Umatiu 23
23
Ashwa-ale kubwo he kutyung gbe le bikpe-ashi
(Mak 12:38-39; Luk 11:43, 46; 20:45-46)
1Ujeso a ha kọng ha bendi-utung bema le bendi gbam. 2A de be le, “Bitisha Iten le Iferesis be kwu he kidem Umosis. 3Kiwọm kiyang-yang ashi be hwọ amen, ma shi ashi. Ma shi hwọ kung likpe libel ye, likọye ashi befe be hwọ na be shi ye. 4Be kwuo biwọm swa bendi abi bi ngbeb gbe be gbe he akele ubel Iten angi i go gbe be, befe-gyang be tyọ kubwo ọ ha ye.
5“Be sha biwọm le he bendi be nde be a. Be fee Iten Unim fa he kiwọm bwọ bee he kushu le igbe-abwo, be sha aliga wulu-tutu he bendi be nde shob le be fa Unim. 6Ki nyin abe le be kwu he bidem abi be kie ndọ bekandi bendi he bipam ọ, he ishọm Unim angi be kwu liwu ọ. 7Be yi le bigyọ le hang bendi be kọng le be le ife he ishokwo kate, ko abe le bitisha.
8“Ki yi le be ko amen le Itisha ukandi ye, likọye men puu ma yi bebwaa-nam bende a. 9Ma shi ko undi le Atyamen he igye anyin ye, likọye li kee-kee yi le Atya-tyan he lifung-atabe ufe-ufe a. 10Ma shi bọng undi u ko amen le undi anọng-ale ye, likọye Ujeso Kristi ufe-ufe na u yi undi anọng-ale. 11Undi angwu a dyam hwo puu he liwu limen, na u kwu ubọyi umen. 12Undi angwu u kung kuhwo-ma gye he kusi, Unim u ba keb he ba he itang. Angwu u keb kuhwo-ma be he itang na Unim u be kung he gye he kusi.”
Ki ban amen shie kugbe kadyọng-ifee men bitisha Iten le Iferesis
(Mak 12:40; Luk 11:39-42, 44, 52; 20:47)
13Ujeso a mbee kọng le, “Ki ban amen shie, men bitisha Iten le men Iferesis, men bendi bikpe-ashi! Ma shi lishi tang bendi le be gye he kiteng kusu lifung-atabe ye. Men-agyang ma ngwee ha ye nyọng ma tyang abe be kaa ọ le be ngwee ha ye. [ 14Ki ba kwa kibibi ka amen abe ma hwọ bendi Iten le men Iferesis, likọye ma yi bendi-ilam a. Ma ngyu bengye-uhwuu. Ma ha kọng ha Unim gbe kigbe he bendi be de le ma yi bendi benunung a. He atan-lengi angwun men ma kpa kingie hwa bendi abe be teng puu.]
15“Ki ban amen shie, men bitisha Iten le Iferesis, men bendi bikpe-ashi! Ma tan ha abee, ma ngwee binọng lishọ he men ma shi undi ken ọ u bọng ashi men ma bọng. Gbe ma nde undi angwu a bọng, ma shi-e u fel unwaa kinde hwo amen agyang.
16“Ki ban amen shie, men bihwọ-ashi abi bi teng bendi! Ma hwọ bendi le gbe be tam Ushọm Unim angwu he Ujeruselem, be yi pọ le be ban utam-ale ubel. Ukpọ gbe be tam bigbọ igold abi bi yi ha he Ushọm Unim, ki ha kwa kpe-kpe le be shi utam-ale ubel. 17Men bikpel-ye bihwọ-ashi! Ashi kung ki dyam hwo, igold a ha ushọm Unim angwu u shi igold igyang i kwu tata ke Unim a? 18Ma mbee hwọ bendi le gbe be tam kiteng ashi be shang Unim, be yi pọ le be ban utam-ale ubel. Ukpọ gbe be tam kuke ahwu be ndọ he kiteng ashi be shang Unim, ki yi kpe-kpe le be sha utam-ale ubel. 19Men bihwọ-ashi abin! Kibang ashi ki dyam hwo, kuke a, ha kiteng ashi be shang Unim ashi ki shi kuke kugyang ku yi tata ke Unim a? 20Ashin ki ze le gbe undi a tam kiteng ashang-ale, ha a tam le kiwọm kiyang-yang ashi be shang ha ọ titi. 21Gbe undi a tam Ushọm Unim, ha a tam kiteng ọ, le Unim ugyang angwu u yi ushu ha ọ. 22Gbe undi a tam lifung-atabe, ha a tam le kidem kusu Unim le Unim ugyang angwu u yi kwu ha ọ.
