Umatiu 25
25
Ujeso a bun ityang gbe le bebwaa-asul lihwo abe be wa ngye ungikye ngye ye
1“Ujeso a ma hwọ bendi le, Kiteng kusu lifung-atabe ki ba kwa na bebwaa-asul lihwo abe be wa ngye ungikye ye abe be ma kwu nyọng ukyeb ungye angwu a ma shi kipam libee. Be ma gbe bimọ-kinde kwu ha abwo puu. 2Abe be-dyọng be ma yi kpelye ye, abe be-dyọng be bilishi. 3Abe kpelye be-dyọng ana be ma kwu behwu besuso fem abe he bimọ-kinde tyang ye. 4Ki shi le abe be bilishi be-dyọng ana be ma kwu behwu he itooto ipel ha abe he bimọ-kinde. 5Ukyeb unwaa-ungye a ma shwee be ye, ki shi abe puu be gbe he kunde.
6“Le kididyan kusu be gaa kọng le ukyeb unwaa-ungye a be ma, ma be he igye be kpee le he.
7“Bebwaa-asul lihwo bemen abe be wa ngye ungikye ye ana be wum le he kunde. Be bo kinaa gbe bimọ-kinde bibel. 8Bebwaa-asul abe kpelye be de abe be bilishi le, ma ke li behwu li fe he abel bimọ-kinde, likọye bi la nim.
9“Abe be bilishi be swan de be le, nyin be kpa li bel le men ye ma le shun ndyeb le ha bendi abe be ndyeb behwu zi.
10“He kunyọng ahwu abe be yi kpelye be gbe le be la shun behwu ndyeb, ukyeb unwaa-ungye a be. Abe be bilishi abe be-dyọng be gbe utung ha ukyeb unwaa-ungye ana gye he ushọm kipi be shi kipam libee, Be ha kung lishi ngib.
11“He kanwaa kunyọng zang abe be yi kpelye be tem le he kipi be gye behwu andyeb-ale. Be be naa he ungwu-lishi kọng le, ‘Ada! Ada! Buu li lishi!’
12“Ukpọ ukyeb unwaa-ungye ana a de be le, ‘Kigyang-kigyang mi ngye men ye gbang.’
13“He ashin ma kwu le kakang likọye ma ngye liti ọ ngwu kunyọng ọ ye.”
Ibam Unde
(Luk 19:11-27)
14Ujeso a mbee de le, “Ki ba kwa na undi u gye litan, u ko ibọyi ima kung bingbeb bima fe be he abwo. 15A ke angwu ukpi-kikwu ibam igold idyọng, u ke angwel ibam ifee, u mbee ke angwel ibam igold ken, undi uyang-yang kitaa shi kiken kima ki yi. A kung gbe litan. 16Nya kukwo-kukwo undi angwu a ma kpe ibam igold idyọng ana, a le shi ushi le ngi. A nde alada ashia-ashia ha unde angwu atyam a ma ke-e. 17Kitaa a ken angwu a ma kpe ibam ifee ọ a nde alada ashia-ashia ha unde angwu a ma kpe. 18Ukpọ undi angwu a ma kpe ibam ken, a kung angi le tem kubel ndyel he itang.
19“Ki gbe kigbe kaang, ukandi bendi aki ana a ha ngyu. A ko bendi aki bema puu bii abe kitaa undi-undi a shi aki le unde uma. 20Angwu a ma kpe ibam idyọng a be le ngi ke atyam. A ha de-e le, ‘Ukandi, wo ma ke-m ibam igold idyọng, mi mbee shi alada nde ibam idyọng.’
21“Atyam a kung de-e le, ‘Wo shi del-del. Wo yi ubọyi ununung a. Kiwọm ashi mi ka-a zang i, wo kam ashi ngbeb-ngbeb, mi fel ba ka-a gba gyọng ashina. Be gọ igọ utung ha ami.’
22“Angwu a ma kpe ibam igold ifee, a be le ngi be ke atyam. U de-e le, wo ma ke-m ibam ifee mi shi alada nde ibam ifee.
23“Atyam a de-e le, ‘Wo shi nya del-del. Wo yi ubọyi ununung a. Kiwọm ashi mi ka-a zang i, wo kam ashi ngbeb-ngbeb, mi fel ba ka-a gba gyọng ashina. Be gọ igọ utung ha ami.’
24“Angwu a ma kpe ibam igold ken ana, a tem le ngi be ke atyam. U de-e le, ‘Ukandi, mi ngye le wo yi undi ukaa-ukaa a, wo fem le he kipi wo kwan ye, wo gbọng le he ipi wo wee ye. 25Kife na mi shel a, mi ma kung unde ugang le tem ndyel he itang. Kpe unde ugang!’
