Umatiu 8
8
Ujeso a mbee undi-akpaa
(Mak 1:40-45; Luk 5:12-16)
1Bendi be ma tye kwuo pwọm Ujeso he kunyọng ahwu a shul le he kigie ukwel.
2Undi-akpaa ususo a ha be hwaa le he, u tim anung he itang he kushu kuma. A de Ujeso le, “Ada gbe ki ngbeb-a wo mbee mi mbee.”
3Ujeso a kung nda kubwo tyọ he, de-e le, “Ki nyin mi. Kanaa-anaa i wo mbee.” Akpaa ama a kung taa nya kukwo-kukwo. 4Ujeso a kung de-e le u de undi ashi ye, u gbe ligbe-ligbe le hwaa le Ushang Unim u nde-e, u kung kuke ipọng ke-e nya ana uten Umosis a kọng.
Abọng-ale Ukandi ishogya
(Luk 7:1-10)
5Nyọng Ujeso a ngwee he Ukapanum, ukandi ishogya ususo angwu a maa be le he Urom a be hwaa le he, tim he anung le u kpel he. A de Ujeso le, 6“Ada, ubọyi ugi u yi gogo ye nde ha he ushu. U bo kinaa ọ mbee ye, likọye lingbam lima li go kaang.”
7Ujeso a kung de-e le, “Li gye, mi ndu ta la mbee he?”
8Ukandi ishogya angwuna, a fan le, “Ada, mi kpe angwu wo gye he ami ushu ye. Kee-kee kọng igie-igie ma ubọyi ugi u mbee. 9Mi ọ titi mi yi he kubwo bekandi ishogya abe be yi-m le he kushu. Mi shi le ishogya angi mi yi abe le he kushu. Mi da undi ken le u gye ha ana, u gya ha. Mi de angwel le u be i nyin, u ba. Gbe mi de ubọyi ugi le u shi kiwọm, u sha ashi.”
10Ujeso a gyo ashin, ki kwu-e he kuhwo. A kung de bendi abe be yi utung he ahe le “Kigyang-kigyang mi de men le, mi wa nde undi angwu a fe lityam ha ami kitaa i he Izwel ọ ngye ye. 11Kigyang-kigyang mi de men le bendi gbam be ba ba le he kigie ashi libwee li fem le ashi libwee li ngwee ba za kipam ha Ebraham le Azik le Ujekọb he kiteng kusu Unim he lifung-atabe. 12Ukpọ bendi abe ki yi le hang be kwu he kiteng kusu Unim, Unim u ba ndo abe tyang he igye he kifufeb he kipi be be kwu kii, be kem ishang le kimbwee kaang.”
13Ujeso a de ukandi ishogya umen ana le, “Ndu gye, ki shi ka-a nya ana wo bọng.” Ubọyi ukandi umen ana a ma mbee nya he kunyọng kumen ana.
Ujeso a mbee bendi gbam
(Mak 1:29-34; Luk 4:38-41)
14Nyọng Ujeso a be he ushọm Ipita, a nde anam ungye Ipita u yi gogo ye nde ha. Inyia-hwo i maa sha he. 15Ujeso a tyọ he kubwo he kubwo, a mbee. A kung bo kinaa, u fel sha he kugaa.
16Likwu-lukwu li gyeb. Bendi gbam be be le bendi abe ikeb ibibi i yi ha abe, be hwaa le Ujeso. Ujeso a ma kọng lingbam life-life, ikeb ibibi i fem gbe le ha abe, u mbee bendi-angbam puu. 17Ashin ki shi he ki kwu na Azaya utye-ugie kisọm Unim a ma kọng le-iti le,
“A kung angbam atyan so kuhwo-ma.”#8:17 Azaya 53:4
Apwọm-ale Ujeso u kaa kate
(Luk 9:57-62)
18Nyọng Ujeso a nde na bendi be sho fe-e, a de le be gyọng tang le he igbindi kidyeshọ. 19Undi ken angwu a maa hwọ bendi Iten a kung de Ujeso le, “Itisha, mi kee le mi pwọm a gya he kiteng kiyang-yang ashi wo gye.”
20Ujeso a kung de-e le, “Ife i yi le abel angi i nde, linyun li shi le agwu, ukpọ mi Unwaa undi-gye, mi yi le kiteng ashi mi nde gbam mbu kunde ye.”
21Undi-utung uma ususo a kung de-e le, “Ada, tyang mi le ngi atyagi, ma ukpọng.”
22Ujeso a kung de-e le, “Wo pwọm mi, tyang akwọm angi akwọm abel.”
