Uluk 12
12
Ashwa-ale kubwo he kutyung le ingie afele
(Mat 10:26-27)
1Nya ana bendi asisi-lisi asisi-lisi be ma sho he kiteng ken, be maa fel tem hwọm bende, Ujeso a kpi-kikwu de bendi-utung bema le, “Ma baa kuhwo-men le ha iyist Iferesis, mi kọng bikpe-ashi bibel a. 2Kiwọm kiyang-yang ashi be nyia shi, ki ba fem he igye. Kiwọm kiyang-yang ashi ki yi he kundyel, bendi be ba ngya ashi. 3Kiwọm kiyang-yang ashi ma kọng he kifufeb, be ba gyo ashi he kugboo. Kiwọm kiyang-yang ashi ma nyia kọng he afee kipo, be ba gaa kọng ashi he kugboo.”
4Ujeso a mbee kọng le, “Bedimgi, bendi abe be yi le ikeb le be gwa agwo afe-afe, be yi le ikeb le be sha kisuso mbee ye ana, ma shel abe ye. 5Mi de men undi angwu ki yi le ma shel. Ma shel Unim angwu u yi le ikeb le gbe a gwu undi, u kung he fa he kinde. Ufe na ki yi kpe-kpe le ma shel. 6Be ka lipelpel lidyọng ikobo ifee a ye a? Ma na ọ, Unim u naa lityam tyang angi ken ọ ye. 7Unim a bo ngye kugii igil he lishi limen ken-ken-ken. Ma shi shel ye. Undi-gye ken u yi Unim he kukpo hwo lipelpel gbam.”
8Ujeso a mbee de le, “Mi kee le ma ngye le undi uyang-yang angwu a kọng de bendi gboo le u yi ke-m mi Unwaa Undi-gye a, mi ọ mi ba sha he na he ashi idengel Unim. 9Ukpọ undi angwu a swan gboo le u yi ke-m mi a ye, mi ọ mi ba swan he he ashi idengel Unim. 10Bendi puu abe be kọng ban imi Unwaa undi-gye, Unim u ba tyang ka be. Ukpọ undi angwu a kọng biwọm bibibi gbe le Ukatia Kunyọng, Unim u ba tyang ka he ye.
11“Gbe be te le men he ishọm Unim angi be kwu awu le he ashi bekandi le besu abe he kubọng, ma shi waa ufung gbe le kiwọm ashi ma be kọng le kitaa ma be maa ushe ye. 12Nya ha kunyọng kumen ana Ukatia Kunyọng u ba nọng amen ashi ma kọng.”
Ityang gbe le kikpelye usu kingbeb
13Undi ken le ha liwu ana a kung de Ujeso le, “Ukandi, de unwaa-ndagi le u hwọ lishi atya-tyan he u ke-m kigi.”
14Ujeso a kung bii he le, “Angikye, ayang a shi-m utang-ushe umen, mi mbee kwu unaa ishe umen?” 15A kung de bendi abe be sho ha le, “Ma baa kuhwo-men le he ashi abung-ale biwọm bendi. Undi u kwa le likpan ligyang angyel le gbe u yi le biwọm gbam a ye, ma u mbu kingbeb na ana ọ.”
16Ujeso a kung ityang anyin bun de le, “Usu kingbeb ken a ma yi le utia angwu biwọm bi mbu-e ha kaang. 17U fel gim ugim le, ‘Mi yi le kipi ashi mi ndọ azi agi ye. Mi ha ba sha na a?’
18“Ashi mi be shi ki yi le mi tya abel agi anyin wa he itang, mi tye abel asuso angi a dyam kaang. Ha na mi be ndọ azi agi puu. 19Mi ha kung de kuhwo-gi le, engheng, mi angwu liti li ngbeb mi, mi fel le biwọm gbam abi mi be zi he aze gbam angi abe le he kushu. Ki fel ashi mi sho kunyọng, zi bizizi, ngwo bingwu-ngwo, gọ igọ.
20“Unim a ha de-e le, ‘Wo kikpelye undi, kusu ahwu kunyin i mi kpa likpan ligang. Ayang u ha be kung biwọm abi wo kam ndọ kuhwo-gang nyin?’ ”
21Ujeso a fe ityang anyin lishi le, “Kitaa kimen na ki be shi fe bendi abe be kam biwọm zwan kuhwobel he igye i, be mbu kingbeb he ashi Unim ye.”
