Umatiu 18
18
Undi angwu a dyam hwo he kiteng kusu lifung-atabe
(Mak 9:33-37; Luk 9:46-48)
1Ha kunyọng kumen ana bendi-utung Ujeso be be hwaa le he, bii he le, “Ayang a dyam hwo bendi puu abe be yi ke kiteng kusu lifung-atabe?”
2A ha kpe unwa-ani le naa he liwu libel. 3A kung de be le, “Kigyang-kigyang mi de men le, gbe ma keb kuhwo-men tem fel na inwaa-bwan ye, ma ha ndu ngwee he kiteng kusu lifung-atabe ye. 4Undi uyang-yang angwu a keb kuhwo-ma tem fel na unwa-ani, ha u yi undi angwu a dyam hwo bendi puu abe be yi he kiteng kusu lifung-atabe. 5Undi uyang-yang angwu a kpe unwa-ani kitel i ọ he lizen ligi, ha a kpe-m mi a.”
Biwọm abi bi shi undi u gba limbu
(Mak 9:42-48; Luk 17:1-2)
6Ujeso a de le, “Bebwaa-ni abe be bọng ha ami nyin, gbe undi a shi abe, undi ken ọ, le u shi kiban, ha ki ban kaang. Ashi le be kung kukọ bikuko tye tyuu undi angwu ha he umbel le tye he umbwo ukandi, ki ngbeb hwo ashi le u shi undi u shi kiban. 7Ki ba kwa kibibi ka bendi-gye likọye biwọm abi bi shi bendi be mbu bi go nyin he igye kaang. Ki yi kpe-kpe le igil-ale angi i shi undi u mbu i ba, ukpọ ki ba kwa kibibi ka undi angwu a be le ngi. 8Undi angwu kubwo kuma ọ, kubee kuma ọ, ku shi-e u shi kiban, u tang ahwu tyang hel. Ki ngbeb le undi u kwu le likpan le kubwo ken le kubee ken hwo ashi le u kwu le abwo afee le abee afee, gye he kinde ashi ki nim ye ngyọ igye kpam. 9Gbe utọng-shi ugang na u sha-a le wo shi kiban, wo yii waa he tyang le hel. Ki ngbeb le undi u kwu le likpan le utọng-shi ken hwo ashi le u kwu le itọng-shi ifee gye he umọ-kinde.”
Ityang angi gbe le utia angwu a mbeb nim
(Luk 15:3-7)
10Ujeso a mbee kọng le, “Ma baa teng ma kọng le inwaa-bwan be yi ilaa-ilaa. Be yi le idengel he lifung-atabe angi i kwu itim gbe le be ha Atyagi he lifung-atabe mbee kunyọng kpam. [ 11Mi Unwaa undi-gye, mi be mi kpan bendi abe be nim a.]
12“Men ma nya gim le, gbe undi u yi le itia asi adyọng, angwu ken a waa nim, u sha na a?” A de be le, “U tyang angi asi ande le ngi lihwo le ngi idyọng-inde ndọ he kipi i zi abia, gya la shun angwu a nim ana. 13Kigyang-kigyang mi de men le, gbe a nde-e, u yal gọ kaang he kuhwo utia ken ana hwa itia asi ande le ngi lihwo le ngi idyọng-inde angi i nim ye. 14Kitaa kimen ana Atya-tyan angwu he lifung-atabe a kee le inwaa-bwani anyin be waa nim ken ọ ye.
Gbe le kiban he ushọm Unim
15“Gbe unwaa-na a shi kiban, wo te le hwaa le he he ashi afee de-e kibibi ashi a shi. Gbe a dang kutyung gyo-a, ha wo kpan unwaa-na. 16Ukpọ gbe a dang kutyung gyo-a ye, wo le kee undi ken ọ, bendi befee ọ, fe he kikwu mbee le hwaa le he, he be naa a ushada.#18:16 Iten lefee 19:15 17Gbe a dang kutyung gyo abe ye, wo le bun ashi de liwu bendi abọng-ale. Gbe a mbee gyo abe befe ọ ye, wo shi-e nya ana be shi undi angwu a bọng ha Unim ye, le undi angwu u kpe ukpanda.
18“Kigyang-kigyang mi da-a le, kiwọm ashi ma bwọ ashi he igye anyin, Unim u bwọ ashi he lifung-atabe ọ. Ashi ma pel ashi he igye i, Unim u pel ashi he lifung-atabe ọ.
19“Ma mbee ngye le kigyang-kigyang, gbe bendi befee he igye i be tim bọng le bii mi kiwọm ken, Atyagi angwu he lifung-atabe u sha ashi. 20He kiteng ashi bendi befee ọ, bekie ọ, be kpee he lizen ligi mi yi utung ha abe ha.”
Ityang gbe le ubọyi angwu u yi le beshi ye
21Ipita a die be hwaa le Ujeso, bii he le, “Ada, gbe unwaa-ndagi a shi ban mi, mi tyang ke-e kugbe kafung? Mi tyang ke kugbe kadyọng-ifee a?”
