ᓴᒧᐃᓕ ᓯᕗᓪᓖᑦ 15
15
ᐅᓇᑖᕐᓃᑦ ᐊᒫᓚᑬᒥᐅᓂᒃ
1 #
ᓴᒧᐃᓕ ᓯᕗᓪᓖᑦ 10:1. ᓴᒧᐃᓕᓗ ᐅᖃᕐᐳᖅ ᓴᐅᓕᒧᑦ, “ᐊᑕᓂᐅᑉ ᑎᓕᕚᖓ ᐅᕐᓱᕐᑎᕐᑕᐅᖁᓪᓗᑎᑦ ᐊᖓᔪᖅᑳᕐᔪᐊᖑᓂᐊᕐᓗᑎᑦ ᐃᓄᖁᑎᖏᓐᓄᑦ ᐃᓴᕆᐊᓕᒥᐅᓄᑦ; ᒫᓐᓇ ᑍᒤᒻᒪᑦ ᐊᑕᓂᐅᑉ ᐅᖃᐅᓯᖏᑦ ᓈᓚᓕᒃᑭᑦ. 2#ᒨᓯᓯ ᐂᑉᐸᖏᑦ 17:8-14; ᒨᓯᓯ ᑕᓪᓕᒪᖏᑦ 25:17-19.ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐃᒫᒃ ᐅᖃᕐᐳᖅ, ‘ᐊᒪᓕᑬᒥᐅᑦ ᓱᒋᐊᕈᒪᕙᒃᑲ ᐱᓂᐊᕐᓂᕆᓚᐅᕐᑕᖏᑦ ᐃᓴᕆᐊᓕᒥᐅᓄᑦ, ᐊᑭᕋᕐᑐᓚᐅᕐᒪᑕ ᐄᑦᔨᑉᑎᒥᑦ ᐊᐅᓪᓚᕐᑎᓪᓗᒋᑦ. 3ᒫᓐᓇ ᐅᓇᑕᕆᐊᓕᕆᑦ ᐊᒪᓕᒃᒧᑦ, ᐱᖁᑎᓕᒫᖏᓪᓗ ᐊᓯᕈᕐᓗᒋᑦ; ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᑦᑍᓕᒃᑭᑦ, ᑐᖁᒃᑭᑦ ᐊᖑᑎᑦ ᐊᕐᓁᓪᓗ, ᓱᕈᓰᑦ ᐊᒫᒪᒃᑐᓪᓗ, ᑐᒃᑐᕙᖁᑎᖏᑦ ᓰᐱᖁᑎᖏᓪᓗ, ᑳᒥᓕᖁᑎᖏᑦ ᓯᐅᑎᖅᑯᕐᑐᔪᖁᑎᖏᓪᓗ.’”
4ᑕᕝᕙ ᓴᐅᓕᐅᑉ ᐃᓄᐃᑦ ᑲᑎᑎᑉᐰᑦ ᓈᓴᕐᓗᒋᓪᓗ ᑎᓔᒻᒥ, 200,000ᓴᐅᕗᑦ ᐅᓇᑕᕐᑏᑦ ᐱᓱᒃᑏᑦ ᐃᓴᕆᐊᓕᒥᐅᑦ, 10,000ᓴᐅᕗᓪᓗ ᐊᖑᑏᑦ ᔫᑕᒥᐅᑦ. 5ᓴᐅᓕᓗ ᑎᑭᑉᐳᖅ ᐊᒪᓕᒃᒥᐅᑦ ᐃᒡᓗᒐᓴᖏᓐᓄᑦ, ᐅᑕᖅᑭᓕᕐᓗᓂᓗ ᓇᕐᓴᒥ. 6ᓴᐅᓕᐅᓪᓗ ᑭᓁᑎᒥᐅᑦ ᐅᖃᐅᑎᕔᑦ, “ᐊᐅᓪᓚᕆᑦᓯ ᐊᒪᓕᑬᒥᐅᓂᑦ ᑐᖁᑕᐅᖁᓇᓯ, ᐃᓴᕆᐊᓕᒥᐅᑦ ᐃᓄᖏᓐᓄᑦ ᑐᓐᖓᓇᓚᐅᕋᑦᓯ ᐄᑦᔨᑉᑎᒥᑦ ᐊᐅᓪᓚᕐᑎᓪᓗᒋᑦ.” ᑍᒤᒻᒪᑦ ᑭᓁᒥᐅᑦ ᐊᐅᓪᓚᓚᐅᕐᐳᑦ ᕿᒤᓪᓗᑎᒃ ᐊᒪᓕᑬᑎᓂᒃ.
