Umatiu 20
20
Ityang gbe le bendi aki he utia Ivine
1Ujeso a ma bun ityang le, “Kiteng kusu lifung-atabe ki yi kitaa ken ha ungikye ken angwu a ma yi le utia. A bo le-iti-le-iti le kpe bendi le be le shi-e aki he ahe utia. 2A bọng le u ka undi-undi unde nya ana be ke he liti, u de be le be ndu le kpi aki ashele he ahe utia.
3“A mbee gye he ushokwo kate he inde idyọng-inde le-iti le nde bendi besuso be yi naa ha likọ. 4A kung de be le, ‘Men ọ titi ma ndu te le shi-m aki he utia. Mi ba ka amen unde del-del nya ana ki yi le be ke.’ 5Be ma gbe ndo he aki ashele.
“He libwee kudyan lishi a mbee kpe bendi aki kitaa a ken. He inde-ikie u mbee le kpe besuso. 6He inde idyọng angi likwu-lukwu a mbee gye he ushokwo kate le nde bendi besuso be yi naa ha likọ. A bii abe le, ‘Kibang a, ma kung liti libo ban naa nyin likọ?’
7“Be kung fan he le, ‘Likọye ki yi le undi angwu a kpe li he aki ye a.’
“Ufe a kung de be le, ‘Ma ndu te le shi-m aki ha ami utia.’
8“Likwu-lukwu li gyeb angi be wee aki. Ugyang utia a kung de undi angwu a maa nde gbe le bendi aki bema le u le de bendi aki le be ma wee, u ko abe be ukem he u ke undi-undi unde uma. U kpi-kikwu le abe be be umbee-likel, ha gye ha abe be be ukpi-kikwu.
9“Bendi abe be ma kpi aki he inde idyọng, a ke be undi uyang-yang unde na be ke undi he liti libo. 10Bendi abe be kpi aki kushu be be le be kpa unde. Be maa kọng le befe be ba kpa unde u go hwa abe be be umbee-likel. Ukpọ a ke undi-undi kitaa ken. 11Be kpe unde ubel keb inem anem-ale fe ugyang utia. 12Be kọng le, ‘Bel abe li kpe kingie shi aki liti libo gbang, ishu i bi li na wo ke li unde kitaa ken ha abe be kee-kee shi aki he kanwaa kunyọng zang a?’
13“A kung de undi ken le, ‘Udimgi, gyo mi. Mi sha-a zi izi ye, likọye wogyang na wo yi bọng le wo sha aki he liti he unde kitaa ana. 14Kanaa-anaa i wo kung unde ugang ndu gye. Mi ke men a puu kitaa ken, ma angwu a yi kpi kushu ọ, umbee-likel ọ.’ 15‘Mi nya yi le ikeb le mi sha kiwọm le unde ugi kitaa mi kee ye a? Ha wo bung ashi le gbe mi ke pọ?’ ”
16“Ashin na ki tyung amen le bendi abe be yi likel, be ba fel kushu, abe be yi kushu, be be fel likel.”
Ujeso a kọng kugbe ahwu lekie gbe le lihwu lima
(Mak 10:32-34; Luk 18:31-34)
17Nya ana Ujeso befe le bendi-utung bema be maa ndọ ashi gye he Ujeruselem, a ko abe lihwo le be befee gye he ufaa kung de be le. 18“Ma gyo, li gya he Ujeruselem he kipi ashi be be kung mi Unwaa undi-gye ke bekandi bishang Unim le bitisha Iten. Be ba ka ikeb le be gwu-e. 19Be ba kung he ka bendi abe be yi Ijuus a ye. Bendi bemen i be ba nyan he, be kpam he ikwun, be ha maa gwu-e bee he kikpakpa. Ukpọ he liti angi lekie u ba tem wum le he lihwu.”
Ashi anam bebwaa a bii
(Mak 10:35-45)
20Ungye Uzebedi a ma ha be le bebwaa-ma, bengikye befee, be hwaa le Ujeso. A keb he itang fe Ujeso, u bii he ukpel.
21Ujeso a kung bii he le, “Kibang ukpel angwu wo kee.”
A de Ujeso le, “Mi kee le wo ke-m ukyeb le he kiteng kusu kigang, bebwaagi abe befee i be ba kwa utung ha awo, undi ken u kwa le he kubwo lizen, angwel le he kubwo limbel.”
22Ujeso a ha de be le “Ma ngye ashi ma bii ye. Men ma nya ba ngwa le he ugba-ala angwu mi ndu ngwo i mbee a?”
Be bọng le, “li ba ngwa mbee.”
