ᐊᑕᓃᑦ ᐂᑉᐸᖏᑦ 16
16
ᐂᕼᐋᓯᐅᑉ ᐊᖓᔪᖅᑳᕐᔪᐊᖑᓂᖓ ᔫᑕᒥᐅᓄᑦ
ᑯᕉᓂᑲ ᐂᑉᐸᖏᑦ 28:1-27
1ᐊᖓᔪᖅᑳᕐᔪᐊᑉ ᐲᑲᐅᑉ ᕆᒪᓔᐊᐅᑉ ᐃᕐᓂᖓᑕ ᐊᐅᓚᑦᓯᓂᖓᑕ ᐃᓴᕆᐊᓕᒥᐅᓄᑦ ᐊᕐᕌᒍᐊᑕ 17ᖓᓐᓂ, ᐂᕼᐊᔅ ᔫᑕᒥᐅᑉ ᐃᕐᓂᖓ ᐊᖓᔪᖅᑳᕐᔪᐊᖑᓕᓚᐅᕐᐳᖅ ᔫᑕᒧᑦ. 2ᐂᕼᐊᔅ ᐊᕐᕌᒍᖃᕐᓗᓂ 20ᓂᒃ ᔨᕉᓴᓕᒥᐅᓄᑦ ᐊᖓᔪᖅᑳᕐᔪᐊᕆᔭᐅᓕᓚᐅᕐᐳᖅ ᐊᕐᕌᒍᓂᒃ 16ᓂᒃ. ᐊᑕᓂᐅᑉ ᒎᑎᒥ ᓵᖓᓂ ᓈᒻᒪᒋᔭᐅᔪᒥᒃ ᐱᐅᓯᖃᓚᐅᓐᖏᓚᖅ, ᓯᕗᓕᕕᓂᕐᒥᓂᒡᓗ ᑍᕕᑎᒥᒃ ᒪᓕᓚᐅᕋᓂ. 3#ᒨᓯᓯ ᑕᓪᓕᒪᖏᑦ 12:31.ᐃᓴᕆᐊᓕᒥᐅᓪᓕ ᐊᖓᔪᖅᑳᕐᔪᐊᕆᖃᑦᑕᕐᓯᒪᔭᖏᑎᑐᑦ ᐃᓕᖅᑯᓯᖃᑐᐃᓐᓇᓚᐅᕆᕗᖅ ᐊᒡᓛᑦ ᐃᕐᓂᕐᒥᓂᒃ ᑐᓂᕐᕈᓯᓚᐅᕐᐳᖅ ᒎᑎᓐᖑᐊᓄᑦ. ᐊᑕᓂᐅᑉ ᓇᕐᕈᓇᕐᓂᕋᓚᐅᕐᑕᖏᑦ ᐃᓅᖃᑎᒌᒡᔪᐊᓄᑦ ᐊᑐᕐᑕᐅᑎᓪᓗᒋᑦ ᐃᓴᕆᐊᓕᒥᐅᓄᑦ ᓄᓁᕐᑕᐅᓚᐅᕐᑐᑦ ᐃᓄᖏᑕ ᐃᓕᖅᑯᓯᕕᓂᖏᑦ ᓄᓇᒋᔭᐅᖁᔭᐅᔪᒧᑦ ᑎᑭᑉᐸᓕᐊᑎᓪᓗᒋᑦ. 4ᒎᑎᓐᖑᐊᓄᑦ ᑐᒃᓯᐊᕐᕕᐅᕙᒃᑐᑦ ᐳᕐᑐᔪᓃᑦᑐᑦ ᓇᐹᕐᑐᐃᓪᓗ ᑐᖑᔪᕐᑐᓕᒫᑦ ᐊᑖᓂ ᐂᕼᐊᓯ ᑐᒃᓯᐊᖃᑕᐅᓚᐅᕐᐳᖅ ᑐᓂᕐᕈᓯᖃᑕᐅᖃᑦᑕᕐᓗᓂᓗ. 5#ᐂᓮᐊᓯ 7:1.ᕆᔨᓐ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐲᑲᓗ ᕆᒪᓔᐊᐅᑉ ᐃᕐᓂᖓ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ ᑲᑐᑦᔨᓪᓗᑎᒃ ᐅᓇᑕᕆᐊᓚᐅᕐᐳᑦ ᔨᕉᓴᓕᒥᒃ ᐊᕙᓗᓯᒪᓕᕐᓗᒍᓗ ᐅᓇᑕᕐᑎᖁᑎᒥᓄᑦ, ᑭᓯᐊᓂᓕ ᓵᓚᖃᕈᓐᓇᐃᓕᓚᐅᕐᐳᑦ ᐂᕼᐊᔅᑯᓐᓂᒃ. 