ᐊᑕᓃᑦ ᓯᕗᓪᓖᑦ 8
8
ᐃᒃᓯᕕᒃ ᐊᖏᖃᑎᒌᒍᑎᓂᒃ ᐃᓗᓕᓕᐅᑉ ᐅᑎᕐᑎᑕᐅᓂᖓ ᑐᒃᓯᐊᕐᕕᒡᔪᐊᒧᑦ
ᑯᕉᓂᑲ ᐂᑉᐸᖏᑦ 5:2—6:2
1 #
ᓴᒧᐃᓕ ᐂᑉᐸᖏᑦ 6:12-16; ᑯᕉᓂᑲ ᓯᕗᓪᓖᑦ 15:25-29. ᑕᕝᕙ ᓲᓗᒨᓂᐅᑉ ᑲᑎᖁᕔᑦ ᐊᖓᔪᖅᑳᕆᔭᐅᔪᓕᒫᑦ ᐃᓴᕆᐊᓕᒥ ᑭᖑᕚᖑᖃᑎᒌᓄᑦ ᐊᖓᔪᖅᑲᐅᔪᑦ, ᓯᕗᓕᕐᑏᓪᓗ ᑭᖑᕚᖑᖃᑎᒌᓄᑦ ᐊᖓᔪᖅᑳᖏᑦ ᐃᓴᕆᐊᓕᒥ, ᔨᕉᓴᓕᒧᐊᖁᓪᓗᓂᒋᑦ ᐊᑕᓂᐅᑉ ᐊᖏᖃᑎᒌᒍᑎᖏᑕ ᐃᒃᓯᕐᕕᖓ ᐂᔭᐅᖁᓪᓗᒍ ᑍᕕᑎᐅᑉ ᐃᒡᓗᒐᓴᖏᓐᓂᑦ ᓮᐅᓂᒥᑦ. 2#ᒨᓯᓯ ᐱᖓᔪᖏᑦ 23:34.ᐊᖑᑎᓕᒫᑦ ᐃᓴᕆᐊᓕᒥᐅᑦ ᑲᑎᕗᑦ ᐊᖓᔪᖅᑳᕐᔪᐊᑉ ᓲᓗᒨᓂᐅᑉ ᑲᑎᖁᔨᓂᖓᓄᑦ ᓇᓪᓕᐅᓐᓂᕐᓯᐅᕐᕕᖕᒥ ᑕᖅᑭᒥ ᐃᑖᓂᒥ, ᑕᖅᑮᑦ 7ᖓᓐᓂ. 3ᑖᒃᑯᐊ ᐊᖓᔪᖅᑳᓕᒫᑦ ᐃᓴᕆᐊᓕᒥᐅᓄᑦ ᑲᑎᖕᒪᑕ, ᐃᒃᓯᕐᕕᒃ ᑐᓂᕐᕈᓯᕐᑎᑦᓯᔨᓄᑦ ᑭᕕᒃᑕᐅᕗᖅ. 4ᐊᒃᔭᕐᑕᐅᓕᕐᓗᓂᓗ ᑖᒃᑯᓄᖓ ᐊᑕᓂᐅᑉ ᐃᒃᓯᕐᕕᖓ, ᑐᐱᕐᔪᐊᕐᓗ, ᐃᓗᓕᖁᑏᓪᓗ ᐃᑦᔪᕐᓁᑦᑐᑦ ᑐᐱᕐᔪᐊᕐᒥᐅᑍᑦ; ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᓇᒃᓴᓚᐅᕐᐰᑦ. 5ᐊᖓᔪᖅᑳᕐᔪᐊᖅ ᓲᓗᒨᓂ ᐃᓄᓕᒫᑦ ᐃᓴᕆᐊᓕᒥᐅᑦ ᐃᓚᒋᓪᓗᒋᑦ, ᑲᑎᔭᕐᑐᕐᓯᒪᔪᓕᒫᑦ, ᐊᑕᓂᐅᑉ ᐃᒃᓯᕐᕕᖓᑕ ᓯᕗᕌᓄᐊᕐᓗᑎᒃ ᑐᓂᕐᕈᓯᕐᐳᑦ ᓰᐱᓂ ᐅᓄᕐᑐᐊᓗᖕᓂᒃ ᐃᒻᒧᒃᓯᐅᒐᕐᓂᒡᓗ ᓈᓴᕐᑕᐅᔭᕆᐊᒃᓴᖅ ᐅᓄᓗᐊᕐᑐᓂᒃ. 6ᑐᓂᕐᕈᓯᕐᑎᑦᓯᔩᓄᑦ ᐊᑕᓂᐅᑉ ᐊᖏᖃᑎᒌᒍᑎᖏᑕ ᐃᒃᓯᕐᕕᖓ ᐊᒡᔭᕐᑕᐅᕗᖅ ᑐᒃᓯᐊᕐᕕᒡᔪᐊᑉ ᐃᓗᐊᓄᑦ ᐃᓕᓪᓗᒍᓗ ᐃᓂᒃᓴᖓᓄᑦ ᐃᑦᔪᕐᓁᓐᓂᕐᐹᒧᑦ, ᓯᕈᐱᒻ ᐃᓴᕈᓖᒃ ᐊᑕᓄᑦ. 7ᑖᒃᑯᐊᒃ ᐃᓴᕈᖏᒃᑕ ᐃᓵᖓᓂᖏᒃᑕ ᐃᒃᓯᕕᒃ ᑕᓕᑎᑉᐹᒃ ᐊᑭᕋᐅᑎᖏᒡᓗ ᑕᑭᔪᑯᑖᒃ. 8ᑖᒃᑯᐊᒃ ᐊᑭᕋᐅᑎᖏᒃᑕ ᐃᓱᖏᒃ ᑕᑯᔭᐅᔪᓐᓇᕐᐴᒃ ᑕᑭᔫᖕᒪᑎᒃ ᐃᑦᔪᕐᓁᓐᓂᕐᐹᑉ ᐃᓗᐊᑕ ᑐᑭᐊᓂᑦ, ᓯᓚᑖᓂᑦ ᑕᑯᔭᐅᔪᓐᓇᓐᖏᓛᒃ; ᑖᒃᑯᐊᒡᓗ ᐊᑭᕋᐅᑏᒃ ᓱᓕ ᐅᓪᓗᒥ ᑍᑲᓃᑉᐳᒃ. 9#ᒨᓯᓯ ᑕᓪᓕᒪᖏᑦ 10:5.ᑖᓐᓇ ᐊᑕᓂᐅᑉ ᐃᒃᓯᕐᕕᖓ ᐃᓗᓕᖃᓚᐅᓐᖏᓚᖅ ᐅᔭᕌᒃ ᒪᕐᕉᒃ ᓵᑦᑐᔮᒃ ᐊᓯᖏᖕᓂᒃ, ᒨᓯᓯᐅᑉ ᐃᓕᓚᐅᕐᑕᖏᖕᓂᒃ ᖃᖅᑲᒥ ᕼᐆᕆᑉᒥ, ᐊᑕᓂᐅᑉ ᐊᖅᑲᕐᕕᒋᓚᐅᕐᑕᖓᓂ ᐃᓴᕆᐊᓕᑎᑦ ᐃᓄᖏᓐᓄᑦ ᐄᑦᔨᑉᑎᒥᑦ ᐊᐅᓪᓚᕐᓯᒪᓕᕐᑎᓪᓗᒋᑦ.