22Ujeso a fan he le, “Kpaye, kugbe kadyọng-ifee a ye, tyang ke-e kugbe asi akie le ngi lihwo le kugbe kadyọng-ifee.
23“Gim gbe le kiteng kusu lifung-atabe kitaa i, ki ma yi le usu angwu a ma kee le u ngya kugii unde uma angwu bendi aki bema be yi-e le he. 24A keb akwu-ale, be ha be le uzi-lihwọ undi aki uma ken angwu a zi-e lihwọ igaa unde asisi-lisi kugbe asi adyọng. 25Le gbe a ma yi le unde le u hwee he ye, ukandi uma a de le be kwu-e ufe-gyang le ungye-ma le bebwaa-ma le biwọm puu abi u yi le bi, le ndyeb zi kpe unde uma he be be hwee he lihwọ.
26“Ubọyi ana a bel tim anung he itang, u de ukandi uma le, ‘Ukandi, kusii mi tim-a anung le wo ngib lityam, mbee ke-m kanwaa kunyọng zang. Mi ba hwee a unde ugang puu.’ 27Beshi be shi ukandi uma le ubọyi uma ugyang. A de-e le u ndu gye, a tyang lihwọ ke-e.
28“Ubọyi umen i a gbe ligye le kpee le undema ubọyi angwu a zi-e lihwọ unde zang. A kwu-e, u hwọm he abwo he umbel, u de-e le u hwee he unde uma kunyin.
29“Undema ubọyi a tim anung he itang, tim he anung le, kusii ngib lityam, mbee ke-m kanwaa kunyọng zang, mi ba hwee a unde ugang puu.
30“Ukpọ a swan, a kwu-e le fe he igaadye le u kwu ha kpam a gbe hwee he unde uma. 31Bendema ibọyi abe be teng, be nde ashi a shi. Ki ban abe he lityam kaang. Be le bun de ukandi ubel ashi a shi puu.
32“Ukandi uma a ko Ubọyi uma de-e le, ‘Wo yi ubibi, mi tyang lihwọ angi wo zi-m ka-a, likọye wo tim mi anung. 33Hang wo kwu le beshi ha unde-gang ubọyi na mi ma yi le beshi he awo ye a?’ 34Ki ban ukandi angwuna he lityam kaang. A de le be kwu ubọyi angwuna le fe he igaadye, be ke-e kingie ha kpam u gbe hwee he unde uma puu.”
35Ujeso a fe lishi ityang anyin le, “Kitaa ana na Atyagi angwu he lifung-atabe u be shi amen, gbe undi-undi u tyang ke unwaa-nam le he lityam ye.”
Currently Selected:
Umatiu 18: KUIL
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Umatiu 18
18
Undi angwu a dyam hwo he kiteng kusu lifung-atabe
(Mak 9:33-37; Luk 9:46-48)
1Ha kunyọng kumen ana bendi-utung Ujeso be be hwaa le he, bii he le, “Ayang a dyam hwo bendi puu abe be yi ke kiteng kusu lifung-atabe?”
2A ha kpe unwa-ani le naa he liwu libel. 3A kung de be le, “Kigyang-kigyang mi de men le, gbe ma keb kuhwo-men tem fel na inwaa-bwan ye, ma ha ndu ngwee he kiteng kusu lifung-atabe ye. 4Undi uyang-yang angwu a keb kuhwo-ma tem fel na unwa-ani, ha u yi undi angwu a dyam hwo bendi puu abe be yi he kiteng kusu lifung-atabe. 5Undi uyang-yang angwu a kpe unwa-ani kitel i ọ he lizen ligi, ha a kpe-m mi a.”
Biwọm abi bi shi undi u gba limbu
(Mak 9:42-48; Luk 17:1-2)
6Ujeso a de le, “Bebwaa-ni abe be bọng ha ami nyin, gbe undi a shi abe, undi ken ọ, le u shi kiban, ha ki ban kaang. Ashi le be kung kukọ bikuko tye tyuu undi angwu ha he umbel le tye he umbwo ukandi, ki ngbeb hwo ashi le u shi undi u shi kiban. 7Ki ba kwa kibibi ka bendi-gye likọye biwọm abi bi shi bendi be mbu bi go nyin he igye kaang. Ki yi kpe-kpe le igil-ale angi i shi undi u mbu i ba, ukpọ ki ba kwa kibibi ka undi angwu a be le ngi. 8Undi angwu kubwo kuma ọ, kubee kuma ọ, ku shi-e u shi kiban, u tang ahwu tyang hel. Ki ngbeb le undi u kwu le likpan le kubwo ken le kubee ken hwo ashi le u kwu le abwo afee le abee afee, gye he kinde ashi ki nim ye ngyọ igye kpam. 9Gbe utọng-shi ugang na u sha-a le wo shi kiban, wo yii waa he tyang le hel. Ki ngbeb le undi u kwu le likpan le utọng-shi ken hwo ashi le u kwu le itọng-shi ifee gye he umọ-kinde.”