7ᓴᐅᓕᐅᓪᓗ ᐅᓇᑕᕐᐰᑦ ᐊᒪᓕᑬᑎᑦ ᓵᓚᒋᓪᓗᒋᑦ, ᐱᒋᐊᕐᓗᓂ ᕼᐊᕕᓚᒥᑦ ᓲᕆ ᑎᑭᓪᓗᒍ, ᐄᑦᔨᑉᑎᒥᑦ ᓯᕿᓂᐅᑉ ᓄᐃᕕᐊᓃᑦᑐᒧᑦ. 8ᐋᒑᒡ ᑎᒍᕚ ᐊᒪᓕᑬᑎᒃᑯᑦ ᐊᖓᔪᖅᑳᕐᔪᐊᖓ ᑐᖁᓐᓇᓂᐅᒃ, ᐃᓄᓕᒫᖏᓪᓗ ᓄᖑᑦᓯᐊᕐᐰᑉ ᓴᕕᒡᔪᐊᒧᑦ. 9ᓴᐅᓕᐅᓪᓕ ᐃᓚᖏᑕᓗ ᐋᒑᒡ ᑐᖁᓐᖏᓛ, ᓰᐱᓪᓗ ᐱᐅᓂᕐᐹᖏᑦ, ᐃᒻᒧᒃᓯᐅᒊᓪᓗ, ᖁᐃᒃᓯᓴᕐᓯᒪᔪᓪᓗ ᓰᐱᐅᑉ ᓄᕐᕋᖏᑦ, ᐊᓯᖏᓪᓗ ᐱᐅᔫᑏᑦ, ᐊᓯᕈᕈᒪᓚᐅᓐᖏᓔᑦ; ᐊᓯᖏᓪᓕ ᐱᐅᖏᑦᑐᑦ ᐊᑑᑎᒃᓴᖃᖏᑦᑐᓪᓗ ᐊᓯᕈᕐᐰᑦ.
10ᑕᕝᕙ ᐊᑕᓂᐅᑉ ᐅᖃᐅᓯᖓ ᑎᑭᑉᐳᖅ ᓴᒧᐃᓕᒧᑦ, ᐅᖃᕐᓗᓂ, 11“ᐅᒡᒍᐊᕐᐳᖓ ᓴᐅᓕ ᐊᖓᔪᖅᑳᕐᔪᐊᕈᕐᑎᓚᐅᕋᒃᑯ; ᐅᕙᓐᓂᒃ ᕿᒤᖕᒪᑦ ᒪᓕᒍᓐᓃᕐᓗᓂ, ᐱᖁᔨᑦᔪᑎᒋᔭᒃᑲᓗ ᑲᔪᓯᑎᓚᐅᖏᒻᒪᒋᑦ.” ᑕᒪᓐᓇ ᓴᒧᐃᓕᐅᑉ ᓂᓐᖓᒍᑎᒋᕚ; ᐊᑕᓂᕐᒧᓪᓗ ᕿᓄᓪᓗᓂ ᕿᐊᕗᖅ ᐅᓐᓄᐊᓕᒫᖅ. 12ᐅᓪᓛᒻᒪᕆᒃᑯᓪᓗ ᓴᒧᐃᓕ ᒪᑭᑉᐳᖅ ᓴᐅᓕ ᑲᑎᔭᕐᑐᓕᕐᓗᒍ; ᓴᒧᐃᓕᓗ ᐅᖃᐅᑦᔭᐅᕗᖅ, “ᓴᐅᓕ ᐂᕗᖅ ᑳᕐᒥᐅᓪᒧᑦ, ᓴᓇᓪᓗᓂᓗ ᐃᓄᓐᖑᐊᒥᒃ ᐃᒻᒥᓂᓐᖑᐊᒥᒃ; ᑕᕝᕙᓐᖓᓪᓗ ᑲᔪᓯᓪᓗᓂ ᐊᒻᒧᐊᒃᐳᖅ ᒋᐅᓪᒐᐅᓪᒧᑦ.” 13ᓴᒧᐃᓕᓗ ᓴᐅᓕᒧᐊᕐᐳᖅ, ᓴᐅᓕᐅᓪᓗ ᐅᖃᐅᑎᕚ, “ᓮᒻᒪᕐᑎᑕᐅᒋᑦ ᐊᑕᓂᕐᒥᑦ ᐱᔪᑎᑦ; ᐊᑕᓂᐅᑉ ᐱᖁᔨᑦᔪᑎᒋᓚᐅᕐᑕᖏᑦ ᑲᔪᓯᑎᓚᐅᕐᐸᒃᑲ.”
