Umatiu 7
7
Ama-ale bendi ushe
(Luk 6:37-38, 41-42)
1Ujeso a mbee kọng le, “Ma maa undi ushe ye, he Unim ọ u maa amen ushe ye. 2Kitaa ashi men ma maa undi ushe na Unim u be maa amen. Ukee angwu ma kee ke bendi na be be kee ke men.
3“Ki shi na a, wo nde kanwaa kibia ake ka yi unde-gang he utọng-shi, ki gbee a gbe le ubim ukwan angwu u yi kie he ugang utọng-shi ye? 4Ki shi na a, wo de unde-gang le u ndọ he wo fem he kanwaa kibia le he utọng-shi, wo shi le ubim ukwan he ugang utọng-shi? 5Wo undi bikpe-ashi, wo fem ubim ukwan angwu u yi-a he utọng-shi, ma wo nda ngwọng fem unde-gang kanwaa kibia le he uma utọng-shi.
6“Ma kung kiwọm ashi ki yi tata ke Unim, ke bendi abe be yi na ibwọ ye, teng i ngbam amen. Ma kung kukpana kumen fe bendi abe be yi na ikamgbo ye, teng i tan le hwu ngyual bisọ.”
Bii, Shun, Kem
(Luk 11:9-13)
7“Kiwọm ashi ki fọng amen, ma bii, ma ma kpa ashi. Ma kee kiwọm, ma ma nda ashi. Ma kem abwo he lishi, ma Unim u buu amen angi. 8Undi uyang-yang angwu a bii kiwọm, u kpa ashi, angwu a kee kiwọm, u nda shi, angwu a kem abwo he lishi, Unim u buu he angi.
9“Men betyam bebwaa, ayang he liwu limen u nya kung kukọ a ke unwaama, gbe a bii he kipam a? 10Ha u kwa ushii a ka he, gbe a bii he ukwan? 11Men abe ma ban i, ma ngye le ma ka bebwaa-men biwọm binunung teng-teng le Atyamen angwu he lifung-atabe a? Ufe u ba kung biwọm binunung ka bendi abe be bii he. 12He atan-lengi angwun kiwọm kiyang-yang ashi ma kee le bendi be shi ke men, ma shi ashi ha abe. Kimen i na Iten Umosis le ashia bitye-ugie kisọm Unim bi hwọ li.
Ungwu-likọng angwu shib-shib le angwu a gia
(Luk 13:24)
13“Ma gbe he ungwu-likọng angwu u yi shib-shib hwan likọye kukwo ahwu ku gye he linim ku yi le ungwu-likọng angwu a gia, ku ngbeb agbele. Bendi gbam be gba ha he kukwo kumen ana. 14Kukwo ahwu be gbe be kwu le likpan ku yi le ungwu-likọng angwu u yi shib-shib, ku mbee shi le kingie agbele. Bendi abe be nde kukwo kumen i be go ye.”
Bitye-ugie kisọm Unim abi uman le abi kigyang
(Luk 6:43-44)
15“Ma baa kuhwo-men le ha bitye-ugie iman. Be ba hwaa le men mbiloo na itia, ukpọ be yi nya ana betang abe be gwu itia a. 16Ma ngya abe gba he akpe angi be shi nya ana ma ngye ukwan gbe he agbe angi u wum. Bendi be bung agbe Uvine le he bidang, nyọng be bung agbe ufig le he ítọng ye. 17Ukwan ununung u wum agbe anunung; ukwan ubibi u wum agbe abibi. 18Ukwan ununung u ha ndu wum agbe abibi, nyọng ukwan ubibi u wum agbe anunung ye. 19Ukwan uyang-yang angwu u wum agbe anunung ye, be gying he fa he kinde. 20Kitaa kimen i na ma ngye bendi abe be be iman le abe be bun kisọm Unim gbe he akpe angi be shi.”
Bendi-utung Ujeso abe kigyang le abe uman
(Luk 13:25-27)
21“Undi uyang-yang angwu u ko mi le ‘Ada, Ada’ na u be gye he kiteng kusu Unim he lifung-atabe ye. Bendi abe be shi biwọm abi Atyagi angwu he lifung-atabe a kee le be shi befe-befe na be be gye ha. 22Nya he liti Ushe Unim, bendi gbam be ba da-m le, ‘Ada, Ada, li ma tye ugie he lizen ligang, li ndo ikeb ibibi le ha bendi, li mbee shi bikwole-kuhwo gbam he lizen ligang.’ 23Mi ha ba da abe gboo le, ‘mi ngye men ye, ma gbe-m le he i nyin, men abe ma ma shi bibibi.’
Ubilishi le kikpelye bendi abe be tye
(Luk 6:47-49)
24“Undi uyang-yang angwu a gyo igie igi, u shi angi, u yi na ungikye angwu a bilishi angwu a ma tye ushọm uma pwọm he likwu kukọ. 25Umbwo a ndọ kaang. Lishọ li sho wul wu mbee bipi. Kufem ku shi kaang, ukpọ ushọm a ma mbu ye likọye a ma tye-e pwọm he lishii kukọ a. 26Undi uyang-yang angwu a gyo igie igi, u shi angi ye, u yi nya ana kikpelye undi ashi ki ma tye ushọm uma pwọm he likwu kuyia a. 27Umbwo a ndọ kaang. Lishọ li sho wul wu mbee bipi. Kufem ku shi kaang, ushọm ana a ma gyeb shi he itang kpem. Agyeb-ale ushọm ana a ma ban kaang.”
28Ujeso a ma kọng ashin ki mbee, ki ma kwu bendi he kuhwo kitaa ashi u hwọ abe. 29A maa hwọ le kugamadye. A maa hwọ abe na bitisha Iten a ye.
