Uluk 5
5
Ujeso a ko ukpi-kikwu bendi-utung bema
(Mat 4:18-22; Mak 1:16-20)
1He liti ken Ujeso a ma yi naa he ungwu umbwo angwu be ko le Ugenesaret. Bendi be ma sho fe-e he be gyo igie Unim. 2A nde binọng lishọ bifee ndọ he ungwu umbwo. Bendi abe be kwu ikwan be tyang abi ndọ ha gbe be to litaa libel. 3Ujeso a le ngwee he kinọng ashi ken. Ki ma yi ashi Usaimọn a. A de Usaimọn le u die le kinọng le he kibam gye he kudyan umbwo. Ujeso a kwu le ha hwọ bendi biwọm.
4A hwọ puu, a ha de Usaimọn le, “Die le kinọng gye he kindib-umbwo he men ha bende-gang ma kung litaa limen tyang kwu ikwan.”
5Usaimọn a kung de-e le, “Ukandi, li kaa nanana le kusu kpam taa ashi li kwu kiwọm ye. Ukpọ gbe wo de le mi kung kataa tyang he umbwo, ma mi kung tyang.”
6Be kung litaa tyang gye ha. Be kwu ikwan i fel go kaang le litaa li ma la tya gie. 7Be kib abwo ko bendebel abe le he kinọng ashel le be be kpel abe. Be be kung ikwan fe he binọng. Binọng a puu bifee bi ma sho le ikwan. Ki ma teng zang he bi nim gye he liten.
8Usaimọn Pita a nde ashi Ujeso a shi, a tim anung he itang de-e le, “Ada, die gye he item, likọye mi yi undi-kiban a.” 9Ufe ọ, bendi-utung bema ọ, ki kwu abe he kuhwo na be kwu ikwan i go. 10Bendema abe be maa ko le Ujems le Ujọn abe be yi bebwaa Uzebedi, befe ọ, ki ma kwu abe he kuhwo.
Ujeso a de Usaimọn le, “Shi shel ye. Kung le he kunyọng ahwun gye kushu wo fel ba kwa bendi-gye a ba ka-m.” 11Be die le binọng bibel le ndọ he ungwu umbwo, be tyang biwọm bibel puu ndọ ha gbe utung ha Ujeso.
Ujeso a mbee undi-akpaa
(Mat 8:1-4; Mak 1:40-45)
12He liti ken Ujeso a gye he lishi lisuso he kipi undi angwu a ma yi akpaa-akpaa a ma yi. Undi-akpaa ana a nde Ujeso, a be tim anung he itang de-e le, “Ukandi, gbe ki ngbeb-a wo mbee mi mbee.”
13Ujeso a nda kubwo tyọ he, de-e le, “Ki ngbeb mi. Kanaa-anaa i wo mbee.” Akpaa ama a kung taa nya kukwo-kukwo.
14Ujeso a kung uten tye-e le u de undi ashi ye gbang. A de-e le u gbe ligbe-ligbe le hwaa le undi angwu u shang Unim he u nde-e, nya ana Umosis a ma ke uten, he ki tyung bendi puu le a mbee.
15Ma na Ujeso a ma de-e le u de undi ye ọ, bendi be ma fel gyo gbe le Ujeso gbe-gyọng. Bendi gbam be be hwaa le he he be gyo he, u mbee abe angbam. 16Ukpọ a ma gbe tyang abe gye he kipi undi u yi ye, le kọng ha Unim.
Ujeso a mbee uhwo-abee
(Mat 9:1-8; Mak 2:1-12)
17He liti ken Ujeso a maa hwọ bendi, Iferesis isuso le bitisha Iten abe be be le he ashi Ugalili le Ujudia puu le abe be be le he Ujeruselem be ma yi kwu ha. Ikeb Ada Unim i ma yi utung ha he le u mbee bendi-angbam. 18Bendi besuso be be le uhwo-abee he ugaa le be ba hwaa le he. Be kee kukwo he be be gbe le he le hwaa le Ujeso he afee ushọm. 19Be nde kukwo ye, likọye bendi be ma sho ha gbam. Be kung mbo le he gye he kusi kuto le shi libwo ha he kuto, ha kung he he ugaa uma gbe le he le kie Ujeso he kushu he kipi u yi kwu ha he kudyan kubel.
