ᔪᐊᓇᓯ ᓯᕗᓪᓖᑦ 5

ᓯᓚᕐᔪᐊᕐᒥᒃ ᓵᓚᖃᕐᓂᕗᑦ

1ᑕᒪᕐᒥᒃ ᐅᒃᐱᕐᑐᑦ ᔩᓱᓯ ᙭ᔅᑑᓯ ᒎᑎᒧᑦ ᐃᕐᓂᐊᖑᑎᑕᐅᓯᒪᕗᑦ, ᑕᒪᕐᒥᒡᓗ ᐊᑖᑕᒥᒃ ᓇᒡᓕᒍᓱᒃᑐᑦ ᑖᑦᓱᒪ ᕿᑐᕐᖓᖓᑦᑕᐅᖅ ᓇᒡᓕᒋᒋᕚ. 2ᑕᒪᑐᒨᓇ ᖃᐅᔨᑦᔪᑎᖃᕐᐳᒍᑦ ᒎᑎᐅᑉ ᕿᑐᕐᖓᖏᓐᓂᒃ ᓇᒡᓕᒍᓱᖕᓂᑦᑎᓐᓂᒃ, ᒎᑎ ᓇᒡᓕᒋᒐᑦᑎᒍ ᐱᖁᔭᖏᓪᓗ ᒪᓕᒃᖢᒋᑦ. 3#ᔪᐊᓇᓯ 14:15.ᒎᑎᒥᒃ ᓇᒡᓕᖕᓂᖅ ᐃᒤᑦᑑᕗᖅ, ᐱᖁᔭᖏᑦ ᒪᓕᒃᑲᑦᑎᒋᑦ. ᐱᖁᔭᖏᓪᓗ ᐅᖁᒤᓗᐊᓐᖏᓚᑦ. 4ᑕᒪᕐᒥᒃ ᒎᑎᒥᑦ ᐃᕐᓂᐊᖑᔪᑦ ᓯᓚᕐᔪᐊᕐᒥᒃ ᓵᓚᖃᕐᐳᑦ; ᐅᒃᐱᕐᓂᕗᓪᓗ ᓯᓚᕐᔪᐊᕐᒥᒃ ᓵᓚᖃᕈᑎᒋᕙᕗᑦ. 5ᑭᓇ ᓯᓚᕐᔪᐊᕐᒥᒃ ᓵᓚᖃᕐᐸ? ᑭᓯᒥ ᑖᓐᓇ ᐅᒃᐱᕐᑐᖅ ᔩᓱᓯ ᒎᑎᐅᑉ ᐃᕐᓂᕆᖕᒪᒍ.

