Umatiu 19
19
Libee aban-ale
(Mak 10:1-12)
1Nyọng Ujeso a kọng ashin mbee, a bo le ha he kubọng Ugalili gye he igbindi umbwo Ujọdan he kubọng ahwu be ko le Ujudia. 2Bendi be ma kwuo pwọm he. A maa mbee bendi-angbam abe be be ha.
3Bendi Iferesis besuso be be kung he le he kusi, be bii he le, “Ki nya yi del-del le undi u ban libee gbe u yi le atan-lengi a?”
4Ujeso a fan abe le, “Ma wa bo ashi be fee le-iti le, ‘Kung le ha he ukpi-kikwu Unim a ma mbe ungikye le ungingye,’#19:4 Ukpi-kikwu 1:27 5he atan-lengi angwun, ‘Ungikye u tyang atyam le anam ba gwaa ha ungye-ma, ufe ọ, ungye-ma ọ, be ba fel agwo ken ye a?#19:5 Ukpi-kikwu 2:24’ 6Be tem yi bendi befee a ye, be fel undi ken a. He ashin, kiwọm ashi Unim a gwaa he kiteng ken undi u shi tang ashi he abwo ye.”
7Bendi Iferesis bemen i be tem le shi bii he le, “Fe ki shi na a, nyọng Umosis a ma ke li uten le, ungikye angwu a kee le u ban libee u fee kushia libee aban-ale ke ungye-ma de-e le u ndu gye?”
8Ujeso a fan abe le, “Umosis a ma ke men ikeb anyin le ma ban abee ha bengye-men le gbe ma teb atyam, ma kpa ashi be hwọ amen ye a. Ukpọ kung le he ukpi-kikwu igye anyin ki ma yi na ye. 9Mi de men le ungikye uyang-yang angwu a ban libee he atan-lengi uyang-yang fem ashi le a kwu ungye-ma ha ungikye ususo tyang, ha a shi kiban agbele ipel a, gbe a le kpeb ungye ususo.”
10Bendi-utung bema be kung de-e le, “Gbe libee li yi ashi kitaa ana a, ha ki ngbeb le undi u kpeb ungye ye.”
11Ujeso a kung fan abe le, “Ashi be kọng i, bendi puu na be shi ashi mbee ye. Bendi abe be yi le ikeb Unim na be kee-kee shi kimen i mbee. 12Bendi gbam be kee libee ye. Atan-lengi uma na u yi i, besuso be hwo kikwu le he lifung andabel. Besuso, bendi be fee abe ifee. Besuso be swan libee he kuhwo kiteng kusu lifung-atabe. Undi angwu u shi ashin mbee, u kpe uteb angwun.”
Inwaa-bwani le Ujeso
(Mak 10:13-16; Luk 18:15-17)
13Bendi besuso be ma be le inwaa-bwani ibel le Ujeso u pwọm abe abwo, u bii Unim le u ke be kukwun. Bendi-utung bema be swan ndo abe.
14Ujeso a de be le, “Ma tyang bebwaa-ni be be hwaa le mi. Ma swan ndo abe ye, likọye abe kitaa i na kiteng kusu lifung-atabe ki yi ushu ubel.” 15A ha kung abwo ama pwọm abe, u bo gbe le ha.
Undi-kingbeb le kiteng kusu Unim
(Mak 10:17-31; Luk 18:18-30)
16He kunyọng ken ungikye ususo a ma be hwaa le Ujeso, u bii he le, “Itisha, kibang kitaa kinunung ashi mi nya shi mi kwu le likpan kunyọng angi li ngyọ igye kpam?”
17Ujeso a tem le shi bii he le, “Kibang a, wo bii mi gbe le kinunung? Unim ufe-ufe na u kee-kee yi ununung. Gbe wo kee le wo kwa le likpan angi li ngyọ igye kpam, wo ndọ Iten Unim.”
18A mbee bii Ujeso le, “Bibang kitaa Iten a?”
Ujeso a de le, “Iten angi ha na i yi i. Gwu undi ye. Gbe ipel ha undi ususo fem ungye-gang ọ ukye-gang tyang ye. Zi kazi ye. Be uman fe undi ye. 19Fe atia le anaa#19:19 Ligye 20:12-16; Iten lefee 5:16-20. Ki nyin a le unde-gang na ki nyin a le kuhwo-gang.#19:19 Iten ashang-ale 19:18”
20Ungikye umen ana a mbee fan le, “Mi shi Iten anyin puu. Kisuso ki mbee teng le mi shi, mi ha kwu le likpan limen i a?”