10 #
ᒨᓯᓯ ᐂᑉᐸᖏᑦ 40:34,35. ᑐᓂᕐᕈᓯᕐᑎᑦᓯᔩᑦ ᐊᓂᑎᓪᓗᒋᑦ ᐃᑦᔪᕐᓁᑦᑑᑉ ᐃᑦᔪᕐᓁᓐᓂᕐᐹᖓᓂᑦ, ᐊᑕᓂᐅᑉ ᐃᒡᓗᖓ ᓄᕗᔭᒥᒃ ᑕᑕᑕᐅᓚᐅᕐᐳᖅ. 11ᑐᓂᕐᕈᓯᕐᑎᑦᓯᔩᑦ ᐱᓇᓱᐊᕈᓐᓁᓪᓕᓚᐅᕐᐳᑦ ᐱᓇᓱᐊᕐᑕᒥᖕᓂᒃ ᓄᕗᔭ ᐱᑦᔪᑎᒋᓪᓗᒍ; ᐊᑕᓂᐅᑉ ᓂᕐᑐᕐᓇᕐᓂᖓᑕ ᑕᑕᓚᐅᕐᒪᒍ ᐊᑕᓂᐅᑉ ᐃᒡᓗᖓ. 12#ᐃᓐᖏᕈᑦ 18:11; 97:2.ᑕᕝᕙ ᓲᓗᒨᓂ ᐅᖃᕐᐳᖅ,
“ᐊᑕᓂᖅ ᐃᓕᓯᓯᒪᕗᖅ ᕿᓚᖕᒧᑦ ᓯᕿᓂᕐᒥᒃ,
ᐅᖃᕐᓯᒪᕗᕐᓕ ᐃᓂᖃᕈᒪᓪᓗᓂ ᓄᕗᔭᒥ ᑖᕐᑐᒥ.
13ᐱᐅᔪᒻᒪᕆᐊᓗᖕᒥᒃ ᐊᖏᒡᓕᑎᕐᑕᐅᕕᒃᓴᕐᓂᒃ ᓴᓇᓯᒪᕗᖓ ᐃᒡᓗᒃᓴᕐᓂᒃ,
ᐃᓂᒋᓂᐊᕐᑕᕐᓂᒃ ᐃᓱᖃᖏᑦᑐᒧᑦ.”
ᓲᓗᒨᓂᐅᑉ ᐅᖃᓪᓚᖕᓂᖓ ᐃᓄᖕᓄᑦ
ᑯᕉᓂᑲ ᐂᑉᐸᖏᑦ 6:3-11
14ᐊᖓᔪᖅᑳᕐᔪᐊᖅ ᓲᓗᒨᓂᐅᑉ ᐃᓄᐃᑦ ᓵᓪᓗᒋᑦ, ᐃᓴᕆᐊᓕᒥᐅᓕᒫᑦ ᑲᑎᒪᔪᑦ ᓮᒻᒪᕐᑎᑉᐰᑦ, ᐃᓄᐃᑦ ᓇᖏᕐᑎᓪᓗᒋᑦ. 15ᐅᖃᕐᓗᓂ, “ᐊᑕᓂᖅ ᓂᕐᑐᕐᑕᐅᓕ ᐃᓴᕆᐊᓕᒃᑯᑦ ᒎᑎᖓᑦ! ᐊᖏᕐᓂᕆᓚᐅᕐᑕᓂ ᑲᔪᓯᑎᒻᒪᒍ ᐊᑖᑕᓐᓄᑦ ᑍᕕᑎᒧᑦ ᐅᖃᓚᐅᕐᒪᑦ, 16#ᓴᒧᐃᓕ ᐂᑉᐸᖏᑦ 7:4-11; ᑯᕉᓂᑲ ᓯᕗᓪᓖᑦ 17:3-10.‘ᑍᒪᓐᖓᓂᑦ ᐃᓄᖁᑎᒃᑲ ᐃᓴᕆᐊᓕᒥᐅᑦ ᐊᐅᓪᓚᕐᑎᒐᒃᑭᑦ ᐄᑦᔨᑉᑎᒥᑦ, ᓂᕈᐊᓚᐅᓐᖏᓚᖓ ᐃᓴᕆᐊᓕᐅᑉ ᑭᖑᕚᖏᑕ ᐃᒡᓗᒐᓴᖏᓐᓂᒃ ᓇᓪᓕᐊᓐᓂᒃ, ᐊᑎᕋ ᐃᓂᖃᖁᓪᓗᒍ; ᑍᕕᑎᓕ ᓂᕈᐊᓚᐅᕐᐸᕋ ᐊᐅᓚᑦᓯᔨᐅᖁᓪᓗᒍ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ.’
17 #
ᓴᒧᐃᓕ ᐂᑉᐸᖏᑦ 7:1-3; ᑯᕉᓂᑲ ᓯᕗᓪᓖᑦ 17:1,2. “ᐊᑖᑕᒐ ᑍᕕᑎ ᑐᒃᓯᐊᕐᕕᒡᔪᐊᓕᐅᕈᒪᓪᓗᓂ ᓯᕗᓂᖃᕐᓯᒪᕗᖅ ᑐᒃᓯᐊᕐᕕᐅᒐᔭᕐᑐᒥᒃ ᐊᑕᓂᕐᒧᑦ ᐃᓴᕆᐊᓕᑎ ᒎᑎᖓᓄᑦ. 18ᐊᑕᓂᕐᓕ ᐅᖃᓚᐅᕐᐳᖅ ᑍᕕᑎᒧᑦ ᐊᑖᑕᓐᓄᑦ, ‘ᐆᒻᒪᒻᒥᐅᑕᖃᓚᐅᕋᕕᑦ ᐃᒡᓗᓕᐅᕆᔪᒪᓪᓗᑎᑦ ᐊᑎᓐᓂᒃ, ᓈᒻᒪᓈᓚᐅᕐᐳᑎᑦ ᐃᓱᒪᒋᔭᕐᓂᒃ; 19#ᓴᒧᐃᓕ ᐂᑉᐸᖏᑦ 7:12,13; ᑯᕉᓂᑲ ᓯᕗᓪᓖᑦ 17:11,12.ᑭᓯᐊᓂᓕ ᐃᒡᓗᓕᐅᕐᓂᐊᓐᖏᓚᑎᑦ, ᐃᕐᓂᕕᓪᓕ ᐃᕐᓂᕐᑖᕆᔪᒫᕐᑕᕕᑦ ᐊᑕᓂᐅᑉ ᐊᑎᖓ ᐃᒡᓗᓕᐅᕈᒫᕐᐹ.’
