Umatiu 9
9
Ujeso a tyang ke uhwo-abee, u mbee he
(Mak 2:1-12; Luk 5:11-26)
1Ujeso a ngwee kinọng tem gye he igbindi umbwo angwu he kubọng kuma. 2Bengikye besuso be be le uhwo-abee he ugaa le be ba hwaa le he. Ujeso a nde le be bọng le u mbee he. A kung de uhwo-abee le, “Unwa-agi, shi shel ye. Mi tyang biban bigang ka-a.”
3He ashin, bitisha Iten be de bende le, “Ungikye angwun u kọng bia Unim.”
4Ujeso a ngye igim ibel. A kung bii abe le, “Ki shi na a, ma gim kibibi kitaa i he atyam amen? 5Ashi le mi de le mi tyang biban bima ke-e na ki yi pie-pie hwo a, ha ashi le u bo kinaa ndu tan a? 6Mi ba tyung amen le mi Unwaa undi-gye, mi yi le ikeb he igye anyin le mi tyang biban ka bendi.” A kung de uhwo-abee le u bo kinaa, kung ugaa uma ndu gye he ushu. 7Ungikye umen ana a kung bo kinaa gbe ndo he ushu. 8Nyọng bendi be nde ashi ki shi, be fel he kushel, be pee Unim na a ke undi-gye ikeb le u shi kiwọm ashi kitaa i.
Liko Umatiu
(Mak 2:13-17; Luk 5:27-32)
9Nya ana Ujeso a ma gbe le ha, a maa ta le kukwo, a le nde undi angwu u kpe ukpanda angwu be ko le Umatiu. A ma yi kwu he kiteng aki kima. Ujeso a de-e le u be pwọm he. A kung bo kinaa gbe utung he ahe.
10He kunyọng ken Ujeso a maa za lizi he ushọm Umatiu. Bendi gbam abe be kpe ukpanda ọ, bendi abe be shi biban ọ, be le zi lizi utung ha Ujeso befe le bendi-utung bema. 11Nyọng bendi Iferesis besuso be nde Ujeso u za lizi utung ha abe, be bii bendi-utung bema le, “Ki shi na a, Itisha umen u zi lizi utung ha bendi abe be kpe ukpanda le bendi abe be shi biban?”
12Ujeso a gyo abe. A kung fan abe le, “Bendi abe be yi gogo na be kee undi-usi ye, bendi-angbam a. 13Ma le hwọ ngye ashi kimen i ki ze, mi kee bitwole abi be shang mi a ye, ukpọ mi kee le mi tyung beshi a. Mi be le mi ko bendi benunung a ye, ukpọ mi be le mi ko bendi-biban a.”#9:13 Uhosia 6:6
Be bii Ujeso gbe le itung ando-ale
(Mak 2:18-20; Luk 5:33-35)
14Ukpọ bendi-utung Ujọn be ha be hwaa le Ujeso, be bii he le, “Ki shi na a, bel le bendi Iferesis li kọng ha Unim le itung ando-ale mbee kunyọng, ukpọ bendi-utung begang befe be ndo itung ye?”
15Ujeso a fan abe le, “Ma kọng le begaa-ndi abe be be he kipam libee be kwu le kimbwee he kunyọng ahwu ukyeb ungye u yi utung ha abe ha? Dia! Kunyọng ku ba le ha ahwu be be kwu kung ukyeb ungye gbe le he le ha abe, saa be ha ndo itung.”
16Ujeso a tim ityang de be le, “Ki yi le undi angwu u kung kihwọm kifufe kpi shi ligia aliga angi atim ye. Gbe undi a shi na, kihwọm ashi kifufe ki gie aliga angi atim, ligia angi lifufe li fel go hwa angi litim. 17Ki shi le undi angwu u kung kutyo ahwu kufufe fe he ugam utim ye. Gbe a shi na, ha kutyo ku tya paa ugam wa he itang, kutyo lingyọ, ugam lingyọ. Ki yi le be kung kutyo ahwu kufufe fe he ugam angwu u so ufufe hwan, he ugam ọ, kutyo ọ, bi ban ye.”