Be ufung ye
(Mat 6:25-34)
22Ujeso a kung de bendi-utung bema le, “Ashin na ki yi atan-lengi angwu mi de men le ufung u be men gbe le lizi angi ma zi kwu bewum, nyọng gbe le inditen angi ma shi inyia-hwo imen ye. 23Likpan li dyam hwo lizi, agwo a dyam hwo inditen. 24Ma nde linyun, li kwan utia, nyọng li fem kiwọm ye, li yi le libel ye. Ma na ọ, Unim na u kwob angi, ki shi le men ma yi he kukpo hwo linyun ibwan-ibwan. 25Ayang u nya zi igye gbe-gyọng ati ama, le gbe u waa ufung? 26Gbe men ma shi kiwọm ashi zang nyin mbee ye, kibang a, ma be ufung gbe le bisuso?
27“Ma nde na abia a shi bibubọ. A sha aki ọ, nyọng a tye inditen le kuhwo-ngi ye. Mi kee le ma ngye dang le ma na Usolomọn a ma sho le ifem ọ, a ma bwee idem ashia ha kubia ken ọ ye. 28Unim na u bwee abia idem. Abia angi a hwaa ashia kunyin, tete kuhwo a fel angi be ting angi shi kinde ọ, u bwee angi teng-teng le men a? Men abe ma yi le inwaa abọng-ale. 29Ma shi waa ufung gbe le ashi ma zi le ashi ma ngwo ye. 30Kitaa i na bendi abe be ngye Unim ye abe he igye anyin be kee biwọm bimen i mbee kunyọng. Atyamen a ngye le ki fọng amen le biwọm bimen i. 31Ukpọ ma shun kiteng kusu kima, ma u kung biwọm abin puu ka amen.”
32“Inwaa itia, ma shel ye, ki kee ha atyamen le u kung kiteng kusu kima ke men.
33“Ma kung biwọm puu abi ma yi le bi ndyeb zi, ma kung unde abi ke bendi-likaa. Gbe ma shi na, ha ma kam ibam angi i kaa ye ndọ kuhwo-men, ma kam bingbeb bimen ndọ he lifung-atabe he kipi bi ha ndu mbee ye. Uzi u ha ndu gya ha, nyọng ikung i zi ban abi ye. 34He kiteng ashi bingbeb bimen bi yi, ha na atyam amen a kwu titi.”
Akwole le kakang
35“Ma bwọ bibwọ-ale, ma gbe bimọ-kinde ndọ, he men ma kam nyọng kiwọm kiyang-yang ashi ki be. 36Ma kam kwu nya ana ibọyi angi i kwu be nyọng Atyabel le he kipam libee. Gbe a be kem abwo he lishi, be buu he lishi ha kukwo-kukwo. 37Ibọyi angi Atyabel a be nde be be kam kwu ha ashinyọng, be kwa le igọ. Kigyang-kigyang, Atyabel u gie inditen, u de be be kwu ko, u shi abe kugaa. 38Ibọyi angi Atyabel u be he kididyan kusu ọ, he ashi liti ọ, u nde be be kam, ha be kwa le igọ. 39Ma ngye le ugyang ushọm a yi ngya kunyọng ahwu uzi u be, hang u tyang le u ngwee he ye a. 40Men ọ ma nde le ma kam likọye mi Unwaa undi-gye, mi ba ba he kunyọng ahwu ma ndọ lishi ye a.”
41Ipita a kung bii le, “Ada, wo bun ityang anyin de li bel-bel a, ha wo bun angi de undi uyang-yang a?”
42Ujeso a fan he le, “Ayang u yi na undi aki angwu u shi aki lityam ken, u bilishi? Angwu ha na atyam u ke-e ikeb le u nde gbe le usha-ale uma, u mbee hwọ azi ke bendi aki abe be teng he kunyọng kpa-kpa. 43Undi aki umen i, gbe atyam a tem be nde-e u shi ashin, ha u kwa le igọ. 44Mi da amen kigyang le atyam undi umen i, u ba ka he ikeb le u fel nde gbe le biwọm bima puu. 45Ukpọ gbe ubọyi umen ana a gim le, atyam a kwu ha, u keb bendema bengikye ọ, bengingye ọ, ikwun akpam-ale, u zi bizizi, ngwo bingwu-ngwo bwọm, 46ha atyam ubọyi umen ana u ba tya he imbul a. Atyam u kwa he ka he kingie kaang, ha sọm he he u le kpe kingie utung ha bendi abe be kpo uteb.