14ᓴᒧᐃᓕᓕ ᐅᖃᕐᐳᖅ, “ᓱᓁᓪᓖᒃᑯᐊ ᓯᐅᑎᓐᓄᑦ ᑐᓴᕐᓴᐅᕙᑦ ᓰᐱᑦ ᓂᑦᔮᕙᓗᖏᑦ, ᐃᒻᒧᒃᓯᐅᒊᓪᓗ ᓂᓪᓕᐊᓂᖏᑦ ᑐᓵᔭᒃᑲ?”
15ᓴᐅᓕ ᐅᖃᕐᐳᖅ, “ᑖᒃᑯᐊ ᐊᒪᓕᑬᑎᓂᑦ ᐱᔭᐅᓯᒪᔪᑦ; ᐃᓄᐃᑦ ᑐᖁᑦᓯᓚᐅᓐᖏᓚᑦ ᐱᐅᓂᕐᐹᓂᒃ ᓰᐱᓂᒃ ᐃᒻᒧᒃᓯᐅᒐᓂᒡᓗ, ᑐᓂᕐᕈᑎᒃᓴᐅᖁᓪᓗᒋᑦ ᐊᑕᓂᕐᒧᑦ ᒎᑎᖕᓄᑦ; ᐊᓯᓕᒫᖏᓪᓕ ᓄᖑᑦᓯᐊᕐᓗᒋᑦ ᐊᓯᕈᓚᐅᕐᐸᕗᑦ.”
16ᑕᕝᕙ ᓴᒧᐃᓕ ᓴᐅᓕᒧᑦ ᐅᖃᕐᐳᖅ, “ᓂᐱᖃᓐᖏᓚᐅᕆᑦ! ᐅᖃᐅᑎᓂᐊᕐᐸᒋᑦ ᐊᑕᓂᐅᑉ ᐅᓐᓄᒃ ᐅᖃᐅᓯᕆᓚᐅᕐᑕᖓᓂᒃ ᐅᕙᓐᓄᑦ.” ᐅᖃᐅᑎᕚᓗ, “ᐊᑏ ᐅᖃᓕᕆᑦ.”
