ᐲᑦᑐᕉᓯ ᐂᑉᐸᖏᑦ 3

ᐊᖏᕈᑕᐅᓯᒪᔪᖅ ᐊᑕᓂᐅᑉ ᑎᑭᕝᕕᒃᓴᖓ

1ᓇᒡᓕᖕᓇᕐᑐᓯ, ᑖᒃᑯᐊ ᐃᓕᑦᓯᓐᓄᑦ ᑎᑎᕋᕐᑕᒪ ᐂᑉᐸᕆᓕᕐᐰᑦ, ᑎᑎᕋᕐᑕᓐᓂ ᑕᒤᓐᓂ ᐅᖃᐅᓯᖃᕐᓯᒪᕗᖓ ᐃᓱᒪᑖᒃᑲᓐᓂᖁᓪᓗᓯ ᐃᖅᑬᑎᒃᑲᓐᓂᕈᒪᓪᓗᓯᓗ; 2ᐃᖅᑬᖁᕙᑦᓯ ᐅᖃᐅᓯᕆᔭᐅᓯᒪᔪᓂᒃ ᓇᓚᐅᑦᑍᔪᑎᒍᑦ ᐃᑦᔪᕐᓁᑦᑐᑎᒍᑦ, ᐱᖁᔭᐅᓚᐅᕐᑐᓂᒡᓗ ᐊᑕᓂᑦᑎᓐᓄᑦ ᐱᐅᓕᔨᑦᑎᓐᓄᓪᓗ ᐃᓕᑦᓯᓐᓄᑦ ᑐᓂᔭᐅᓚᐅᕐᑐᓂᒃ ᐋᐴᓯᑕᓕᖁᑎᑦᓯᒍᑦ. 3#ᔫᑎᐅᑉ 1:18.ᓯᕗᓪᓕᕐᒥᒃ ᐅᓇ ᑐᑭᓯᔭᕆᐊᖃᕐᐸᓯ, ᐅᓪᓗᐃᑦ ᑭᖑᓪᓕᖏᓐᓂ ᓴᖅᑭᑦᑐᖃᕈᒫᕐᒪᑦ ᒥᑕᐅᑎᒃᓴᕐᑎᓂᒃ, ᐃᒃᖠᒎᖕᓂᕐᒥᒍᑦ ᐊᐅᓚᑕᐅᔪᓂᒃ. 4ᐅᖃᕐᓗᑎᒡᓗ, “ᓇᐅᒡᓕ ᐊᖏᕐᓯᒪᔪᖅ ᑎᑭᓐᓂᐊᕐᓂᕋᕐᓗᓂ? ᓯᕗᓕᕗᑦ ᑐᖁᓯᒪᓕᕐᐳᑦ, ᓱᓇᑐᐃᓐᓁᑦ ᓱᓕ ᓱᖁᓯᕐᓯᒪᓐᖏᓚᑦ ᑍᒪᓐᖓᑦ ᓯᓚᕐᔪᐊᑉ ᐱᓐᖑᕐᑎᑕᐅᓚᐅᕐᓂᖓᓂᑦ.” 5#ᒨᓯᓯ ᓯᕗᓪᓖᑦ 1:6-9.ᑖᒃᑯᐊ ᐱᔮᕆᓪᓗᑎᒃ ᑕᒪᑐᒥᖓ ᑲᒪᓐᖏᓚᑦ, ᑍᑦᓱᒪᓂᐊᓗᒃ ᒎᑎᐅᑉ ᐅᖃᐅᓯᖓᒍᑦ ᕿᓔᑦ ᓴᖅᑭᑎᑕᐅᓯᒪᖕᒪᑕ, ᓄᓇᕐᔪᐊᕐᓗ ᓴᓇᔭᐅᓯᒪᓪᓗᓂ ᐃᒫᓂᑦ, ᐃᒪᒃᑯᓪᓗ, 6#ᒨᓯᓯ ᓯᕗᓪᓖᑦ 7:11.ᐃᒪᕐᒧᑦᑕᐅᖅ ᓯᓚᕐᔪᐊᖅ ᐅᓕᕕᒡᔪᐊᕐᑎᓪᓗᒍ ᐊᓯᐅᑎᑕᐅᓚᐅᕐᐳᖅ. 7ᐅᖃᐅᓯᕐᒧᑦ ᓱᓕ ᑖᑦᓱᒧᖓᑦᓮᓐᓇᖅ ᕿᓚᒡᓗ ᓄᓇᕐᔪᐊᕐᓗ ᒫᓐᓇ ᓴᖅᑭᔮᕐᑑᒃ ᐃᑯᐊᓪᓚᒃᑐᒃᓴᓕᐊᕆᔭᐅᓯᒪᕘᒃ, ᐅᓪᓗᒧᑦ ᐅᑕᖅᑭᑎᑕᐅᓪᓗᑎᒃ ᐃᖅᑲᕐᑐᕐᑕᐅᕕᖕᒧᑦ ᒎᑎᖃᖏᑦᑐᓪᓗ ᓄᖑᑎᑕᐅᓂᕆᓚᕐᑕᖓᓐᓄᑦ.