6ᑍᑦᓱᒪᓂᐅᑎᓪᓗᒍᑦᑕᐅᖅ ᐄᑐᒥᒥᐅᑦ ᐊᖓᔪᖅᑳᕐᔪᐊᖓᑦ ᕆᔨᓐ ᐅᓇᑕᕐᓂᒃᑯᑦ ᓵᓚᖃᕐᓗᑎᒃ ᐃᓚᑎᒥᐅᓂᒃ ᑎᒍᓯᓚᐅᕐᐳᑦ, ᔫᑕᒥᐅᓪᓗ ᑕᕝᕙᓃᑦᑐᑦ ᕿᒫᓚᐅᕐᐳᑦ ᐃᓚᑎᒥᑦ, ᐄᑐᒥᒥᐅᓪᓗ ᑕᕝᕙᓂ ᓄᓇᑖᓚᐅᕐᐳᑦ, ᐅᓪᓗᒥᒧᑦ ᓱᓕ ᑖᓐᓇ ᓄᓇᒋᕚᑦ. 7ᐂᕼᐊᔅ ᐅᖃᕆᐊᕐᑐᕐᑎᕐᓯᕗᖅ ᑎᒡᓚᑦ-ᐰᓕᓴᒧᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐃᒫᒃ ᐅᖃᐅᑦᔭᐅᖁᓪᓗᒍ: “ᑭᒡᒐᕆᒐᕕᖓ ᐃᕐᓂᕆᔭᐅᔪᑐᑦ ᐃᓕᖕᓄᑦ ᑍᒤᓐᓇᒪ, ᕾᓗᑎᑦ ᓴᐳᑎᔭᕐᑐᓚᐅᓐᖓ ᓯᕆᐊᒥᐅᑦ ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖏᖕᓂᑦ ᐅᕙᓐᓂᒃ ᑖᒃᑯᐊᒃ ᑲᑐᑦᔨᓪᓗᑎᒃ ᐅᓇᑕᕆᐊᕐᓯᒪᖕᒪᑎᒃ.” 8ᐂᕼᐊᔅ ᑲᑎᑦᓯᓪᓗᓂ ᓯᐅᓪᕕᕆᓂᒃ ᒎᓗᓂᒡᓗ ᐊᑕᓂᐅᑉ ᐃᒡᓗᖓᓂᑦ ᐊᖓᔪᖅᑳᕐᔪᐊᓪᓗ ᐃᒡᓗᒥᐅᑕᖏᓐᓂᒃ ᐃᓚᓐᓂᕐᓴᐅᑎᒋᓪᓗᒋᑦ ᑐᔫᑎᒋᕔᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ. 9ᑎᒡᓚ-ᐰᓖᓴ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐂᕼᐊᓯᐅᑉ ᐱᔪᒪᔭᖓ ᒪᓕᒡᓗᒍ ᐅᐸᒍᑎᕗᖅ ᐅᓇᑕᕐᑎᖁᑎᓂ ᐅᓇᑕᕆᐊᕐᑎᓪᓗᓂᒋᑦ ᑕᒫᓯᑰᓯᒥᒃ, ᓵᓚᖃᕐᓗᓂᓗ ᓄᓇᓖᑦ ᑎᒍᕔᑦ ᐊᖓᔪᖅᑳᕐᔪᐊᖅ ᕆᔨᓐ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᑐᖁᑕᐅᑎᓪᓗᓂᐅᒃ ᐃᓄᖏᑦ ᑎᒍᓪᓗᓂᒋᑦ ᐊᐅᓪᓚᕈᑎᕔᑦ ᑭᕆᒥᐅᓄᑦ, ᑎᒍᓯᒪᓂᐊᓕᕐᓗᒋᑦ. 