26“Atyam a kung de-e le, ‘wo ubọyi ubibi wo hwun lihwun. Wo ngye le mi fem le he kipi mi kwan ye, mi gbọng le he kipi mi wee ye a? 27Nyọng wo ngye na, tyang wo ma kung unde angwu mi ka-a le fe he kipi abe be kpe be ke alada, he kunyọng ahwu mi tem i, tyang mi kpe unde ugi le lifem.’
28“A ha de bendi bema le, ‘Ma kpe ibam igold le ha ubọyi ubibi ana, le ke angwu a fel le ibam lihwo ana. 29Undi uyang-yang angwu u yi le kiwọm, Unim u mbee ba ka he le u fel le shi ki go. Ukpọ angwu u yi le kiwọm ye, ake u yi le ke zang ọ, Unim u ba pan kpa kung he ake. 30Ma kwu ubọyi angwu u yi kiwọm ye i nyin, tyang gye he kifufeb he kipi u be kii kpam ishang.’ ”
Itia le Ibu
31“Nyọng Unwaa undi-gye u be be he ifem ima, le idengel puu utung he ahe, u ba kwa he kidem kusu ifem ima. 32Abọng puu a ba kpee he kushu kuma, u ba taa bendi ndọ akwu afee nya ana ukang-itia u taa itia le ha ibu 33U ba kung itia ndọ le he kubwo lizen lima, u kung ibu ndọ le he kubwo limbel.
34“Usu u ba da abe le he kubwo lizen le, ‘Ma be zi lishi limen, men abe Atyagi a ke men kukwun. Kiteng kusu ashi Atyagi a kam ndọ amen kung le ha kunyọng ahwu Unim a mbe igye. 35He kunyọng ahwu itung i ma ndo mi, ma ma ke-m lizi. He kunyọng ahwu umbwo a ma gyo mi, ma ma ke-m umbwo. He kunyọng ahwu mi ma be he ishu imen na ugaa-ndi, ma ma kpe-m be he afee. 36He kunyọng ahwu mi ma yi uten-libọng, ma ma fe-m inditen. He kunyọng ahwu mi ma yi gogo ye, ma ma nde gbe le mi he lingbam. He kunyọng ahwu mi ma yi he igaadye, ma tan le kọng le mi.’
37“Bendi abe be yi betaa-betaa be ba fan he le, ‘Ada, he kunyọng ahwu kung bel li ma nde-a itung i ma ndo a, li ka-a lizi, umbwo u gyọ-a, li ka-a umbwo le wo ngwo? 38He kunyọng ahwu kung wo ma yi ugaa-ndi, li kpe-a be he ushọm, wo shi uten-libọng, li fa-a inditen? 39He kunyọng ahwu kung wo ma yi gogo ye, wo shi he igaadye, li le kọng le wo?’
40“Usu u ba fan abe le, ‘Kigyang-kigyang mi de men le kiwọm kiyang-yang ashi ma shi ha bebwaa-ndagi abe be yi he ukpo ye ọ ma shi ashi ke-m mi a.’
41“U ba da abe le he kubwo limbel le, ‘Ma gbe-m le nyin, men bendi bebibi gye he kinde ashi ki nim ye ngyọ igye kpam ashi be kam ndọ usu bibibi le idengel ima. 42He kunyọng ahwu itung i maa ndo mi, ma ma nyim mi lizi. He kunyọng ahwu umbwo a maa gyo mi, ma nyim mi umbwo. 43He kunyọng ahwu mi ma be ha amen ishu na ugaa-ndi, ma ma kpe-m gye he afee ye, he kunyọng ahwu mi ma yi uten-libọng, ma ma fe-m inditen ye. He kunyọng ahwu mi ma yi gogo ye, mi shi he igaadye, ma ma nde gbe le mi ye.’
44“Bendi bebibi bemen i be ha ba bii mi le, ‘Ada, kunyọng ahwu kung bel li ma nde-a le itung ọ i ma ndo a, umbwo ọ u gyọ-a, wo shi ugaa-ndi, wo shi uten-libọng, wo shi gogo ye, wo shi he igaadye, ukpọ li ma ha mọ a akpel-ale?’
45“Usu u ba fan abe le, ‘Kigyang-kigyang, mi de men le kiwọm kiyang-yang ashi ma ma mọ ashele ha bendi begi abe be yi he ukpo ye ọ, ma ma mọ ashele ha ami a.’
46“Bendi bebibi be gba gya he kipi be le kpe kingie ashi ki ngyọ igye kpam. Ukpọ abe benunung be gye he kipi be kwu le likpan angi li ngyọ igye kpam.”
