Umatiu 24
24
Agyeb-ale Ushọm Unim le bitaa abi ati umbee-likel
(Mak 13:1-2; Luk 21:5-6)
1Ujeso a ma bo le ha he Ushọm Unim le u ndu gya he kiteng kisuso. Bendi-utung bema be ma le tyung he Ushọm Unim le bipo bima gbam. 2Ujeso a bọng le a nde, u de be le, “Kigyang-kigyang, mi de men le, ushọm angwu ma nde i, u ba gyeb sha he itang kpem. Kukọ ken-ken ọ ku ba ngyọ pwọm he kipi be pwọm ahwu ye. A ba gyeb wa he itang puu.”
3Nya ana Ujeso a ma yi kwu he ukwel angwu be ko le Olif, bendi-utung bema be ma nyia te le hwaa le he. Be de-e le u de be kunyọng ahwu biwọm abi a kọng bi be shi. U mbee de be kitaa ashi ki be tyung le u ndu ba, ki tyung le igye i ndu mbee.
4Ujeso a de be le, “Ma baa teng undi u ba lam amen. 5Bendi gbam be ba ba he lizen ligi da le befe be yi Ukristi a, be fe bendi gbam umbeb. 6Ma ba gyo bekye abe kpee-kpee ha amen, ma gyo gbe le bekye abe kigbe-kigbe. Nya he kunyọng kumen ana ma shel ye. Ki yi kpe-kpe le abin bi shi, ukpọ umbee-likel igye anyin a wa fel a ye. 7Abọng-abọng a ba ndo ha bende. Lishi-lishi li be ndo ha bende. Isun i ba kwuo mbee bipi. Itung i ba ndo bendi kaang. 8Abin puu bi ba kwa kanwaa kingie nya ana ukpi-kikwu uzwaa a.
9“Bendi puu be ba tel amen he kuhwo kugi. Be ba kwa amen la ka bendi be ka amen kingie, be be gwu amen. 10He kunyọng kumen ana bendi gbam be tyang kukwo Unim, be tel bende, be ndyeb bende zi. 11Bitye-ugie iman abe be be iman le be bọng kisọm Unim be ha ndu be fe bendi lisọm. 12Bibibi bi ba go kaang le ki tem ba nyin bendi gbam le mi ye. 13Undi angwu a be ngyọ naa gen fe Unim le wu he umbee-likel, u ba kwa le likpan kunyọng. 14Bendi be ba bun kisọm kinunung gba le kiteng kusu Unim da bendi mbee abọng he igye puu, he bendi-gye puu be gyo kisọm kinunung kimen i. Igye anyin i ha mbee.
15“Ti ma ba nda ukọng ubibi angwu u nim le abọng.#24:15 Udaniel 9:27; 11:31; 12:11 Kimen i na Udaniel utye-ugie kisọm Unim a ma kọng gbe le shi nya ana a ma yi naa he kiteng ashi be ndọ tata ke Unim. (Undi angwu u bo ashin, ki nung he le ashi a bo.) 16He kunyọng kumen ana bendi abe be yi he kubọng Ujudia be buu gye he ikwel kusi. 17Undi angwu u yi he ushọm kusi, u tem ban kunyọng le u shul gya he afee ushọm la kung biwọm bima ye. 18Undi angwu u yi he utia, u tem ban kunyọng gye he usha-ale le u la kung kiwọm kima ye. 19Ha he kunyọng kumen ana, ki ba kwa kibibi ka bengingye azam le abe be yi le bebwaa he abwo. 20Ma kọng ha Unim le kiwọm ashin ki be shi le kakwuo ọ, nyọng he liti-uwel Ijuus ọ ye. 21Kingie ashi bendi be be kpe he kunyọng kumen ana, ki ba dyam hwa kingie kiyang-yang ashi undi a kpe kung le ha kunyọng ahwu Unim a shi igye anyin. Ki tem ba kwa le kingie kisuso na ye.