17ᓴᒧᐃᓕᓗ ᐅᖃᕐᐳᖅ, “ᒥᑭᔫᑎᓪᓗᑎᑦ ᐃᔨᕕᑦ ᓵᖓᓂ, ᐊᖓᔪᖅᑳᖑᓐᖏᓚᑏᑦ ᐃᓴᕆᐊᓕᒥᐅᑦ ᑭᖑᕚᖏᓐᓅᑦ? ᐊᑕᓂᐅᑉ ᐅᕐᓱᕐᑎᓚᐅᕐᐹᑎᑦ ᐊᖓᔪᖅᑳᕐᔪᐊᖑᖁᓪᓗᑎᑦ ᐃᓴᕆᐊᓕᒥᐅᓄᑦ. 18ᐊᑕᓂᐅᓪᓗ ᑎᓕᓚᐅᕐᐹᑎᑦ ᐱᔭᒃᓴᖃᖁᓪᓗᑎᑦ ᐅᖃᕐᓗᓂ, ‘ᐊᐅᓪᓚᕆᑦ, ᐊᔪᕐᑐᓕᔪᑦ ᐊᓯᕈᕆᐊᕐᑐᒃᑭᑦ ᓄᖑᑦᓯᐊᕐᓗᒋᑦ, ᐊᒪᓕᑬᒥᐅᑦ ᐅᓇᑕᕐᓂᐊᕐᐸᑎᑦ ᓄᖑᓚᐅᖅᑳᕐᑎᓐᓇᒋᑦ.’ 19ᓱᖕᒪᓪᓕ ᓈᓚᓚᐅᓐᖏᓚᑎᑦ ᐊᑕᓂᐅᑉ ᓂᐱᖓᓂᒃ? ᓱᖕᒪᓪᓗ ᐊᓯᕈᕐᑐᒃᓮᑦ ᑎᒍᓚᐅᕐᐱᒋᑦ, ᐊᔪᕐᑐᓕᓪᓗᑎᓪᓗ ᐊᑕᓂᐅᑉ ᓵᖓᓂ?”
20ᓴᐅᓕᓗ ᐅᖃᕐᐳᖅ ᓴᒧᐃᓕᒧᑦ, “ᓈᓚᓚᐅᕐᐳᖓᓕ ᐊᑕᓂᐅᑉ ᓂᐱᖓᓂᒃ, ᐊᑕᓂᐅᑉ ᑎᓕᓯᓂᖓ ᒪᓕᒡᓗᒍ ᐱᓇᓱᐊᕆᐊᕐᑐᓚᐅᕐᐳᖓ, ᐅᑎᐅᑎᓚᐅᕐᐸᕋᓗ ᐋᒑᒡ ᐊᒪᓕᑬᒃᑯᑦ ᐊᖓᔪᖅᑳᕐᔪᐊᖓᑦ, ᐊᒪᓕᑬᒥᐅᓪᓗ ᐊᓯᕈᕐᓗᒋᑦ ᓄᖑᑦᓯᐊᓚᐅᕐᐸᒃᑲ. 21ᐃᓄᐃᓪᓕ ᑎᒍᓯᓚᐅᕐᐳᑦ ᐱᐅᓂᕐᐹᓂᒃ ᓰᐱᓂᒃ ᐃᒻᒧᒃᓯᐅᒐᓂᒡᓗ ᐊᓯᕈᕐᑐᒃᓴᓂᑦ, ᑐᓂᕐᕈᑎᒃᓴᐅᖁᓪᓗᒋᑦ ᐊᑕᓂᕐᒧᑦ ᒎᑎᖕᓄᑦ ᒋᐅᓪᒐᐅᓪᒥ.”
22ᓴᒧᐃᓕᓗ ᐅᖃᕐᐳᖅ, “ᐊᑕᓂᖅ ᖁᕕᐊᒋᔭᖃᕐᓂᕐᓴᐅᕚ ᑐᓂᕐᕈᑎᒃᓴᓂᒃ ᐆᑕᒃᓴᓂᒃ, ᓈᓚᖕᓂᕐᒥᒃ ᐊᑕᓂᐅᑉ ᓂᐱᖓᓂᑦ? ᑕᑯᒋᑦ, ᓈᓚᖕᓂᖅ ᐱᓪᓚᕆᐅᓂᕐᓴᐅᕗᖅ ᑐᓂᕐᕈᑎᓂᑦ, ᓰᐲᑦ ᐊᖑᓴᓪᓗᖏᑕ ᖁᐃᓂᔪᑦ ᑐᓂᕐᕈᑕᐅᓂᖏᓐᓂᑦ. 23ᐊᑭᕋᕐᑐᕐᓂᖅ ᐊᔪᕐᓂᐅᕗᖅ ᐊᖓᒃᑰᓇᓱᐊᕐᑐᑎᑐᑦ, ᓯᑎᔫᓂᕐᓗ ᐱᐅᖏᑦᑐᓕᓂᐅᕗᖅ ᒎᑎᓐᖑᐊᖃᕐᑐᑎᑐᑦ. ᓇᕐᕈᓚᐅᕋᕕᑦ ᐊᑕᓂᐅᑉ ᐅᖃᐅᓯᖓᓂᒃ, ᑍᒫᒃᑕᐅᖅ ᓇᕐᕈᒋᓕᕐᐹᑎᑦ ᐊᖓᔪᖅᑳᕐᔪᐊᖑᓂᕐᓂᑦ.”
