑦ ᔫᑕᒥᐅᑦ ᑲᑎᖁᓚᐅᒃᑭᑦ ᐅᕙᓐᓄᑦ ᐅᑎᕐᓂᐊᕐᓗᑎᓪᓗ ᖃᐅᒃᐸᑦ ᐅᖓᓕᐊᒍ.” 5ᑕᕝᕙ ᐊᒪᓴ ᐊᐅᓪᓚᕐᐳᖅ ᔫᑕᒧᐊᕐᓗᓂ, ᑭᓯᐊᓂᓕ ᐅᑎᓚᐅᓐᖏᓚᖅ ᐊᖓᔪᖅᑳᕐᔪᐊᑉ ᐅᑎᕐᕕᒋᖁᓚᐅᕐᑕᖓᓂ. 6ᑍᒤᒻᒪᑦ ᑍᕕᑎ ᐅᖃᕐᐳᖅ ᐊᐱᓮᒧᑦ, “ᓰᐸᐅᑉ ᐱᑭᕆᐅᑉ ᐃᕐᓂᖓᑕ ᐋᑉᓴᓚᒻᒥᑦ ᐊᖏᓂᕐᓴᒥᒃ ᐊᒃᓱᕈᕐᑎᓐᓂᐊᕐᐹᑎᒍᑦ; ᐃᓄᖁᑎᒃᑲ ᐃᓚᒋᓗᒋᑦ ᒪᓕᒃᓴᓚᐅᕈᒃ, ᓄᓇᓕᖕᓂᒃ ᓴᐴᓗᑕᓕᖕᓂᒃ ᑎᒍᓯᑐᐃᓐᓇᕆᐊᖃᕐᒪᑦ ᐅᕙᑦᑎᓐᓂᒡᓗ ᕿᒪᒃᓯᓗᓂ.” 7ᑕᕝᕙ ᔪᐊᐱᐅᑉ ᐃᓄᖁᑎᖏᑦ, ᐊᖓᔪᖅᑳᕐᔪᐊᓪᓗ ᓴᐳᓐᓂᐊᕐᑎᖏᑦ ᓯᕆᑍᑏᑦ ᐱᓕᑍᑏᓪᓗ, ᐅᓇᑕᕐᑐᒃᓴᓕᒫᓪᓗ ᔨᕉᓴᓕᒥᑦ ᐊᐅᓪᓚᕐᐳᑦ ᐊᐱᓮ ᐃᓚᒋᓪᓗᒍ ᒪᓕᒃᓴᕐᓗᑎᒃ ᓰᐸᒥᒃ ᐱᑭᕆᐅᑉ ᐃᕐᓂᖓᓂᒃ. 8ᐅᔭᕋᓱᒡᔪᖕᒧᑦ ᒋᐱᐅᓂᒦᑦᑐᒧᑦ ᑎᑭᒻᒪᑕ, ᐊᒪᓴᐅᑉ ᐅᐸᒃᐰᑦ. ᔪᐊᐱᓕ ᐊᓐᓄᕌᕐᓯᒪᓚᐅᕐᐳᖅ ᐅᓇᑕᕐᑐᕐᓯᐅᑎᓂᒃ, ᓴᕕᒡᔪᐊᖓᓗ ᐴᕐᓯᒪᕗᖅ ᑕᑦᓯᖓᓄᑦ ᕿᓚᒃᓯᒪᓪᓗᓂ, ᐅᑯᖕᒪᓪᓕ ᓴᕕᒡᔪᐊᖓ ᑲᑕᒃᐳᖅ. 9ᔪᐊᐱ ᐅᖃᕐᐳᖅ ᐊᒪᓴᒧᑦ, “ᖃᓄᐃᑉᐲᑦ, ᐱᖃᓐᓇᕆᔮᒃ?” ᐅᒥᖏᑦ ᑎᒍᕔᑦ ᑕᓕᕐᐱᖕᒥᓄᑦ ᑯᓂᒐᓱᐊᕐᓗᒍ. 10ᐊᒪᓴᓕ ᑎᓪᓕᖏᓐᓇᒥ ᓴᕕᒡᔪᐊᒥᒃ ᔪᐊᐱᐅᑉ ᑎᒍᒥᐊᕐᑕᖓᓂᒃ ᐊᒡᒐᒥ ᐂᑉᐸᖓᓄᑦ, ᔪᐊᐱᐅᑉ ᐱᓚᒃᐹ ᓈᖓᒍᑦ, ᐃᕐᕋᕕᖏᓪᓗ ᐊᓂᕗᑦ ᒪᓂᖅᑲᒧᑦ, ᑐᖁᑦᓴᐅᑎᒋᓪᓗᓂᓗ, ᔪᐊᐱᐅᓪᓗ ᑲᐱᒃᑲᓐᓂᕆᐊᖃᓚᐅᓐᖏᓛ.