20Ujeso a nde le be bọng le u mbee he. A kung de ungikye ana le, “Udimgi, mi tyang biban bigang ka-a.”
21Bitisha Iten le abe le he likwu Iferesis abe be yi ha be keb be bii bende le, “Ayang u yi unem-ale angwu u kọng ban Unim kitaa i? Ki yi le undi angwu u tyang biban ke undi ye, Unim ufe-ufe a.”
22Ujeso a ma ngye igim ibel. A kung bii abe le, “Ki shi na a, ma gim kitaa i he atyam amen? 23Ashi le mi de-e le biban bima bi tyang ke-e na ki yi pie-pie hwo a, ha a shi le u bo kinaa ndu tan a? 24Mi tyung amen puu le mi Unwaa Undi-gye, mi yi le ikeb he igye anyin le mi tyang biban ka bendi.” A kung de uhwo-abee ana le u bo kinaa kung ugaa uma ndu gye he ushu. 25Nya kukwo-kukwo a bo kinaa he ashi abel puu. A kung ugaa uma angwu a yi nde gbe ligye, u yi pee Unim. 26Ki ma kwu bendi abena he kuhwo kaang. Be fel he kushel. Be pee Unim, be de bende le be nde kikaa kiwọm kunyin.
Ujeso a ko Ulevi
(Mat 9:9-13; Mak 2:13-17)
27Ashin ki shi puu, Ujeso a ha bo u gya, a nde undi angwu a maa kpe ukpanda. Lizen lima li yi le Ulevi. A ma yi kwu he kiteng aki kima. Ujeso a de-e le u pwọm he. 28A kung bo tyang biwọm puu gbe utung he ahe.
29Ulevi a ma shi Ujeso kipam he ahe ushọm. Bendi gbam abe be kpe ukpanda le bendi besuso abe be ma yi ha, be maa za lizi utung ha abe. 30Iferesis isuso le bitisha Iten abe be yi he likwu libel be kọng ban bendi-utung Ujeso, be bii abe le ki shi na a, be zi bizizi, be ngwo bingwu-ngwo utung ha bendi abe be kpe ukpanda le bendi-biban?
31Ujeso a kung fan abe le, “Bendi abe be yi gogo na be kee undi-usi ye, bendi-angbam a. 32Mi be le mi ko bendi benunung a ye, ukpọ mi be le mi ko bendi-biban a he be bel atyam le he biban.”
Be bii Ujeso gbe le itung ando-ale
(Mat 9:14-15; Mak 2:18-20)
33Bendi besuso le ha likwu ana be de Ujeso le, “Bendi-utung Ujọn le abe Iferesis be kọng ha Unim le itung ando-ale mbee kunyọng, ukpọ begang be za bizizi, be ngwo bingwu-ngwo.”
34Ujeso a bii abe le, “Ma kọng le ma sha begaa-ndi abe be be he kipam libee be kwu itung he kunyọng ahwu ukyeb ungye u yi utung ha abe a? Dia! 35Ukpọ kunyọng ku ba ba, ahwu be be kwu kung ukyeb ungye gbe le he le ha abe, saa be ha ndo itung.”
Ki yi le be kung kiwọm kifufe fe pel ashi kitim ye
(Mat 9:16-17; Mak 2:21-22)
36Ujeso a tim ityang anyin de be, “Ki yi le undi angwu u gie aliga afufe kpi shi ligia aliga angi atim ye. Gbe a shi na, ha a ban aliga angi afufe, kihwọm ashi kifufe ki kee ha a shi kitim ye. 37Ki shi le undi angwu u kung kutyo ahwu kufufe fe he ugam utim ye. Gbe a shi na, ha kutyo ku tya paa ugam wa he itang, kutyo lingyọ, ugam lingyọ. 38Ki yi le be kung kutyo ahwu kufufe fe he ugam angwu u so ufufe. 39Ki yi le undi angwu, gbe a ngwo kutyo ahwu ku bi he ungwu, u mbee kee kibwaa kutyo ye. U da le kutyo ahwu ku bi he ungwu u ngbeb hwo kibwaa kutyo.”