8 # ᐃᓐᖏᕈᑦ 90:4. ᐊᑕᐅᓯᕐᓕ ᐅᓇ ᐳᐃᒍᕐᑍᓕᓯᐅᒃ, ᓇᒡᓕᖕᓇᕐᑐᓯ, ᐊᑕᓂᕐᒧᑦ ᐅᓪᓗᖅ ᐊᑕᐅᓯᖅ ᐊᕐᕌᒍᑎᑐᑦ 1,000ᑎᑐᑦ ᑍᒤᒻᒪᑦ; ᐊᕐᕌᒍᐃᓪᓗ 1,000 ᐅᓪᓗᑐᑦ ᐊᑕᐅᓯᕐᑐᑦ ᑍᒤᓪᓗᑎᒃ. 9ᐊᑕᓂᐅᑉ ᐊᖏᕐᓯᒪᓂᓂ ᑭᖑᕙᕐᑎᓐᖏᓛ ᐃᓚᖏᓐᓄᑦ ᑭᖑᕙᕐᑎᑕᐅᓇᓱᒋᔭᐅᒐᓗᐊᕐᒪᑦ, ᕿᓄᐃᓵᕐᐳᕐᓕ ᐃᓕᑦᓯᓐᓄᑦ, ᓇᓪᓕᐊᓐᓂᒡᓘᓐᓃᑦ ᐊᓯᐅᑐᐃᓐᓇᖁᔨᖏᓐᓇᒥ, ᑕᒤᓐᓂᒡᓕ ᐊᔪᕐᑐᓕᓂᕐᒥᖕᓂᑦ ᓵᒋᐊᕐᕕᒃᓴᖃᕐᑎᑦᑎᕗᖅ.

10 # ᒫᑎᐅᓯ 24:43; ᓘᑲᓯ 12:39; 1 ᑎᓴᓗᓁ 5:2; ᑕᑯᑎ 16:15. ᐊᑕᓂᐅᓪᓕ ᐅᓪᓗᖓ ᑎᑭᑦᓱᒫᕐᐳᖅ ᑎᒡᓕᒋᐊᑐᕐᑐᑐᑦ ᕿᓚᒡᓗ ᓄᖑᔪᒫᕐᐳᖅ ᓂᐱᖅᑯᕐᑐᔪᐊᓘᓗᓂ, ᕿᓚᖕᒦᑦᑐᓪᓗ ᓄᖑᔪᒫᕐᐳᑦ ᐃᑯᐊᓪᓚᒡᓗᑎᒃ, ᓄᓇᕐᔪᐊᕐᒥᑦᑐᑦ ᓱᓇᑐᐃᓐᓇᓕᒫᓪᓗ ᐱᓇᓱᐊᕐᑕᐅᓯᒪᔪᑦ ᑕᑉᕙᓂ ᓴᖅᑭᑎᑕᐅᓗᑎᒃ. 11ᑕᒪᒃᑯᐊᓕᒫᑦ ᑍᒫᒃ ᓄᖑᔪᒫᕐᐸᑕ, ᐃᓕᑦᓯᓕ ᑍᒪ ᖃᓄᖅ ᐃᓅᔭᕆᐊᖃᓕᕐᐱᓰ ᐃᑦᔪᕐᓁᓂᕐᒦᓗᓯ, ᒎᑎᒧᓪᓗ ᑐᓂᓯᒪᑦᓯᐊᕐᓗᓯ, 12ᓂᕆᐅᒃᑎᓪᓗᓯ ᒎᑎᐅᑉ ᐅᓪᓗᖓᓂᒃ ᕿᓚᓈᕐᑐᒃᓴᐅᕗᓯ, ᐅᓪᓗᖅ ᓇᓪᓕᐅᑎᒃᐸᑦ ᕿᓔᑦ ᐃᑯᒪᒧᑦ ᓄᖑᑕᐅᔪᒫᕐᒪᑕ, ᕿᓚᖕᒥᐅᑍᓪᓗ ᐊᐅᒃᑎᑕᐅᔪᒫᕐᐳᑦ ᐃᑯᒪᒧᑦ. 13#ᐂᓮᐊᓯ 65:17; 66:22; ᑕᑯᑎ 21:1.ᐅᕙᒍᓪᓕ ᓂᕆᐅᒃᐳᒍᑦ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ ᕿᓚᖕᒥᒃ ᓄᑖᒥᒃ ᓄᓇᒥᒡᓗ ᓄᑖᒥᒃ ᐃᓗᐊᕐᑐᓕᔪᓄᑦ ᐃᓂᒋᔭᐅᔪᒫᕐᑐᒥᒃ.