ᔪᐊᐱᓗ ᓄᑲᖓᓗ ᐊᐱᓮ ᒪᓕᒃᓴᕆᐊᓪᓚᓚᐅᕐᐴᒃ ᓰᐸᒥᒃ ᐱᑭᕆᐅᑉ ᐃᕐᓂᖓᓂᒃ. 11ᔪᐊᐱᐅᑉ ᐃᓄᖁᑎᖓᑕ ᐃᓚᖓ ᓇᖏᕐᑐᖅ ᐊᒪᓴᐅᑉ ᑎᒥᖓᑕ ᓴᓂᐊᓂ ᕾᒐᓛᓚᐅᕐᐳᖅ, “ᓇᓪᓕᐊᑦ ᔪᐊᐱᒥᒃ ᓈᒻᒪᒃᓴᕐᑐᖅ, ᑍᕕᑎᒥᒡᓗ ᒪᓕᓚᐅᕐᓕ ᔪᐊᐱᒥᒃ!” 12ᐊᒪᓴᐅᓪᓗ ᑎᒥᖓ ᐊᐅᖏᓐᓇᐅᔪᖅ, ᓇᓚᓚᐅᕐᐳᖅ ᐊᖅᑯᑎᐅᑉ ᕿᑎᐊᓂ. ᔪᐊᐱᐅᑉ ᐃᓄᖁᑎᖏᑦ ᑕᕝᕘᓈᕐᑐᓕᒫᑦ ᓄᖅᑲᖃᑦᑕᓚᐅᕐᐳᑦ; ᐃᓚᖓᓪᓕ ᑕᑯᓕᕋᒥᒃ ᓄᖅᑲᖃᑦᑕᕐᑐᓂᒃ ᑕᕝᕗᖓ, ᑕᕝᕙ ᐊᒪᓴᐅᑉ ᑎᒥᖓ ᐅᓂᐊᓚᐅᕐᐹ ᐊᖅᑯᑎᐅᑉ ᓯᓚᑖᓄᑦ, ᐅᓕᒃᓱᓂᐅᒡᓗ ᕿᐱᖕᒧᑦ. 13ᑎᒥᖓ ᓅᑕᐅᓯᒪᓕᕐᑎᓪᓗᒍ ᐊᖅᑯᑎᒥᑦ, ᐃᓄᓕᒫᑦ ᒪᓕᓕᓚᐅᕐᐳᑦ ᔪᐊᐱᒥᒃ ᒪᓕᒃᓴᕐᓗᑎᒃ ᓰᐸᒥᒃ ᐱᑭᕆᐅᑉ ᐃᕐᓂᖓᓂᒃ.