20“ᒫᓐᓇ ᐊᑕᓂᐅᑉ ᐊᖏᕐᓂᕆᓯᒪᔭᒥᓂᒃ ᓇᓚᐅᑦᓯᑎᑦᓯᓂᖓ ᓇᓪᓕᐅᑎᕗᖅ; ᐊᑖᑕᒐ ᑍᕕᑎ ᐃᓇᖏᕐᓗᒍ, ᐃᒃᓯᕙᐅᑕᖃᕐᓗᖓᓗ ᐃᓴᕆᐊᓕᒥᐅᑦ ᐃᒃᓯᕙᐅᑕᕐᔪᐊᖓᓂᒃ, ᐊᑕᓂᐅᑉ ᐊᖏᕐᓯᒪᓂᖓᓄᑦ, ᐃᒡᓗᓕᐅᓚᐅᕐᐳᖓ ᐊᑕᓂᐅᑉ ᐊᑎᖓᓄᑦ, ᐃᓴᕆᐊᓕᑎᑦ ᒎᑎᖓᓐᓄᑦ. 21ᓴᓇᔭᐅᑎᑦᓯᓯᒪᓪᓗᖓᓗ ᐃᓂᒃᓴᒥᒃ ᐊᑕᓂᐅᑉ ᐊᖏᖃᑎᒌᒍᑎᖏᑕ ᐃᒃᓯᕐᕕᖓᓄᑦ, ᐃᓗᓕᖃᕐᓗᓂ ᐊᑕᓂᐅᑉ ᓯᕗᓕᑦᑎᓐᓄᑦ ᐊᖏᖃᑎᒌᒍᑎᓕᐊᕆᓚᐅᕐᑕᖏᓐᓂᒃ, ᑍᑦᓱᒪᓂ ᐄᑦᔨᑉᑎᒥᑦ ᐊᐅᓪᓚᕐᑎᓐᓇᒥᒋᑦ.”
ᓲᓗᒨᓂᐅᑉ ᑐᒃᓯᐊᕐᓂᖓ
ᑯᕉᓂᑲ ᐂᑉᐸᖏᑦ 6:12-42
22ᓲᓗᒨᓂ ᐊᑕᓂᐅᑉ ᑐᓂᕐᕈᓯᕐᕕᖓᑕ ᓵᖓᓄᐊᕐᐳᖅ ᑲᑎᒪᔭᕐᑐᕐᓯᒪᔪᑦ ᐃᓴᕆᐊᓕᒥᐅᑦ ᓇᔪᕐᑕᖓᓐᓂ, ᖁᒻᒧᓪᓗ ᐃᓵᒃᐳᖅ ᐊᒡᒐᓂ ᐊᕕᑎᓪᓗᒋᑦ; 23ᐅᖃᕐᓗᓂᓗ, “ᐊᑕᓃᖅ ᐃᓴᕆᐊᓕᐅᑉ ᒎᑎᖓᑦ, ᐊᑦᔨᖕᓂᒃ ᒎᑎᑕᖃᓐᖏᓚᖅ, ᐹᓂ ᕿᓚᖕᒥ ᓄᓇᐅᓪᓗ ᐊᑖᓂ, ᐊᖏᖃᑎᒌᒍᑎᒋᓯᒪᔭᑎᑦ ᑲᔪᓯᑎᒃᑲᕕᒋᑦ ᓇᒡᓕᖕᓃᓪᓗ ᓱᖁᓯᔪᐃᑦᑐᖅ ᖃᐅᔨᔭᐅᑎᓪᓗᒍ ᐱᔨᖕᓄᑦ ᓈᓚᒃᑐᓄᑦ ᐆᒻᒪᑎᓕᒫᒥᖕᓄᑦ ᐃᓕᖕᓂᒃ; 24ᐊᖏᕐᓂᕆᔭᑎᓪᓗ ᓱᓕᑎᒃᑲᕕᒋᑦ ᐱᔨᖕᓄᑦ ᑍᕕᑎᒧᑦ ᐊᑖᑕᓐᓄᑦ: ᐅᖃᐅᓯᕆᓚᐅᕐᑕᑎᑦ ᐱᓇᓱᐊᕐᓂᕐᓄᑦ ᐅᓪᓗᒥ ᓇᓚᐅᑦᓯᑎᑉᐸᑎᑦ. 25#ᐊᑕᓃᑦ ᓯᕗᓪᓖᑦ 2:4.ᒫᓐᓇᓕ ᐊᑕᓃᖅ ᐃᓴᕆᐊᓕᑎᑦ ᒎᑎᖓᑦ, ᐊᑖᑕᓐᓄᑦ ᑍᕕᑎᒧᑦ ᓱᓕ ᐊᖏᕐᓂᕆᓯᒪᔭᕐᓂᒃ ᐊᓯᖏᓐᓂᒃ ᓇᓚᐅᑦᓯᑎᑦᓯᒃᑲᓐᓂᖁᓪᓗᑎᑦ, ᐅᖃᐅᑎᓚᐅᕋᕕᐅᒃ, ‘ᑍᒪᓐᖓᓕᒫᖅ ᑭᖑᕚᖏᑦ ᐊᖓᔪᖅᑳᕐᔪᐊᖑᖁᓪᓗᒋᑦ ᐃᓴᕆᐊᓕᒥ, ᑖᑦᓱᑐᓇᖅ ᓈᓔᓐᓇᕐᓂᖏᑦ ᒪᓕᒡᓗᒋᑦ.’ 26ᒫᓐᓇ, ᐃᓴᕆᐊᓕᑎᑦ ᒎᑎᖓᑦ, ᑕᒪᒃᑯᐊ ᓱᓕᑎᓚᐅᒃᑭᑦ ᐊᖏᕈᑎᒋᓯᒪᔭᑎᑦ ᐱᔨᖕᓄᑦ ᑍᕕᑎᒧᑦ ᐊᑖᑕᓐᓄᑦ.