Ujeso a wum likwọm unwa-ani ungingye, u mbee ungingye lingbam
(Mak 5:21-43; Luk 8:40-56)
18Nya ana Ujeso a maa so-i kọng ashin, ungikye angwu a ma yi ukandi he ushọm angwu Ijuus i kwu awu a be hwaa le he, tim anung he itang he ahe kushu, u de-e le, unwaama angwu ungingye a hwo. U be tyọ he kubwo he u tem wum. 19Ujeso befe le bendi-utung bema be kung bo gbe utung he ahe.
20Nya ana be maa te le kukwo, ungingye ususo angwu a ma wu anung kpam le wu he aze lihwo le ngi afee a be Ujeso le he item, u tyọ he kubwo he ungwu aliga. 21A ma kọng he ahe lityam le, “Gbe mi tyọ he kubwo he aliga ufufe ọ, mi mbee.”
22Ujeso a bel ashi nde-e, u de-e le, “Unwa-agi, shi shel ye. Abọng-ale agang a sha-a wo mbee.” Ungingye umen ana a ma mbee nya kukwo-kukwo.
23He kunyọng ahwu Ujeso a gye he usha-ale ukandi abe be shang Unim, a nde bendi abe be gwee ipipi kii lihwu be shi kihwee kaang. 24A de be le, befe puu be gye he igye. Unwaa a hwo ihwo ye, a mbu kunde a. Puu ubel be keb be fel gwee he. 25Bendi be shul he igye shul-shul, Ujeso a gbe gye ha he kipo unwaa umen ana le kwu-e kubwo he kubwo, a bo kinaa. 26Be ma bun ashi ki shi de bendi mbee ugegem umen ana puu.
Ujeso a mbee kihwọ-ashi le ukwọm-umbel.
27Ujeso a gbe le ha u gya, nya ana a maa te le kukwo, bendi befee abe be hwọ ashi be pwọm he. Be fel gaa le, “unwaa Udebid, kwu le beshi ha abel.”
28Ujeso a gbe gye he afee ushọm. Bendi abe be hwọ ashi be le hwaa le he. Ujeso a kung bii abe le, “Ma bọng le mi mbee amen mbee a?”
Be bọng le, “Eng, Ada.”
29Ujeso a kung abwo tyọ abe he atọng-shi, u de be le, “Ki shi ke men nya ana abọng-ale amen a yi.” 30Atọng-shi abel a buu. Ujeso a kung tye be uten le, “ma de undi kiwọm ashi ki shi i ye.” 31Ukpọ be le bun gbe le Ujeso de bendi mbee ugegem umen ana puu.
32Nya ana bendi be maa gbe le ha, bendi besuso be be le undi angwu a kwọm umbel be hwaa le Ujeso. Ikeb ibibi i ma yi he ahe. 33Ujeso a ndo ikeb ibibi ana, i fem le he ahe fem-fem, ungikye ana u fel kọng likọng. Ki ma kwu bendi he kuhwo, be fel da le be wa nde kiwọm kitaa i he Izwel ngye ye.
34Ukpọ bendi Iferesis be de le, “usu bibibi na a ke-e ikeb le u ndo ikeb ibibi.”
Bendi aki be go ye
35Ujeso a tan mbee ashi abọng puu. A maa hwọ bendi he ishọm Unim ibel angi be kwu awu, u bun kisọm kinunung de bendi gbe le kiteng kusu Unim, u mbee bendi le he bitaa angbam atyetye-atyetye. 36A ma nde liwu bendi, beshi be shi-e le be likọye be maa kpa kingie faale undi angwu u nde gbe le be nya ana itia angi i yi faale undi angwu u kang angi a. 37A kung de bendi-utung bema le, “Agbu-dyu a go le afem-ale, ukpọ bendi abe be fem be yi gbung ye. 38Ma bii ugyang utia le u mbee sọm bendi abe be fem agbu-dyu gye he ahe utia.”
