ᐲᑦᑐᕉᓯ ᓯᕗᓪᓖᑦ 3
3
ᐂᑉᐸᕇᓄᑦ
1 #
ᐃᐱᓯ 5:22; ᑯᓘᓯ 3:18. ᑍᒫᒃᑕᐅᖅ ᐊᕐᓇᐅᔪᓯ, ᐅᐃᑦᓯᓐᓄᑦ ᑐᓂᓯᒪᑦᓯᐊᕆᑦᓯ, ᐃᓚᖏᑦ ᒎᑎᐅᑉ ᐅᖃᐅᓯᖏᓐᓂᒃ ᐅᒃᐱᖏᑦᑐᑦ, ᐅᒃᐱᓕᖁᓪᓗᒋᑦ ᐅᐃᓖᑦ ᐃᓕᖅᑯᓯᖏᑦ ᐱᑦᔪᑎᒋᓗᒋᑦ ᐅᖃᓪᓚᖕᓂᒃᑯᑐᐃᓐᓇᐅᖏᑦᑐᖅ, 2ᑕᑯᓕᕈᑎᒃ ᑲᒪᑦᓯᐊᕐᓂᑦᓯᓐᓂᒃ ᐃᒃᓯᒎᕐᓂᕐᒥᒡᓗ ᐊᑐᖏᓐᓂᑦᓯᓐᓂᒃ. 3#1 ᑎᒧᑎ 2:9.ᑕᐅᑦᑐᓯᒍᑦ ᐱᐅᓴᕐᓯᒪᓗᓯ ᐱᐅᒋᔭᐅᑎᓐᓇᓱᐊᕐᑐᒃᓴᐅᓐᖏᓚᓯ ᓄᔭᓯ ᐱᐅᓴᕐᓗᒋᑦ, ᑕᑯᒥᓇᕐᓴᐅᑎᓂᒡᓗ ᒎᓗᓂᒃ ᐊᑐᕐᓗᓯ, ᐊᓐᓄᕌᑦᓯᐊᓂᒡᓗ ᐱᐅᓴᐅᑎᖃᕐᓗᓯ, 4ᐱᐅᓂᓯ ᐃᔨᕐᓯᒪᔪᒃᓴᐅᕗᖅ ᐃᓗᑦᓯᓐᓂ ᐊᓯᕈᔪᐃᑦᑑᓗᓂ ᑕᑯᒥᓇᕈᑎᖃᕐᓗᓂ ᐃᓅᖃᑎᑦᓯᐊᕙᐅᓂᕐᒥᒃ ᐅᐃᒪᔮᖏᑦᑐᒥᒡᓗ ᐊᓂᕐᓂᕐᒥᒃ, ᑕᒪᓐᓇ ᒎᑎᐅᑉ ᓵᖓᓂ ᐱᓐᓇᕐᓇᕐᑐᕐᔪᐊᖑᖕᒪᑦ. 5ᑍᒫᒃᑕᐅᖅ ᐊᕐᓁᑦ ᐃᑦᔪᕐᓁᑦᑑᓚᐅᕐᑐᑦ ᒎᑎᒧᑦ ᑕᑎᖃᕐᓗᑎᒃ ᐃᒻᒥᖕᓂᒃ ᐅᐱᓐᓇᕐᓯᑎᓚᐅᕐᐳᑦ ᐅᐃᒥᖕᓄᓪᓗ ᑐᓂᓯᒪᑦᓯᐊᕐᓗᑎᒃ. 6#ᒨᓯᓯ ᓯᕗᓪᓖᑦ 18:12.ᓵᕋ ᐂᑉᕋᕼᐋᒻᒥᒃ ᓈᓚᑦᓯᐊᓚᐅᕐᐳᖅ, ᑍᓪᓗᓂᐅᒡᓗ ᐊᑕᓂᕐᒥᓂᒃ. ᑖᑦᓱᒧᖓ ᐸᓂᒋᔭᐅᓕᕐᐳᓯ ᐱᐅᔪᒥᒃ ᐱᑦᓯᐊᕈᑦᓯ ᓱᓇᒥᒡᓘᓐᓃᑦ ᑲᑉᐱᐊᓇᕐᑐᓂᒃ ᑲᑉᐱᐊᓱᖏᓪᓗᓯ.
