Umatiu 10
10
Ujeso a sọm abe lihwo le be befee gye he igye
(Mak 3:13-19; Luk 6:12-16)
1Ujeso a ma ko bendi-utung bema abe lihwo le be befee be hwaa le kuhwo-ma u mbee ke be ikeb le be ndo ikeb ibibi le ha bendi, be mbee bendi le he angbam puu.
2Azen bebwaa-kisọm bema, bendi lihwo le be befee na a yi nyin:
Usaimọn angwu be ko le Ipita le unwaa-nde Andru,
le bebwaa Uzebedi befee abe be maa ko le Ujems le Ujọn,
3le Ufilip le Ubatolomi
le Utọmas le Umatiu angwu a maa kpe ukpanda
le Ujems angwu a ma yi unwaa Alfeyus le Utadiyus,
4le Usaimọn angwu a ma yi Izilọt (liwu Ijuus angi i kee le be kwa le kuhwobel), le Ujudas Iskariyọt angwu a ma ndyeb Ujeso zi ha bendi-linaa bema.
5Bendi bemen lihwo le be befee abe Ujeso a sọm gye he igye i, a ma tye be uteten le, “Ma gye he kubọng bendi abe be yi Ijuus a ye ọ, nyọng ma gye he Usameria ọ ye. 6Ma gye he bendi Izwel a. Be yi nya ana itia angi i nim a. 7Nya ana ma te, ma bun de be le, kiteng kusu lifung-atabe ki fel kpee-kpee. 8Ma mbee bendi-angbam, ma wum bendi le he lihwu, ma shi abe akpaa be taa, ma ndo ikeb ibibi le ha bendi. Ma kpe kisọm kinunung faale kugia akele, men ọ ma le bun kisọm kinunung faale kugia akpele.
9“Ma shi kung Igold ọ, ngwu isiliva ọ ngwu ukopa ọ utung ha amen he ukwob angwu ma bwọ ye. 10Ma faa ibam lizi ọ, ngwu ma kwu aliga afee ọ, ngwu ma kwu ikwob abee afee ọ, ngwu ma kwu utyuu ọ ye. Ki yi le be ke undi aki ashi ki kpe le be ke-e. 11He kiteng kiyang-yang ashi ma gye, ma le kee undi angwu u bọng kpe men. Ma kwu he ahe kpam ma gbe-gbe le ha he kiteng kimen ana. 12Ushọm uyang-yang angwu ma gye, ma de bendi abe be yi ha le Unim u ke be ikwun. 13Gbe bendi abe be yi ha be kpe men, ma tyang ikwun imen i ngyọ kwu ha abe. Gbe be swan amen, ikwun igyang i tem utung ha amen. 14He kiteng ashi ma te, bendi be kpe men ọ, nyọng be dang kutyung gyo amen ọ ye, ma gbe le ha, ma kem kumbul-mbul le he abee amen wu abe ha. 15Kigyang-kigyang mi da-a le, he liti angi Unim u be tang ushe u ba nda bendi abe he Usọdọm le Ugomora beshi hwa bendi bemen ana.”
16“Mi sọm amen le ma te le kwu na itia i kwu he liwu betang a. Ma bilishi na ishii, ma kwu le kuhwo ambwole na lilulu. 17Ma kwu le kakang likọye bendi be ba kwa amen gya he ukoto le be maa amen ushe, be kpam amen ikwun he ishọm Unim ibel angi be kwu awu. 18He kuhwo kugi be ba kwa amen la ka bifaa ikwob le besu he be be maa amen ushe. Ha na ma be nde kukwo naa ushada gbe le kisọm kinunung de be befe le bendi abe be yi Ijuus a ye. 19Gbe be kwu amen gye le men he kipi be maa ushe, ma waa ufung gbe le ashi ma le kọng le kitaa ashi ma be kọng ashi ye. Unim u ba ka amen igie angi ma kọng he kunyọng ahwu kunyọng kumen ana ku fel. 20Men na ma be kọng ye, Ukatia Kunyọng na u be kọng gbe ha amen.