22“U die le ati kingie kimen i gem ye, hang undi ken ọ u ba kpan ye. U die le ati kingie kimen i gem he kuhwo bendi bema abe a waa kung a. 23Ha he kunyọng kumen ana, gbe undi uyang-yang u be de men le, ‘Ma nde, Ukristi u yi nyin,’ ususo u be de men le, ‘Ma nde-e u yi hel,’ ma bọng ye. 24Bendi gbam abe be ko kuhwobel le Ukristi le bitye-ugie iman be ba ba. Be ba sha bikwole-kuhwo gbe ki yi abe pie-pie, he be lam bendi abe Unim a waa kung. 25Ma kwu gbelakaa ye! Mi de men biwọm abin puu ndọ he itang ma.
26“Ma be be de men le u yi he afee ugbaa-libeb ọ, ma shi kee he gye ha ye. Ma be de men kiteng ashi u yi ndyel ọ, ma shi bọng ye. 27Mi Unwaa undi-gye, mi ba ba kitaa ashi kindeb-nwaa ki ndeb he kusi kung le he kigie ashin le wu he kigie ashel. 28He kipi likwọm li yi, ha na bipul zi abung bi gbọng sho.
29“Ujeso a mbee kọng le, he kunyọng ahwu bingie bibibi abi bi yi ke bendi ati anyin bi be mbee-mbee,
“ ‘libwee li ba gya kifufeb,
kufel ku tem be taa ye.
Ikpen i ba mbwa le he kusi ba he itang.
Biwọm puu abi bi yi he kusi bi ba gie.’#24:29 Azaya 13:10; 34:4
30“Kitaa ashi ki tyung abele ugi, mi Unwaa undi-gye, ki ba fem he kusi. Bendi ashi abọng puu he igye anyin be ba kya. Be ha nde-m mi Unwaa undi-gye na mi be le he kusi le ikeb le kikung-gboo kaang.#24:30 Udaniel 7:13-14 31Mi ba da idengel igi i gwee usọm ukandi, mi ha sọm angi gye mbee igye puu le gbọng bendi abe Unim a waa kung, be kpee he kiteng ken.
32“Kanaa-anaa i, mi kee le ma hwọ ashin le he Ufig. He kunyọng ahwu ibubu ima i ndu hwaa ashia, ma ngya le kifọng ki ndu shul. 33Kitaa kimen na he kunyọng ahwu ma be nde biwọm bimen i bi shi, ma ngye le kunyọng ahwu mi Unwaa undi-gye, mi be ku fel he abwo. 34Mi de men kigyang-kigyang le, biwọm abin puu bi ba sha ma ukpọng ugbe bendi abe be yi he igye kunyin i, u ha mbee. 35Lifung-atabe le igye bi ba mbee, ukpọ igie igi ife i ha ndu mbee ye, i kwa ngyọ igye kpam.
Undi a ngye liti ọ nyọng kunyọng ọ ye
(Mak 13:32-37; Luk 17:26-30, 34-36)
36“Ki yi le undi angwu a ngye liti ọ, nyọng u ngye kunyọng ọ ahwu biwọm abin bi be shi ye. Idengel angi he lifung-atabe ọ, mi unwaama ọ, li ngye ye. Atyagi ufe-ufe na a ngye liti limen ana. 37Kunyọng ahwu mi Unwaa undi-gye, mi be be ki ba kwa kitaa ken na ki ma yi he kunyọng Unuwa. 38He kunyọng kumen ana bendi be maa za bizizi, be ngwo bingwu-ngwo, be kpeb bengye, be gye abee, kpam le kwọm he liti angi Unuwa a ma mbo ngwee he kinọng lishọ kikandi, saa umbwo a ha ndọ kaang sho mbee bipi. 39Ki ma nung abe ashi ki ma shi ye kpam umbwo a gbe sho gwu abe be teng puu. Kitaa kimen na ki be kwu kunyọng mi Unwaa undi-gye, mi be be. 40Ha he kunyọng kumen ana bengikye befee be ba sha aki he utia ken. Unim u ba waa kung undi ken, angwu ken u ngyọ. 41Bengingye befee be ba ko biwọm he kiteng ken. Unim u ba waa kung undi ken, angwu ken u ngyọ.