14ᑍᒤᒻᒪᑦ ᓇᒡᓕᒋᔭᒃᑲ, ᑍᒤᑦᑐᒥᒃ ᓂᕆᐅᒃᑎᓪᓗᓯ, ᐊᒃᓱᕈᕆᑦᓯ ᑖᑦᓱᒧᖓ ᑲᑎᔭᐅᖁᓪᓗᓯ ᐊᔪᕐᓂᖃᕐᑎᓐᓇᓯ ᐃᑦᔪᕐᓇᕐᑐᖃᕐᑎᓐᓇᓯᓗ ᑖᑦᓱᒧᖓ ᑎᑭᑕᐅᖁᓪᓗᓯ, ᓮᒪᓂᖃᕐᑎᓪᓗᓯᓗ. 15ᖃᐅᔨᒪᓗᓯ ᐊᑕᓂᑦᑕ ᕿᓄᐃᓵᕐᓂᖓ ᐱᐅᓕᔭᐅᓂᕐᒥᒃ ᐱᑦᔪᑎᖃᕐᒪᑦ. ᐸᐅᓗᓯᑦᑕᐅᖅ ᐅᒃᐱᕐᑑᖃᑎᕗᑦ ᓇᒡᓕᖕᓇᕐᑐᖅ ᐃᓕᑦᓯᓐᓄᑦ ᑎᑎᕋᕐᓯᒪᖕᒪᑦ ᓯᓚᑐᓂᕐᒥᒃ ᑐᓂᕐᕈᓯᐊᒥᓂᒃ ᐊᑐᕐᓗᓂ. 16ᑎᑎᕋᕐᑕᒥᓂ ᑕᒤᓐᓂ ᑎᑎᕋᕐᓯᒪᖕᒪᑦ ᑕᒪᒃᑯᓂᖓ ᐅᖃᐅᓯᖃᕐᓗᓂ. ᐃᓚᖏᑦ ᑐᑭᓯᔭᕐᓂᖏᒻᒪᑕ, ᐃᓕᓯᒪᖏᑦᑐᑦ ᑐᓐᖓᕕᖃᑦᓯᐊᖏᑦᑐᓪᓗ ᒧᒥᒃᑎᑦᓯᓪᓗᑎᒃ ᐃᒻᒥᖕᓄᑦ ᐊᓯᕈᕐᑕᐅᑦᔪᑎᒃᓴᓕᐅᕐᐸᒃᐳᑦ, ᐊᓯᖏᓐᓄᑦᑕᐅᖅ ᐊᒡᓚᖕᓄᑦ ᑍᒤᓕᐅᕐᐸᒃᑭᕗᑦ.

17ᑍᒤᒻᒪᑦ ᓇᒡᓕᒋᔭᒃᑲ, ᑕᒪᓐᓇ ᓯᕗᓂᖓᒍᑦ ᖃᐅᔨᒪᓕᕋᑦᓯᐅᒃ, ᐅᓗᕆᐊᓱᒋᑦᓯ ᑕᒻᒪᕐᑎᑕᐅᖁᓇᓯ ᐱᖁᔭᖃᖏᓪᓗᑎᒃ ᐃᓅᓇᓱᐊᕐᑐᓄᑦ ᑲᑕᒃᑎᑕᐅᖁᓇᓯᓗ ᑐᓐᖓᕕᒋᓕᕐᑕᑦᓯᓐᓂᑦ. 18ᐱᕈᕐᐸᓪᓕᐊᓕᕆᑦᓯᓕ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂ ᖃᐅᔨᕙᓪᓕᐊᓗᓯᓗ ᐊᑕᓂᑦᑎᓐᓂᒃ ᐱᐅᓕᔨᑦᑎᓐᓂᒡᓗ ᔩᓱᓯ ᙭ᔅᑑᓯᒥᒃ. ᑖᓐᓇ ᓂᕐᑐᕐᑕᐅᓕ ᒫᓐᓇᒥᑦ ᐃᓱᖃᖏᑦᑐᒧᓪᓗ ᐋᒦᓐ.

Currently Selected:

ᐲᑦᑐᕉᓯ ᐂᑉᐸᖏᑦ 3: EAIB

Highlight

Copy