Ujeso a kwun kipupu kufem
(Mak 4:35-41; Luk 8:22-25)
23Ujeso a le ngwee kinọng lishọ, bendi-utung bema be pwọm he. 24Nya imbul-imbul kipupu kufem ki keb ashele. Umbwo a maa fel to le kinọng, u tab fe he kinọng. Ukpọ Ujeso a ma yi he kunde. 25Bendi-utung bema be le wum he. Be de-e le, “Ada, kpan li, li nim inim.”
26Ujeso a bii abe le, “Kibang ki tan le shi ma shel? Ma fe lityam ha ami gbung ye.” A kung bo kinaa kọng ha kufem le umbwo le bi kwun atyung. Bi kung kwun atyung shang.
27Ki kwu bendi puu he kuhwo, be bii le, “Kibang kitaa undi ashi u yi? Kufem ọ, umbwo ọ, bi gyo he!”
Ujeso a mbee bengikye befee abe ikeb ibibi i yi he abe
(Mak 5:1-20; Luk 8:26-39)
28Ujeso a wu he igbindi umbwo he kipi bendi Ugadarin be ma nde, a kpee le bendi befee abe be maa be le he kipi be ngi akwọm. Bendi bemen befee ana be ma yi le ikeb ibibi ha abe. Be ma yi begyọng-begyọng le undi u maa tem gba kukwo kumen ana ye. 29Be nde Ujeso nde-nde, be fel gaa bii he le, “Unwaa Unim, wo la sha li naa a? Wo be he wo ke li kingie ma ukpọng kunyọng kutyan ku ha fel a?”
30Ikamgbo gbam i maa tan za ha kpee-kpee. 31Ikeb ibibi ana i tim Ujeso anung le, “Gbe wo ndo li, tyang li he li le ngwee ikamgbo angina.”
32Ujeso a de ngi le i ndu te. I fem le ha bendi befee ana le ngwee ikamgbo. Ikamgbo ana i buu shul kigugo le mbu hwo fe he kidyeshọ. 33Bendi abe be maa kang Ikamgbo be buu gye he lifung-ushu le bun biwọm puu abi bi shi le kitaa ashi ikeb ibibi i fem le ha bendi abena. 34Bendi gbam abe ha he lishi limen ana be le hwaa le Ujeso, nyọng be nde-e be tim he anung le u gbe le ha abe kubọng.
Currently Selected:
Umatiu 8: KUIL
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Umatiu 8
8
Ujeso a mbee undi-akpaa
(Mak 1:40-45; Luk 5:12-16)
1Bendi be ma tye kwuo pwọm Ujeso he kunyọng ahwu a shul le he kigie ukwel.
2Undi-akpaa ususo a ha be hwaa le he, u tim anung he itang he kushu kuma. A de Ujeso le, “Ada gbe ki ngbeb-a wo mbee mi mbee.”
3Ujeso a kung nda kubwo tyọ he, de-e le, “Ki nyin mi. Kanaa-anaa i wo mbee.” Akpaa ama a kung taa nya kukwo-kukwo. 4Ujeso a kung de-e le u de undi ashi ye, u gbe ligbe-ligbe le hwaa le Ushang Unim u nde-e, u kung kuke ipọng ke-e nya ana uten Umosis a kọng.
Abọng-ale Ukandi ishogya
(Luk 7:1-10)
5Nyọng Ujeso a ngwee he Ukapanum, ukandi ishogya ususo angwu a maa be le he Urom a be hwaa le he, tim he anung le u kpel he. A de Ujeso le, 6“Ada, ubọyi ugi u yi gogo ye nde ha he ushu. U bo kinaa ọ mbee ye, likọye lingbam lima li go kaang.”
7Ujeso a kung de-e le, “Li gye, mi ndu ta la mbee he?”
8Ukandi ishogya angwuna, a fan le, “Ada, mi kpe angwu wo gye he ami ushu ye. Kee-kee kọng igie-igie ma ubọyi ugi u mbee. 9Mi ọ titi mi yi he kubwo bekandi ishogya abe be yi-m le he kushu. Mi shi le ishogya angi mi yi abe le he kushu. Mi da undi ken le u gye ha ana, u gya ha. Mi de angwel le u be i nyin, u ba. Gbe mi de ubọyi ugi le u shi kiwọm, u sha ashi.”
10Ujeso a gyo ashin, ki kwu-e he kuhwo. A kung de bendi abe be yi utung he ahe le “Kigyang-kigyang mi de men le, mi wa nde undi angwu a fe lityam ha ami kitaa i he Izwel ọ ngye ye. 11Kigyang-kigyang mi de men le bendi gbam be ba ba le he kigie ashi libwee li fem le ashi libwee li ngwee ba za kipam ha Ebraham le Azik le Ujekọb he kiteng kusu Unim he lifung-atabe. 12Ukpọ bendi abe ki yi le hang be kwu he kiteng kusu Unim, Unim u ba ndo abe tyang he igye he kifufeb he kipi be be kwu kii, be kem ishang le kimbwee kaang.”