10ᐂᕼᐊᔅ ᑕᒫᓯᑰᓯᒧᐊᕋᒥ ᑎᒡᓚᑦ-ᐰᓕᓴᒥᒃ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓂᒃ ᑲᑎᓯᔭᕐᑐᕐᓗᓂ, ᑐᓂᕐᕈᓯᕐᕕᒃ ᑕᕝᕙᓃᑦᑐᖅ ᑕᑯᒐᒥᐅᒃ ᐊᑦᔨᖓᓂᒃ ᓴᓇᓐᖑᐊᕐᓯᒪᔪᒥᒃ ᐊᐅᓪᓚᕐᑎᑦᓯᕗᖅ ᑐᓂᕐᕈᓯᕐᑎᑦᓯᔨᒧᑦ ᔪᕅᐊᒧᑦ ᖃᓄᐃᓕᖓᓂᖓᓂᒃ ᓴᖅᑭᔮᕐᑎᑦᓯᑦᓯᐊᕐᑐᒥᒃ. 11ᑐᓂᕐᕈᓯᕐᑎᑦᓯᔨ ᔪᕅᐊ ᐊᑦᔨᑦᓯᐊᖓᓂᒃ ᑐᓂᕐᕈᓯᕐᕕᓕᐅᕐᐳᖅ ᐂᕼᐊᔅ ᑕᒫᓯᑰᓯᒥᑦ ᐅᑎᓚᐅᖏᓐᓂᖓᓂ ᐱᔭᕇᕐᑕᐅᑎᓪᓗᓂᐅᒃ. 12ᐂᕼᐊᔅ ᑕᒫᓯᑰᓯᒥᑦ ᐅᑎᕋᒥ ᑕᑯᕗᖅ ᑐᓂᕐᕈᓯᕐᕕᖕᒥᒃ ᐱᔭᕇᕐᓯᒪᑦᓯᐊᓕᕐᑐᒥᒃ, ᒪᔪᐊᕐᕕᒋᓪᓗᒍᓗ ᐅᐸᒃᐹ. 13ᑕᕝᕙᓂᓗ ᑐᓂᕐᕈᓯᕐᐳᖅ ᐃᑯᐊᓚᑎᓪᓗᒍ ᑐᓂᕐᕈᑎᐅᔭᕆᐊᓕᖕᒥᒃ, ᓂᕿᑐᐃᓐᓇᕐᒥᒡᓗ ᐃᑯᐊᓚᔪᒥ ᑐᓂᕐᕈᑎᐅᕙᒃᑐᒥᒃ ᐃᒥᒐᒃᓴᒥᒡᓗ ᕔᓂᒥᒃ ᑐᓂᕐᕈᓯᕐᐳᖅ ᐃᓚᒌᑦᓯᐊᕐᓂᕐᒨᖓᔪᒥᒡᓗ ᑐᓂᕐᕈᓯᕆᓪᓗᓂ. 14#ᒨᓯᓯ ᐂᑉᐸᖏᑦ 27:1,2; ᑯᕉᓂᑲ ᐂᑉᐸᖏᑦ 4:1.ᑐᓂᕐᕈᓯᕐᕕᒃ ᑲᓐᓄᔭ ᐊᑕᓂᕐᒧᑦ ᐊᑐᕐᑐᒃᓴᓕᐊᕆᓯᒪᔪᖅ ᑐᒃᓯᐊᕐᕕᒃᔪᐊᑉ ᑐᓂᕐᕈᓯᕐᕕᐅᓪᓗ ᓄᑖᑉ ᐊᑯᓐᓂᖓᓃᑐᖅ ᐂᕼᐊᓯᐅᑉ ᓄᒃᑎᕐᐹ ᑐᓂᕐᕈᓯᕐᕕᐅᑉ ᓄᑖᑉ ᑲᖏᐊᓄᐊᕐᓗᒍ. 15ᐂᕼᐊᓯᐅᑉ ᑐᓂᕐᕈᓯᕐᑎᑦᓯᔨ ᔪᕅᐊ ᐅᖃᐅᑎᕚ, “ᑐᓂᕐᕈᓯᕐᕕᐊᓗᖕᒥᒃ ᓄᑖᒥ ᑐᓂᕐᕈᓯᖃᑦᑕᖁᔨᕗᖓ, ᐃᑯᐊᓚᓗᒍ ᑐᓂᕐᕈᓯᐅᑎᒃᓴᖅ ᐅᓪᓛᒃᑰᕐᑐᕐᓯᐅᑎ, ᓂᐊᖂᔭᒃᓴᓂᒡᓗ ᑐᓂᕐᕈᓯᕈᑎ ᐅᓐᓄᒃᑰᕐᑐᕐᓯᐅᑦ ᐊᖓᔪᖅᑳᕐᔪᐊᓪᓗ ᐃᑯᐊᓚᓪᓗᒍ ᑐᓂᕐᕈᓯᕈᑎᒃᓴᖓ ᓂᐊᖂᔭᒃᓴᓂᒡᓗ ᑐᓂᕐᕈᓯᕈᑎᒃᓴᖓ ᐃᑯᐊᓚᔪᒥᓗ ᑐᓂᕐᕈᓯᐅᑎᒃᓴᖅ ᐃᓅᓕᒫᑦ ᐱᓪᓗᒋᑦ, ᓂᐊᖂᔭᒃᓴᓂᒃ ᕔᓂᓂᒡᓗ ᐃᒥᒐᒃᓴᓄᑦ ᑐᓂᕐᕈᑕᐅᓲᑦ, ᐃᑯᐊᓚᓗᑎᒃ ᑐᓂᕐᕈᓯᐅᑏᑦ ᐊᐅᖏᑦ ᓯᕐᐸᕐᓴᐅᑕᐅᓯᒪᓕᑦ ᑐᓂᕐᕈᓯᕐᕕᖕᒧᑦ; ᑭᓯᐊᓂᓕ ᑐᓂᕐᕈᓯᕐᕕᒃ ᑲᓐᓄᔭᖅ ᐊᑐᖃᑦᑕᕐᓂᐊᕐᐸᕋ ᓇᓗᓇᕐᑐᓂᒃ ᖃᐅᔨᓇᓱᐊᕆᐊᖃᓕᕌᖓᒪ.” 