23Ujeso a kung de be le, “Ma ba ngwa le he ami ugba-ala mbee, ukpọ mi yi le ikeb le mi waa undi angwu u be kwu-m le he kubwo lizen ọ, ngwu le he kubwo limbel ọ ye. Atyagi ugyang u ba kung biteng bimen i ka bendi abe a shi abi ndọ abe a.”
24Bendi-utung Ujeso abe be teng lihwo be gyo kiwọm ashina. Be fel he ingyo fe bebwaa Uzebedi ana. 25Ujeso a kung ko abe befe puu be he kiteng ken, u de be le, “Ma ngye na bendi abe be kee le be kwa bekandi abe be nde gbe le bendi abe be yi Ijuus a ye be tyung ikeb ibel. Be sha bendi be fel na ifee. 26Ukpọ men ma shi na ye. Men ufe, undi angwu a kee le u kwa ukandi, u bel fel ubọyi bendi abe be teng. 27Undi he liwu limen angwu a kee le u kwa atie-lishi umen puu, undi umen ana u keb kuhwo-ma fel ufee bendi, 28nya ana Unwaa undi-gye, a be le bendi be kwu ibọyi ima a ye. A be le u kwu ubọyi bendi a, u mbee kung likpan lima ke, pọng bendi gbam.”
Bihwọ-ashi bifee bi fel nda
(Mak 10:46-52; Luk 18:35-43)
29Nya ana Ujeso befe le bendi-utung bema be maa ndu gbe le he Ujeriko, bendi be ma tye kwuo pwọm he. 30Bendi befee abe be ma hwọ ashi be ma yi kwu he kukwo. Be gyo le Ujeso u ba gba ha kukwo kumen ana. Be fel gaa le, “Ada, unwaa Udebid, kwu le beshi ha abel.”
31Liwu bendi be fel gaa fa abe le be naa le kihwee. Bihwọ-ashi aben be ha mbee kung gaa kaang le, “Ada, Unwaa Udebid, kwu le beshi ha abel.”
32Ujeso a ha naa, u ko abe. A bii abe le, “Kibang ma kee le mi shi ke men?”
33Be fan he le, “Ada, li kee le wo buu li atọng-shi.”
34Beshi be shi Ujeso le be. A tyọ abe abwo he atọng-shi. Nya kukwo-kukwo be maa fel nda, be gbe utung he ahe.
Currently Selected:
Umatiu 20: KUIL
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Umatiu 20
20
Ityang gbe le bendi aki he utia Ivine
1Ujeso a ma bun ityang le, “Kiteng kusu lifung-atabe ki yi kitaa ken ha ungikye ken angwu a ma yi le utia. A bo le-iti-le-iti le kpe bendi le be le shi-e aki he ahe utia. 2A bọng le u ka undi-undi unde nya ana be ke he liti, u de be le be ndu le kpi aki ashele he ahe utia.
3“A mbee gye he ushokwo kate he inde idyọng-inde le-iti le nde bendi besuso be yi naa ha likọ. 4A kung de be le, ‘Men ọ titi ma ndu te le shi-m aki he utia. Mi ba ka amen unde del-del nya ana ki yi le be ke.’ 5Be ma gbe ndo he aki ashele.
“He libwee kudyan lishi a mbee kpe bendi aki kitaa a ken. He inde-ikie u mbee le kpe besuso. 6He inde idyọng angi likwu-lukwu a mbee gye he ushokwo kate le nde bendi besuso be yi naa ha likọ. A bii abe le, ‘Kibang a, ma kung liti libo ban naa nyin likọ?’
7“Be kung fan he le, ‘Likọye ki yi le undi angwu a kpe li he aki ye a.’
“Ufe a kung de be le, ‘Ma ndu te le shi-m aki ha ami utia.’
8“Likwu-lukwu li gyeb angi be wee aki. Ugyang utia a kung de undi angwu a maa nde gbe le bendi aki bema le u le de bendi aki le be ma wee, u ko abe be ukem he u ke undi-undi unde uma. U kpi-kikwu le abe be be umbee-likel, ha gye ha abe be be ukpi-kikwu.
9“Bendi abe be ma kpi aki he inde idyọng, a ke be undi uyang-yang unde na be ke undi he liti libo. 10Bendi abe be kpi aki kushu be be le be kpa unde. Be maa kọng le befe be ba kpa unde u go hwa abe be be umbee-likel. Ukpọ a ke undi-undi kitaa ken. 11Be kpe unde ubel keb inem anem-ale fe ugyang utia. 12Be kọng le, ‘Bel abe li kpe kingie shi aki liti libo gbang, ishu i bi li na wo ke li unde kitaa ken ha abe be kee-kee shi aki he kanwaa kunyọng zang a?’