Currently Selected:
Umatiu 7: KUIL
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Umatiu 7
7
Ama-ale bendi ushe
(Luk 6:37-38, 41-42)
1Ujeso a mbee kọng le, “Ma maa undi ushe ye, he Unim ọ u maa amen ushe ye. 2Kitaa ashi men ma maa undi ushe na Unim u be maa amen. Ukee angwu ma kee ke bendi na be be kee ke men.
3“Ki shi na a, wo nde kanwaa kibia ake ka yi unde-gang he utọng-shi, ki gbee a gbe le ubim ukwan angwu u yi kie he ugang utọng-shi ye? 4Ki shi na a, wo de unde-gang le u ndọ he wo fem he kanwaa kibia le he utọng-shi, wo shi le ubim ukwan he ugang utọng-shi? 5Wo undi bikpe-ashi, wo fem ubim ukwan angwu u yi-a he utọng-shi, ma wo nda ngwọng fem unde-gang kanwaa kibia le he uma utọng-shi.
6“Ma kung kiwọm ashi ki yi tata ke Unim, ke bendi abe be yi na ibwọ ye, teng i ngbam amen. Ma kung kukpana kumen fe bendi abe be yi na ikamgbo ye, teng i tan le hwu ngyual bisọ.”
Bii, Shun, Kem
(Luk 11:9-13)
7“Kiwọm ashi ki fọng amen, ma bii, ma ma kpa ashi. Ma kee kiwọm, ma ma nda ashi. Ma kem abwo he lishi, ma Unim u buu amen angi. 8Undi uyang-yang angwu a bii kiwọm, u kpa ashi, angwu a kee kiwọm, u nda shi, angwu a kem abwo he lishi, Unim u buu he angi.
9“Men betyam bebwaa, ayang he liwu limen u nya kung kukọ a ke unwaama, gbe a bii he kipam a? 10Ha u kwa ushii a ka he, gbe a bii he ukwan? 11Men abe ma ban i, ma ngye le ma ka bebwaa-men biwọm binunung teng-teng le Atyamen angwu he lifung-atabe a? Ufe u ba kung biwọm binunung ka bendi abe be bii he. 12He atan-lengi angwun kiwọm kiyang-yang ashi ma kee le bendi be shi ke men, ma shi ashi ha abe. Kimen i na Iten Umosis le ashia bitye-ugie kisọm Unim bi hwọ li.
Ungwu-likọng angwu shib-shib le angwu a gia
(Luk 13:24)
13“Ma gbe he ungwu-likọng angwu u yi shib-shib hwan likọye kukwo ahwu ku gye he linim ku yi le ungwu-likọng angwu a gia, ku ngbeb agbele. Bendi gbam be gba ha he kukwo kumen ana. 14Kukwo ahwu be gbe be kwu le likpan ku yi le ungwu-likọng angwu u yi shib-shib, ku mbee shi le kingie agbele. Bendi abe be nde kukwo kumen i be go ye.”
Bitye-ugie kisọm Unim abi uman le abi kigyang
(Luk 6:43-44)
15“Ma baa kuhwo-men le ha bitye-ugie iman. Be ba hwaa le men mbiloo na itia, ukpọ be yi nya ana betang abe be gwu itia a. 16Ma ngya abe gba he akpe angi be shi nya ana ma ngye ukwan gbe he agbe angi u wum. Bendi be bung agbe Uvine le he bidang, nyọng be bung agbe ufig le he ítọng ye. 17Ukwan ununung u wum agbe anunung; ukwan ubibi u wum agbe abibi. 18Ukwan ununung u ha ndu wum agbe abibi, nyọng ukwan ubibi u wum agbe anunung ye. 19Ukwan uyang-yang angwu u wum agbe anunung ye, be gying he fa he kinde. 20Kitaa kimen i na ma ngye bendi abe be be iman le abe be bun kisọm Unim gbe he akpe angi be shi.”
Bendi-utung Ujeso abe kigyang le abe uman
(Luk 13:25-27)
21“Undi uyang-yang angwu u ko mi le ‘Ada, Ada’ na u be gye he kiteng kusu Unim he lifung-atabe ye. Bendi abe be shi biwọm abi Atyagi angwu he lifung-atabe a kee le be shi befe-befe na be be gye ha. 22Nya he liti Ushe Unim, bendi gbam be ba da-m le, ‘Ada, Ada, li ma tye ugie he lizen ligang, li ndo ikeb ibibi le ha bendi, li mbee shi bikwole-kuhwo gbam he lizen ligang.’ 23Mi ha ba da abe gboo le, ‘mi ngye men ye, ma gbe-m le he i nyin, men abe ma ma shi bibibi.’
Ubilishi le kikpelye bendi abe be tye
(Luk 6:47-49)
24“Undi uyang-yang angwu a gyo igie igi, u shi angi, u yi na ungikye angwu a bilishi angwu a ma tye ushọm uma pwọm he likwu kukọ. 25Umbwo a ndọ kaang. Lishọ li sho wul wu mbee bipi. Kufem ku shi kaang, ukpọ ushọm a ma mbu ye likọye a ma tye-e pwọm he lishii kukọ a. 26Undi uyang-yang angwu a gyo igie igi, u shi angi ye, u yi nya ana kikpelye undi ashi ki ma tye ushọm uma pwọm he likwu kuyia a. 27Umbwo a ndọ kaang. Lishọ li sho wul wu mbee bipi. Kufem ku shi kaang, ushọm ana a ma gyeb shi he itang kpem. Agyeb-ale ushọm ana a ma ban kaang.”
28Ujeso a ma kọng ashin ki mbee, ki ma kwu bendi he kuhwo kitaa ashi u hwọ abe. 29A maa hwọ le kugamadye. A maa hwọ abe na bitisha Iten a ye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.