Matiye 1
1
Yeesu kɛŋ zɛɛti an vey
Luk 3:23-38
1Yeesu-Kiris aŋ gbɛɛm an ve nii von de nɛ, o Davit luk ani, Davit sɛw o Abaram luk ani vin. 2Abaram o Izaak baʼ ani, Izaak o Zakop baʼ ani, Zakop o Zuuda baʼ ani vere daak an vey; 3Zuude o Pɛrɛs baʼ ani vere Zɛɛra daŋ naʼa von-Tamaari, Pɛrɛs o Hɛsorɔŋ baʼ ani, Hɛsorɔŋ o Raam baʼ ani; 4Raam o Amminadaap baʼ ani, Amminadaap o Nasɔŋ baʼ ani, Nasɔŋ o Salmaŋ baʼ ani; 5Salmaŋ o Booz baʼ ani, Rahap o naʼanni, Booz o Obɛɛt baʼ ani - Ruut o naʼ ani, Obɛɛt o Zɛɛse baʼ ani, 6Ɛn Zɛɛse o gbɛ̧ɛ̧ Davit baʼ ani. Davit o Salmɔŋ baʼ ani - naʼ an bɔk uuri kenaǎ, 7Salɔmɔŋ o Roboʼam baʼ ani, Roboʼam o Abiya baʼ ani, Abiya o Asaaf baʼ ani; 8Asaaf o Zoosafat baʼ ani, Zoosafat o Zoraam baʼ ani, Zoraam o Ozias baʼ ani; 9Ozias o Yotaam baʼ ani, Yotaam o Akaaz baʼ ani, Akaaz o Ezɛkiyaas baʼ ani; 10Ezɛkiyaas O Manaase baʼ ani, Manaase o Amɔɔŋ baʼ ani, Amɔɔŋ o Zoziaas baʼ ani; 11Zoziaas o Zekoniyaas baʼ ani vere daak an vɛ vɛllin ve fa̧a̧ yəən náa Islayɛl ve Baabilɔɔn tin nɔ oppo. 12Ve yəən náa Islayɛl ve Baabilɔɔn kəzəkɔ, Zekoniyaas o ha̧a̧ Sehaltiyɛlli, ɛn Sehaltiyɛl o ha̧a̧ Zorobaabɛli; 13Zorobaabɛl o ha̧a̧ Abihuuti, Abihuut o ha̧a̧ Eliyaakimi, Eliyaakim o ha̧a̧ Aazɔɔri; 14Aazɔɔr o ha̧a̧ Saadɔki, Saadɔk o ha̧a̧ Aasimi, Aasim o ha̧a̧ Eliyuuti; 15Eliyuut o ha̧a̧ Eleʼazaari, Eleʼazaar o ha̧a̧ Mattaŋŋi, Mattaŋ o ha̧a̧ Zakopi; 16Zakop o ha̧a̧ Zozɛf Maari wǎ̧naa nɛy, Maari ha̧a̧ Yeesu, ve ya̧a̧a̧ bo kirisi nɔ yɔ. 17Sɔŋ bisum tɛʼ nɔ gbɛɛm yɛɛ boʼzoo natto bi̧i̧y Abaram oppo gbɔy Davit oppo, luuy Davit oppo gbɔy vɛll ve fa̧a̧ yəən náa Islayɛl ve Baabilɔɔn tin nɔ oppo gbɛɛm yɛɛ boʼzoo natto, kə luuy vɛll ve fa̧a̧ yəən náa Islayɛl ve Baabilɔɔn tin nɔ oppo gbɔy Kiris o vɛll ɓɔɔri ba gbɛɛm yɛɛ boʼzoo natto.
Yeesu Kiris ɓɔɔri ani
Luk 2:1-7
18De nɛnɔ daa tuubɔgɛ Yeesu Kiris ɓɔɔ ze nɛy. Naʼ an Maari bɔk gaŋ gbaare Zozɛf oppo; Ɛn ɗaa bɔk ve kaninna yɛɛ daŋ dee yɛ, Maari dɔ pə̧ə̧ vere Go̧o̧ge fəəm dȩȩt an gɔti ani. 19Gbaare an Zozɛf, bɔk o wa̧y za̧ǎ̧, ɛn bɔk o hi̧i̧n moò nɔ ânna náa o ve timba sɛɛ yɛ; O hi̧i̧ ka hoozi kən gbaare an vere kɛmma. 20Bɔk oy vəʼəra ɛn dɔmm, Gbɛ̧ɛ̧ kɛŋ Zə̧ə̧ an yaazay nənzinne kə feeza: «Zozɛf, Davit luk an, dòo do kɔm Maari ɓaʼaa sɛ, ɛnɔ o dɔ de pə̧ə̧ nɔ vere fəəm dȩȩt gɔti ani, oy laa ka ha̧a̧ tanna. 21Oy ha̧a̧ hɛkpa tan wa̧ppa, moy ya̧a̧zaa nii an Yeesuy, ɛnɔ oy sɔ̌tta zik an o hɛn ɓɛɛre.» 22Ɛnɔ tɛʼ de yaa kura hɛn Gbɛ̧ɛ̧ kɛŋ bɔk fee vere Go̧o̧ge yaʼyɛɛ an yak an nɛy: 23«Tan kep waga de dɔra pə̧ə̧̌, de ha̧a̧ hɛkpa tan wa̧ppa mɔy ya̧a̧a̧ Emmanuyɛlli.» - Nii ɛnɔ feeri an «Go̧o̧ge kangaa de ba voy.» - 24Zozɛf nìŋzi nɔ, o kɔ too Gbɛ̧ɛ̧ kɛŋ Zə̧ə̧ an ke feeza nɔm kə iŋ kən gbaare an Maarirɛ. 25Ɛn ɗaa o kasinga Maari yɛ Gbɔ o yo̧o̧ wɔɔzii ba o ha̧a̧ hɛkpa tan wa̧ppa, Zozɛf ya̧a̧za nii an yeesuy.
Currently Selected:
Matiye 1: dae
Highlight
Copy
Compare
Share
Want to have your highlights saved across all your devices? Sign up or sign in