Currently Selected:
Uluk 5: KUIL
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Uluk 5
5
Ujeso a ko ukpi-kikwu bendi-utung bema
(Mat 4:18-22; Mak 1:16-20)
1He liti ken Ujeso a ma yi naa he ungwu umbwo angwu be ko le Ugenesaret. Bendi be ma sho fe-e he be gyo igie Unim. 2A nde binọng lishọ bifee ndọ he ungwu umbwo. Bendi abe be kwu ikwan be tyang abi ndọ ha gbe be to litaa libel. 3Ujeso a le ngwee he kinọng ashi ken. Ki ma yi ashi Usaimọn a. A de Usaimọn le u die le kinọng le he kibam gye he kudyan umbwo. Ujeso a kwu le ha hwọ bendi biwọm.
4A hwọ puu, a ha de Usaimọn le, “Die le kinọng gye he kindib-umbwo he men ha bende-gang ma kung litaa limen tyang kwu ikwan.”
5Usaimọn a kung de-e le, “Ukandi, li kaa nanana le kusu kpam taa ashi li kwu kiwọm ye. Ukpọ gbe wo de le mi kung kataa tyang he umbwo, ma mi kung tyang.”
6Be kung litaa tyang gye ha. Be kwu ikwan i fel go kaang le litaa li ma la tya gie. 7Be kib abwo ko bendebel abe le he kinọng ashel le be be kpel abe. Be be kung ikwan fe he binọng. Binọng a puu bifee bi ma sho le ikwan. Ki ma teng zang he bi nim gye he liten.
8Usaimọn Pita a nde ashi Ujeso a shi, a tim anung he itang de-e le, “Ada, die gye he item, likọye mi yi undi-kiban a.” 9Ufe ọ, bendi-utung bema ọ, ki kwu abe he kuhwo na be kwu ikwan i go. 10Bendema abe be maa ko le Ujems le Ujọn abe be yi bebwaa Uzebedi, befe ọ, ki ma kwu abe he kuhwo.
Ujeso a de Usaimọn le, “Shi shel ye. Kung le he kunyọng ahwun gye kushu wo fel ba kwa bendi-gye a ba ka-m.” 11Be die le binọng bibel le ndọ he ungwu umbwo, be tyang biwọm bibel puu ndọ ha gbe utung ha Ujeso.
Ujeso a mbee undi-akpaa
(Mat 8:1-4; Mak 1:40-45)
12He liti ken Ujeso a gye he lishi lisuso he kipi undi angwu a ma yi akpaa-akpaa a ma yi. Undi-akpaa ana a nde Ujeso, a be tim anung he itang de-e le, “Ukandi, gbe ki ngbeb-a wo mbee mi mbee.”
13Ujeso a nda kubwo tyọ he, de-e le, “Ki ngbeb mi. Kanaa-anaa i wo mbee.” Akpaa ama a kung taa nya kukwo-kukwo.
14Ujeso a kung uten tye-e le u de undi ashi ye gbang. A de-e le u gbe ligbe-ligbe le hwaa le undi angwu u shang Unim he u nde-e, nya ana Umosis a ma ke uten, he ki tyung bendi puu le a mbee.
15Ma na Ujeso a ma de-e le u de undi ye ọ, bendi be ma fel gyo gbe le Ujeso gbe-gyọng. Bendi gbam be be hwaa le he he be gyo he, u mbee abe angbam. 16Ukpọ a ma gbe tyang abe gye he kipi undi u yi ye, le kọng ha Unim.
Ujeso a mbee uhwo-abee
(Mat 9:1-8; Mak 2:1-12)
17He liti ken Ujeso a maa hwọ bendi, Iferesis isuso le bitisha Iten abe be be le he ashi Ugalili le Ujudia puu le abe be be le he Ujeruselem be ma yi kwu ha. Ikeb Ada Unim i ma yi utung ha he le u mbee bendi-angbam. 18Bendi besuso be be le uhwo-abee he ugaa le be ba hwaa le he. Be kee kukwo he be be gbe le he le hwaa le Ujeso he afee ushọm. 19Be nde kukwo ye, likọye bendi be ma sho ha gbam. Be kung mbo le he gye he kusi kuto le shi libwo ha he kuto, ha kung he he ugaa uma gbe le he le kie Ujeso he kushu he kipi u yi kwu ha he kudyan kubel.