Currently Selected:
Umatiu 9: KUIL
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Umatiu 9
9
Ujeso a tyang ke uhwo-abee, u mbee he
(Mak 2:1-12; Luk 5:11-26)
1Ujeso a ngwee kinọng tem gye he igbindi umbwo angwu he kubọng kuma. 2Bengikye besuso be be le uhwo-abee he ugaa le be ba hwaa le he. Ujeso a nde le be bọng le u mbee he. A kung de uhwo-abee le, “Unwa-agi, shi shel ye. Mi tyang biban bigang ka-a.”
3He ashin, bitisha Iten be de bende le, “Ungikye angwun u kọng bia Unim.”
4Ujeso a ngye igim ibel. A kung bii abe le, “Ki shi na a, ma gim kibibi kitaa i he atyam amen? 5Ashi le mi de le mi tyang biban bima ke-e na ki yi pie-pie hwo a, ha ashi le u bo kinaa ndu tan a? 6Mi ba tyung amen le mi Unwaa undi-gye, mi yi le ikeb he igye anyin le mi tyang biban ka bendi.” A kung de uhwo-abee le u bo kinaa, kung ugaa uma ndu gye he ushu. 7Ungikye umen ana a kung bo kinaa gbe ndo he ushu. 8Nyọng bendi be nde ashi ki shi, be fel he kushel, be pee Unim na a ke undi-gye ikeb le u shi kiwọm ashi kitaa i.
Liko Umatiu
(Mak 2:13-17; Luk 5:27-32)
9Nya ana Ujeso a ma gbe le ha, a maa ta le kukwo, a le nde undi angwu u kpe ukpanda angwu be ko le Umatiu. A ma yi kwu he kiteng aki kima. Ujeso a de-e le u be pwọm he. A kung bo kinaa gbe utung he ahe.
10He kunyọng ken Ujeso a maa za lizi he ushọm Umatiu. Bendi gbam abe be kpe ukpanda ọ, bendi abe be shi biban ọ, be le zi lizi utung ha Ujeso befe le bendi-utung bema. 11Nyọng bendi Iferesis besuso be nde Ujeso u za lizi utung ha abe, be bii bendi-utung bema le, “Ki shi na a, Itisha umen u zi lizi utung ha bendi abe be kpe ukpanda le bendi abe be shi biban?”
12Ujeso a gyo abe. A kung fan abe le, “Bendi abe be yi gogo na be kee undi-usi ye, bendi-angbam a. 13Ma le hwọ ngye ashi kimen i ki ze, mi kee bitwole abi be shang mi a ye, ukpọ mi kee le mi tyung beshi a. Mi be le mi ko bendi benunung a ye, ukpọ mi be le mi ko bendi-biban a.”#9:13 Uhosia 6:6
Be bii Ujeso gbe le itung ando-ale
(Mak 2:18-20; Luk 5:33-35)
14Ukpọ bendi-utung Ujọn be ha be hwaa le Ujeso, be bii he le, “Ki shi na a, bel le bendi Iferesis li kọng ha Unim le itung ando-ale mbee kunyọng, ukpọ bendi-utung begang befe be ndo itung ye?”
15Ujeso a fan abe le, “Ma kọng le begaa-ndi abe be be he kipam libee be kwu le kimbwee he kunyọng ahwu ukyeb ungye u yi utung ha abe ha? Dia! Kunyọng ku ba le ha ahwu be be kwu kung ukyeb ungye gbe le he le ha abe, saa be ha ndo itung.”
16Ujeso a tim ityang de be le, “Ki yi le undi angwu u kung kihwọm kifufe kpi shi ligia aliga angi atim ye. Gbe undi a shi na, kihwọm ashi kifufe ki gie aliga angi atim, ligia angi lifufe li fel go hwa angi litim. 17Ki shi le undi angwu u kung kutyo ahwu kufufe fe he ugam utim ye. Gbe a shi na, ha kutyo ku tya paa ugam wa he itang, kutyo lingyọ, ugam lingyọ. Ki yi le be kung kutyo ahwu kufufe fe he ugam angwu u so ufufe hwan, he ugam ọ, kutyo ọ, bi ban ye.”