27 #
ᑯᕉᓂᑲ ᐂᑉᐸᖏᑦ 2:6. “ᒎᑎ ᐃᓂᖃᕈᓐᓇᓪᓚᕆᒃᐹ ᓄᓇᒥ? ᑕᑯᒋᑦ, ᕿᓚᒃ ᕿᓚᐅᓪᓗ ᖁᑦᓯᖕᓂᕐᐹᖓ ᐃᓂᒋᒍᕕᐅᒃ ᒥᑭᓗᐊᕆᕙᑦ; ᐅᓇᓕ ᐃᒡᓗ ᓴᓇᔭᕋ ᑖᒃᑯᓇᓐᖓᑦ ᒥᑭᓐᓂᕐᓴᒻᒪᕆᐊᓘᕗᖅ? 28ᐱᔨᕕᑦ ᑐᒃᓯᐊᕐᓂᖓ ᐃᒃᐱᒋᒐᕕᐅᒃ ᑐᒃᓯᐅᑦᔨᓂᖓᓗ, ᐊᑕᓃᖅ ᒎᑎᒐ, ᑐᓵᓪᓗᑎᓪᓗ ᐱᔨᕕᑦ ᓂᓪᓕᐊᓂᖓᓂᒃ ᑐᒃᓯᐊᕐᓂᖓᓂᒡᓗ ᐃᓕᖕᓄᑦ ᐅᓪᓗᒥ. 29#ᒨᓯᓯ ᑕᓪᓕᒪᖏᑦ 12:11.ᑕᑯᓐᓈᖁᓪᓗᑎᑦ ᑕᕝᕗᖓ ᐃᒡᓗᒧᑦ ᐅᓐᓄᐊᒃᑯᑦ ᐅᓪᓗᒃᑯᓪᓗ, ᑖᑦᓱᒧᖓ ᐅᖃᐅᓯᖃᓚᐅᕋᕕᑦ, ‘ᐊᑎᕋ ᑕᕝᕙᓃᑦᓱᒫᕐᐳᖅ,’ ᑐᓴᖁᓪᓗᑎᑦ ᐱᔨᕕᑦ ᑐᒃᓯᐊᕐᓂᖓᓂᒃ ᑖᓐᓇ ᐱᑦᔪᑎᒋᓪᓗᒍ.
30“ᐱᔨᕕᑦ ᑐᒃᓯᐊᕐᓂᖓ ᑐᓴᓚᐅᕈᒃ ᐃᓄᖁᑎᕕᓪᓗ ᐃᓴᕆᐊᓕᑏᑦ ᑐᒃᓯᐊᕐᓂᖏᑦ, ᑐᒃᓯᐊᕌᖓᑕ ᐅᕗᖓ ᓵᓐᖓᓗᑎᒃ; ᑐᓵᖃᑦᑕᕆᑦ ᕿᓚᖕᒥᑦ ᐃᓂᒋᔭᕐᓂᑦ; ᑐᓵᑐᐊᕈᕕᑦ ᐃᓱᒪᒋᔪᓐᓁᕐᕕᒋᑎᒍᑦ.
31“ᐃᓄᒃ ᐊᔪᕐᑐᓕᒃᐸᑦ ᐃᓅᖃᑎᒥᓄᑦ ᐅᖃᕐᑎᑕᐅᒃᐸᓪᓗ ᐅᖃᕕᖕᓂᕐᒥᒃ, ᕾᓗᓂᓗ ᑐᓂᕐᕈᓯᕐᕕᖕᒧᑦ ᐅᖃᕕᒍᑎᒥᓂᒃ ᓂᓪᓕᐊᒃᐸᑦ ᐅᕙᓂ ᑐᓂᕐᕈᓯᕐᕕᖁᑎᖕᓂ ᑕᕝᕗᓂ ᐃᒡᓗᒥ, 32ᕿᓚᖕᒥᑦ ᑐᓴᓚᐅᕆᑦ, ᐱᓇᓱᐊᕐᓗᑎᓪᓗ, ᐋᖅᑭᒃᓱᕐᓗᒋᓪᓗ ᐱᔨᑎᑦ, ᐸᓯᔭᒃᓴᐅᔪᑦ ᓱᒋᐊᕐᓗᒋᑦ ᐱᓂᐊᕐᓂᕆᓯᒪᔭᖏᓐᓄᑦ, ᐸᓯᔭᒃᓴᐅᔪᓐᓁᕐᑎᓪᓗᒋᓪᓗ ᐃᓱᐊᕐᑐᒥᒃ ᐃᓅᔪᑦ ᐊᑭᓕᕐᓗᒋᑦ ᐸᓯᔭᒃᓴᐅᖏᓐᓂᖏᑦ ᒪᓕᒡᓗᒋᑦ.
33“ᐃᓄᖁᑎᑎᑦ ᐃᓴᕆᐊᓕᒥᐅᑦ ᓵᓚᐅᒃᐸᑕ ᐊᑭᕋᒥᖕᓄᑦ ᐃᓕᖕᓄᑦ ᐱᐅᖏᑦᑐᓕᓯᒪᓂᕐᒥᖕᓄᑦ, ᐃᓕᖕᓄᑦ ᐅᑎᑐᐊᕐᐸᑕ, ᐃᓕᖕᓂᒡᓗ ᐊᑎᕐᓂᒡᓗ ᒪᓕᒍᒪᓕᕐᐸᑕ, ᑐᒃᓯᐊᕐᐸᑕᓗ ᕿᓄᓗᑎᒃ ᐃᓕᖕᓄᑦ ᐅᕙᓂ ᐃᒡᓗᒥ; 34ᕿᓚᖕᒥᑦ ᑐᒃᓯᐊᕐᓂᖏᑦ ᑐᓴᒃᑭᑦ, ᐃᓱᒪᒋᔪᓐᓁᕐᕕᒋᓗᒋᓪᓗ ᐃᓄᖁᑎᑎᑦ ᐃᓴᕆᐊᓕᒥᐅᑦ ᐊᔪᕐᓂᖏᓐᓂᒃ, ᐅᑎᕐᑎᓪᓗᒋᓪᓗ ᓄᓇᒧᑦ ᑐᓂᓚᐅᕐᑕᕐᓄᑦ ᓯᕗᓕᕕᓂᖏᓐᓄᑦ.