21Ujeso a kung de-e le. “Gbe wo kee le wo fel gelalala, wo ndu gye ha awo ushu le kung biwọm bigang puu ndyeb zi, kung unde abi ke bendi-likaa, ma wo kwa le kingbeb he lifung-atabe. Gbe wo shi na, ma wo ha tem be pwọm mi.”
22Nyọng ungikye angwuna a gyo ashin gyo-gyo, a gbe ligye kimbwe-kimbwe likọye a ma mbu kingbeb kaang.
23Ujeso a ha de bendi-utung bema le, “Kigyang na mi de men i nyin, ki ba kwa le kingie kaang ka bendi-kingbeb le be ngwee he kiteng kusu lifung-atabe. 24Ma mbee ngye le, ki yi pie-pie le kizaaki ki gbe he ligia uwo hwo ashi le undi-kingbeb u ngwee kiteng kusu Unim.”
25Nyọng bendi-utung bema be gyo ashin, ki kwu abe he kuhwo kaang. Be fel bii bende le, “Fe ayang u ha be kwu le likpan kunyọng?”
26Ujeso a bel ashi nde be kpọ, kung de be le, “Ke undi-gye ki yi pie-pie ye, ukpọ le Unim biwọm puu bi yi pie-pie.”
27Gyo Ipita le, “Nde, li tyang biwọm puu, fel bendi-utung begang. Kibang ki ha be kwu lifem lityan?”
28Ujeso a kung de be le, “Kigyang-kigyang, ma ngye le, mi Unwaa undi-gye, mi ba fel Usu ukandi, kwa he kidem kusu he igye ifufe angi i be le ha kushu. Men bendi-utung begi, abe lihwo le be befee i, ma ba kwa utung ha ami he bidem kusu titi, maa ashi Izwel angi lihwo le ngi afee ushe.” 29A mbee de be le, “Kiwọm kiyang-yang ashi undi a gbe tyang ashi he kuhwo kugi, ma ki yi ushu ọ, bebwaa ọ, bebwaa-nde ọ, atyam ọ, anam ọ, ungye ọ, utia ọ, u ba kpa lifem hwa abina ibwan-ibwan, u mbee kpe likpan kunyọng angi li ngyọ igye kpam. 30Ukpọ bendi gbam abe be yi kushu kanaa-anaa i, be ba fel likel, abe be yi item kanaa-anaa i, be ba fel kushu.”
Currently Selected:
Umatiu 19: KUIL
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Umatiu 19
19
Libee aban-ale
(Mak 10:1-12)
1Nyọng Ujeso a kọng ashin mbee, a bo le ha he kubọng Ugalili gye he igbindi umbwo Ujọdan he kubọng ahwu be ko le Ujudia. 2Bendi be ma kwuo pwọm he. A maa mbee bendi-angbam abe be be ha.
3Bendi Iferesis besuso be be kung he le he kusi, be bii he le, “Ki nya yi del-del le undi u ban libee gbe u yi le atan-lengi a?”
4Ujeso a fan abe le, “Ma wa bo ashi be fee le-iti le, ‘Kung le ha he ukpi-kikwu Unim a ma mbe ungikye le ungingye,’#19:4 Ukpi-kikwu 1:27 5he atan-lengi angwun, ‘Ungikye u tyang atyam le anam ba gwaa ha ungye-ma, ufe ọ, ungye-ma ọ, be ba fel agwo ken ye a?#19:5 Ukpi-kikwu 2:24’ 6Be tem yi bendi befee a ye, be fel undi ken a. He ashin, kiwọm ashi Unim a gwaa he kiteng ken undi u shi tang ashi he abwo ye.”
7Bendi Iferesis bemen i be tem le shi bii he le, “Fe ki shi na a, nyọng Umosis a ma ke li uten le, ungikye angwu a kee le u ban libee u fee kushia libee aban-ale ke ungye-ma de-e le u ndu gye?”
8Ujeso a fan abe le, “Umosis a ma ke men ikeb anyin le ma ban abee ha bengye-men le gbe ma teb atyam, ma kpa ashi be hwọ amen ye a. Ukpọ kung le he ukpi-kikwu igye anyin ki ma yi na ye. 9Mi de men le ungikye uyang-yang angwu a ban libee he atan-lengi uyang-yang fem ashi le a kwu ungye-ma ha ungikye ususo tyang, ha a shi kiban agbele ipel a, gbe a le kpeb ungye ususo.”
10Bendi-utung bema be kung de-e le, “Gbe libee li yi ashi kitaa ana a, ha ki ngbeb le undi u kpeb ungye ye.”