47“Undi aki angwu a ngye ashi atyam a kee he le u shi, ukpọ a shi ashi ye, be ba kpam he ikwun kaang. 48Ukpọ undi aki angwu le gbe a ngye kiwọm ashi atyam a kee he le u shi ye, a le shi kiwọm ashi le be kpam he, be ba kpam he ikwun zang a. Gbe Unim a ke undi kiwọm ki go, Unim u ndọ lishi le undi angwu ha u ka ki go; gbe Unim a ke undi kiwọm ki go kaang, u ndọ lishi le undi angwu ha u ka ki go kaang titi.”
Ikwun a ye, atang-ale he abwo a
(Mat 10:34-36)
49Ujeso a kọng le, “Mi be le mi ting igye anyin kinde a. Kanaa-anaa i mi fel da le, ayang a kpe le mi ting ashi ma ọ. 50Ki yi kpe-kpe le mi kpe kingie. Ki ba-m gben-gben kpam mi gbe kpe shi ki mbee. 51Ma kọng le mi be le ikwun a he igye anyin bee? Mi be le ikwun a ye gbang, mi be le atang-ale he abwo a. 52Kung le he kunyọng ahwun gye kushu bendi abe be yi be-dyọng he kikwu-lihwan kibel be tang he abwo. Bendi abe bekie be tel abe befee, abe befee be tel abe bekie. 53Atyam unwaa u ba tel unwaama angwu ungikye, unwaa u tel atyam. Anam unwaa u tel unwaama angwu ungingye, unwaa u tel anam. Anam-ushu u tel ungye unwaama, ungye unwaama u tel anam-ushu.”
Angyele ashi kunyọng ku kọng
(Mat 16:2-3)
54Ujeso a mbee de bendi abe be sho ha le, “Gbe ma nde kibu ki shi le he kigie ashi libwee li ngwee, ma da le umbwo u la ndọ. U ma ndọ kigyang. 55Kunyọng ahwu kufem ku fel shi le he kigie ashi le he ufaa, ma de le baale ubem u tem. U maa tem kigyang. 56Men bendi bikpe-ashi, ma nda itang le kusi, ma ngya ashi ki ndu shi. Ki shi na a, ma ngye ashi kunyọng ahwun ku ze ye?”
57“Ki shi na a, men-agyang ma gim kiwọm ashi ki yi kinunung ke men le ma shi ye? 58Gbe undi a ka-a kushia, wo kaa kaang wo shi ikwun he ahe ma ukpọng ma ha wu ha he ukoto. Gbe na a ye, u kwa-a ta le wo la ka utang-ushe, utang-ushe u kwa-a ke angwu idasha-nda, angwu idasha-nda u kwa-a le fe he igaadye. 59Ngye le gbe wo gye igaadye, wo ba kwa ha kpam wo gbe hwee unde angwu be tang a puu.”
Currently Selected:
Uluk 12: KUIL
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Uluk 12
12
Ashwa-ale kubwo he kutyung le ingie afele
(Mat 10:26-27)
1Nya ana bendi asisi-lisi asisi-lisi be ma sho he kiteng ken, be maa fel tem hwọm bende, Ujeso a kpi-kikwu de bendi-utung bema le, “Ma baa kuhwo-men le ha iyist Iferesis, mi kọng bikpe-ashi bibel a. 2Kiwọm kiyang-yang ashi be nyia shi, ki ba fem he igye. Kiwọm kiyang-yang ashi ki yi he kundyel, bendi be ba ngya ashi. 3Kiwọm kiyang-yang ashi ma kọng he kifufeb, be ba gyo ashi he kugboo. Kiwọm kiyang-yang ashi ma nyia kọng he afee kipo, be ba gaa kọng ashi he kugboo.”
4Ujeso a mbee kọng le, “Bedimgi, bendi abe be yi le ikeb le be gwa agwo afe-afe, be yi le ikeb le be sha kisuso mbee ye ana, ma shel abe ye. 5Mi de men undi angwu ki yi le ma shel. Ma shel Unim angwu u yi le ikeb le gbe a gwu undi, u kung he fa he kinde. Ufe na ki yi kpe-kpe le ma shel. 6Be ka lipelpel lidyọng ikobo ifee a ye a? Ma na ọ, Unim u naa lityam tyang angi ken ọ ye. 7Unim a bo ngye kugii igil he lishi limen ken-ken-ken. Ma shi shel ye. Undi-gye ken u yi Unim he kukpo hwo lipelpel gbam.”