23“Ki ban amen shie, men bitisha Iten le Iferesis, men bendi bikpe-ashi! Ma ka libi ken le he abi lihwo afufeb angi a nyin lizi. Ukpọ ma tyang kigyang ashi ki yi kindee-kindee he uten na, kigyang, beshi le andọ-ale ukyeb. Ma shi bimen abin puu, gia bisuso shi, tyang bisuso ye. 24Men bihwọ-ashi bendi abe ma teng, ma shwee uteteng le he kutyo tyang he itang, ukpọ ma kung kutyo su ngwo le kizaaki.
25“Ki ban amen shie men bitisha Iten le Iferesis, men bendi bikpe-ashi! Ma to item igba-ala le indọ imen ife-ife, ukpọ afee abi a shi sho le kupuu le abi ma ngyu bendi kpe kung. 26Men bihwọ-ashi bendi Iferesis, ma kpi-kikwu to afee ugba-ala le undọ imen, ma item abi ọ bi fel bitaa-bitaa.
27“Ki ban amen shie, men bitisha Iten le Iferesis, men bendi bikpe-ashi! Ma yi a na akwun angi a ngbeb kunung le he igye, ukpọ a sho le ikeb bendi abe be hwo le bitaa umbe uyang-yang ha afee. 28Kitaa kimen i na men ma yi ngbeb-ngbeb he ashi bendi, ukpọ atyam amen a shi sho le bikpe-ashi le bibibi.”
29“Ki ban amen shie, men bitisha Iten le men Iferesis, men bendi bikpe-ashi! Ma tye akwun ndọ bitye-ugie kisọm, ma bwee akwun bendi abe be yi betaa-betaa. 30Ma yii kọng le ma be kwu he kunyọng kutim a, hang ma ma gwu bitye-ugie kisọm Unim na betie-men be ma shi ye. 31Ashin ki tyung le ma bọng le ma yi igia bendi abe be ma gwu bitye-ugie kisọm Unim a. 32Ma ndu gye kushu mbee shi kiwọm ashi betie-men be ma shi ndọ kigem.
33“Men ishii! Men ibu ishii ibibi, ma sha na a ma nya be hwaa agyele he kinde? 34He atan-lengi angwun mi kee le ma ngye le mi ba gya kushu sọm amen bitye-ugie kisọm Unim le abe bebi-ashi le bendi abe be hwọ bendi biwọm. Ukpọ ma ba gwa besuso, ma maa besuso bee he kikpakpa, ma be kpam besuso he ishọm Unim imen angi ma kwu awu. Ma be ndeb le besuso mbee bipi sasa. 35He atan-lengi angwun men ma ba kpa kingie he kuhwo undi ununung uyang-yang angwu be gwu kung le ha Ebel kpam be wu ha Uzakariya, unwaa Ubarakia. Uzakariya na be ma gwu he Ushọm Unim he kudyan kimbe ashi be shang Unim le kipo ashi be ndọ tata ke Unim. 36Mi de men kigyang-kigyang, abin puu bi ba sha fa ugbe angwun a.”
