Umatiu 22
22
Ityang gbe le kipam libee
(Luk 14:15-24)
1Ujeso a mbee kọng ha bendi gbe he ityang, a de be le, 2“Kiteng kusu lifung-atabe ki yi na usu ken angwu a ma kam le u ndu sha kipam libee unwaama. 3Usu umen i a ma sọm ibọyi ima le i le de bendi abe a ko be he kipam libee limen i le kunyọng ku fel ha. Ukpọ be ma swan le be ba ye.
4“A mbee sọm ibọyi ima isuso le i le de bendi bemen ana le, ‘Lizi li bi, mi gwu ikyeb bigundu le ipi, mi tọ kam kiwọm kiyang-yang. Ma be kipam libee.’
5“Ki gbee bendi bemen ana ye. Undi ken a gbe gye he ahe utia, angwel u gbe he kate. 6Abe be teng be kwu ibọyi ana kpam gwu. 7Usu ana a fel he ingyo kaang. A sọm ishogya ima, i le gwu bendi bemen abe be gwu iboyi ima ana, i ting-shi abe kubọng kubel puu.
8“A ha ko ibọyi ima angi i teng de be le, ‘Mi kam kipam libee kigi ki mbee, ukpọ bendi abe mi ma ko ana be kpe le be ba ye. 9Kanaa-anaa i, ma tang he igba-akwo, ma ko undi uyang-yang angwu ma nde be he kipam ashin.’ 10Ibọyi ima ana i bo ndo ha he igba-akwo le ko bendi puu abe be nde. Be ko abe bebibi ọ, abe benunung ọ. Bendi be sho ha he ushọm kipam libee gbam.
11“He kunyọng ahwu usu a be shun inditen begaa-ndi bema, a nde undi ken angwu a ma fe inditen angi libee a ye. 12Usu a kung bii undi umen ana le, ‘Udimgi, ki shi na a, wo fe inditen libee a ye, wo bel be kwu ko nyin?’ Ungikye umen ana a kwu kpii.
13“Usu a kung de ibọyi ima le, ‘Ma kwu-e bwọ he indii he abwo le abee, kwu-e gye le he he igye le tye he kipi kifufeb ki yi, ha na u be kwu kii kem ishang.’ ”
14Ujeso a ha fe ityang imen i lishi le “bendi gbam na ufe a ko, ukpọ bendi zang na u be gia kung.”
Atyele ukpanda kusu ke Usiza
(Mak 12:13-17; Luk 20:20-26)
15Bendi Iferesis be ma gbe he ufaa le tim azu na be kung Ujeso le he kusi he be be gyo le u mbwa he lingbam a. 16Be gia bende le bendi Usu Uherọd sọm hwaa le Ujeso. Be le hwaa le Ujeso, de-e le, “Ukandi, bel li ngye le wo yi undi angwu u kọng kigyang a. Li ngye le wo hwọ bendi kigyang gba le ashi Unim a kee le be shi faale kushel likọye wo maa anung gba le kiwọm ashi bendi be gim ye. Bendi puu be yi-a kitaa ken.” 17Be ha bii he le, “De li ugim ugang, ki nya yi kpa-kpa le li tye ukpanda kusu ke Usiza a, ha li tye ke-e ye?”
18Ujeso a ngye ugim ubibi ubel. A kung de be le, “Men bendi bikpe-ashi, kibang a, ma kung mi le he kusi? 19Ma tyung mi ukwudi umen angwu ma tye ukpanda ana.” Be be le ukwudi tyung he. 20A ha bii abe le, “Lishi ayang le lizen ayang, be fee fe nyin?”
21Be fan he le, “Angi Usiza, usu ukandi angwu he Urom a.”
Ujeso a kung de be le, “Ashi ki yi ashi Usiza, ma kung ke Usiza. Ashi ki yi ashi Unim, ma kung ke Unim.”
22Nyọng be gyo ashin gyo-gyo, ki kwu abe he kuhwo kaang. Be gbe le ha tyang he.