Currently Selected:
Umatiu 25: KUIL
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Umatiu 25
25
Ujeso a bun ityang gbe le bebwaa-asul lihwo abe be wa ngye ungikye ngye ye
1“Ujeso a ma hwọ bendi le, Kiteng kusu lifung-atabe ki ba kwa na bebwaa-asul lihwo abe be wa ngye ungikye ye abe be ma kwu nyọng ukyeb ungye angwu a ma shi kipam libee. Be ma gbe bimọ-kinde kwu ha abwo puu. 2Abe be-dyọng be ma yi kpelye ye, abe be-dyọng be bilishi. 3Abe kpelye be-dyọng ana be ma kwu behwu besuso fem abe he bimọ-kinde tyang ye. 4Ki shi le abe be bilishi be-dyọng ana be ma kwu behwu he itooto ipel ha abe he bimọ-kinde. 5Ukyeb unwaa-ungye a ma shwee be ye, ki shi abe puu be gbe he kunde.
6“Le kididyan kusu be gaa kọng le ukyeb unwaa-ungye a be ma, ma be he igye be kpee le he.
7“Bebwaa-asul lihwo bemen abe be wa ngye ungikye ye ana be wum le he kunde. Be bo kinaa gbe bimọ-kinde bibel. 8Bebwaa-asul abe kpelye be de abe be bilishi le, ma ke li behwu li fe he abel bimọ-kinde, likọye bi la nim.
9“Abe be bilishi be swan de be le, nyin be kpa li bel le men ye ma le shun ndyeb le ha bendi abe be ndyeb behwu zi.
10“He kunyọng ahwu abe be yi kpelye be gbe le be la shun behwu ndyeb, ukyeb unwaa-ungye a be. Abe be bilishi abe be-dyọng be gbe utung ha ukyeb unwaa-ungye ana gye he ushọm kipi be shi kipam libee, Be ha kung lishi ngib.
11“He kanwaa kunyọng zang abe be yi kpelye be tem le he kipi be gye behwu andyeb-ale. Be be naa he ungwu-lishi kọng le, ‘Ada! Ada! Buu li lishi!’
12“Ukpọ ukyeb unwaa-ungye ana a de be le, ‘Kigyang-kigyang mi ngye men ye gbang.’
13“He ashin ma kwu le kakang likọye ma ngye liti ọ ngwu kunyọng ọ ye.”
Ibam Unde
(Luk 19:11-27)
14Ujeso a mbee de le, “Ki ba kwa na undi u gye litan, u ko ibọyi ima kung bingbeb bima fe be he abwo. 15A ke angwu ukpi-kikwu ibam igold idyọng, u ke angwel ibam ifee, u mbee ke angwel ibam igold ken, undi uyang-yang kitaa shi kiken kima ki yi. A kung gbe litan. 16Nya kukwo-kukwo undi angwu a ma kpe ibam igold idyọng ana, a le shi ushi le ngi. A nde alada ashia-ashia ha unde angwu atyam a ma ke-e. 17Kitaa a ken angwu a ma kpe ibam ifee ọ a nde alada ashia-ashia ha unde angwu a ma kpe. 18Ukpọ undi angwu a ma kpe ibam ken, a kung angi le tem kubel ndyel he itang.
19“Ki gbe kigbe kaang, ukandi bendi aki ana a ha ngyu. A ko bendi aki bema puu bii abe kitaa undi-undi a shi aki le unde uma. 20Angwu a ma kpe ibam idyọng a be le ngi ke atyam. A ha de-e le, ‘Ukandi, wo ma ke-m ibam igold idyọng, mi mbee shi alada nde ibam idyọng.’
21“Atyam a kung de-e le, ‘Wo shi del-del. Wo yi ubọyi ununung a. Kiwọm ashi mi ka-a zang i, wo kam ashi ngbeb-ngbeb, mi fel ba ka-a gba gyọng ashina. Be gọ igọ utung ha ami.’
22“Angwu a ma kpe ibam igold ifee, a be le ngi be ke atyam. U de-e le, wo ma ke-m ibam ifee mi shi alada nde ibam ifee.
23“Atyam a de-e le, ‘Wo shi nya del-del. Wo yi ubọyi ununung a. Kiwọm ashi mi ka-a zang i, wo kam ashi ngbeb-ngbeb, mi fel ba ka-a gba gyọng ashina. Be gọ igọ utung ha ami.’
24“Angwu a ma kpe ibam igold ken ana, a tem le ngi be ke atyam. U de-e le, ‘Ukandi, mi ngye le wo yi undi ukaa-ukaa a, wo fem le he kipi wo kwan ye, wo gbọng le he ipi wo wee ye. 25Kife na mi shel a, mi ma kung unde ugang le tem ndyel he itang. Kpe unde ugang!’