8Ujeso a mbee de le, “Mi kee le ma ngye le undi uyang-yang angwu a kọng de bendi gboo le u yi ke-m mi Unwaa Undi-gye a, mi ọ mi ba sha he na he ashi idengel Unim. 9Ukpọ undi angwu a swan gboo le u yi ke-m mi a ye, mi ọ mi ba swan he he ashi idengel Unim. 10Bendi puu abe be kọng ban imi Unwaa undi-gye, Unim u ba tyang ka be. Ukpọ undi angwu a kọng biwọm bibibi gbe le Ukatia Kunyọng, Unim u ba tyang ka he ye.
11“Gbe be te le men he ishọm Unim angi be kwu awu le he ashi bekandi le besu abe he kubọng, ma shi waa ufung gbe le kiwọm ashi ma be kọng le kitaa ma be maa ushe ye. 12Nya ha kunyọng kumen ana Ukatia Kunyọng u ba nọng amen ashi ma kọng.”
Ityang gbe le kikpelye usu kingbeb
13Undi ken le ha liwu ana a kung de Ujeso le, “Ukandi, de unwaa-ndagi le u hwọ lishi atya-tyan he u ke-m kigi.”
14Ujeso a kung bii he le, “Angikye, ayang a shi-m utang-ushe umen, mi mbee kwu unaa ishe umen?” 15A kung de bendi abe be sho ha le, “Ma baa kuhwo-men le he ashi abung-ale biwọm bendi. Undi u kwa le likpan ligyang angyel le gbe u yi le biwọm gbam a ye, ma u mbu kingbeb na ana ọ.”
16Ujeso a kung ityang anyin bun de le, “Usu kingbeb ken a ma yi le utia angwu biwọm bi mbu-e ha kaang. 17U fel gim ugim le, ‘Mi yi le kipi ashi mi ndọ azi agi ye. Mi ha ba sha na a?’
18“Ashi mi be shi ki yi le mi tya abel agi anyin wa he itang, mi tye abel asuso angi a dyam kaang. Ha na mi be ndọ azi agi puu. 19Mi ha kung de kuhwo-gi le, engheng, mi angwu liti li ngbeb mi, mi fel le biwọm gbam abi mi be zi he aze gbam angi abe le he kushu. Ki fel ashi mi sho kunyọng, zi bizizi, ngwo bingwu-ngwo, gọ igọ.
20“Unim a ha de-e le, ‘Wo kikpelye undi, kusu ahwu kunyin i mi kpa likpan ligang. Ayang u ha be kung biwọm abi wo kam ndọ kuhwo-gang nyin?’ ”
21Ujeso a fe ityang anyin lishi le, “Kitaa kimen na ki be shi fe bendi abe be kam biwọm zwan kuhwobel he igye i, be mbu kingbeb he ashi Unim ye.”
Be ufung ye
(Mat 6:25-34)
22Ujeso a kung de bendi-utung bema le, “Ashin na ki yi atan-lengi angwu mi de men le ufung u be men gbe le lizi angi ma zi kwu bewum, nyọng gbe le inditen angi ma shi inyia-hwo imen ye. 23Likpan li dyam hwo lizi, agwo a dyam hwo inditen. 24Ma nde linyun, li kwan utia, nyọng li fem kiwọm ye, li yi le libel ye. Ma na ọ, Unim na u kwob angi, ki shi le men ma yi he kukpo hwo linyun ibwan-ibwan. 25Ayang u nya zi igye gbe-gyọng ati ama, le gbe u waa ufung? 26Gbe men ma shi kiwọm ashi zang nyin mbee ye, kibang a, ma be ufung gbe le bisuso?
27“Ma nde na abia a shi bibubọ. A sha aki ọ, nyọng a tye inditen le kuhwo-ngi ye. Mi kee le ma ngye dang le ma na Usolomọn a ma sho le ifem ọ, a ma bwee idem ashia ha kubia ken ọ ye. 28Unim na u bwee abia idem. Abia angi a hwaa ashia kunyin, tete kuhwo a fel angi be ting angi shi kinde ọ, u bwee angi teng-teng le men a? Men abe ma yi le inwaa abọng-ale. 29Ma shi waa ufung gbe le ashi ma zi le ashi ma ngwo ye. 30Kitaa i na bendi abe be ngye Unim ye abe he igye anyin be kee biwọm bimen i mbee kunyọng. Atyamen a ngye le ki fọng amen le biwọm bimen i. 31Ukpọ ma shun kiteng kusu kima, ma u kung biwọm abin puu ka amen.”
32“Inwaa itia, ma shel ye, ki kee ha atyamen le u kung kiteng kusu kima ke men.