35“ᕿᓚᒃ ᒪᑐᓯᒪᓕᕌᖓᑦ ᓯᓚᓗᖃᑦᑕᕈᓐᓃᕐᐸᓪᓗ ᐊᔪᕐᑐᓕᓯᒪᓂᖏᓐᓄᑦ ᐃᓕᖕᓄᑦ, ᑐᒃᓯᐊᕐᐸᑕ ᐅᓇ ᐃᒡᓗ ᓵᓐᖓᓗᒍ, ᐊᑏᓪᓗ ᐅᐱᒋᓗᒍ, ᐊᔪᕐᑐᓕᓂᕐᒥᖕᓂᒡᓗ ᕿᒤᓗᑎᒃ, ᐃᓕᖕᓄᑦ ᐅᖁᒤᒃᓴᕐᑎᑕᐅᓯᒪᑎᓪᓗᒋᑦ, 36ᕿᓚᖕᒥᑦ ᑐᓴᒃᑭᑦ, ᐃᓱᒪᒋᔪᓐᓁᕐᓗᒋᓪᓗ, ᐱᔨᕕᑦ ᐊᔪᕐᑐᓕᓂᖏᑦ, ᐃᓄᖁᑎᑎᑦ ᐃᓴᕆᐊᓕᒥᐅᑦ, ᐊᔪᕆᕐᑐᕐᓗᒋᓪᓗ ᐃᓅᓯᕐᒥᒃ ᐱᐅᔪᒥᒃ ᐊᑐᕆᐊᖃᕐᑕᖏᓐᓂᒃ; ᑕᕝᕙ ᓯᓚᓗᒃᑎᑦᓯᓕᕐᓗᑎᑦ ᓄᓇᖁᑎᖕᓄᑦ, ᑐᓂᓚᐅᕐᑕᕐᓄᑦ ᐃᓄᖁᑎᖕᓄᑦ ᓄᓇᑖᕆᔭᐅᖁᓪᓗᒍ.
37“ᑳᖕᓇᕐᑐᕐᔪᐊᕐᑕᖃᕐᐸᑦ ᓄᓇᒥ, ᑕᒫᓂ ᖃᓂᒪᓐᓇᕐᑐᖃᕐᐸᓪᓘᓐᓃᑦ, ᐱᕈᕐᑐᓪᓘᓐᓃᑦ ᑐᖁᓕᓐᓇᕐᑐᖃᓕᕐᐸᑕ ᓱᒃᑯᓪᓗᑎᒃ, ᐱᒡᓕᕐᑕᐅᔮᕐᑐᓄᓪᓘᓐᓃᑦ ᖁᐱᕐᕈᓄᓪᓘᓐᓃᑦ ᓄᖑᑕᐅᒃᐸᑕ, ᐊᑭᕋᖏᓐᓄᓪᓘᓐᓃᑦ ᐅᓇᑕᕆᐊᕐᑕᐅᒃᐸᑕ ᓄᓇᖁᑎᖏᓐᓂ ᓇᓪᓕᐊᓐᓂᑐᐃᓐᓇᖅ; ᖃᓂᒪᓐᓇᖃᕐᐸᑦ ᐋᓐᓂᐊᓇᕐᑐᖃᕐᐸᓪᓘᓐᓃᑦ; 38ᖃᓄᑐᐃᓐᓇᖅ ᑐᒃᓯᐊᕐᐸᑕ, ᑐᒃᓯᐅᑦᔨᔪᖃᕐᐸᓪᓘᓐᓃᑦ ᐃᓄᖕᒥᒃ ᓇᓪᓕᐊᓐᓂᒃ ᐃᓴᕆᐊᓕᒥᐅᓪᓘᓐᓃᑦ ᑕᒪᒃᑭᕐᓗᑎᒃ, ᖃᐅᔨᒪᓗᑎᒃ ᐆᒻᒪᑎᒃᑯᑦ ᐊᒃᑐᐊᔭᐅᑦᔪᑎᒥᖕᓂᒃ ᐊᒡᒐᑎᒡᓗ ᐃᓵᖓᓗᒋᑦ ᑖᑦᓱᒪ ᐃᒡᓘᑉ ᓇᓛᓄᑦ, 39ᑕᕝᕙ ᐃᓂᒋᔭᕐᓂᑦ ᕿᓚᖕᒥᑦ ᑐᓴᓕᕆᑦ, ᐃᓱᒪᒋᔪᓐᓁᕐᕕᒋᓗᒋᑦ, ᐱᓇᓱᐊᕐᓗᑎᓪᓗ, ᑐᓂᓯᕕᒋᓗᒋᓪᓗ ᐊᑐᓂᑦ ᐆᒻᒪᒻᒥᐅᑕᖏᓐᓂᒃ ᖃᐅᔨᒪᒐᕕᑦ, ᐱᓂᐊᕐᓂᓕᒫᖏᓐᓂᒡᓗ, ᐃᕝᕕᑐᐊᖅ ᖃᐅᔨᒪᔪᑑᒐᕕᑦ ᐃᓄᐃᑦ ᐆᒻᒪᒻᒥᐅᑕᖏᓐᓂᒃ. 40ᑍᒤᓕᐅᕈᕕᑦ ᐃᓄᐃᑦ ᐃᓕᕋᒋᓂᐊᕐᐹᑎᑦ ᐃᓅᓂᓕᒫᒥᖕᓂ ᑕᒫᓂ ᓄᓇᒥ ᑐᓂᓚᐅᕐᑕᕐᓂ ᓯᕗᓕᕕᓂᑦᑎᓐᓄᑦ.