ᔩᓱᓯ ᙭ᔅᑑᓯᒥᒃ ᓇᓗᓁᕐᓯᓂᖅ

6ᔩᓱᓯ ᙭ᔅᑑᓯ ᑖᓐᓇᐅᕗᖅ ᑎᑭᓚᐅᕐᑐᖅ ᐃᒪᒃᑯᑦ ᐊᐅᒃᑯᓪᓗ, ᐃᒪᒃᑯᑐᐃᓐᓇᐅᓐᖏᑦᑐᕐᓕ ᑕᒤᑎᒍᓪᓕ ᐃᒪᒃᑯᑦ ᐊᐅᒃᑯᓪᓗ. ᐊᓂᕐᓂᕐᓗ ᓇᓗᓁᕐᓯᕗᖅ, ᐊᓂᕐᓂᖅ ᑖᓐᓇ ᓱᓕᔫᖕᒪᑦ. 7ᐱᖓᓲᕗᑦ ᓇᓗᓁᕐᓯᔪᑦ, 8ᐊᓂᕐᓂᖅ, ᐃᒥᖅ, ᐊᐅᒡᓗ; ᐱᖓᓱᓪᓗ ᑖᒃᑯᐊ ᐊᖏᖃᑎᒌᒃᐳᑦ. 9ᐃᓄᐃᑦ ᓇᓗᓁᕐᓯᓂᖏᓐᓂᒃ ᐅᒃᐱᕈᓱᒃᑯᑦᑕ, ᒎᑎᐅᑉ ᓇᓗᓁᕐᓯᓂᖓ ᐊᖏᓂᕐᓴᐅᕗᖅ; ᑕᒪᓐᓇᐅᕗᖅ ᑕᕝᕙ ᒎᑎᐅᑉ ᓇᓗᓁᕐᓯᓂᖓ ᐃᕐᓂᕐᒥᓂᒃ. 10ᑖᓐᓇ ᒎᑎᐅᑉ ᐃᕐᓂᖓᓂᒃ ᐅᒃᐱᕐᑐᖅ ᓇᓗᓁᕐᓯᓂᖅ ᑕᒪᓐᓇ ᐃᓗᒥᐅᑕᕆᕚ. ᓇᓪᓕᐊᓪᓕ ᒎᑎᒥᒃ ᐅᒃᐱᖏᑦᑐᖅ ᑖᓐᓇ ᓴᒡᓗᑐᔫᑎᑦᓯᕗᖅ ᒎᑎᒥᒃ, ᒎᑎᐅᑉ ᐃᕐᓂᕐᒥᓂᒃ ᓇᓗᓁᕐᓯᓂᖓ ᐅᒃᐱᕆᖏᓐᓇᒥᐅᒃ. 11#ᔪᐊᓇᓯ 3:36.ᓇᓗᓁᕐᓯᓂᕐᓗ ᐃᒤᑦᑑᕗᖅ, ᒎᑎᐅᑉ ᑐᓂᓯᕕᒋᖕᒪᑎᒍᑦ ᐃᓅᓯᕐᒥᒃ ᓄᖑᓱᐃᑦᑐᒥᒃ, ᐃᓅᓯᕐᓗ ᑕᒪᓐᓇ ᒎᑎᐅᑉ ᐃᕐᓂᖓᓃᑉᐳᖅ. 12ᓇᓪᓕᐊᑦ ᒎᑎᐅᑉ ᐃᕐᓂᖓᓂᒃ ᐱᖃᕐᑐᖅ ᐃᓅᓯᕐᒥᒃ ᐱᖃᕐᐳᖅ; ᒎᑎᐅᓪᓕ ᐃᕐᓂᖓᓂᒃ ᐱᖃᖏᑦᑐᖅ ᐃᓅᓯᕐᒥᒃ ᐱᖃᓐᖏᓚᖅ.

ᐃᓅᓯᖅ ᓄᖑᓱᐃᑦᑐᖅ

13ᑕᒪᒃᑯᓂᖓ ᑎᑎᕋᕐᕕᒋᕙᑦᓯ ᒎᑎᐅᑉ ᐃᕐᓂᖓᑕ ᐊᑎᖓᓄᑦ ᐅᒃᐱᕐᑐᓯ, ᖃᐅᔨᒪᖁᓪᓗᓯ ᓄᖑᓱᐃᑦᑐᒥᒃ ᐃᓅᓯᖃᕋᑦᓯ. 14ᑕᒪᓐᓇᓗ ᑕᕝᕙ ᖁᓚᖏᑦᔪᑎᒋᔭᕗᑦ ᑖᑦᓱᒥᖓ, ᓱᓇᑐᐃᓐᓇᒥᒃ ᑐᒃᓯᐊᕈᑦᑕ ᐱᔪᒪᔭᖓᒍᑦ ᑐᓴᕐᒫᑎᒍᑦ. 15ᖃᐅᔨᒪᒍᑦᑕᓕ ᓱᓇᒥᒡᓘᓐᓃᑦ ᑐᒃᓯᐊᕌᖓᑦᑕ ᑐᓴᕐᒫᑎᒍᑦ, ᖃᐅᔨᒪᒋᕗᒍᑦᑕᐅᖅ ᑖᑦᓱᒪᖓᑦ ᐱᔪᒪᔭᕗᑦ ᐱᒐᑦᑎᒍ.