13“A kung de undi ken le, ‘Udimgi, gyo mi. Mi sha-a zi izi ye, likọye wogyang na wo yi bọng le wo sha aki he liti he unde kitaa ana. 14Kanaa-anaa i wo kung unde ugang ndu gye. Mi ke men a puu kitaa ken, ma angwu a yi kpi kushu ọ, umbee-likel ọ.’ 15‘Mi nya yi le ikeb le mi sha kiwọm le unde ugi kitaa mi kee ye a? Ha wo bung ashi le gbe mi ke pọ?’ ”
16“Ashin na ki tyung amen le bendi abe be yi likel, be ba fel kushu, abe be yi kushu, be be fel likel.”
Ujeso a kọng kugbe ahwu lekie gbe le lihwu lima
(Mak 10:32-34; Luk 18:31-34)
17Nya ana Ujeso befe le bendi-utung bema be maa ndọ ashi gye he Ujeruselem, a ko abe lihwo le be befee gye he ufaa kung de be le. 18“Ma gyo, li gya he Ujeruselem he kipi ashi be be kung mi Unwaa undi-gye ke bekandi bishang Unim le bitisha Iten. Be ba ka ikeb le be gwu-e. 19Be ba kung he ka bendi abe be yi Ijuus a ye. Bendi bemen i be ba nyan he, be kpam he ikwun, be ha maa gwu-e bee he kikpakpa. Ukpọ he liti angi lekie u ba tem wum le he lihwu.”
Ashi anam bebwaa a bii
(Mak 10:35-45)
20Ungye Uzebedi a ma ha be le bebwaa-ma, bengikye befee, be hwaa le Ujeso. A keb he itang fe Ujeso, u bii he ukpel.
21Ujeso a kung bii he le, “Kibang ukpel angwu wo kee.”
A de Ujeso le, “Mi kee le wo ke-m ukyeb le he kiteng kusu kigang, bebwaagi abe befee i be ba kwa utung ha awo, undi ken u kwa le he kubwo lizen, angwel le he kubwo limbel.”
22Ujeso a ha de be le “Ma ngye ashi ma bii ye. Men ma nya ba ngwa le he ugba-ala angwu mi ndu ngwo i mbee a?”
Be bọng le, “li ba ngwa mbee.”
23Ujeso a kung de be le, “Ma ba ngwa le he ami ugba-ala mbee, ukpọ mi yi le ikeb le mi waa undi angwu u be kwu-m le he kubwo lizen ọ, ngwu le he kubwo limbel ọ ye. Atyagi ugyang u ba kung biteng bimen i ka bendi abe a shi abi ndọ abe a.”
24Bendi-utung Ujeso abe be teng lihwo be gyo kiwọm ashina. Be fel he ingyo fe bebwaa Uzebedi ana. 25Ujeso a kung ko abe befe puu be he kiteng ken, u de be le, “Ma ngye na bendi abe be kee le be kwa bekandi abe be nde gbe le bendi abe be yi Ijuus a ye be tyung ikeb ibel. Be sha bendi be fel na ifee. 26Ukpọ men ma shi na ye. Men ufe, undi angwu a kee le u kwa ukandi, u bel fel ubọyi bendi abe be teng. 27Undi he liwu limen angwu a kee le u kwa atie-lishi umen puu, undi umen ana u keb kuhwo-ma fel ufee bendi, 28nya ana Unwaa undi-gye, a be le bendi be kwu ibọyi ima a ye. A be le u kwu ubọyi bendi a, u mbee kung likpan lima ke, pọng bendi gbam.”
Bihwọ-ashi bifee bi fel nda
(Mak 10:46-52; Luk 18:35-43)
29Nya ana Ujeso befe le bendi-utung bema be maa ndu gbe le he Ujeriko, bendi be ma tye kwuo pwọm he. 30Bendi befee abe be ma hwọ ashi be ma yi kwu he kukwo. Be gyo le Ujeso u ba gba ha kukwo kumen ana. Be fel gaa le, “Ada, unwaa Udebid, kwu le beshi ha abel.”
31Liwu bendi be fel gaa fa abe le be naa le kihwee. Bihwọ-ashi aben be ha mbee kung gaa kaang le, “Ada, Unwaa Udebid, kwu le beshi ha abel.”
32Ujeso a ha naa, u ko abe. A bii abe le, “Kibang ma kee le mi shi ke men?”
33Be fan he le, “Ada, li kee le wo buu li atọng-shi.”
34Beshi be shi Ujeso le be. A tyọ abe abwo he atọng-shi. Nya kukwo-kukwo be maa fel nda, be gbe utung he ahe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.