21“Bendi be fel ba kung bebwaa-ndabel ndyeb za. Betyam bebwaa be be kung bebwaa-bel ndyeb zi. Bebwaa be tem be fe betya-bel le bendabel ye, be be kung abe ke le be gwu. 22Bendi puu be ba tel amen he kuhwo kugi. Ukpọ undi angwu a ngyọ naa gen le wu he umbee-likel u ba kwa le likpan. 23Gbe be ke men kingie le he kubọng ahwun, ma buu gye he kubọng kususo. Kigyang-kigyang, Ma ba sha aki amen mbee ashi Izwel puu ma ukpọng mi Unwaa Undi-gye, mi ha be ye.
24“Undi angwu be hwọ he, u dyam hwa undi angwu u hwọ he ye. Ubọyi u dyam hwa atyam ye. 25Undi angwu be hwọ u kaa he u fel na undi angwu u hwọ he, ufee u kwu na atyam. Gbe be ko ugyang ushu le Ubeelzebub, ha be ba ko bendi bema bitaa azen abi bi ban hwo angina!”
26“Ma shi shel abe ye. Kiwọm kiyang-yang ashi be nyia shi, ki ba fem he igye. Kiwọm kiyang-yang ashi ki yi he kundyel, bendi be ba ngya ashi. 27Kiwọm ashi mi nyia de men he kifufeb, ma kọng ashi he kugboo, kiwọm ashi ma gyo he kundyel, ma le kọng ashi he kugboo. 28Ma shel bendi abe be gwu agwo, be gwu kunyọng mbee ye a ye. Ma shel Unim angwu u gwu agwo ọ, kunyọng ọ, u kung abi fe he kinde a. 29Be ka lipelpel lifee ukobo ken a, ukpọ kapelpel ken ọ ka mbwa he itang, atyamen u mọ angyele ye. 30Men ufe, Unim a bo ngye kugii igil he lishi limen ọ. 31Ma shi shel ye, undi-gye ken u yi Unim he kukpo hwo lipelpel gbam.”
32“Undi uyang-yang angwu a kọng de bendi gboo le u yi ke-m mi a, mi ba sha he na he ashi Atyagi angwu he lifung-atabe. 33Ukpọ undi angwu a swan gboo le u yi ke-m mi a ye, mi ba swan he he ashi Atyagi angwu he lifung-atabe.”
34“Ma shi gim le mi be le ikwun a he igye i ye, mi be le kukye a. 35Mi be le mi shi
“ ‘betyam bebwaa befe le bebwaa-bel be fel linaa ha bende,
mi shi benam bebwaa befe le bebwaa-bel be fel linaa ha bende,
mi shi bengye libee befe le bendabel-ushu be fel linaa ha bende.
36Bendi-linaa undi be fel ba ba le he ahe kikwu-lihwan a.’#10:36 Umaika 7:6
37“Undi angwu ki nyin he le atyam ọ, anam ọ, hwo-m mi, ha a kpe le u kwa undi-utung ugi ye, undi angwu ki nyin he le unwaama ungikye ọ, ungingye ọ, hwo-m mi, ha a kpe le u kwa undi-utung ugi ye. 38Undi angwu a bọng lihwu, kung kikpakpa kima ashi be be maa he bee so pwọm mi ye, ha a kpe le u kwa undi-utung ugi ye. 39Undi angwu u kaa le u kpan lishi lima, ha a nim le kuhwo-ma; undi angwu u bọng lihwu he kuhwo kugi na u be kwu le likpan.”
Lifem
(Mak 9:41)
40“Undi angwu a kpe men, ha a kpe-m mi a. Undi angwu a kpe-m, ha a kpe ufe angwu a sọm mi a. 41Undi angwu a kpe utye-ugie kisọm Unim le gbe u yi Unwaa-kisọm Unim a, Unim u ba ka he ufe ọ lifem. Undi angwu a kpe undi ununung le gbe u yi ununung a, Unim u ba ka he ufe ọ lifem. 42Undi angwu a ke undi-utung ugi angwu u yi ilaa-ilaa ọ umbwo le gbe u yi undi-utung ugi a, kigyang-kigyang, u ba kpa lifem lima.”