24ᓴᐅᓕᓗ ᐅᖃᓕᕐᐳᖅ ᓴᒧᐃᓕᒧᑦ, “ᐊᔪᕐᑐᓕᓚᐅᕐᐳᖓ; ᐊᑕᓂᐅᑉ ᐅᖃᐅᓯᖏᑦ ᓱᕋᓚᐅᕐᐸᒃᑲ ᐅᖃᐅᓯᕐᑎᓪᓗ, ᐃᓄᖕᓂᒃ ᓯᕘᕋᓚᐅᕋᒪ ᓂᐱᖏᓪᓗ ᓈᓚᖔᓕᓚᐅᕋᒃᑭᑦ. 25ᒫᓐᓇᓕ ᑍᒤᒻᒪᑦ, ᑐᒃᓯᐊᕐᐳᖓ ᐊᔪᕐᓂᓐᓂᑦ ᐃᓱᒪᒋᔪᓐᓁᕐᕕᒋᓐᖓ, ᐅᑎᖃᑎᒋᓗᖓᓗ, ᐊᑕᓂᕐᒧᑦ ᑐᒃᓯᐊᕈᓐᓇᖁᓪᓗᖓ.”
26ᓴᒧᐃᓕᓗ ᐅᖃᕐᐳᖅ ᓴᐅᓕᒧᑦ, “ᐅᑎᖃᑎᒋᓂᐊᓐᖏᓚᒋᑦ; ᐊᑕᓂᐅᑉ ᐅᖃᐅᓯᖓᓂᒃ ᓇᕐᕈᓚᐅᕋᕕᑦ, ᐊᑕᓂᐅᓪᓗ ᓇᕐᕈᒋᓕᕐᐹᑎᑦ ᐊᖓᔪᖅᑳᕐᔪᐊᖑᓂᕐᓂᒃ ᐃᓴᕆᐊᓕᒥᐅᓄᑦ.”
27 #
ᓴᒧᐃᓕ ᓯᕗᓪᓖᑦ 28:17; ᐊᑕᓃᑦ ᓯᕗᓪᓖᑦ 11:30,31. ᓴᒧᐃᓕ ᑐᓄᓪᓗᓂ ᕿᒪᕉᑎᓕᕐᑎᓪᓗᒍ, ᓴᐅᓕᐅᑉ ᓴᒧᐃᓕᐅᑉ ᐅᓕᒡᔪᐊᖓ ᓯᓈᒍᑦ ᑎᒍᕚ, ᐊᓕᒃᐳᕐᓗ. 28ᓴᒧᐃᓕᐅᓪᓗ ᐅᖃᐅᑎᕚ, “ᐊᑕᓂᐅᑉ ᐃᓴᕆᐊᓕᒥᐅᓄᑦ ᐊᖓᔪᖅᑲᐅᕖᑦ ᐊᓕᒃᐹ ᐅᓪᓗᒥ, ᑐᓂᓪᓗᒍᓗ ᓯᓚᖅᑲᑎᖕᓄᑦ, ᐃᓕᖕᓂᑦ ᐱᐅᓂᕐᓴᐅᔪᒧᑦ. 29ᐃᓴᕆᐊᓕᒥᐅᓪᓗ ᓲᖑᑦᔪᑎᖓ ᓴᒡᓗᓂᐊᓐᖏᓚᖅ ᖃᕿᐊᓕᕐᓂᐊᕋᓂᓗ; ᑖᓐᓇ ᐃᓄᒃᑎᑑᓐᖏᒻᒪᑦ ᖃᕿᐊᓕᖃᑦᑕᕆᐊᓕᒃᑎᑐᑦ.”