14ᓰᐸᓗ ᐊᖅᑯᓵᓚᐅᕐᐳᖅ ᐃᓴᕆᐊᓕᐅᑉ ᑭᖑᕚᖏᑕ ᓄᓇᖁᑎᓕᒫᖏᑎᒍᑦ ᐃᒡᓗᒐᓴᖕᓄᐊᓚᐅᕆᕗᖅ ᐊᐱᐅᓪ ᐱᑦ-ᒫᑲᒧᑦ ᐱᕅᑎᒦᑦᑐᒧᑦ, ᐃᓚᓕᒫᖏᓪᓗ ᐱᑭᕆᐅᑉ ᑭᖑᕚᖏᑦ ᑲᑎᓚᐅᕐᐳᑦ ᒪᓕᒡᓗᒍᓗ ᐃᒡᓗᒐᓴᖕᓄᑦ. 15ᔪᐊᐱᐅᓪᓗ ᐃᓚᒋᔭᓕᒫᖏᑦ ᑐᓴᕋᒥᒃ ᓰᐸᐅᑉ ᑍᑲᓃᓐᓂᖓᓂᒃ, ᑍᑯᖓ ᐂᕗᑦ ᐃᒡᓗᒐᓮᓪᓗ ᐊᐱᐅᓪ ᐱᑦ-ᒫᑲ ᐊᕙᓗᓚᐅᕐᐹᑦ, ᐃᑯᕐᕋᓕᐅᓚᐅᕐᐳᑦ ᓄᓇᒥᒃ ᐊᑭᓐᓇᐅᑉ ᓯᓚᑖᒍᑦ ᐃᑎᕐᓴᓕᐅᕐᓗᑎᒡᓗ ᐊᑭᓐᓈᓗᒃ ᐅᕐᕈᑎᓐᓇᓱᐊᕐᓗᒍ. 16ᑕᕝᕙᓂᓕ ᐃᒡᓗᒐᓴᖕᓂ ᐊᕐᓇᒥᒃ ᓯᓚᑐᔪᖃᓚᐅᕐᐳᖅ ᐊᑭᓐᓇᒥᑦ ᕾᒐᓛᕐᑐᒥᒃ, “ᓈᓚᒋᑦᓯ! ᓈᓚᒋᑦᓯ! ᔪᐊᐱ ᕾᖁᓚᐅᕐᓯᐅᒃ ᑕᒪᐅᖓ; ᐅᖃᐅᑎᔪᒪᒐᒃᑯ.” 17ᔪᐊᐱᓗ ᐂᕗᖅ, ᐊᕐᓇᐅᓪᓗ ᐊᐱᕆᕚ, “ᔪᐊᐱᐅᕖᑦ?”
ᑭᐅᕗᖅ, “ᑖᓐᓇᐅᕗᖓ.”
ᐊᕐᓇᖅ ᐅᖃᕐᐳᖅ, “ᓈᓚᓚᐅᕆᑦ ᐅᕙᓐᓂᒃ, ᐊᖓᔪᖅᑳᒃ.”
ᑭᐅᕗᖅ, “ᓈᓚᒃᐳᖓ.”
18ᐊᕐᓇᖅ ᐅᖃᕐᐳᖅ, “ᑍᑦᓱᒪᓂᐊᓗᒃ ᐅᖃᕐᑐᖃᕐᐸᓚᐅᕐᐳᖅ, ‘ᑭᐅᔭᐅᔪᒪᒍᕕᑦ ᐂᓕᕆᑦ ᐃᒡᓗᒐᓴᖕᓄᑦ ᐂᐱᓕᒧᑦ’; ᑕᕝᕙ ᑭᐅᔭᐅᑦᓯᐊᖃᑦᑕᓚᐅᕐᐳᑦ. 19ᐃᒡᓗᒐᓴᕗᑦ ᐱᐅᔪᐊᓘᕗᖅ, ᓮᓕᑦᓯᐊᕐᓇᕐᓂᕐᐹᖑᕗᖅ ᐱᑦᓯᐊᕐᓂᕐᐹᖑᓪᓗᓂᓗ ᐃᓴᕆᐊᓕᒥᐅᓂ; ᓱᖕᒪᓪᓕ ᐊᓯᕈᕋᓱᐊᕐᐱᐅᒃ? ᓱᒃᑯᐃᔪᒪᕖᑦ ᐊᑕᓂᐅᑉ ᐱᖓᓂᒃ?”
20ᔪᐊᐱ ᑭᐅᕗᖅ, “ᑍᒤᓚᐅᕐᓯᒪᓂᐊᓐᖏᓚᖅ! ᓱᒃᑯᑎᕐᓂᐊᓐᖏᓚᕋ ᐊᓯᕈᕐᓂᐊᕐᓇᒍᓗ ᐃᒡᓗᒐᓴᖁᑎᓯ! 21ᑍᒪᓐᓇ ᐱᓇᓱᐊᓐᖏᓚᒍᑦ. ᐊᖑᑦ ᓰᐸᒥᒃ ᐊᑎᓕᖕᒥᒃ ᐱᑭᕆᐅᑉ ᐃᕐᓂᖓ ᐃᕗᕅᒥᐅᑦ ᖃᖅᑲᖏᓐᓂᑦ ᐱᓯᒪᔪᖅ, ᐊᖓᔪᖅᑳᕐᔪᐊᕐᒥᒃ ᑍᕕᑎᒥᒃ ᐊᑭᕋᕐᑐᕋᓱᐊᓕᕐᑎᑦᓯᓚᐅᕐᒪᑦ; ᑖᓐᓇᑐᐊᖅ ᐊᖑᑦ ᕾᑎᓚᐅᕈᖅ, ᐃᒡᓗᒐᓴᓯᓗ ᕿᒪᖕᓂᐊᕐᐸᕗᑦ.”