13Ujeso a de ukandi ishogya umen ana le, “Ndu gye, ki shi ka-a nya ana wo bọng.” Ubọyi ukandi umen ana a ma mbee nya he kunyọng kumen ana.
Ujeso a mbee bendi gbam
(Mak 1:29-34; Luk 4:38-41)
14Nyọng Ujeso a be he ushọm Ipita, a nde anam ungye Ipita u yi gogo ye nde ha. Inyia-hwo i maa sha he. 15Ujeso a tyọ he kubwo he kubwo, a mbee. A kung bo kinaa, u fel sha he kugaa.
16Likwu-lukwu li gyeb. Bendi gbam be be le bendi abe ikeb ibibi i yi ha abe, be hwaa le Ujeso. Ujeso a ma kọng lingbam life-life, ikeb ibibi i fem gbe le ha abe, u mbee bendi-angbam puu. 17Ashin ki shi he ki kwu na Azaya utye-ugie kisọm Unim a ma kọng le-iti le,
“A kung angbam atyan so kuhwo-ma.”#8:17 Azaya 53:4
Apwọm-ale Ujeso u kaa kate
(Luk 9:57-62)
18Nyọng Ujeso a nde na bendi be sho fe-e, a de le be gyọng tang le he igbindi kidyeshọ. 19Undi ken angwu a maa hwọ bendi Iten a kung de Ujeso le, “Itisha, mi kee le mi pwọm a gya he kiteng kiyang-yang ashi wo gye.”
20Ujeso a kung de-e le, “Ife i yi le abel angi i nde, linyun li shi le agwu, ukpọ mi Unwaa undi-gye, mi yi le kiteng ashi mi nde gbam mbu kunde ye.”
21Undi-utung uma ususo a kung de-e le, “Ada, tyang mi le ngi atyagi, ma ukpọng.”
22Ujeso a kung de-e le, “Wo pwọm mi, tyang akwọm angi akwọm abel.”
Ujeso a kwun kipupu kufem
(Mak 4:35-41; Luk 8:22-25)
23Ujeso a le ngwee kinọng lishọ, bendi-utung bema be pwọm he. 24Nya imbul-imbul kipupu kufem ki keb ashele. Umbwo a maa fel to le kinọng, u tab fe he kinọng. Ukpọ Ujeso a ma yi he kunde. 25Bendi-utung bema be le wum he. Be de-e le, “Ada, kpan li, li nim inim.”
26Ujeso a bii abe le, “Kibang ki tan le shi ma shel? Ma fe lityam ha ami gbung ye.” A kung bo kinaa kọng ha kufem le umbwo le bi kwun atyung. Bi kung kwun atyung shang.
27Ki kwu bendi puu he kuhwo, be bii le, “Kibang kitaa undi ashi u yi? Kufem ọ, umbwo ọ, bi gyo he!”
Ujeso a mbee bengikye befee abe ikeb ibibi i yi he abe
(Mak 5:1-20; Luk 8:26-39)
28Ujeso a wu he igbindi umbwo he kipi bendi Ugadarin be ma nde, a kpee le bendi befee abe be maa be le he kipi be ngi akwọm. Bendi bemen befee ana be ma yi le ikeb ibibi ha abe. Be ma yi begyọng-begyọng le undi u maa tem gba kukwo kumen ana ye. 29Be nde Ujeso nde-nde, be fel gaa bii he le, “Unwaa Unim, wo la sha li naa a? Wo be he wo ke li kingie ma ukpọng kunyọng kutyan ku ha fel a?”
30Ikamgbo gbam i maa tan za ha kpee-kpee. 31Ikeb ibibi ana i tim Ujeso anung le, “Gbe wo ndo li, tyang li he li le ngwee ikamgbo angina.”
32Ujeso a de ngi le i ndu te. I fem le ha bendi befee ana le ngwee ikamgbo. Ikamgbo ana i buu shul kigugo le mbu hwo fe he kidyeshọ. 33Bendi abe be maa kang Ikamgbo be buu gye he lifung-ushu le bun biwọm puu abi bi shi le kitaa ashi ikeb ibibi i fem le ha bendi abena. 34Bendi gbam abe ha he lishi limen ana be le hwaa le Ujeso, nyọng be nde-e be tim he anung le u gbe le ha abe kubọng.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.