41“ᓱᓕᓗ ᓄᓇᖅᑲᑎᑐᖃᕆᓐᖏᑕᕗᑦ ᐃᓄᖁᑎᖕᓂᑦ ᐃᓴᕆᐊᓕᒥᐅᓂᑦ ᐱᓯᒪᖏᑦᑐᑦ ᑎᑭᖃᑦᑕᓕᕋᔭᕐᐳᑦ ᐅᖓᓯᒃᑐᒥᑦ ᐊᑏᑦ ᑎᑭᑦᔪᑎᒋᓗᒍ 42ᑐᓴᕈᒫᕐᒪᑕ ᐊᑎᕐᐱᑦ ᐱᓪᓚᕆᐊᓘᓂᖓᓂᒃ, ᐊᔪᒐᖃᖏᑦᑐᐊᓘᓂᕐᓂᒡᓗ, ᐱᓇᓱᐊᕈᓐᓇᕐᓂᕐᓂᒡᓗ, ᑎᑭᓪᓗᑎᒃ ᑐᒃᓯᐊᕐᐸᑕ ᐅᓇ ᐃᒡᓗ ᓵᓐᖓᓗᒍ, 43ᑐᒃᓯᐊᓂᖏᑦ ᑐᓴᒃᑭᑦ, ᕿᓚᖕᒥᑦ ᐃᓂᒋᔭᕐᓂᑦ, ᐱᓇᓱᐊᕐᓗᑎᓪᓗ ᓄᓇᓕᑐᖃᐅᖏᑦᑐᑦ ᓂᓪᓕᐊᑦᔪᑎᒋᔭᓕᒫᖏᓐᓂᒃ; ᓄᓇᕐᔪᐊᕐᒥᐅᓕᒫᑦ ᐃᓄᐃᑦ ᐊᑎᕐᓂᒃ ᖃᐅᔨᓕᖁᓗᒋᑦ ᐃᓕᖕᓂᒡᓗ ᐃᓕᕋᒋᔭᖃᓕᕐᓗᑎᒃ ᐃᓴᕆᐊᓕᒥᐅᑎᑐᑦ, ᖃᐅᔨᒪᖁᓪᓗᒋᑦ ᐅᓇ ᐃᒡᓗᓕᐊᕋ ᐊᑎᕐᓂᒃ ᑐᓐᖓᕕᖃᕐᒪᑦ.
44“ᐃᓄᖁᑎᑎᑦ ᐊᑭᕋᒥᖕᓂᒃ ᐅᓇᑕᕆᐊᕐᐸᑕ, ᓇᐅᒃᑰᖁᓗᒋᑦ ᐊᐅᓪᓚᖁᒍᕕᒋᑦ, ᑐᒃᓯᐊᕐᐸᑕ ᐊᑕᓂᕐᒧᑦ, ᓵᓪᓗᑎᒃ ᐃᒡᓗᒐᓴᒡᔪᐊᓄᑦ, ᓂᕈᐊᕐᓯᒪᔭᕐᓄᑦ ᐃᒡᓗᒧᓪᓗ ᐅᕗᖓ ᓴᓇᓚᐅᕐᑕᓐᓄᑦ ᐊᑎᕐᓂᒃ ᑐᓐᖓᕕᓕᖕᒧᑦ, 45ᑐᒃᓯᐊᕐᓂᖏᑦ ᑐᓴᕐᐸᒃᑭᑦ, ᕿᓚᖕᒦᓪᓗᑎᑦ, ᓴᓚᖃᕐᑎᓪᓗᒋᓪᓗ.
46“ᐃᓄᖁᑎᑎᑦ ᐊᔪᕐᑐᓕᒃᐸᑕ ᐃᓕᖕᓄᑦ ᐃᓄᒃᑕᖃᖏᒻᒪᑦ ᐊᔪᕐᑐᓕᓱᐃᑦᑐᒥᒃ, ᓂᓐᖓᒡᕕᒋᓯᒪᒍᕕᒋᑦ, ᓴᓚᒋᔭᐅᑎᒃᑯᕕᒋᓪᓗ ᐊᑭᕋᖏᓐᓄᑦ, ᐊᐅᓪᓚᕈᑦᔭᐅᑎᒃᑯᕕᒋᓪᓗ ᑎᒍᔭᐅᓗᑎᒃ ᐊᑭᕋᒥ ᓄᓇᖓᓄᑦ, ᖃᓂᑦᑐᒧᑦ ᐅᖓᓯᒃᑐᒧᓪᓘᓐᓃᑦ; 47ᐃᓱᒪᑦᓯᐊᓕᕐᐸᑕ ᓄᓇᒥ ᑎᒍᔭᐅᓯᒪᕕᖕᒥᖕᓂ ᓱᖕᒪᑦ ᑕᒫᓃᒻᒪᖔᕐᒥᒃ, ᖃᕿᐊᓕᕐᓗᑎᒡᓗ ᐃᓕᖕᓄᑦ ᕿᓄᒃᐸᑕ ᓄᓇᒥ ᑎᒍᔭᐅᓯᒪᕝᕕᒋᔭᒥᖕᓂᑦ ᐅᖃᕐᓗᑎᒃ, ‘ᐊᔪᕐᑐᓕᓚᐅᕐᐳᒍᑦ, ᐱᐅᖏᑦᑐᐊᓗᖕᒥᒃ ᐱᓇᓱᐊᓚᐅᕐᐳᒍᑦ’; 48ᐱᕕᒡᓗᑎᒃ ᖃᕿᐊᓕᕐᐸᑕ ᐃᓱᒪᑎᒃ ᑕᒫᑦ ᐊᑐᕐᓗᒍ ᐆᒻᒪᑎᑎᒡᓗ ᑕᒫᑦ ᐊᑐᕐᓗᒍ ᐊᑭᕋᖏᑕ ᓄᓇᖓᓃᓪᓗᑎᒃ, ᑖᒃᑯᓂᖓ ᑎᒍᓯᓯᒪᔪᓂ, ᑐᒃᓯᐊᕐᐸᑕ ᓄᓇᑎᒃ ᓵᓐᖓᓗᒍ ᑐᓂᓚᐅᕐᑕᕐᓄᑦ ᓯᕗᓕᖏᓐᓄᑦ, ᐅᕗᖓᓗ ᐃᒡᓗᒐᓴᖕᓄᑦ ᓂᕈᐊᓚᐅᕐᑕᕐᓄᑦ, ᐃᒡᓗᒧᓪᓗ ᐅᕗᖓ ᐊᑏᑦ ᐃᓂᖃᖁᓪᓗᒍ ᓴᓇᓚᐅᕐᑕᓐᓄᑦ; 49ᑕᕝᕙ ᑐᓴᓕᒃᑭᑦ ᕿᓚᖕᒥᑦ ᐃᓂᒋᔭᕐᓂᑦ ᑐᒃᓯᐊᕐᑎᓪᓗᒋᑦ ᕿᓄᑎᓪᓗᒋᓪᓗ, ᐱᑦᔪᑎᖏᓐᓂᒡᓗ ᐃᑲᔪᕐᓗᒋᑦ 50ᐃᓄᖁᑎᑎᑦ ᐃᓱᒪᒋᔪᓐᓁᕐᕕᒋᓗᒋᑦ ᐃᓕᖕᓄᑦ ᐊᔪᕐᑐᓕᓯᒪᔪᑦ, ᓈᒻᒪᖏᑦᑐᓕᓂᕆᓯᒪᔭᓕᒫᖏᓐᓂᒃ ᐃᓕᖕᓄᑦ; ᓈᒃᑭᒋᓗᒋᓪᓗ ᐊᑭᕋᖏᑦ ᑖᒃᑯᓂᖓ ᐊᐅᓪᓚᕈᑦᔨᓚᐅᕐᑐᑦ ᖃᐅᔨᑎᓪᓗᒋᑦ, ᑖᒃᑯᓄᖓ ᓈᒃᑭᒋᔭᐅᓕᖁᓪᓗᒋᑦ. 51ᑖᒃᑯᐊ ᐃᓄᖁᑎᒋᒐᕕᒋᑦ, ᓇᖕᒥᓂᕐᑖᕆᓯᒪᓪᓗᒋᑦ, ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᑕᑎᑦ, ᓴᕕᕋᔭᖕᒥᒃ ᐊᐅᒃᑎᑦᓯᕕᐅᑉ ᐃᑯᐊᓚᔫᑉ ᐃᓗᐊᓂᑦ.