37“Ujeruselem, Ujeruselem, men abe ma gwu bitye-ugie kisọm Unim, ma maa akọ gwu abe mi sọm hwaa le men. Mbee kunyọng kpam mi kee le hang mi kpe men fe he ukem na ukwuo u kpe inwaa ima fe he ahe abebaa, ukpọ ma bọng ye. 38Ma nde, ushọm umen a bel bishii. 39Mi kee le ma ngye le kung le he kunyọng ahwun gye kushu ma tem nda-m ye kpam kunyọng ku gbe fel ahwu ma de le, ‘kukwun ku yi ke undi angwu u be he lizen Ada.#23:39 Agyam 118:26’ ”
Currently Selected:
Umatiu 23: KUIL
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Umatiu 23
23
Ashwa-ale kubwo he kutyung gbe le bikpe-ashi
(Mak 12:38-39; Luk 11:43, 46; 20:45-46)
1Ujeso a ha kọng ha bendi-utung bema le bendi gbam. 2A de be le, “Bitisha Iten le Iferesis be kwu he kidem Umosis. 3Kiwọm kiyang-yang ashi be hwọ amen, ma shi ashi. Ma shi hwọ kung likpe libel ye, likọye ashi befe be hwọ na be shi ye. 4Be kwuo biwọm swa bendi abi bi ngbeb gbe be gbe he akele ubel Iten angi i go gbe be, befe-gyang be tyọ kubwo ọ ha ye.
5“Be sha biwọm le he bendi be nde be a. Be fee Iten Unim fa he kiwọm bwọ bee he kushu le igbe-abwo, be sha aliga wulu-tutu he bendi be nde shob le be fa Unim. 6Ki nyin abe le be kwu he bidem abi be kie ndọ bekandi bendi he bipam ọ, he ishọm Unim angi be kwu liwu ọ. 7Be yi le bigyọ le hang bendi be kọng le be le ife he ishokwo kate, ko abe le bitisha.
8“Ki yi le be ko amen le Itisha ukandi ye, likọye men puu ma yi bebwaa-nam bende a. 9Ma shi ko undi le Atyamen he igye anyin ye, likọye li kee-kee yi le Atya-tyan he lifung-atabe ufe-ufe a. 10Ma shi bọng undi u ko amen le undi anọng-ale ye, likọye Ujeso Kristi ufe-ufe na u yi undi anọng-ale. 11Undi angwu a dyam hwo puu he liwu limen, na u kwu ubọyi umen. 12Undi angwu u kung kuhwo-ma gye he kusi, Unim u ba keb he ba he itang. Angwu u keb kuhwo-ma be he itang na Unim u be kung he gye he kusi.”
Ki ban amen shie kugbe kadyọng-ifee men bitisha Iten le Iferesis
(Mak 12:40; Luk 11:39-42, 44, 52; 20:47)
13Ujeso a mbee kọng le, “Ki ban amen shie, men bitisha Iten le men Iferesis, men bendi bikpe-ashi! Ma shi lishi tang bendi le be gye he kiteng kusu lifung-atabe ye. Men-agyang ma ngwee ha ye nyọng ma tyang abe be kaa ọ le be ngwee ha ye. [ 14Ki ba kwa kibibi ka amen abe ma hwọ bendi Iten le men Iferesis, likọye ma yi bendi-ilam a. Ma ngyu bengye-uhwuu. Ma ha kọng ha Unim gbe kigbe he bendi be de le ma yi bendi benunung a. He atan-lengi angwun men ma kpa kingie hwa bendi abe be teng puu.]
15“Ki ban amen shie, men bitisha Iten le Iferesis, men bendi bikpe-ashi! Ma tan ha abee, ma ngwee binọng lishọ he men ma shi undi ken ọ u bọng ashi men ma bọng. Gbe ma nde undi angwu a bọng, ma shi-e u fel unwaa kinde hwo amen agyang.
16“Ki ban amen shie, men bihwọ-ashi abi bi teng bendi! Ma hwọ bendi le gbe be tam Ushọm Unim angwu he Ujeruselem, be yi pọ le be ban utam-ale ubel. Ukpọ gbe be tam bigbọ igold abi bi yi ha he Ushọm Unim, ki ha kwa kpe-kpe le be shi utam-ale ubel. 17Men bikpel-ye bihwọ-ashi! Ashi kung ki dyam hwo, igold a ha ushọm Unim angwu u shi igold igyang i kwu tata ke Unim a? 18Ma mbee hwọ bendi le gbe be tam kiteng ashi be shang Unim, be yi pọ le be ban utam-ale ubel. Ukpọ gbe be tam kuke ahwu be ndọ he kiteng ashi be shang Unim, ki yi kpe-kpe le be sha utam-ale ubel. 19Men bihwọ-ashi abin! Kibang ashi ki dyam hwo, kuke a, ha kiteng ashi be shang Unim ashi ki shi kuke kugyang ku yi tata ke Unim a? 20Ashin ki ze le gbe undi a tam kiteng ashang-ale, ha a tam le kiwọm kiyang-yang ashi be shang ha ọ titi. 21Gbe undi a tam Ushọm Unim, ha a tam kiteng ọ, le Unim ugyang angwu u yi ushu ha ọ. 22Gbe undi a tam lifung-atabe, ha a tam le kidem kusu Unim le Unim ugyang angwu u yi kwu ha ọ.