Currently Selected:
Umatiu 10: KUIL
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Umatiu 10
10
Ujeso a sọm abe lihwo le be befee gye he igye
(Mak 3:13-19; Luk 6:12-16)
1Ujeso a ma ko bendi-utung bema abe lihwo le be befee be hwaa le kuhwo-ma u mbee ke be ikeb le be ndo ikeb ibibi le ha bendi, be mbee bendi le he angbam puu.
2Azen bebwaa-kisọm bema, bendi lihwo le be befee na a yi nyin:
Usaimọn angwu be ko le Ipita le unwaa-nde Andru,
le bebwaa Uzebedi befee abe be maa ko le Ujems le Ujọn,
3le Ufilip le Ubatolomi
le Utọmas le Umatiu angwu a maa kpe ukpanda
le Ujems angwu a ma yi unwaa Alfeyus le Utadiyus,
4le Usaimọn angwu a ma yi Izilọt (liwu Ijuus angi i kee le be kwa le kuhwobel), le Ujudas Iskariyọt angwu a ma ndyeb Ujeso zi ha bendi-linaa bema.
5Bendi bemen lihwo le be befee abe Ujeso a sọm gye he igye i, a ma tye be uteten le, “Ma gye he kubọng bendi abe be yi Ijuus a ye ọ, nyọng ma gye he Usameria ọ ye. 6Ma gye he bendi Izwel a. Be yi nya ana itia angi i nim a. 7Nya ana ma te, ma bun de be le, kiteng kusu lifung-atabe ki fel kpee-kpee. 8Ma mbee bendi-angbam, ma wum bendi le he lihwu, ma shi abe akpaa be taa, ma ndo ikeb ibibi le ha bendi. Ma kpe kisọm kinunung faale kugia akele, men ọ ma le bun kisọm kinunung faale kugia akpele.
9“Ma shi kung Igold ọ, ngwu isiliva ọ ngwu ukopa ọ utung ha amen he ukwob angwu ma bwọ ye. 10Ma faa ibam lizi ọ, ngwu ma kwu aliga afee ọ, ngwu ma kwu ikwob abee afee ọ, ngwu ma kwu utyuu ọ ye. Ki yi le be ke undi aki ashi ki kpe le be ke-e. 11He kiteng kiyang-yang ashi ma gye, ma le kee undi angwu u bọng kpe men. Ma kwu he ahe kpam ma gbe-gbe le ha he kiteng kimen ana. 12Ushọm uyang-yang angwu ma gye, ma de bendi abe be yi ha le Unim u ke be ikwun. 13Gbe bendi abe be yi ha be kpe men, ma tyang ikwun imen i ngyọ kwu ha abe. Gbe be swan amen, ikwun igyang i tem utung ha amen. 14He kiteng ashi ma te, bendi be kpe men ọ, nyọng be dang kutyung gyo amen ọ ye, ma gbe le ha, ma kem kumbul-mbul le he abee amen wu abe ha. 15Kigyang-kigyang mi da-a le, he liti angi Unim u be tang ushe u ba nda bendi abe he Usọdọm le Ugomora beshi hwa bendi bemen ana.”
16“Mi sọm amen le ma te le kwu na itia i kwu he liwu betang a. Ma bilishi na ishii, ma kwu le kuhwo ambwole na lilulu. 17Ma kwu le kakang likọye bendi be ba kwa amen gya he ukoto le be maa amen ushe, be kpam amen ikwun he ishọm Unim ibel angi be kwu awu. 18He kuhwo kugi be ba kwa amen la ka bifaa ikwob le besu he be be maa amen ushe. Ha na ma be nde kukwo naa ushada gbe le kisọm kinunung de be befe le bendi abe be yi Ijuus a ye. 19Gbe be kwu amen gye le men he kipi be maa ushe, ma waa ufung gbe le ashi ma le kọng le kitaa ashi ma be kọng ashi ye. Unim u ba ka amen igie angi ma kọng he kunyọng ahwu kunyọng kumen ana ku fel. 20Men na ma be kọng ye, Ukatia Kunyọng na u be kọng gbe ha amen.