11Ujeso a kung fan abe le, “Ashi be kọng i, bendi puu na be shi ashi mbee ye. Bendi abe be yi le ikeb Unim na be kee-kee shi kimen i mbee. 12Bendi gbam be kee libee ye. Atan-lengi uma na u yi i, besuso be hwo kikwu le he lifung andabel. Besuso, bendi be fee abe ifee. Besuso be swan libee he kuhwo kiteng kusu lifung-atabe. Undi angwu u shi ashin mbee, u kpe uteb angwun.”
Inwaa-bwani le Ujeso
(Mak 10:13-16; Luk 18:15-17)
13Bendi besuso be ma be le inwaa-bwani ibel le Ujeso u pwọm abe abwo, u bii Unim le u ke be kukwun. Bendi-utung bema be swan ndo abe.
14Ujeso a de be le, “Ma tyang bebwaa-ni be be hwaa le mi. Ma swan ndo abe ye, likọye abe kitaa i na kiteng kusu lifung-atabe ki yi ushu ubel.” 15A ha kung abwo ama pwọm abe, u bo gbe le ha.
Undi-kingbeb le kiteng kusu Unim
(Mak 10:17-31; Luk 18:18-30)
16He kunyọng ken ungikye ususo a ma be hwaa le Ujeso, u bii he le, “Itisha, kibang kitaa kinunung ashi mi nya shi mi kwu le likpan kunyọng angi li ngyọ igye kpam?”
17Ujeso a tem le shi bii he le, “Kibang a, wo bii mi gbe le kinunung? Unim ufe-ufe na u kee-kee yi ununung. Gbe wo kee le wo kwa le likpan angi li ngyọ igye kpam, wo ndọ Iten Unim.”
18A mbee bii Ujeso le, “Bibang kitaa Iten a?”
Ujeso a de le, “Iten angi ha na i yi i. Gwu undi ye. Gbe ipel ha undi ususo fem ungye-gang ọ ukye-gang tyang ye. Zi kazi ye. Be uman fe undi ye. 19Fe atia le anaa#19:19 Ligye 20:12-16; Iten lefee 5:16-20. Ki nyin a le unde-gang na ki nyin a le kuhwo-gang.#19:19 Iten ashang-ale 19:18”
20Ungikye umen ana a mbee fan le, “Mi shi Iten anyin puu. Kisuso ki mbee teng le mi shi, mi ha kwu le likpan limen i a?”
21Ujeso a kung de-e le. “Gbe wo kee le wo fel gelalala, wo ndu gye ha awo ushu le kung biwọm bigang puu ndyeb zi, kung unde abi ke bendi-likaa, ma wo kwa le kingbeb he lifung-atabe. Gbe wo shi na, ma wo ha tem be pwọm mi.”
22Nyọng ungikye angwuna a gyo ashin gyo-gyo, a gbe ligye kimbwe-kimbwe likọye a ma mbu kingbeb kaang.
23Ujeso a ha de bendi-utung bema le, “Kigyang na mi de men i nyin, ki ba kwa le kingie kaang ka bendi-kingbeb le be ngwee he kiteng kusu lifung-atabe. 24Ma mbee ngye le, ki yi pie-pie le kizaaki ki gbe he ligia uwo hwo ashi le undi-kingbeb u ngwee kiteng kusu Unim.”
25Nyọng bendi-utung bema be gyo ashin, ki kwu abe he kuhwo kaang. Be fel bii bende le, “Fe ayang u ha be kwu le likpan kunyọng?”
26Ujeso a bel ashi nde be kpọ, kung de be le, “Ke undi-gye ki yi pie-pie ye, ukpọ le Unim biwọm puu bi yi pie-pie.”
27Gyo Ipita le, “Nde, li tyang biwọm puu, fel bendi-utung begang. Kibang ki ha be kwu lifem lityan?”
28Ujeso a kung de be le, “Kigyang-kigyang, ma ngye le, mi Unwaa undi-gye, mi ba fel Usu ukandi, kwa he kidem kusu he igye ifufe angi i be le ha kushu. Men bendi-utung begi, abe lihwo le be befee i, ma ba kwa utung ha ami he bidem kusu titi, maa ashi Izwel angi lihwo le ngi afee ushe.” 29A mbee de be le, “Kiwọm kiyang-yang ashi undi a gbe tyang ashi he kuhwo kugi, ma ki yi ushu ọ, bebwaa ọ, bebwaa-nde ọ, atyam ọ, anam ọ, ungye ọ, utia ọ, u ba kpa lifem hwa abina ibwan-ibwan, u mbee kpe likpan kunyọng angi li ngyọ igye kpam. 30Ukpọ bendi gbam abe be yi kushu kanaa-anaa i, be ba fel likel, abe be yi item kanaa-anaa i, be ba fel kushu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.