ᑯᕆᓐᑎᐊᒥᐅᓄᑦ ᐂᑉᐸᖏᑦ 3
3
ᐱᔨᑦᓯᕐᑎᐅᓂᖅ ᐊᖏᖃᑎᒌᖕᓂᕐᒧᑦ ᓄᑖᒧᑦ
1ᑍᒤᓕᐅᕐᑎᓪᓗᑕ ᐅᕙᑦᑎᓐᓂᒃ ᓂᕐᑑᑎᔫᔮᓕᕐᐱᑖ? ᐅᕝᕙᓗ ᐊᓯᑦᑎᑐᑦ ᑎᑎᖅᑲᓂᒃ ᐱᔭᕆᐊᖃᕐᐱᑖ? ᓂᕐᑐᕐᓇᕐᓂᕅᔪᓂᒃ ᐃᓕᑦᓯᓐᓄᑦ, ᐅᕝᕙᓗ ᐃᓕᑦᓯᓐᓂᑦ ᐱᑎᑕᐅᔭᕆᐊᖃᕐᐱᑖ? 2ᐃᓕᑦᓯᓕ ᑕᕝᕙ ᑎᑎᖅᑲᐅᕗᓯ ᐅᕙᑦᑎᓐᓂᒃ ᓂᕐᑐᕐᓇᕐᓂᕅᔪᑦ, ᐃᓗᑦᑎᓐᓂ ᑎᑎᕋᕐᓯᒪᔪᑦ, ᖃᐅᔨᔭᒃᓴᐅᖁᓪᓗᓯ ᐅᖃᓕᒫᒐᒃᓴᐅᓪᓗᓯᓗ ᐃᓄᓕᒫᓄᑦ; 3#ᒨᓯᓯ ᐂᑉᐸᖏᑦ 24:12; ᔨᕆᒤᐊ 31:33; ᐃᓯᑭᐊᓕ 11:19; 36:26.ᓇᓗᓇᖏᑦᓯᐊᕐᑐᒥᒡᓗ ᙭ᔅᑑᓯᒥ ᑎᑎᖅᑲᐅᕗᓯ ᐱᓇᓱᐊᕐᓂᑦᑎᒍᑦ ᓴᖅᑭᑎᑕᐅᓯᒪᓪᓗᓯ, ᑎᑎᕋᐅᒻᒧᑦ ᑎᑎᕋᕐᓯᒪᓐᖏᓚᓯ; ᒎᑎᐅᓪᓕ ᐆᒪᔫᑉ ᐊᓂᕐᓂᖓᓄᑦ, ᐅᔭᖅᑲᑎᒍᑦ ᑎᑎᕋᕐᓯᒪᖏᑦᑐᑦ ᐃᓅᓪᓕ ᐆᒻᒪᑎᖓᒍᑦ ᑎᑎᕋᕐᓯᒪᔪᑦ.
4ᑍᒤᓕᕗᒍᓪᓕ ᒎᑎᒧᑦ ᖁᓚᖏᓐᓇᑦᑕ ᙭ᔅᑑᓯᒃᑯᑦ. 5ᐅᕙᑦᑎᓐᓂᒡᓕ ᓱᓇᒥᒡᓘᓐᓃᑦ ᐱᔪᓐᓇᕐᓂᕋᕐᓗᑕ ᖃᓄᐃᑦᑐᑐᐃᓐᓇᕐᓂᒃ ᑍᒤᓕᑦᔪᑎᖃᓐᖏᓚᒍᑦ; ᐱᔪᓐᓇᕐᑎᑕᐅᓂᕗᓪᓕ ᒎᑎᒥᑦ ᐱᕗᖅ; 6#ᔨᕆᒤᐊ 31:31.ᑖᑦᓱᒪ ᐱᔪᓐᓇᕐᑎᒻᒪᑎᒍᑦ ᐱᔨᑦᓯᕐᑎᐅᖁᓪᓗᑕ ᐊᖏᖃᑎᒌᒍᑎᒥᒃ ᓄᑖᒥᒃ, ᐱᖁᔭᑎᒍᑦ ᑎᑎᕋᕐᓯᒪᔪᑎᒎᖏᑦᑐᖅ ᐊᓂᕐᓂᑯᓪᓕ; ᐱᖁᔧᑦ ᑐᖁᑎᑦᓯᖕᒪᑕ, ᐊᓂᕐᓂᕐᓕ ᐃᓅᓯᕐᒥᒃ ᑐᓂᓯᕗᖅ.