26“Atyam a kung de-e le, ‘wo ubọyi ubibi wo hwun lihwun. Wo ngye le mi fem le he kipi mi kwan ye, mi gbọng le he kipi mi wee ye a? 27Nyọng wo ngye na, tyang wo ma kung unde angwu mi ka-a le fe he kipi abe be kpe be ke alada, he kunyọng ahwu mi tem i, tyang mi kpe unde ugi le lifem.’
28“A ha de bendi bema le, ‘Ma kpe ibam igold le ha ubọyi ubibi ana, le ke angwu a fel le ibam lihwo ana. 29Undi uyang-yang angwu u yi le kiwọm, Unim u mbee ba ka he le u fel le shi ki go. Ukpọ angwu u yi le kiwọm ye, ake u yi le ke zang ọ, Unim u ba pan kpa kung he ake. 30Ma kwu ubọyi angwu u yi kiwọm ye i nyin, tyang gye he kifufeb he kipi u be kii kpam ishang.’ ”
Itia le Ibu
31“Nyọng Unwaa undi-gye u be be he ifem ima, le idengel puu utung he ahe, u ba kwa he kidem kusu ifem ima. 32Abọng puu a ba kpee he kushu kuma, u ba taa bendi ndọ akwu afee nya ana ukang-itia u taa itia le ha ibu 33U ba kung itia ndọ le he kubwo lizen lima, u kung ibu ndọ le he kubwo limbel.
34“Usu u ba da abe le he kubwo lizen le, ‘Ma be zi lishi limen, men abe Atyagi a ke men kukwun. Kiteng kusu ashi Atyagi a kam ndọ amen kung le ha kunyọng ahwu Unim a mbe igye. 35He kunyọng ahwu itung i ma ndo mi, ma ma ke-m lizi. He kunyọng ahwu umbwo a ma gyo mi, ma ma ke-m umbwo. He kunyọng ahwu mi ma be he ishu imen na ugaa-ndi, ma ma kpe-m be he afee. 36He kunyọng ahwu mi ma yi uten-libọng, ma ma fe-m inditen. He kunyọng ahwu mi ma yi gogo ye, ma ma nde gbe le mi he lingbam. He kunyọng ahwu mi ma yi he igaadye, ma tan le kọng le mi.’
37“Bendi abe be yi betaa-betaa be ba fan he le, ‘Ada, he kunyọng ahwu kung bel li ma nde-a itung i ma ndo a, li ka-a lizi, umbwo u gyọ-a, li ka-a umbwo le wo ngwo? 38He kunyọng ahwu kung wo ma yi ugaa-ndi, li kpe-a be he ushọm, wo shi uten-libọng, li fa-a inditen? 39He kunyọng ahwu kung wo ma yi gogo ye, wo shi he igaadye, li le kọng le wo?’
40“Usu u ba fan abe le, ‘Kigyang-kigyang mi de men le kiwọm kiyang-yang ashi ma shi ha bebwaa-ndagi abe be yi he ukpo ye ọ ma shi ashi ke-m mi a.’
41“U ba da abe le he kubwo limbel le, ‘Ma gbe-m le nyin, men bendi bebibi gye he kinde ashi ki nim ye ngyọ igye kpam ashi be kam ndọ usu bibibi le idengel ima. 42He kunyọng ahwu itung i maa ndo mi, ma ma nyim mi lizi. He kunyọng ahwu umbwo a maa gyo mi, ma nyim mi umbwo. 43He kunyọng ahwu mi ma be ha amen ishu na ugaa-ndi, ma ma kpe-m gye he afee ye, he kunyọng ahwu mi ma yi uten-libọng, ma ma fe-m inditen ye. He kunyọng ahwu mi ma yi gogo ye, mi shi he igaadye, ma ma nde gbe le mi ye.’
44“Bendi bebibi bemen i be ha ba bii mi le, ‘Ada, kunyọng ahwu kung bel li ma nde-a le itung ọ i ma ndo a, umbwo ọ u gyọ-a, wo shi ugaa-ndi, wo shi uten-libọng, wo shi gogo ye, wo shi he igaadye, ukpọ li ma ha mọ a akpel-ale?’
45“Usu u ba fan abe le, ‘Kigyang-kigyang, mi de men le kiwọm kiyang-yang ashi ma ma mọ ashele ha bendi begi abe be yi he ukpo ye ọ, ma ma mọ ashele ha ami a.’
46“Bendi bebibi be gba gya he kipi be le kpe kingie ashi ki ngyọ igye kpam. Ukpọ abe benunung be gye he kipi be kwu le likpan angi li ngyọ igye kpam.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.