7 #
ᐃᐱᓯ 5:25; ᑯᓘᓯ 3:19. ᑍᒫᑦᓮᓐᓇᕐᑕᐅᖅ ᐅᐃᖑᔪᓯ, ᓄᓕᐊᓯ ᐃᓅᖃᑎᒋᑦᓯᐊᒐᒃᓴᕆᕙᓯ, ᐅᐱᒋᑦᓯᐊᕐᓗᒋᓪᓗ ᑎᒥᒥᒃᑎᒍᑦ ᓴᓐᖐᓐᓂᕐᓴᐅᖕᒪᑕ, ᑖᒃᑯᐊᑦᑕᐅᖅ ᐱᑎᑕᐅᖃᑎᒋᔪᒫᕋᑦᓯᐅᒃ ᒎᑎᐅᑉ ᐱᔪᓐᓇᕐᓯᑎᑦᓯᓂᖓᓂᒃ ᐃᓅᓯᕐᒥᒃ, ᑍᒤᓕᐅᕐᑐᒃᓴᐅᕗᓯ ᑐᒃᓯᐊᖃᑦᑕᕐᓂᓯ ᐊᒡᕕᐊᕐᑕᐅᖁᓇᒋᑦ.
ᐊᒃᓱᕈᕐᓇᑐᑰᕐᑎᑕᐅᓂᖅ ᓈᒻᒪᑦᓯᐊᕐᑐᒥᒃ ᐱᓇᓱᐊᕐᓂᕐᒧᑦ
8ᑭᖑᓪᓕᕐᐹᒥᒡᓕ, ᑕᒪᑦᓯ ᐊᑦᔨᒌᒃᑐᒥᒃ ᐃᓱᒪᖃᖃᑎᒌᒃᑐᒃᓴᐅᕗᓯ, ᐃᓚᑦᓱᒋᖃᑦᑕᐅᑎᓗᓯ, ᓇᒡᓕᒃᑎᒌᒡᓗᓯ ᐃᓚᒌᒃᑐᑎᑐᑦ, ᓈᒃᑭᒍᓱᒡᓗᓯ ᒥᑭᒡᓕᑎᕐᓯᒪᓗᓯᓗ. 9ᐱᐅᖏᑦᑐᖅ ᐊᑭᓂᐊᕐᑍᓕᓗᒍ ᐱᐅᖏᑦᑐᒧᑦ ᐅᕝᕙᓗ ᐅᖃᕐᓂᕐᓗᖕᓂᖅ ᐅᖃᕐᓂᕐᓗᖕᓂᕐᒧᑦ; ᓮᒻᒪᕐᑎᑕᐅᖁᔨᒋᑦᓯ, ᑕᒪᑐᒧᖓ ᕾᖁᔭᐅᓯᒪᒐᑦᓯ, ᓮᒻᒪᕐᑎᑕᐅᖁᓪᓗᓯᑦᑕᐅᖅ. 10#ᐃᓐᖏᕈᑦ 34:12-16.ᐊᒡᓔᑦ ᐅᖃᕐᒪᑕ,
“ᐃᓄᒃ ᐃᓅᓯᕐᒥᓂ ᐃᓅᑦᓯᐊᕈᒪᒍᓂ
ᖁᕕᐊᓇᕐᑐᓂᒡᓗ ᐃᓅᓯᕐᒥᓂ ᑕᑯᔪᒪᒍᓂ,
ᐅᖃᐅᓯᕐᓗᖕᒥᒃ ᐅᖃᕐᑍᓕᔪᒃᓴᐅᕗᖅ ᓴᒡᓗᑦᑍᓕᓗᓂᓗ;
11ᐊᔪᕐᓂᕐᒥᒃ ᑐᓄᐃᓗᓂ ᐊᑲᐅᔪᒥᒃ ᐃᓅᓯᖃᓕᕐᓕ;
ᓮᒪᓂᕐᒥᒃ ᕿᓂᕐᑐᒃᓴᐅᕗᖅ ᐱᓇᓱᐊᓪᓚᕆᒡᓗᒍ.