42“Ma kwu le kakang, le gbe ma ngye liti angi mi Ada, mi be be ye. 43Mi kee le ma ngye le ki nya yi le ugyang ushọm u ngya kunyọng ahwu uzi u ngwee he he ushọm, hang u kang ushọm uma le he uzi u ngwee he ushọm ana ye. 44He atan-lengi angwun men ọ titi ma kam he kunyọng kuyang-ayang likọye mi Unwaa undi-gye, mi ba ba he kunyọng ahwu ma ndọ lishi ye a.
45“Ayang u yi na undi aki angwu u shi aki lityam ken, u bilishi? Angwu ha na atyam a ke-e ikeb le u nde gbe le bendi aki abe be teng, u ke be lizi nya he kunyọng ahwu kpa-kpa. 46Undi aki umen ana u ba kwa le igọ, gbe atyam a tem be nde-e a shi-e biwọm bimen i del-del. 47Mi de men kigyang-kigyang le atyam undi umen i u ba ka he ikeb le u fel nde gbe le biwọm bima puu. 48Ukpọ gbe u yi undi aki angwu ubibi a, u gim le atyam u ba ba akikye ye. 49U keb bendema ibọyi ikwun akpam-ale, u zi bizizi, u ngwo bingwu-ngwo utung ha bendi ibwọm. 50Atyam undi aki ugyang u ha be tye-e imbul. 51Atyam u kwa he ka he kingie kaang. U kwu-e le ngib lishi fe ipel ha bendi bikpe-ashi. Ha na u be kii kem ishang.
Currently Selected:
Umatiu 24: KUIL
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Umatiu 24
24
Agyeb-ale Ushọm Unim le bitaa abi ati umbee-likel
(Mak 13:1-2; Luk 21:5-6)
1Ujeso a ma bo le ha he Ushọm Unim le u ndu gya he kiteng kisuso. Bendi-utung bema be ma le tyung he Ushọm Unim le bipo bima gbam. 2Ujeso a bọng le a nde, u de be le, “Kigyang-kigyang, mi de men le, ushọm angwu ma nde i, u ba gyeb sha he itang kpem. Kukọ ken-ken ọ ku ba ngyọ pwọm he kipi be pwọm ahwu ye. A ba gyeb wa he itang puu.”
3Nya ana Ujeso a ma yi kwu he ukwel angwu be ko le Olif, bendi-utung bema be ma nyia te le hwaa le he. Be de-e le u de be kunyọng ahwu biwọm abi a kọng bi be shi. U mbee de be kitaa ashi ki be tyung le u ndu ba, ki tyung le igye i ndu mbee.
4Ujeso a de be le, “Ma baa teng undi u ba lam amen. 5Bendi gbam be ba ba he lizen ligi da le befe be yi Ukristi a, be fe bendi gbam umbeb. 6Ma ba gyo bekye abe kpee-kpee ha amen, ma gyo gbe le bekye abe kigbe-kigbe. Nya he kunyọng kumen ana ma shel ye. Ki yi kpe-kpe le abin bi shi, ukpọ umbee-likel igye anyin a wa fel a ye. 7Abọng-abọng a ba ndo ha bende. Lishi-lishi li be ndo ha bende. Isun i ba kwuo mbee bipi. Itung i ba ndo bendi kaang. 8Abin puu bi ba kwa kanwaa kingie nya ana ukpi-kikwu uzwaa a.