23“Ki ban amen shie, men bitisha Iten le Iferesis, men bendi bikpe-ashi! Ma ka libi ken le he abi lihwo afufeb angi a nyin lizi. Ukpọ ma tyang kigyang ashi ki yi kindee-kindee he uten na, kigyang, beshi le andọ-ale ukyeb. Ma shi bimen abin puu, gia bisuso shi, tyang bisuso ye. 24Men bihwọ-ashi bendi abe ma teng, ma shwee uteteng le he kutyo tyang he itang, ukpọ ma kung kutyo su ngwo le kizaaki.
25“Ki ban amen shie men bitisha Iten le Iferesis, men bendi bikpe-ashi! Ma to item igba-ala le indọ imen ife-ife, ukpọ afee abi a shi sho le kupuu le abi ma ngyu bendi kpe kung. 26Men bihwọ-ashi bendi Iferesis, ma kpi-kikwu to afee ugba-ala le undọ imen, ma item abi ọ bi fel bitaa-bitaa.
27“Ki ban amen shie, men bitisha Iten le Iferesis, men bendi bikpe-ashi! Ma yi a na akwun angi a ngbeb kunung le he igye, ukpọ a sho le ikeb bendi abe be hwo le bitaa umbe uyang-yang ha afee. 28Kitaa kimen i na men ma yi ngbeb-ngbeb he ashi bendi, ukpọ atyam amen a shi sho le bikpe-ashi le bibibi.”
29“Ki ban amen shie, men bitisha Iten le men Iferesis, men bendi bikpe-ashi! Ma tye akwun ndọ bitye-ugie kisọm, ma bwee akwun bendi abe be yi betaa-betaa. 30Ma yii kọng le ma be kwu he kunyọng kutim a, hang ma ma gwu bitye-ugie kisọm Unim na betie-men be ma shi ye. 31Ashin ki tyung le ma bọng le ma yi igia bendi abe be ma gwu bitye-ugie kisọm Unim a. 32Ma ndu gye kushu mbee shi kiwọm ashi betie-men be ma shi ndọ kigem.
33“Men ishii! Men ibu ishii ibibi, ma sha na a ma nya be hwaa agyele he kinde? 34He atan-lengi angwun mi kee le ma ngye le mi ba gya kushu sọm amen bitye-ugie kisọm Unim le abe bebi-ashi le bendi abe be hwọ bendi biwọm. Ukpọ ma ba gwa besuso, ma maa besuso bee he kikpakpa, ma be kpam besuso he ishọm Unim imen angi ma kwu awu. Ma be ndeb le besuso mbee bipi sasa. 35He atan-lengi angwun men ma ba kpa kingie he kuhwo undi ununung uyang-yang angwu be gwu kung le ha Ebel kpam be wu ha Uzakariya, unwaa Ubarakia. Uzakariya na be ma gwu he Ushọm Unim he kudyan kimbe ashi be shang Unim le kipo ashi be ndọ tata ke Unim. 36Mi de men kigyang-kigyang, abin puu bi ba sha fa ugbe angwun a.”
37“Ujeruselem, Ujeruselem, men abe ma gwu bitye-ugie kisọm Unim, ma maa akọ gwu abe mi sọm hwaa le men. Mbee kunyọng kpam mi kee le hang mi kpe men fe he ukem na ukwuo u kpe inwaa ima fe he ahe abebaa, ukpọ ma bọng ye. 38Ma nde, ushọm umen a bel bishii. 39Mi kee le ma ngye le kung le he kunyọng ahwun gye kushu ma tem nda-m ye kpam kunyọng ku gbe fel ahwu ma de le, ‘kukwun ku yi ke undi angwu u be he lizen Ada.#23:39 Agyam 118:26’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.