Libee he awum-ale le he lihwu
(Mak 12:18-27; Luk 20:27-40)
23Bendi Isadusis be bọng le undi u tem wum le he lihwu ye. Ha he liti limen ana bendi besuso le he liwu limen i be ma le hwaa le Ujeso le kibibi le, 24“Itisha, Umosis a hwọ li le, ‘Gbe undi a hwo tyang ungye faale unwaa, unwaa-nam u kpeb kung ungye-uhwuu he ubu unwaa-nde angwu a hwo u nim ye.’ ”#22:24 Iten lefee 25:5 25Be gye kushu kọng le, “Ki ma yi le bengikye bedyọng-ifee abe be ma yi bebwaa-nam bende ha abel i nyin. Angwu gbel a ma kpeb ungye. A hwo tyang he faale unwaa. Angwu a pwọm le he, a kpeb kung ungye-uhwuu ana. 26Ufe ọ a hwo tyang he faale unwaa. Ki shi fe bebwaa-nam bende bedyọng-ifee ana nya kitaa ken. 27Angwu ungingye a ha hwo. 28Nyọng bendi be be wum le he lihwu, ungingye angwun u ba kwa ungye ayang a, gbe befe a puu bedyọng-ifee be kpeb he, hwo tyang he?”
29Ujeso a fan abe le, “Ma mbeb! Ma bii ashin le gbe ma ngye igie Unim ọ, nyọng ma ngye ikeb ima ọ ye a.” 30A ha de be le, “He kunyọng ahwu bendi be be wum le he lihwu, libee li tem ba kwa ye, likọye bendi puu be ba fel nya ana idengel Unim angi he lifung-atabe a. 31Ma bii mi gbe le awum-ale le he lihwu, ma wa bo igie Unim angi Umosis a fee ye a? 32A fee le Unim a kọng le, ‘Mi yi Unim angwu Ebraham le Azik le Ujekọb.’#22:32 Ligye 3:6 Ufe u yi Unim bendi abe be yi bewum a, abe be hwo a ye.”
33Bendi puu abe be gyo ashin, ki kwu abe he kuhwo kaang gbe le biwọm abi u hwọ abe.
Uten angwu a dyam hwo puu
(Mak 12:28-34; Luk 10:25-28)
34Bendi Iferesis be ma gyo le Ujeso a shib Isadusis ungwu, be tem fan Ujeso mbee ye. Befe be ha gbọng bende be hwaa le Ujeso. 35Undi ubel ken angwu a maa hwọ ngye Uten kaang, a kung kibibi liketye bii Ujeso he u mbu le he lingbam. 36A bii he le, “Itisha, uten angwu kung a dyam hwo Iten puu?”
37Ujeso a kung fan le, “ ‘Ki nyin a le Ada Unim le lityam ligang puu, le kunyọng kugang puu, le ugim ugang puu.’#22:37 Iten lefee 6:5; 10:12; 30:6 38Uten angwun na u yi kindee-kindee, u dyam hwo puu. 39Utepwọm uma u shi le, ‘Ki nyin a le unde-gang na ki nyin a le kuhwo-gang.’#22:39 Iten ashang-ale 19:18 40Iten angi Umosis a ma ke le biwọm abi bitye-ugie kisọm Unim bi ma de men, bife puu bi pwọm lishi he Iten imen ifee i a.”
Unwaa ayang u yi undi-likpan
(Mak 12:35-37; Luk 20:41-44)
41Nya ana bendi Iferesis be ma so he ukem, Ujeso a bii abe le, 42“Kibang men ma gim gbe le Ukristi? U yi igia ayang a?”
Be fan he le u yi igia Udebid a.
43Ufe a mbee bii abe le, “Ki shi na a, Ukatia Kunyọng a ma shi Udebid a ko he le Ada? A gye kushu kọng le,” 44Udebid ugyang a ma de le,
“ ‘Ada a de Ada ugi le,
“Be bel kwu-m he kubwo lizen
kpam mi gbe sha-a wo tem bendi-linaa begang
abee fe he itang.” ’#22:44 Agyam 110:1
45Gbe Udebid ọ a ma ko Ukristi le Ada, ki nya sha na a, ufe u ha fel igia ima?” 46Undi ken ọ le he liwu libel a tem fan Ujeso likpe ken ọ mbee ye. Kung le ha he liti limen ana gye kushu, undi ubel ken ọ a tem mbe lityam bii he kibibi ye.