Ityang angi gbe le utia angwu a mbeb nim
(Luk 15:3-7)
10Ujeso a mbee kọng le, “Ma baa teng ma kọng le inwaa-bwan be yi ilaa-ilaa. Be yi le idengel he lifung-atabe angi i kwu itim gbe le be ha Atyagi he lifung-atabe mbee kunyọng kpam. [ 11Mi Unwaa undi-gye, mi be mi kpan bendi abe be nim a.]
12“Men ma nya gim le, gbe undi u yi le itia asi adyọng, angwu ken a waa nim, u sha na a?” A de be le, “U tyang angi asi ande le ngi lihwo le ngi idyọng-inde ndọ he kipi i zi abia, gya la shun angwu a nim ana. 13Kigyang-kigyang mi de men le, gbe a nde-e, u yal gọ kaang he kuhwo utia ken ana hwa itia asi ande le ngi lihwo le ngi idyọng-inde angi i nim ye. 14Kitaa kimen ana Atya-tyan angwu he lifung-atabe a kee le inwaa-bwani anyin be waa nim ken ọ ye.
Gbe le kiban he ushọm Unim
15“Gbe unwaa-na a shi kiban, wo te le hwaa le he he ashi afee de-e kibibi ashi a shi. Gbe a dang kutyung gyo-a, ha wo kpan unwaa-na. 16Ukpọ gbe a dang kutyung gyo-a ye, wo le kee undi ken ọ, bendi befee ọ, fe he kikwu mbee le hwaa le he, he be naa a ushada.#18:16 Iten lefee 19:15 17Gbe a dang kutyung gyo abe ye, wo le bun ashi de liwu bendi abọng-ale. Gbe a mbee gyo abe befe ọ ye, wo shi-e nya ana be shi undi angwu a bọng ha Unim ye, le undi angwu u kpe ukpanda.
18“Kigyang-kigyang mi da-a le, kiwọm ashi ma bwọ ashi he igye anyin, Unim u bwọ ashi he lifung-atabe ọ. Ashi ma pel ashi he igye i, Unim u pel ashi he lifung-atabe ọ.
19“Ma mbee ngye le kigyang-kigyang, gbe bendi befee he igye i be tim bọng le bii mi kiwọm ken, Atyagi angwu he lifung-atabe u sha ashi. 20He kiteng ashi bendi befee ọ, bekie ọ, be kpee he lizen ligi mi yi utung ha abe ha.”
Ityang gbe le ubọyi angwu u yi le beshi ye
21Ipita a die be hwaa le Ujeso, bii he le, “Ada, gbe unwaa-ndagi a shi ban mi, mi tyang ke-e kugbe kafung? Mi tyang ke kugbe kadyọng-ifee a?”
22Ujeso a fan he le, “Kpaye, kugbe kadyọng-ifee a ye, tyang ke-e kugbe asi akie le ngi lihwo le kugbe kadyọng-ifee.
23“Gim gbe le kiteng kusu lifung-atabe kitaa i, ki ma yi le usu angwu a ma kee le u ngya kugii unde uma angwu bendi aki bema be yi-e le he. 24A keb akwu-ale, be ha be le uzi-lihwọ undi aki uma ken angwu a zi-e lihwọ igaa unde asisi-lisi kugbe asi adyọng. 25Le gbe a ma yi le unde le u hwee he ye, ukandi uma a de le be kwu-e ufe-gyang le ungye-ma le bebwaa-ma le biwọm puu abi u yi le bi, le ndyeb zi kpe unde uma he be be hwee he lihwọ.
26“Ubọyi ana a bel tim anung he itang, u de ukandi uma le, ‘Ukandi, kusii mi tim-a anung le wo ngib lityam, mbee ke-m kanwaa kunyọng zang. Mi ba hwee a unde ugang puu.’ 27Beshi be shi ukandi uma le ubọyi uma ugyang. A de-e le u ndu gye, a tyang lihwọ ke-e.
28“Ubọyi umen i a gbe ligye le kpee le undema ubọyi angwu a zi-e lihwọ unde zang. A kwu-e, u hwọm he abwo he umbel, u de-e le u hwee he unde uma kunyin.
29“Undema ubọyi a tim anung he itang, tim he anung le, kusii ngib lityam, mbee ke-m kanwaa kunyọng zang, mi ba hwee a unde ugang puu.
30“Ukpọ a swan, a kwu-e le fe he igaadye le u kwu ha kpam a gbe hwee he unde uma. 31Bendema ibọyi abe be teng, be nde ashi a shi. Ki ban abe he lityam kaang. Be le bun de ukandi ubel ashi a shi puu.
32“Ukandi uma a ko Ubọyi uma de-e le, ‘Wo yi ubibi, mi tyang lihwọ angi wo zi-m ka-a, likọye wo tim mi anung. 33Hang wo kwu le beshi ha unde-gang ubọyi na mi ma yi le beshi he awo ye a?’ 34Ki ban ukandi angwuna he lityam kaang. A de le be kwu ubọyi angwuna le fe he igaadye, be ke-e kingie ha kpam u gbe hwee he unde uma puu.”
35Ujeso a fe lishi ityang anyin le, “Kitaa ana na Atyagi angwu he lifung-atabe u be shi amen, gbe undi-undi u tyang ke unwaa-nam le he lityam ye.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.