16ᔪᕅᐊᓗ ᐱᓂᐊᓚᐅᕐᐳᖅ ᐊᖓᔪᖅᑳᕐᔪᐊᑉ ᐂᕼᐊᓯᐅᑉ ᐅᖃᐅᓯᖏᑦ ᒪᓕᒡᓗᒋᑦ. 17#ᐊᑕᓃᑦ ᓯᕗᓪᓖᑦ 7:23-39; ᑯᕉᓂᑲ ᐂᑉᐸᖏᑦ 4:2-6.ᐊᖓᔪᖅᑳᕐᔪᐊᑉ ᐂᕼᐊᓯᐅᑉ ᐲᔭᕐᑕᐅᑎᑉᐹ ᐃᓕᔨᕕᒃ ᑬᓪᓗᐊᕐᑕᐅᕙᒃᑐᖅ ᐊᑕᓂᐅᑉ ᐃᒡᓗᖓᑕ ᐃᓗᐊᓂ, ᐅᐊᓴᕐᕕᐅᔧᓪᓗ ᖄᖓᓃᑉᐸᒃᑐᑦ, ᐃᒪᖃᐅᑎᕐᔪᐊᖅ ᑲᓐᓄᔭ ᐲᕐᑕᐅᑎᒃᑭᕚ ᐃᒧᒃᓯᐅᒐᓐᖑᐊᓪᓗ ᐊᖑᓴᓪᓗᓐᖑᐊᖏᑦ 12 ᑲᓐᓄᔭᐅᖕᒥᔪᑦ ᐃᒪᖃᐅᑎᐊᓘᑉ ᐊᑖᓃᐸᒃᑐᑦ, ᐃᓂᓕᐅᕐᑕᐅᑎᓪᓗᒍᓗ ᐅᔭᕋᖕᒥᒃ ᖁᐊᕐᑎᓯᒪᔪᓂᒃ. 18ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᖁᕕᐊᒋᔭᐅᔪᒪᒐᒥ, ᐂᕼᐊᓯᐅᑉ ᐲᔭᕐᑕᐅᑎᒃᑭᕚ ᐊᖓᔪᖅᑳᕐᔪᐊᑉ ᐃᒃᓯᕙᐅᑕᕐᔪᐊᖃᕐᕕᖓᑕ ᓇᑎᐅᔭᖓ ᐊᑕᓂᐅᑉ ᐃᒡᓗᖓᓃᑦᑐᖅ, ᐊᖓᔪᖅᑳᕐᔪᐊᒧᓪᓗ ᐃᑎᕐᑕᕐᕕᐅᕙᒃᑐᖅ ᑐᒃᓯᐊᕐᕕᒡᔪᐊᒧᑦ ᒪᑐᔭᐅᑎᓪᓗᓂᐅᒃ. 19ᐊᖓᔪᖅᑳᕐᔪᐊᑉ ᐂᕼᐊᓯᐅᑉ ᐱᓂᐊᕐᓂᕆᓯᒪᔭᓕᒫᖏᑦ ᑎᑎᕋᕐᑕᐅᓯᒪᕗᑦ ᔫᑕᒥ ᐊᖓᔪᖅᑳᕐᔪᐊᖑᖃᑦᑕᕐᓯᒪᔪᑦ ᐅᓂᒃᑳᕐᑕᐅᓯᒪᕕᖏᓐᓂ. 20#ᐂᓮᐊᓯ 14:28.ᐂᕼᐊᔅ ᑐᖁᖕᒪᑦ ᐊᖓᔪᖅᑳᕐᔪᐊᑉ ᐃᓗᕕᕐᑕᐅᓯᒪᕕᒋᔭᖏᓐᓂ ᐃᓗᕕᕐᑕᐅᓚᐅᕐᐳᖅ ᑍᕕᑎᐅᑉ ᐃᒡᓗᒐᓴᖏᓐᓂᒃ ᑍᔭᐅᔪᓂ; ᐃᕐᓂᖓᑕ ᕼᐃᓯᑬᐊᐅᑉ ᑭᖑᕝᕕᓕᓚᐅᕆᕚ ᐊᖓᔪᖅᑳᕐᔪᐊᖑᓕᕐᓗᓂᓗ.
Currently Selected:
ᐊᑕᓃᑦ ᐂᑉᐸᖏᑦ 16: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