ᐊᕐᓇᖅ ᔪᐊᐱᒧᑦ ᐅᖃᕐᐳᖅ, “ᓂᐊᖁᐊ ᐃᒋᓐᓂᐊᕐᐸᕗᑦ ᐊᕙᓗᕐᔪᐊᑉ ᖁᓛᒍᑦ.” 22ᑖᓐᓇ ᐊᕐᓇᖅ ᐂᓚᐅᕐᐳᖅ ᐃᒡᓗᒐᓮᑦ ᐃᓄᖏᓐᓄᑦ ᐃᓱᒪᒋᔭᒥᓂᒃ ᐅᖃᐅᑎᓪᓗᒋᑦ, ᓰᐸᐅᓪᓗ ᐱᑭᕆᐅᑉ ᐃᕐᓂᖓᑕ ᓂᐊᖁᐊ ᓇᑲᑕᐅᕗᖅ ᐃᒋᑕᐅᓪᓗᓂᓗ ᐊᕙᓗᕐᔪᐊᑉ ᖁᓛᒍᑦ ᔪᐊᐱᒧᑦ. ᑕᕝᕙ ᑎᑦᑐᓚᐅᑎᓂ ᓂᓪᓕᕐᑎᑉᐹ ᓇᓗᓁᒃᑯᑕᐅᓪᓗᓂ ᐊᐅᓪᓚᕆᐊᖃᓕᕐᓂᖏᓐᓂᒃ ᐃᒡᓗᒐᓴᖕᓂᑦ, ᐊᖏᕐᕋᒥᓄᓪᓗ ᐅᑎᕐᐳᑦ. ᔪᐊᐱᓗ ᐅᑎᓚᐅᕆᕗᖅ ᔨᕉᓴᓕᒧᑦ ᐊᖓᔪᖅᑳᕐᔪᐊᕐᒧᑦ.
ᑍᕕᑎᐅᑉ ᐊᖓᔪᖅᑳᖁᑎᖏᑦ
23ᔪᐊᐱ ᐊᖓᔪᖅᑳᖑᓚᐅᕐᐳᖅ ᐃᓴᕆᐊᓕᒥᐅᑦ ᐅᓇᑕᕐᑐᒃᓴᖁᑎᓕᒫᖏᓐᓄᑦ; ᐱᓁᐊᓗ ᔨᕼᐅᐃᐊᑕᐅᑉ ᐃᕐᓂᖓ ᐊᖓᔪᖅᑳᖑᓚᐅᕐᐳᖅ ᑍᕕᑎᐅᑉ ᓴᐳᓐᓂᐊᕐᑎᖏᓐᓄᑦ ᓯᕆᑍᑎᓄᑦ ᐱᓕᑍᑎᓄᓪᓗ; 24ᐊᑐᕌᒻᓗ ᐊᖓᔪᖅᑳᖑᓚᐅᕐᐳᖅ ᐃᖅᑲᓁᔭᕐᑎᑕᐅᔪᓄᑦ; ᔨᕼᐆᓴᐸᑦᓗ ᐊᕼᐃᓗᑎᐅᑉ ᐃᕐᓂᖓ ᐊᖓᔪᖅᑳᖑᓚᐅᕐᐳᖅ ᑎᑎᕋᕐᑕᐅᕙᓪᓕᐊᔪᓄᑦ; 25ᓰᕙ ᐃᖅᑲᕐᑐᐃᔨᓄᑦ ᑎᑎᕋᕐᑎᐅᓚᐅᕐᐳᖅ; ᔭᑑᒃᓗ ᐊᐰᐊᑕᓗ ᑐᓂᕐᕈᓯᕐᑎᑦᓯᔨᐅᓚᐅᕐᐴᒃ, 26ᐂᕋᓗ ᓄᓇᓕᖕᓂᑦ ᔧᕅᑎᒥᐅᓂᑦ ᐱᓯᒪᔪᖅ ᑍᕕᑎᐅᑉ ᑐᓂᕐᕈᓯᕐᑎᑦᓯᔨᒋᓚᐅᕆᕚ.
Currently Selected:
ᓴᒧᐃᓕ ᐂᑉᐸᖏᑦ 20: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