Currently Selected:
Umatiu 22: KUIL
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Umatiu 22
22
Ityang gbe le kipam libee
(Luk 14:15-24)
1Ujeso a mbee kọng ha bendi gbe he ityang, a de be le, 2“Kiteng kusu lifung-atabe ki yi na usu ken angwu a ma kam le u ndu sha kipam libee unwaama. 3Usu umen i a ma sọm ibọyi ima le i le de bendi abe a ko be he kipam libee limen i le kunyọng ku fel ha. Ukpọ be ma swan le be ba ye.
4“A mbee sọm ibọyi ima isuso le i le de bendi bemen ana le, ‘Lizi li bi, mi gwu ikyeb bigundu le ipi, mi tọ kam kiwọm kiyang-yang. Ma be kipam libee.’
5“Ki gbee bendi bemen ana ye. Undi ken a gbe gye he ahe utia, angwel u gbe he kate. 6Abe be teng be kwu ibọyi ana kpam gwu. 7Usu ana a fel he ingyo kaang. A sọm ishogya ima, i le gwu bendi bemen abe be gwu iboyi ima ana, i ting-shi abe kubọng kubel puu.
8“A ha ko ibọyi ima angi i teng de be le, ‘Mi kam kipam libee kigi ki mbee, ukpọ bendi abe mi ma ko ana be kpe le be ba ye. 9Kanaa-anaa i, ma tang he igba-akwo, ma ko undi uyang-yang angwu ma nde be he kipam ashin.’ 10Ibọyi ima ana i bo ndo ha he igba-akwo le ko bendi puu abe be nde. Be ko abe bebibi ọ, abe benunung ọ. Bendi be sho ha he ushọm kipam libee gbam.
11“He kunyọng ahwu usu a be shun inditen begaa-ndi bema, a nde undi ken angwu a ma fe inditen angi libee a ye. 12Usu a kung bii undi umen ana le, ‘Udimgi, ki shi na a, wo fe inditen libee a ye, wo bel be kwu ko nyin?’ Ungikye umen ana a kwu kpii.
13“Usu a kung de ibọyi ima le, ‘Ma kwu-e bwọ he indii he abwo le abee, kwu-e gye le he he igye le tye he kipi kifufeb ki yi, ha na u be kwu kii kem ishang.’ ”
14Ujeso a ha fe ityang imen i lishi le “bendi gbam na ufe a ko, ukpọ bendi zang na u be gia kung.”
Atyele ukpanda kusu ke Usiza
(Mak 12:13-17; Luk 20:20-26)
15Bendi Iferesis be ma gbe he ufaa le tim azu na be kung Ujeso le he kusi he be be gyo le u mbwa he lingbam a. 16Be gia bende le bendi Usu Uherọd sọm hwaa le Ujeso. Be le hwaa le Ujeso, de-e le, “Ukandi, bel li ngye le wo yi undi angwu u kọng kigyang a. Li ngye le wo hwọ bendi kigyang gba le ashi Unim a kee le be shi faale kushel likọye wo maa anung gba le kiwọm ashi bendi be gim ye. Bendi puu be yi-a kitaa ken.” 17Be ha bii he le, “De li ugim ugang, ki nya yi kpa-kpa le li tye ukpanda kusu ke Usiza a, ha li tye ke-e ye?”
18Ujeso a ngye ugim ubibi ubel. A kung de be le, “Men bendi bikpe-ashi, kibang a, ma kung mi le he kusi? 19Ma tyung mi ukwudi umen angwu ma tye ukpanda ana.” Be be le ukwudi tyung he. 20A ha bii abe le, “Lishi ayang le lizen ayang, be fee fe nyin?”
21Be fan he le, “Angi Usiza, usu ukandi angwu he Urom a.”
Ujeso a kung de be le, “Ashi ki yi ashi Usiza, ma kung ke Usiza. Ashi ki yi ashi Unim, ma kung ke Unim.”
22Nyọng be gyo ashin gyo-gyo, ki kwu abe he kuhwo kaang. Be gbe le ha tyang he.