7 #
ᒨᓯᓯ ᐂᑉᐸᖏᑦ 34:29. ᐱᖁᔧᑦ ᑐᖁᑎᑦᓯᔪᑦ ᑐᓂᔭᐅᑎᓪᓗᒋᑦ ᑎᑎᕋᕐᓯᒪᓚᐅᕐᐳᑦ ᐅᔭᖅᑲᓂ, ᒎᑎᐅᓪᓗ ᑕᑯᒥᓇᕐᓂᕐᔪᐊᖓ ᓴᖅᑭᓚᐅᕐᐳᖅ ᐱᖁᔭᑦ ᑐᓂᔭᐅᓕᕐᑎᓪᓗᒋᑦ, ᐃᓴᕆᐊᓔᑎᑦ ᑕᑯᓐᓇᕈᓐᓇᓚᐅᓐᖏᓚᑦ ᒨᓯᓯᐅᑉ ᑮᓇᖓᓂᒃ ᖃᐅᒪᓗᐊᕐᓂᖓᓄᑦ, ᓄᖑᑦᑐᒃᓴᐅᒐᓗᐊᕐᑎᓪᓗᒍ, 8ᐊᖏᓂᕐᓴᒥᒡᓕ ᑕᑯᒥᓇᕐᓂᕐᓴᐅᒐᔭᓐᖏᓛᖅ ᐊᓂᕐᓂᐅᑉ ᐱᓇᓱᐊᕐᓂᖓ? 9ᐃᓄᖕᓂᒃ ᐃᖅᑲᕐᑐᒐᒃᓴᓐᖑᕐᑎᑦᓯᔪᖅ ᑕᑯᒥᓇᕐᓂᖃᓚᐅᕐᐸᑦ; ᐊᖏᓂᕐᓴᒻᒪᕆᖕᒥᒃ ᑕᑯᒥᓇᕐᓂᖃᕐᑐᒃᓴᐅᕗᖅ ᒎᑎᒧᑦ ᐃᖅᑲᕐᑐᒐᒃᓴᐅᔪᓐᓃᕐᓂᕐᒥᒃ ᐱᑎᑦᓯᔪᖅ. 10ᑍᓐᓇ ᑕᑯᒥᓇᕐᓂᖃᓚᐅᕐᑐᖅ ᓄᖑᑦᑐᒃᓴᖅ ᑕᑯᒥᓇᕐᓂᕐᓴᐅᖏᒻᒪᑦ ᒫᓐᓇ ᑕᒪᑐᒪᓐᖓᑦ ᑕᑯᒥᓇᕐᑐᕐᔪᐊᕐᒥᑦ. 11ᓴᖅᑭᔮᑬᓐᓇᑐᐃᓐᓇᕐᑐᖅ ᑕᑯᒥᓇᕐᓂᖃᓚᐅᕐᐸᑦ, ᓇᓗᓇᓐᖏᓚᖅ ᐊᖏᓂᕐᓴᒻᒪᕆᐊᓗᖕᒥᒃ ᑕᑯᒥᓇᕐᓂᖃᕋᔭᕐᒪᑦ ᐃᓱᖃᖏᑦᑐᒧᐊᖓᔪᖅ.
