Matiye Bi̧i̧tumma
Bi̧i̧tumma
Bay zee vora yana kpǐn moò za̧a̧ Matiye de oora nɔ too Marki moo nɔ̌m vin:
Zâŋ Batis pamo ani (3:1-12).
Yeesu ɓa Batɛmma Sɛɛɗan kə goorɛ (3:13-17; 4:11).
Yeesu kɔm an hɛk Galile, yɛɛ o pa pamo, iza náa ve hɛn kə poozi ho̧o̧ ve tin (4:12–18:35).
Pik an takki an Zeruzalɛm (dən 19–20), ɛn Yeesu kɔy bolaa kaʼaso zaʼ: Ve yȩʼȩrɛ, ve vɔzarɛ, niŋzii kəy ani, vere hə̧nna an há̧a̧ o ve timba ɛn tɛʼ siʼ yó̧o̧ dɔʼ gutambe ba, (dən 21–28).
Ɛn Matiye po wɔɔk an yəəmza̧a̧ ka vuksi moò kpǐn kɔ̂l bi̧i̧tum biri ɛny (Dən 1–2) Bi̧i̧ yeesu o ɓɔɔri ba, vere o sâm waare nɛy. Matiye òo wǎt gɔɔ hii o Yeesu nɔ yɛɛ de oora Yeesu moò za̧a̧ an vere oozinna kpək ɛnɔ vɛ oppo: Gbɛ̧ɛ̧ sɔ̌t hɛn Go̧o̧ge bɛnii nɛy, ongɛɛ Emmanuyɛlli feeri an (Go̧o̧ge oy vega ba voy), ɛn hɛn Go̧o̧ge bɔk fee Dɛptɛl fə̧ə̧ke nɔ ku de Yeesu oppo.
Matiye moò za̧a̧ oora an nɔ pə̀k faŋzin Yeesu pamo an nɔ vɛ yɛɛ za̧a̧ vɛ sáá:
1) Yeesu pamo an gbɔkpa (Dən 5–7), de moo moò kandi za̧a̧ dȩȩtee náa vey dɔra «Go̧o̧ge o gbɛ̧ɛ̧re bɛlba gɔɔ nɛy».
2) Ve po náa ve ya̧a̧ doo ve fee hɛn de yaay gbɛ̧ɛ̧ yɛɛ ɛnɔ oppo nɛy (Dən 10).
3) Zîm gbɛ̧ɛ̧ yɛɛre nɔ, gan de vere yak bɛmm gutambe: ɓɔllɛ nɛnɔ Gbɛ̧ɛ̧ yɛɛ nɔ ɗin derɛ, ɛn ɗaa baʼtum an de yaa yȩ̀ʼgii (dȩȩzinnaa) (ɗən 13).
4) Kandi daake hɛk pəŋŋ Gbɛ̧ɛ̧ yɛɛre nɔ de tuubogɛ (ɗən 18).
5) Laari yɛɛ baʼtum Gbɛ̧ɛ̧ yɛɛre nɔ siʼtum ani (Dən 24–25). Matiye o moò za̧a̧ oorare nɔ, Yeesu o həni too wa̧y it hɛn de yaay kǔlla hɛk pə̂ŋ Gbɛ̧ɛ̧ yɛɛre nɛy de kə panzǎy náa vey dɔra nɔ ve pamo ve hi̧i̧ ka ve bi̧i̧ náa sək moò náa zɔʼ o ve po nɔ vey.
Currently Selected:
Matiye Bi̧i̧tumma: dae
Highlight
Copy
Compare
Share
Want to have your highlights saved across all your devices? Sign up or sign in