Ujeso a wum likwọm unwa-ani ungingye, u mbee ungingye lingbam
(Mak 5:21-43; Luk 8:40-56)
18Nya ana Ujeso a maa so-i kọng ashin, ungikye angwu a ma yi ukandi he ushọm angwu Ijuus i kwu awu a be hwaa le he, tim anung he itang he ahe kushu, u de-e le, unwaama angwu ungingye a hwo. U be tyọ he kubwo he u tem wum. 19Ujeso befe le bendi-utung bema be kung bo gbe utung he ahe.
20Nya ana be maa te le kukwo, ungingye ususo angwu a ma wu anung kpam le wu he aze lihwo le ngi afee a be Ujeso le he item, u tyọ he kubwo he ungwu aliga. 21A ma kọng he ahe lityam le, “Gbe mi tyọ he kubwo he aliga ufufe ọ, mi mbee.”
22Ujeso a bel ashi nde-e, u de-e le, “Unwa-agi, shi shel ye. Abọng-ale agang a sha-a wo mbee.” Ungingye umen ana a ma mbee nya kukwo-kukwo.
23He kunyọng ahwu Ujeso a gye he usha-ale ukandi abe be shang Unim, a nde bendi abe be gwee ipipi kii lihwu be shi kihwee kaang. 24A de be le, befe puu be gye he igye. Unwaa a hwo ihwo ye, a mbu kunde a. Puu ubel be keb be fel gwee he. 25Bendi be shul he igye shul-shul, Ujeso a gbe gye ha he kipo unwaa umen ana le kwu-e kubwo he kubwo, a bo kinaa. 26Be ma bun ashi ki shi de bendi mbee ugegem umen ana puu.
Ujeso a mbee kihwọ-ashi le ukwọm-umbel.
27Ujeso a gbe le ha u gya, nya ana a maa te le kukwo, bendi befee abe be hwọ ashi be pwọm he. Be fel gaa le, “unwaa Udebid, kwu le beshi ha abel.”
28Ujeso a gbe gye he afee ushọm. Bendi abe be hwọ ashi be le hwaa le he. Ujeso a kung bii abe le, “Ma bọng le mi mbee amen mbee a?”
Be bọng le, “Eng, Ada.”
29Ujeso a kung abwo tyọ abe he atọng-shi, u de be le, “Ki shi ke men nya ana abọng-ale amen a yi.” 30Atọng-shi abel a buu. Ujeso a kung tye be uten le, “ma de undi kiwọm ashi ki shi i ye.” 31Ukpọ be le bun gbe le Ujeso de bendi mbee ugegem umen ana puu.
32Nya ana bendi be maa gbe le ha, bendi besuso be be le undi angwu a kwọm umbel be hwaa le Ujeso. Ikeb ibibi i ma yi he ahe. 33Ujeso a ndo ikeb ibibi ana, i fem le he ahe fem-fem, ungikye ana u fel kọng likọng. Ki ma kwu bendi he kuhwo, be fel da le be wa nde kiwọm kitaa i he Izwel ngye ye.
34Ukpọ bendi Iferesis be de le, “usu bibibi na a ke-e ikeb le u ndo ikeb ibibi.”
Bendi aki be go ye
35Ujeso a tan mbee ashi abọng puu. A maa hwọ bendi he ishọm Unim ibel angi be kwu awu, u bun kisọm kinunung de bendi gbe le kiteng kusu Unim, u mbee bendi le he bitaa angbam atyetye-atyetye. 36A ma nde liwu bendi, beshi be shi-e le be likọye be maa kpa kingie faale undi angwu u nde gbe le be nya ana itia angi i yi faale undi angwu u kang angi a. 37A kung de bendi-utung bema le, “Agbu-dyu a go le afem-ale, ukpọ bendi abe be fem be yi gbung ye. 38Ma bii ugyang utia le u mbee sọm bendi abe be fem agbu-dyu gye he ahe utia.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.