12ᑍᒤᑦᑐᒥᒃ ᑕᕝᕙ ᓂᕆᐅᖕᓂᖃᕋᑦᑕ, ᓱᓇᒥᒡᓘᓐᓃᑦ ᓯᕘᕋᓐᖏᓚᒍᑦ. 13#ᒨᓯᓯ ᐂᑉᐸᖏᑦ 34:33.ᒨᓯᓯ ᐊᑦᔨᒋᖏᓐᓇᑦᑎᒍ, ᑮᓇᕐᒥᓂᒃ ᒪᑐᐊᕐᓯᓚᐅᕐᑐᖅ ᐃᓴᕆᐊᓔᑎᑦ ᑕᑯᖁᓇᒋᑦ ᑮᓇᖓᑕ ᖃᐅᒪᓂᖓᓂᒃ ᓄᖑᓐᓂᐊᕐᑐᒥᒃ. 14ᑍᒃᑯᐊᓕ ᐃᓱᒪᖏᑦ ᓱᓕ ᒪᑐᓯᒪᕗᑦ ᐅᓪᓗᒥᒧᑦ ᑎᑭᓪᓗᒍ; ᐅᖃᓕᒫᓕᕌᖓᒥᒃ ᐊᖏᖃᑎᒌᖕᓂᑐᖃᕐᓃᑦᑐᓂᒃ, ᒪᑐᐊᕆᔭᐅᓚᐅᕐᑐᖅ ᓱᓕ ᐲᕐᑕᐅᓯᒪᓐᖏᓚᖅ, ᑖᓐᓇ ᒪᑐᐊᖅ ᙭ᔅᑑᓯᒃᑯᑦ ᑭᓯᐊᓂ ᐲᕐᑕᐅᔪᓐᓇᕐᒪᑦ. 15ᐊᒡᓛᑦ ᐅᓪᓗᒥᒧᑦ ᑎᑭᓪᓗᒍ ᒨᓯᓯᐅᑉ ᐊᒡᓚᖏᓐᓂᒃ ᐅᖃᓕᒫᓕᕌᖓᒥᒃ ᓱᓕ ᐃᓱᒪᖏᑦ ᒪᑐᐊᕐᓯᒪᖃᑦᑕᕐᐳᑦ; 16#ᒨᓯᓯ ᐂᑉᐸᖏᑦ 34:34.ᐊᑕᓂᕐᒧᓪᓕ ᐃᓄᒃ ᓵᒋᐊᕐᐸᑦ ᒪᑐᐊᖅ ᑕᕝᕙ ᐲᕐᑕᐅᒐᔭᕐᐳᖅ. 17ᐊᑕᓂᕐᓕ ᐊᓂᕐᓂᐅᖕᒪᑦ; ᐊᑕᓂᐅᓪᓗ ᐊᓂᕐᓂᖓ ᓇᔫᑎᓕᕌᖓᑦ, ᑕᕝᕙᓂ ᕿᓚᕈᑦᔮᕐᓯᒪᓂᖃᕐᐳᖅ. 18ᐅᕙᒍᓪᓗ ᑕᒪᑦᑕ ᑭᓇᑦᑎᓐᓂᒃ ᒪᑐᐊᕐᓯᓯᒪᖏᑦᑐᒍᑦ, ᐊᑕᓂᐅᑉ ᓂᕐᑐᕐᓇᕐᓂᖓ ᑕᑯᒃᓴᐅᑎᑉᐸᕗᑦ, ᐊᓯᑦᔨᕐᑕᐅᓪᓗᑕᓗ ᑖᑦᓱᒪ ᑕᐅᑦᑐᖓᓄᑦ ᓂᕐᑐᕐᓇᕐᓯᕙᓪᓕᐊᑎᑦᓯᔪᒧᑦ ᐱᓐᓇᕐᓇᕐᑐᒥᑦ ᐱᓐᓇᕐᓇᕐᑐᒧᑦ; ᑕᒪᓐᓇᓗ ᐊᑕᓂᕐᒥᑦ ᐱᕗᖅ ᐊᓂᕐᓂᐅᔪᒥᑦ.
Currently Selected:
ᑯᕆᓐᑎᐊᒥᐅᓄᑦ ᐂᑉᐸᖏᑦ 3: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