9“Bendi puu be ba tel amen he kuhwo kugi. Be ba kwa amen la ka bendi be ka amen kingie, be be gwu amen. 10He kunyọng kumen ana bendi gbam be tyang kukwo Unim, be tel bende, be ndyeb bende zi. 11Bitye-ugie iman abe be be iman le be bọng kisọm Unim be ha ndu be fe bendi lisọm. 12Bibibi bi ba go kaang le ki tem ba nyin bendi gbam le mi ye. 13Undi angwu a be ngyọ naa gen fe Unim le wu he umbee-likel, u ba kwa le likpan kunyọng. 14Bendi be ba bun kisọm kinunung gba le kiteng kusu Unim da bendi mbee abọng he igye puu, he bendi-gye puu be gyo kisọm kinunung kimen i. Igye anyin i ha mbee.
15“Ti ma ba nda ukọng ubibi angwu u nim le abọng.#24:15 Udaniel 9:27; 11:31; 12:11 Kimen i na Udaniel utye-ugie kisọm Unim a ma kọng gbe le shi nya ana a ma yi naa he kiteng ashi be ndọ tata ke Unim. (Undi angwu u bo ashin, ki nung he le ashi a bo.) 16He kunyọng kumen ana bendi abe be yi he kubọng Ujudia be buu gye he ikwel kusi. 17Undi angwu u yi he ushọm kusi, u tem ban kunyọng le u shul gya he afee ushọm la kung biwọm bima ye. 18Undi angwu u yi he utia, u tem ban kunyọng gye he usha-ale le u la kung kiwọm kima ye. 19Ha he kunyọng kumen ana, ki ba kwa kibibi ka bengingye azam le abe be yi le bebwaa he abwo. 20Ma kọng ha Unim le kiwọm ashin ki be shi le kakwuo ọ, nyọng he liti-uwel Ijuus ọ ye. 21Kingie ashi bendi be be kpe he kunyọng kumen ana, ki ba dyam hwa kingie kiyang-yang ashi undi a kpe kung le ha kunyọng ahwu Unim a shi igye anyin. Ki tem ba kwa le kingie kisuso na ye.
22“U die le ati kingie kimen i gem ye, hang undi ken ọ u ba kpan ye. U die le ati kingie kimen i gem he kuhwo bendi bema abe a waa kung a. 23Ha he kunyọng kumen ana, gbe undi uyang-yang u be de men le, ‘Ma nde, Ukristi u yi nyin,’ ususo u be de men le, ‘Ma nde-e u yi hel,’ ma bọng ye. 24Bendi gbam abe be ko kuhwobel le Ukristi le bitye-ugie iman be ba ba. Be ba sha bikwole-kuhwo gbe ki yi abe pie-pie, he be lam bendi abe Unim a waa kung. 25Ma kwu gbelakaa ye! Mi de men biwọm abin puu ndọ he itang ma.
26“Ma be be de men le u yi he afee ugbaa-libeb ọ, ma shi kee he gye ha ye. Ma be de men kiteng ashi u yi ndyel ọ, ma shi bọng ye. 27Mi Unwaa undi-gye, mi ba ba kitaa ashi kindeb-nwaa ki ndeb he kusi kung le he kigie ashin le wu he kigie ashel. 28He kipi likwọm li yi, ha na bipul zi abung bi gbọng sho.
29“Ujeso a mbee kọng le, he kunyọng ahwu bingie bibibi abi bi yi ke bendi ati anyin bi be mbee-mbee,
“ ‘libwee li ba gya kifufeb,
kufel ku tem be taa ye.
Ikpen i ba mbwa le he kusi ba he itang.
Biwọm puu abi bi yi he kusi bi ba gie.’#24:29 Azaya 13:10; 34:4
30“Kitaa ashi ki tyung abele ugi, mi Unwaa undi-gye, ki ba fem he kusi. Bendi ashi abọng puu he igye anyin be ba kya. Be ha nde-m mi Unwaa undi-gye na mi be le he kusi le ikeb le kikung-gboo kaang.#24:30 Udaniel 7:13-14 31Mi ba da idengel igi i gwee usọm ukandi, mi ha sọm angi gye mbee igye puu le gbọng bendi abe Unim a waa kung, be kpee he kiteng ken.