12ᐊᑕᓂᐅᑉ ᑕᑯᓐᓇᕐᐰᑦ ᐃᓗᐊᕐᑐᓕᔪᑦ,
ᑐᓵᓪᓗᒋᓪᓗ ᑐᒃᓯᐊᕐᓂᖏᑦ.
ᐱᐅᖏᑦᑐᒥᒃᓕ ᐱᓇᓱᐊᕐᑐᑦ ᐊᑕᓂᐅᑉ ᐊᓚᕐᐰᑦ.”
13ᑭᐊ ᐋᓐᓂᕈᓐᓇᕐᐹᑎᑦ ᐱᐅᔪᒥᒃ ᐃᓅᓯᖃᕈᒪᒍᕕᑦ? 14#ᒫᑎᐅᓯ 5:10.#ᐂᓮᐊᓯ 8:12,13.ᐊᒃᓱᕈᕐᑎᑕᐅᒐᓗᐊᕈᑦᓯ ᐃᓗᐊᕐᑐᓕᓂᖅ ᐱᑦᔪᑎᒋᓗᒍ, ᓮᒻᒪᕐᑎᑕᐅᓂᐊᕐᐳᓯ. ᓇᓪᓕᐊᓐᓂᒡᓘᓐᓃᑦ ᓯᕘᕋᓂᐊᕋᓯ, ᐃᓱᒪᔮᕐᓂᐊᕋᓯᓗ. 15ᐆᒻᒪᑎᑦᓯᒍᑦ ᙭ᔅᑑᓯ ᐅᐱᒋᑦᓯᐊᕐᓯᐅᒃ ᐊᑕᓂᕆᓗᒍᓗ. ᑍᒪᓐᖓᓕᒫᖅ ᐅᐸᓗᖕᒊᕐᓯᒪᓗᓯ ᓇᓗᓁᕐᓯᖁᔭᐅᒍᑦᓯ ᓂᕆᐅᖕᓂᕆᔭᑦᓯᓐᓂᒃ, ᑭᐅᑦᔪᑎᒋᔭᓯ ᓂᑲᒍᓱᖕᓂᖃᕐᓗᑎᒃ ᐅᐱᒍᓱᖕᓂᖃᑦᓯᐊᖁᓪᓗᒋᑦ; 16ᐃᓱᒪᑦᓯᒍᑦ ᐸᓯᔭᐅᑦᔪᑎᖃᕐᑍᓕᓗᓯ, ᐅᖃᕐᓂᕐᓘᑎᒋᔭᐅᓕᕈᑦᓯ, ᐊᑭᕋᕐᑐᕋᓱᒃᑐᑦ ᙭ᔅᑑᓯᒥ ᐱᑦᓯᐊᕐᓂᑦᓯᓐᓂᒃ ᑕᑯᓕᕈᑎᒃ ᑲᓐᖑᓱᖁᓪᓗᒋᑦ. 17ᒎᑎᓕ ᑍᒤᖁᔨᒃᐸᑦ, ᓈᒻᒪᖕᓂᕐᓴᐅᕗᖅ ᐊᒃᓱᕈᕐᑎᑕᐅᒍᑦᓯ ᐱᐅᔪᒥᒃ ᐱᓇᓱᐊᕐᓂᑦᓯᓐᓄᑦ, ᓈᒻᒪᖏᑦᑐᓕᓂᑦᓯᓐᓄᑦ ᓵᑕᐅᒐᔭᕐᓂᑦᓯᓐᓂᑦ. 