52“ᑕᑯᓐᓇᓚᐅᕆᑦ ᐱᔨᕕᑦ ᕿᓄᓂᖓᓂᒃ, ᐃᓄᖁᑎᑎᓪᓗ ᐃᓴᕆᐊᓕᑏᑦ ᕿᓄᒃᐸᑕ, ᓈᓚᒃᐸᒡᓗᒋᑦ ᐃᓕᖕᓄᑦ ᓂᓪᓕᐊᔭᕌᖓᑕ. 53ᑖᒃᑯᐊ ᓂᕈᐊᕐᓗᒋᑦ ᓴᓂᕐᕙᒃᓯᒪᒐᕕᒋᑦ ᐃᓄᓕᒫᑦ ᓄᓇᕐᔪᐊᕐᒥᐅᑦ ᐊᑯᕐᖓᓐᓂᑦ, ᓇᖕᒥᓂᖅ ᐱᒋᔪᒪᓪᓗᒋᑦ, ᑍᒫᒃ ᐅᖃᓚᐅᕋᕕᑦ ᐱᔨᒃᑯᑦ ᒨᓯᓯᒃᑯᑦ, ᑍᑦᓱᒪᓂ ᓯᕗᓪᓕᕕᓂᕗᑦ ᐊᓂᑎᓕᕋᕕᒋᑦ ᐄᑦᔨᑉᑎᒥᑦ, ᐊᑕᓃᖅ ᒎᑏ.”
ᑭᖑᓕᕐᐹᖅ ᑐᒃᓯᐊᕐᓂᖅ
54ᓲᓗᒨᓂ ᑐᒃᓯᐊᕇᕋᒥ ᑐᒃᓯᐅᑦᔨᔭᕇᕋᒥᓗ ᐊᑕᓂᕐᒧᑦ, ᓂᑯᕕᑉᐳᖅ ᑐᓂᕐᕈᓯᕐᕕᐅᑉ ᓵᖓᓂᑦ, ᓰᖅᑯᖓᕕᒋᕋᑖᕐᑕᒥᓂ ᑕᓖᖕᓂᓗ ᖁᒻᒧᑦ ᐃᓵᒡᓗᒋᒃ; 55ᐃᓄᓕᒫᑦ ᑕᕝᕙᓃᑦᑐᑦ ᓮᒻᒪᕐᑎᑉᐰᑦ, ᐅᖃᕐᓗᓂ, 56#ᒨᓯᓯ ᑕᓪᓕᒪᖏᑦ 12:10; ᔮᓱᐊ 21:44,45.“ᐊᑕᓂᖅ ᓂᕐᑐᕐᑕᐅᓕ, ᐃᓄᖁᑎᒥᓄᑦ ᐃᓕᒪᓱᖏᑦᓯᐊᕐᓂᕐᒥᒃ ᑐᓂᓯᔪᖅ ᐊᖏᕈᑎᒋᓯᒪᔭᒥᓂᒃ ᑲᔪᓯᑎᑦᓯᓪᓗᓂ ᑍᒤᓐᓂᐊᕐᓂᕋᕐᓯᒪᒐᒥ, ᐊᖏᕈᑎᒋᓯᒪᔭᓕᒫᒥᓂᒃ ᑐᓂᓯᓂᐊᕐᓂᕋᕐᓗᓂ ᓱᓕᑎᓯᒪᖕᒪᒋᑦ ᐱᔨᒥᒍᑦ ᒨᓯᓯᒃᑯᑦ. 57ᐊᑕᓂᐅᑉ ᒎᑎᑦᑕ ᐃᓚᒋᓕᑎᒍᑦ, ᑍᒫᑦᓮᓐᓇᖅ ᓯᕗᓕᕕᓂᑦᑎᓐᓂᒃ ᐃᓚᐅᖃᓚᐅᕐᓂᕐᒥᑐᑦ, ᑖᑦᓱᒪ ᕿᒪᒃᑍᓕᓛᑎᒍᑦ ᖁᔭᓈᕐᑍᓕᓗᑕᓗ; 58ᑖᑦᓱᒪ ᓈᓚᑦᓯᐊᕐᑎᓪᓛᑎᒍᑦ ᐃᒻᒥᓄᑦ, ᐃᓅᖁᓪᓗᑕ ᐊᑐᕐᑕᐅᖁᔭᓕᒫᖏᑦ ᓈᓚᒡᓗᒋᑦ, ᐱᖁᔭᖏᓪᓗ ᒪᓕᑦᓯᐊᕐᓗᒋᑦ, ᒪᓕᒐᒃᓴᐅᖁᔭᖏᑦ, ᐊᑐᕐᑕᐅᖁᔭᖏᓪᓗ, ᓯᕗᓕᕕᓂᑦᑎᓐᓄᑦ ᐱᖁᔨᓂᕆᓚᐅᕐᒪᒋᑦ. 59ᐊᑕᓂᐅᑉ ᒎᑎᑦᑕ ᑕᒪᓐᓇ ᐃᖅᑲᐅᒤᓐᓇᕐᓕᐅᒃ ᑐᒃᓯᐊᕐᓂᕆᔭᕗᑦ, ᐅᓪᓗᒃᑯᑦ ᐅᓐᓄᐊᒃᑯᓪᓗ, ᐱᔨᓂᓗ ᐃᓄᖁᑎᓂᓗ ᓂᑲᒋᓕᒋᑦ ᐱᔭᕆᐊᖃᕐᑕᖏᓐᓂᒡᓗ ᖃᐅᑕᒫᑦ ᑐᓂᓯᕕᒋᓗᓂᒋᑦ. 60ᓄᓇᕐᔪᐊᕐᒥᐅᓕᒫᑦ ᓯᓚᕐᔪᐊᕐᒦᑦᑐᑦ ᑐᑭᓯᖁᓪᓗᒋᑦ ᐊᑕᓂᖅ ᑖᓐᓇᑐᐊᖅ ᒎᑎᐅᖕᒪᑦ; ᐊᓯᖃᕋᓂᓗ. 61ᐃᓕᑦᓯ ᐃᓄᖁᑕᐅᔪᓯ ᑖᑦᓱᒧᖓ ᓱᓕᑦᓯᐊᕐᑐᒥᒃ ᐆᒻᒪᑎᑦᓯᒍᑦ ᑲᔪᓯᓂᖃᕆᑦᓯ ᐊᑕᓂᕐᒧᑦ ᒎᑎᑦᑎᓐᓄᑦ, ᓈᓚᒡᓗᒋᑦ ᐱᖁᔭᖏᑦ ᒪᓕᒃᑕᐅᖁᔭᖏᓪᓗ ᐊᑐᕐᓗᒋᑦ, ᓲᕐᓗ ᐅᓪᓗᒥ ᒪᓕᑦᓯᐊᕋᑦᓯᐅᒃ.”