32“Kanaa-anaa i, mi kee le ma hwọ ashin le he Ufig. He kunyọng ahwu ibubu ima i ndu hwaa ashia, ma ngya le kifọng ki ndu shul. 33Kitaa kimen na he kunyọng ahwu ma be nde biwọm bimen i bi shi, ma ngye le kunyọng ahwu mi Unwaa undi-gye, mi be ku fel he abwo. 34Mi de men kigyang-kigyang le, biwọm abin puu bi ba sha ma ukpọng ugbe bendi abe be yi he igye kunyin i, u ha mbee. 35Lifung-atabe le igye bi ba mbee, ukpọ igie igi ife i ha ndu mbee ye, i kwa ngyọ igye kpam.
Undi a ngye liti ọ nyọng kunyọng ọ ye
(Mak 13:32-37; Luk 17:26-30, 34-36)
36“Ki yi le undi angwu a ngye liti ọ, nyọng u ngye kunyọng ọ ahwu biwọm abin bi be shi ye. Idengel angi he lifung-atabe ọ, mi unwaama ọ, li ngye ye. Atyagi ufe-ufe na a ngye liti limen ana. 37Kunyọng ahwu mi Unwaa undi-gye, mi be be ki ba kwa kitaa ken na ki ma yi he kunyọng Unuwa. 38He kunyọng kumen ana bendi be maa za bizizi, be ngwo bingwu-ngwo, be kpeb bengye, be gye abee, kpam le kwọm he liti angi Unuwa a ma mbo ngwee he kinọng lishọ kikandi, saa umbwo a ha ndọ kaang sho mbee bipi. 39Ki ma nung abe ashi ki ma shi ye kpam umbwo a gbe sho gwu abe be teng puu. Kitaa kimen na ki be kwu kunyọng mi Unwaa undi-gye, mi be be. 40Ha he kunyọng kumen ana bengikye befee be ba sha aki he utia ken. Unim u ba waa kung undi ken, angwu ken u ngyọ. 41Bengingye befee be ba ko biwọm he kiteng ken. Unim u ba waa kung undi ken, angwu ken u ngyọ.
42“Ma kwu le kakang, le gbe ma ngye liti angi mi Ada, mi be be ye. 43Mi kee le ma ngye le ki nya yi le ugyang ushọm u ngya kunyọng ahwu uzi u ngwee he he ushọm, hang u kang ushọm uma le he uzi u ngwee he ushọm ana ye. 44He atan-lengi angwun men ọ titi ma kam he kunyọng kuyang-ayang likọye mi Unwaa undi-gye, mi ba ba he kunyọng ahwu ma ndọ lishi ye a.
45“Ayang u yi na undi aki angwu u shi aki lityam ken, u bilishi? Angwu ha na atyam a ke-e ikeb le u nde gbe le bendi aki abe be teng, u ke be lizi nya he kunyọng ahwu kpa-kpa. 46Undi aki umen ana u ba kwa le igọ, gbe atyam a tem be nde-e a shi-e biwọm bimen i del-del. 47Mi de men kigyang-kigyang le atyam undi umen i u ba ka he ikeb le u fel nde gbe le biwọm bima puu. 48Ukpọ gbe u yi undi aki angwu ubibi a, u gim le atyam u ba ba akikye ye. 49U keb bendema ibọyi ikwun akpam-ale, u zi bizizi, u ngwo bingwu-ngwo utung ha bendi ibwọm. 50Atyam undi aki ugyang u ha be tye-e imbul. 51Atyam u kwa he ka he kingie kaang. U kwu-e le ngib lishi fe ipel ha bendi bikpe-ashi. Ha na u be kii kem ishang.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.