21“Bendi be fel ba kung bebwaa-ndabel ndyeb za. Betyam bebwaa be be kung bebwaa-bel ndyeb zi. Bebwaa be tem be fe betya-bel le bendabel ye, be be kung abe ke le be gwu. 22Bendi puu be ba tel amen he kuhwo kugi. Ukpọ undi angwu a ngyọ naa gen le wu he umbee-likel u ba kwa le likpan. 23Gbe be ke men kingie le he kubọng ahwun, ma buu gye he kubọng kususo. Kigyang-kigyang, Ma ba sha aki amen mbee ashi Izwel puu ma ukpọng mi Unwaa Undi-gye, mi ha be ye.
24“Undi angwu be hwọ he, u dyam hwa undi angwu u hwọ he ye. Ubọyi u dyam hwa atyam ye. 25Undi angwu be hwọ u kaa he u fel na undi angwu u hwọ he, ufee u kwu na atyam. Gbe be ko ugyang ushu le Ubeelzebub, ha be ba ko bendi bema bitaa azen abi bi ban hwo angina!”
26“Ma shi shel abe ye. Kiwọm kiyang-yang ashi be nyia shi, ki ba fem he igye. Kiwọm kiyang-yang ashi ki yi he kundyel, bendi be ba ngya ashi. 27Kiwọm ashi mi nyia de men he kifufeb, ma kọng ashi he kugboo, kiwọm ashi ma gyo he kundyel, ma le kọng ashi he kugboo. 28Ma shel bendi abe be gwu agwo, be gwu kunyọng mbee ye a ye. Ma shel Unim angwu u gwu agwo ọ, kunyọng ọ, u kung abi fe he kinde a. 29Be ka lipelpel lifee ukobo ken a, ukpọ kapelpel ken ọ ka mbwa he itang, atyamen u mọ angyele ye. 30Men ufe, Unim a bo ngye kugii igil he lishi limen ọ. 31Ma shi shel ye, undi-gye ken u yi Unim he kukpo hwo lipelpel gbam.”
32“Undi uyang-yang angwu a kọng de bendi gboo le u yi ke-m mi a, mi ba sha he na he ashi Atyagi angwu he lifung-atabe. 33Ukpọ undi angwu a swan gboo le u yi ke-m mi a ye, mi ba swan he he ashi Atyagi angwu he lifung-atabe.”
34“Ma shi gim le mi be le ikwun a he igye i ye, mi be le kukye a. 35Mi be le mi shi
“ ‘betyam bebwaa befe le bebwaa-bel be fel linaa ha bende,
mi shi benam bebwaa befe le bebwaa-bel be fel linaa ha bende,
mi shi bengye libee befe le bendabel-ushu be fel linaa ha bende.
36Bendi-linaa undi be fel ba ba le he ahe kikwu-lihwan a.’#10:36 Umaika 7:6
37“Undi angwu ki nyin he le atyam ọ, anam ọ, hwo-m mi, ha a kpe le u kwa undi-utung ugi ye, undi angwu ki nyin he le unwaama ungikye ọ, ungingye ọ, hwo-m mi, ha a kpe le u kwa undi-utung ugi ye. 38Undi angwu a bọng lihwu, kung kikpakpa kima ashi be be maa he bee so pwọm mi ye, ha a kpe le u kwa undi-utung ugi ye. 39Undi angwu u kaa le u kpan lishi lima, ha a nim le kuhwo-ma; undi angwu u bọng lihwu he kuhwo kugi na u be kwu le likpan.”
Lifem
(Mak 9:41)
40“Undi angwu a kpe men, ha a kpe-m mi a. Undi angwu a kpe-m, ha a kpe ufe angwu a sọm mi a. 41Undi angwu a kpe utye-ugie kisọm Unim le gbe u yi Unwaa-kisọm Unim a, Unim u ba ka he ufe ọ lifem. Undi angwu a kpe undi ununung le gbe u yi ununung a, Unim u ba ka he ufe ọ lifem. 42Undi angwu a ke undi-utung ugi angwu u yi ilaa-ilaa ọ umbwo le gbe u yi undi-utung ugi a, kigyang-kigyang, u ba kpa lifem lima.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.