20Ujeso a nde le be bọng le u mbee he. A kung de ungikye ana le, “Udimgi, mi tyang biban bigang ka-a.”
21Bitisha Iten le abe le he likwu Iferesis abe be yi ha be keb be bii bende le, “Ayang u yi unem-ale angwu u kọng ban Unim kitaa i? Ki yi le undi angwu u tyang biban ke undi ye, Unim ufe-ufe a.”
22Ujeso a ma ngye igim ibel. A kung bii abe le, “Ki shi na a, ma gim kitaa i he atyam amen? 23Ashi le mi de-e le biban bima bi tyang ke-e na ki yi pie-pie hwo a, ha a shi le u bo kinaa ndu tan a? 24Mi tyung amen puu le mi Unwaa Undi-gye, mi yi le ikeb he igye anyin le mi tyang biban ka bendi.” A kung de uhwo-abee ana le u bo kinaa kung ugaa uma ndu gye he ushu. 25Nya kukwo-kukwo a bo kinaa he ashi abel puu. A kung ugaa uma angwu a yi nde gbe ligye, u yi pee Unim. 26Ki ma kwu bendi abena he kuhwo kaang. Be fel he kushel. Be pee Unim, be de bende le be nde kikaa kiwọm kunyin.
Ujeso a ko Ulevi
(Mat 9:9-13; Mak 2:13-17)
27Ashin ki shi puu, Ujeso a ha bo u gya, a nde undi angwu a maa kpe ukpanda. Lizen lima li yi le Ulevi. A ma yi kwu he kiteng aki kima. Ujeso a de-e le u pwọm he. 28A kung bo tyang biwọm puu gbe utung he ahe.
29Ulevi a ma shi Ujeso kipam he ahe ushọm. Bendi gbam abe be kpe ukpanda le bendi besuso abe be ma yi ha, be maa za lizi utung ha abe. 30Iferesis isuso le bitisha Iten abe be yi he likwu libel be kọng ban bendi-utung Ujeso, be bii abe le ki shi na a, be zi bizizi, be ngwo bingwu-ngwo utung ha bendi abe be kpe ukpanda le bendi-biban?
31Ujeso a kung fan abe le, “Bendi abe be yi gogo na be kee undi-usi ye, bendi-angbam a. 32Mi be le mi ko bendi benunung a ye, ukpọ mi be le mi ko bendi-biban a he be bel atyam le he biban.”
Be bii Ujeso gbe le itung ando-ale
(Mat 9:14-15; Mak 2:18-20)
33Bendi besuso le ha likwu ana be de Ujeso le, “Bendi-utung Ujọn le abe Iferesis be kọng ha Unim le itung ando-ale mbee kunyọng, ukpọ begang be za bizizi, be ngwo bingwu-ngwo.”
34Ujeso a bii abe le, “Ma kọng le ma sha begaa-ndi abe be be he kipam libee be kwu itung he kunyọng ahwu ukyeb ungye u yi utung ha abe a? Dia! 35Ukpọ kunyọng ku ba ba, ahwu be be kwu kung ukyeb ungye gbe le he le ha abe, saa be ha ndo itung.”
Ki yi le be kung kiwọm kifufe fe pel ashi kitim ye
(Mat 9:16-17; Mak 2:21-22)
36Ujeso a tim ityang anyin de be, “Ki yi le undi angwu u gie aliga afufe kpi shi ligia aliga angi atim ye. Gbe a shi na, ha a ban aliga angi afufe, kihwọm ashi kifufe ki kee ha a shi kitim ye. 37Ki shi le undi angwu u kung kutyo ahwu kufufe fe he ugam utim ye. Gbe a shi na, ha kutyo ku tya paa ugam wa he itang, kutyo lingyọ, ugam lingyọ. 38Ki yi le be kung kutyo ahwu kufufe fe he ugam angwu u so ufufe. 39Ki yi le undi angwu, gbe a ngwo kutyo ahwu ku bi he ungwu, u mbee kee kibwaa kutyo ye. U da le kutyo ahwu ku bi he ungwu u ngbeb hwo kibwaa kutyo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.