Libee he awum-ale le he lihwu
(Mak 12:18-27; Luk 20:27-40)
23Bendi Isadusis be bọng le undi u tem wum le he lihwu ye. Ha he liti limen ana bendi besuso le he liwu limen i be ma le hwaa le Ujeso le kibibi le, 24“Itisha, Umosis a hwọ li le, ‘Gbe undi a hwo tyang ungye faale unwaa, unwaa-nam u kpeb kung ungye-uhwuu he ubu unwaa-nde angwu a hwo u nim ye.’ ”#22:24 Iten lefee 25:5 25Be gye kushu kọng le, “Ki ma yi le bengikye bedyọng-ifee abe be ma yi bebwaa-nam bende ha abel i nyin. Angwu gbel a ma kpeb ungye. A hwo tyang he faale unwaa. Angwu a pwọm le he, a kpeb kung ungye-uhwuu ana. 26Ufe ọ a hwo tyang he faale unwaa. Ki shi fe bebwaa-nam bende bedyọng-ifee ana nya kitaa ken. 27Angwu ungingye a ha hwo. 28Nyọng bendi be be wum le he lihwu, ungingye angwun u ba kwa ungye ayang a, gbe befe a puu bedyọng-ifee be kpeb he, hwo tyang he?”
29Ujeso a fan abe le, “Ma mbeb! Ma bii ashin le gbe ma ngye igie Unim ọ, nyọng ma ngye ikeb ima ọ ye a.” 30A ha de be le, “He kunyọng ahwu bendi be be wum le he lihwu, libee li tem ba kwa ye, likọye bendi puu be ba fel nya ana idengel Unim angi he lifung-atabe a. 31Ma bii mi gbe le awum-ale le he lihwu, ma wa bo igie Unim angi Umosis a fee ye a? 32A fee le Unim a kọng le, ‘Mi yi Unim angwu Ebraham le Azik le Ujekọb.’#22:32 Ligye 3:6 Ufe u yi Unim bendi abe be yi bewum a, abe be hwo a ye.”
33Bendi puu abe be gyo ashin, ki kwu abe he kuhwo kaang gbe le biwọm abi u hwọ abe.
Uten angwu a dyam hwo puu
(Mak 12:28-34; Luk 10:25-28)
34Bendi Iferesis be ma gyo le Ujeso a shib Isadusis ungwu, be tem fan Ujeso mbee ye. Befe be ha gbọng bende be hwaa le Ujeso. 35Undi ubel ken angwu a maa hwọ ngye Uten kaang, a kung kibibi liketye bii Ujeso he u mbu le he lingbam. 36A bii he le, “Itisha, uten angwu kung a dyam hwo Iten puu?”
37Ujeso a kung fan le, “ ‘Ki nyin a le Ada Unim le lityam ligang puu, le kunyọng kugang puu, le ugim ugang puu.’#22:37 Iten lefee 6:5; 10:12; 30:6 38Uten angwun na u yi kindee-kindee, u dyam hwo puu. 39Utepwọm uma u shi le, ‘Ki nyin a le unde-gang na ki nyin a le kuhwo-gang.’#22:39 Iten ashang-ale 19:18 40Iten angi Umosis a ma ke le biwọm abi bitye-ugie kisọm Unim bi ma de men, bife puu bi pwọm lishi he Iten imen ifee i a.”
Unwaa ayang u yi undi-likpan
(Mak 12:35-37; Luk 20:41-44)
41Nya ana bendi Iferesis be ma so he ukem, Ujeso a bii abe le, 42“Kibang men ma gim gbe le Ukristi? U yi igia ayang a?”
Be fan he le u yi igia Udebid a.
43Ufe a mbee bii abe le, “Ki shi na a, Ukatia Kunyọng a ma shi Udebid a ko he le Ada? A gye kushu kọng le,” 44Udebid ugyang a ma de le,
“ ‘Ada a de Ada ugi le,
“Be bel kwu-m he kubwo lizen
kpam mi gbe sha-a wo tem bendi-linaa begang
abee fe he itang.” ’#22:44 Agyam 110:1
45Gbe Udebid ọ a ma ko Ukristi le Ada, ki nya sha na a, ufe u ha fel igia ima?” 46Undi ken ọ le he liwu libel a tem fan Ujeso likpe ken ọ mbee ye. Kung le ha he liti limen ana gye kushu, undi ubel ken ọ a tem mbe lityam bii he kibibi ye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.