30ᑕᕝᕙ ᐅᖃᓕᕐᐳᖅ, “ᐊᔪᕐᑐᓕᓚᐅᕐᐳᖓ; ᐅᐱᒋᓚᐅᓐᖓᓕ, ᐃᓄᐃᑦ ᐊᖓᔪᖅᑳᖏᑕ ᓵᖓᓂ ᐃᓴᕆᐊᓕᒥᐅᓪᓗ ᓵᖏᓐᓂ, ᐅᑎᖃᑎᒋᓚᐅᓐᖓ, ᑐᒃᓯᐊᕈᓐᓇᖁᓪᓗᖓ ᐊᑕᓂᕐᒧᑦ ᒎᑎᖕᓄᑦ.” 31ᑕᕝᕙ ᓴᒧᐃᓕᐅᑉ ᓴᐅᓕ ᐅᑎᖃᑎᒋᓕᕐᐹ, ᓴᐅᓕᓗ ᑐᒃᓯᐊᕐᐳᖅ ᐊᑕᓂᕐᒧᑦ.
32ᑕᕝᕙ ᓴᒧᐃᓕ ᐅᖃᕐᐳᖅ, “ᐊᖓᔪᖅᑳᕐᔪᐊᖅ ᐋᒑᒡ ᐊᒪᓕᑬᒥᐅᑕᖅ ᕾᑎᑕᐅᓕ ᐅᕙᓐᓄᑦ.” ᐂᒑᒡ ᑕᕝᕙ ᐂᕗᖅ ᑖᑦᓱᒧᖓ ᖁᕕᐊᓱᒡᓗᓂ. ᐅᖃᕐᓗᓂᓗ, “ᑐᖂᑉ ᖃᓯᓕᓇᕐᓂᖓ ᐊᓂᒍᕐᐳᖅ.” 33ᓴᒧᐃᓕᓗ ᐅᖃᕐᐳᖅ, “ᓴᕕᒡᔪᐊᕕᑦ ᐊᕐᓁᑦ ᕿᑐᕐᖏᓱᐃᑦᑑᑎᓚᐅᕐᒪᒋᑦ, ᐊᓈᓁᑦᑕᐅᖅ ᕿᑐᕐᖓᖃᕐᓂᐊᕈᓐᓃᕐᐳᖅ ᐊᕐᓁᑦ ᐊᑯᕐᖓᓐᓂ.” ᓴᒧᐃᓕᐅᓪᓗ ᐋᒑᒡ ᐊᕕᒃᑐᕐᐹ ᐅᓄᕐᑑᓕᓗᒍ ᐊᑕᓂᐅᑉ ᓵᖓᓂ ᒋᐅᓪᒐᐅᓪᒥ.
34ᓴᒧᐃᓕᓗ ᑕᕝᕙ ᕌᒪᒧᐊᕐᐳᖅ; ᓴᐅᓕ ᑕᑉᐸᐅᖓ ᐊᖏᕐᕋᒥᓄᐊᕐᑎᓪᓗᒍ ᒋᐱᐊᒧᑦ. 35ᓴᒧᐃᓕᐅᓪᓗ ᓴᐅᓕ ᑕᑯᒃᑲᓐᓂᓚᐅᕈᓐᓃᕐᐹ ᑐᖁᓚᐅᖅᑳᕐᑎᓐᓇᒍ, ᓴᒧᐃᓕᐅᓪᓕ ᓴᐅᓕ ᕿᒃᓵᒍᑎᒋᓚᐅᕐᐹ. ᐊᑕᓂᕐᓗ ᐅᒡᒍᐊᓕᓚᐅᕐᐳᖅ ᓴᐅᓕᒥᒃ ᐊᖓᔪᖅᑳᕐᔪᐊᕈᕐᑎᑦᓯᓚᐅᕐᓂᕐᒥᓂᒃ ᐃᓴᕆᐊᓕᒥᐅᓄᑦ.
Currently Selected:
ᓴᒧᐃᓕ ᓯᕗᓪᓖᑦ 15: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