18᙭ᔅᑑᓯᑦᑕᐅᖅ ᐊᑕᐅᓯᐊᕐᓗᓂ ᐋᓐᓂᐊᑎᑕᐅᓚᐅᕐᒪᑦ ᐊᔪᕐᓃᑦ ᐱᑦᔪᑎᒋᓪᓗᒋᑦ, ᐃᖢᐊᕐᑐᖅ ᐃᓗᐃᑦᑐᓕᔪᑦ ᐱᑦᔪᑎᒋᓪᓗᒋᑦ, ᒎᑎᒧᑦ ᐱᑎᑦᓱᒪᓪᓗᑕ, ᑎᒥᒥᒍᑦ ᑐᖁᑕᐅᓚᐅᕐᐳᖅ ᐊᓂᕐᓂᒃᑯᓪᓕ ᐆᒻᒪᕐᑎᑕᐅᓚᐅᕐᐳᖅ; 19ᐊᓂᕐᓂᕐᒦᓪᓗᓂ ᐊᔪᕆᕐᑐᐃᓚᐅᕐᐳᖅ ᑎᒍᔭᐅᓯᒪᕕᖕᒦᑦᑐᓄᑦ ᐊᓂᕐᓂᕐᓄᑦ, 20#ᒨᓯᓯ ᓯᕗᓪᓖᑦ 6:1—7:24.ᑖᒃᑯᐊ ᐊᓂᕐᓃᑦ ᓈᓚᓚᐅᖏᑦᑐᑦ, ᒎᑎᐅᑉ ᐅᑕᖅᑭᓚᐅᕐᒪᒋᑦ ᕿᓄᐃᓵᕐᓗᓂ ᑍᑦᓱᒪᓂ ᓄᐊᖅ ᐅᒥᐊᕐᔪᐊᓕᐅᕐᑎᓪᓗᒍ, ᐃᓄᐃᑦ ᐅᓄᖏᑦᑐᑦ ᐱᐅᓕᔭᐅᓚᐅᕐᒪᑕ, ᓯᑕᒪᐅᔪᕐᑐᑐᐃᓐᓁᑦ ᐃᒫᓂᑦ ᐊᓐᓇᓚᐅᕐᐳᑦ, 21ᑕᒪᓐᓇ ᓇᓗᓁᒃᑯᑕᐅᕗᖅ ᐹᑉᑎᑕᐅᓂᕐᒧᑦ, ᐱᐅᓕᒃᓯᔪᒧᑦ ᐃᓕᑦᓯᓐᓂᒃ, ᑎᒥᐅᑉ ᐃᑉᐸᖕᓂᖓᓂᒃ ᓴᓗᒻᒪᕐᓴᐅᑕᐅᖏᑦᑐᖅ ᒎᑎᒧᓪᓕ ᐊᖏᒻᒪᕆᒍᑕᐅᕗᖅ ᐃᓱᒪᒃᑯᑦ ᐸᓯᔭᒃᓴᐅᓂᕐᒥᑦ, ᔩᓱᓯ ᙭ᔅᑑᓯᐅᑉ ᒪᑭᓐᓂᖓᒍᑦ, 22ᑖᓐᓇ ᕿᓚᓕᐊᓚᐅᕐᐳᖅ ᒫᓐᓇᓗ ᒎᑎᐅᑉ ᑕᓕᕐᐱᐊᓃᑉᐳᖅ, ᐂᖏᓖᓂᒃ ᐃᓚᖃᕐᓗᓂ, ᐱᔪᓐᓇᕐᑎᑕᐅᔪᑦ, ᐱᔪᓐᓇᕐᓃᓪᓗ ᑖᑦᓱᒥᖓ ᓈᓚᒐᖃᕐᐳᑦ.
Currently Selected:
ᐲᑦᑐᕉᓯ ᓯᕗᓪᓖᑦ 3: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