ᑐᒃᓯᐊᕐᕕᒡᔪᐊᑉ ᐃᑦᔪᕐᓁᑎᑕᐅᓂᖓ
ᑯᕉᓂᑲ ᐂᑉᐸᖏᑦ 7:4-10
62ᑕᕝᕙ ᐊᖓᔪᖅᑳᕐᔪᐊᖅ, ᐃᓴᕆᐊᓕᒥᐅᓕᒫᓪᓗ ᐃᓚᒋᔭᖏᑦ ᑐᓂᕐᕈᓯᕐᐳᑦ ᐊᑕᓂᕐᒧᑦ. 63ᓲᓗᒨᓂ ᑐᓂᕐᕈᓯᕐᐳᖅ ᖃᓄᐃᓐᖏᑎᑕᐅᓂᖅ ᐱᓪᓗᒍ ᐃᒻᒧᒃᓯᐅᒐᕐᓂᒃ 22,000ᓂᒃ, ᓰᐱᓂᒡᓗ 120,000ᓂᒃ ᑐᒃᓯᐊᕐᓂᕐᒧᑦ ᑐᓂᕐᕈᑕᐅᑎᓪᓗᒋᑦ, ᑕᕝᕙ ᐊᖓᔪᖅᑳᕐᔪᐊᖅ ᐃᓄᓕᒫᓪᓗ ᑐᒃᓯᐊᕐᕕᒡᔪᐊᕐᒥ ᑐᓂᕐᕈᓯᕐᐳᑦ ᐃᑦᔪᕐᓁᓕᕐᑎᓪᓗᒍ. 64ᑕᕝᕙᓂ ᐅᓪᓗᒥ ᑕᒪᓐᓇ ᑲᑎᒪᕕᐊᓘᑉ ᕿᑎᖓ ᐃᑦᔪᕐᓁᓕᑎᑉᐹᑦ, ᑐᒃᓯᐊᕐᕕᔪᐊᑉ ᓯᕗᕋᖓᓃᑦᑐᖅ, ᐱᔭᕇᕐᒪᓪᓗ ᑐᓂᕐᕈᓯᕐᐳᑦ ᐆᑕᒃᓴᓂᒃ ᓂᐊᖂᔭᒃᓴᓂᒃ ᐆᒪᔪᓂᒡᓗ ᖁᐃᒃᓯᑦᓯᐊᕆᓯᒪᔪᓂᒃ ᑐᓂᕐᕈᑕᐅᑎᓪᓗᒋᑦ ᑐᒃᓯᐊᕐᓂᕐᒧᑦ. ᑍᒤᓕᐅᕈᑎᒋᕚ ᑖᓐᓇ ᑐᓂᕐᕈᓯᕐᕕᒃ ᑲᓐᓄᔭᖅ ᐱᑦᔪᑎᒋᓪᓗᒍ, ᒥᑭᓗᐊᕐᓂᖓᓄᑦ ᑐᓂᕐᕈᑎᒃᓴᐅᔪᓄᑦ.
65ᑕᕝᕙᓂ ᑐᒃᓯᐊᕐᕕᒡᔪᐊᒥ ᓲᓗᒨᓂ ᐃᓴᕆᐊᓕᑎᑦ ᐃᓄᓕᒫᖏᓪᓗ ᓇᓪᓕᐅᓐᓂᕐᓯᐅᕐᐳᑦ ᑐᐲᓐᓇᕐᒦᖃᑦᑕᕐᓂᕐᒥᒃ ᐅᓪᓗᓄᑦ 7ᓄᑦ, ᐃᓄᒋᕌᓗᐃᑦ ᓯᐊᒻᒪᒃᓯᒪᓚᐅᕐᐳᑦ ᕼᐊᒫᑎᐅᑉ ᐃᑎᕐᑕᕐᕕᖓᓂᑦ ᐅᓐᓄᐊᓪᓗᐊᑉ ᓇᓛᓃᑦᑐᒥᑦ ᐄᑦᔨᑉᑎᐅᑉ ᑰᖓᑕ ᑭᒡᓕᖓᓄᑦ ᐅᓪᓗᓪᓗᐊᑉ ᓇᓛᓃᑦᑐᒧᑦ ᑎᑭᓯᒪᓪᓗᑎᒃ. 66ᐅᓪᓗᐃᑦ 8ᒋᓕᕐᑕᖓᓂ ᓲᓗᒨᓂᐅᑉ ᐃᓄᐃᑦ ᐊᖏᕐᕋᕐᑎᑉᐰᑦ; ᑖᒃᑯᐊᓕᒫᓪᓗ ᓂᕐᑐᐃᕗᑦ ᓲᓗᒨᓂᒥᒃ ᖁᕕᐊᓱᒡᓗᑎᒃ, ᓮᒻᒪᕐᑎᑕᐅᓂᐊᓗᐃᑦ ᑕᒪᕐᒥᒃ ᐊᑕᓂᕐᒥᑦ ᐱᔪᑦ ᐱᓪᓗᒋᑦ, ᑐᓂᓯᓚᐅᕐᓂᖓᓄᑦ ᐱᔨᒥᓄᑦ ᑍᕕᑎᒧᑦ ᐃᓄᓕᒫᓄᓪᓗ ᐃᓴᕆᐊᓕᒥ.
Currently Selected:
ᐊᑕᓃᑦ ᓯᕗᓪᓖᑦ 8: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