16ᓇᓪᓕᐊᑦ ᐅᒃᐱᕐᑑᖃᑎᒥᓂᒃ ᐊᔪᕐᑐᓕᑎᓪᓗᒍ ᑕᑯᔪᖅ ᐊᔪᕐᑐᓕᖏᑉᐸᑦ ᑐᖁᓐᓇᕐᑐᒥᒃ, ᑍᒤᑐᖅ ᒎᑎᒧᑦ ᑐᒃᓯᐊᕐᑐᒃᓴᐅᕗᖅ, ᒎᑎᐅᓪᓗ ᐃᓅᓯᕐᒥᒃ ᑐᓂᓯᕕᒋᓂᐊᕐᐹ ᑐᖁᓐᓇᕐᑐᒥᒃ ᐊᔪᕐᑐᓕᖏᑉᐸᑦ. ᐊᔪᕐᑐᓕᓂᕐᑕᖃᕐᐳᖅ ᑐᕌᕐᑐᒥ ᑐᖁᒧᑦ; ᑍᒤᑦᑐᒥᒡᓕ ᑐᒃᓯᐅᑦᔭᐅᖁᔨᓗᖓ ᐅᖃᓐᖏᓚᖓ. 17ᓈᒻᒪᖏᑐᓕᓃᑦ ᑕᒪᕐᒥᒃ ᐊᔪᕐᑐᓕᓂᐅᕗᑦ, ᐊᔪᕐᑐᓕᓃᓪᓕ ᑕᒪᕐᒥᒃ ᑐᖁᓐᓇᕐᑑᓐᖏᓚᑦ.

18ᖃᐅᔨᒪᕗᒍᑦ ᑕᒪᕐᒥᒃ ᒎᑎᒥᑦ ᐃᕐᓂᐊᖑᔪᑦ ᐊᔪᕐᑐᓖᓐᓇᕈᓐᓇᖏᒻᒪᑕ, ᒎᑎᐅᑉ ᐃᕐᓂᖓᑕ ᓴᐳᑎᓯᒪᖕᒪᒋᑦ, ᓵᑖᓇᓯᐅᓪᓗ ᐊᒃᑐᕐᓂᐊᓐᖏᓛ.

19ᖃᐅᔨᒪᕗᒍᑦ ᒎᑎᒥᐅᑕᐅᒐᑦᑕ, ᓯᓚᕐᔪᐊᒥᐅᓪᓗ ᑕᒪᕐᒥᒃ ᓵᑖᓇᓯᐅᑉ ᐱᔪᓐᓇᕐᓂᖓᓄᑦ ᐊᐅᓚᑕᐅᕗᑦ.

20ᖃᐅᔨᒪᕗᒍᓪᓗ ᒎᑎᐅᑉ ᐃᕐᓂᖓ ᑎᑭᓯᒪᖕᒪᑦ ᑖᑦᓱᒪᓗ ᑐᑭᓯᐊᓕᕐᑎᑉᐹᑎᒍᑦ, ᖃᐅᔨᖁᓪᓗᑕ ᑭᓇ ᓱᓕᖕᒪᖔᑦ; ᑖᑦᓱᒪᓃᑉᐳᒍᓪᓗ ᓱᓕᔪᒥ, ᐃᕐᓂᖓᓂ ᔩᓱᓯ ᙭ᔅᑑᓯᒥ. ᑖᓐᓇ ᒎᑎ ᓱᓕᔫᕗᖅ ᐃᓅᓯᐅᓪᓗᓂᓗ ᓄᖑᓱᐃᑦᑐᖅ.

21ᕿᑐᕐᖔᑯᓗᒃᑲ, ᒎᑎᐅᖏᑦᑐᓂᒃ ᒎᑎᖃᕋᓱᐊᕐᑍᓕᒋᑦᓯ.

Currently Selected:

ᔪᐊᓇᓯ ᓯᕗᓪᓖᑦ 5: EAIB

Highlight

Copy