33“Ma kung biwọm puu abi ma yi le bi ndyeb zi, ma kung unde abi ke bendi-likaa. Gbe ma shi na, ha ma kam ibam angi i kaa ye ndọ kuhwo-men, ma kam bingbeb bimen ndọ he lifung-atabe he kipi bi ha ndu mbee ye. Uzi u ha ndu gya ha, nyọng ikung i zi ban abi ye. 34He kiteng ashi bingbeb bimen bi yi, ha na atyam amen a kwu titi.”
Akwole le kakang
35“Ma bwọ bibwọ-ale, ma gbe bimọ-kinde ndọ, he men ma kam nyọng kiwọm kiyang-yang ashi ki be. 36Ma kam kwu nya ana ibọyi angi i kwu be nyọng Atyabel le he kipam libee. Gbe a be kem abwo he lishi, be buu he lishi ha kukwo-kukwo. 37Ibọyi angi Atyabel a be nde be be kam kwu ha ashinyọng, be kwa le igọ. Kigyang-kigyang, Atyabel u gie inditen, u de be be kwu ko, u shi abe kugaa. 38Ibọyi angi Atyabel u be he kididyan kusu ọ, he ashi liti ọ, u nde be be kam, ha be kwa le igọ. 39Ma ngye le ugyang ushọm a yi ngya kunyọng ahwu uzi u be, hang u tyang le u ngwee he ye a. 40Men ọ ma nde le ma kam likọye mi Unwaa undi-gye, mi ba ba he kunyọng ahwu ma ndọ lishi ye a.”
41Ipita a kung bii le, “Ada, wo bun ityang anyin de li bel-bel a, ha wo bun angi de undi uyang-yang a?”
42Ujeso a fan he le, “Ayang u yi na undi aki angwu u shi aki lityam ken, u bilishi? Angwu ha na atyam u ke-e ikeb le u nde gbe le usha-ale uma, u mbee hwọ azi ke bendi aki abe be teng he kunyọng kpa-kpa. 43Undi aki umen i, gbe atyam a tem be nde-e u shi ashin, ha u kwa le igọ. 44Mi da amen kigyang le atyam undi umen i, u ba ka he ikeb le u fel nde gbe le biwọm bima puu. 45Ukpọ gbe ubọyi umen ana a gim le, atyam a kwu ha, u keb bendema bengikye ọ, bengingye ọ, ikwun akpam-ale, u zi bizizi, ngwo bingwu-ngwo bwọm, 46ha atyam ubọyi umen ana u ba tya he imbul a. Atyam u kwa he ka he kingie kaang, ha sọm he he u le kpe kingie utung ha bendi abe be kpo uteb.
47“Undi aki angwu a ngye ashi atyam a kee he le u shi, ukpọ a shi ashi ye, be ba kpam he ikwun kaang. 48Ukpọ undi aki angwu le gbe a ngye kiwọm ashi atyam a kee he le u shi ye, a le shi kiwọm ashi le be kpam he, be ba kpam he ikwun zang a. Gbe Unim a ke undi kiwọm ki go, Unim u ndọ lishi le undi angwu ha u ka ki go; gbe Unim a ke undi kiwọm ki go kaang, u ndọ lishi le undi angwu ha u ka ki go kaang titi.”
Ikwun a ye, atang-ale he abwo a
(Mat 10:34-36)
49Ujeso a kọng le, “Mi be le mi ting igye anyin kinde a. Kanaa-anaa i mi fel da le, ayang a kpe le mi ting ashi ma ọ. 50Ki yi kpe-kpe le mi kpe kingie. Ki ba-m gben-gben kpam mi gbe kpe shi ki mbee. 51Ma kọng le mi be le ikwun a he igye anyin bee? Mi be le ikwun a ye gbang, mi be le atang-ale he abwo a. 52Kung le he kunyọng ahwun gye kushu bendi abe be yi be-dyọng he kikwu-lihwan kibel be tang he abwo. Bendi abe bekie be tel abe befee, abe befee be tel abe bekie. 53Atyam unwaa u ba tel unwaama angwu ungikye, unwaa u tel atyam. Anam unwaa u tel unwaama angwu ungingye, unwaa u tel anam. Anam-ushu u tel ungye unwaama, ungye unwaama u tel anam-ushu.”
Angyele ashi kunyọng ku kọng
(Mat 16:2-3)
54Ujeso a mbee de bendi abe be sho ha le, “Gbe ma nde kibu ki shi le he kigie ashi libwee li ngwee, ma da le umbwo u la ndọ. U ma ndọ kigyang. 55Kunyọng ahwu kufem ku fel shi le he kigie ashi le he ufaa, ma de le baale ubem u tem. U maa tem kigyang. 56Men bendi bikpe-ashi, ma nda itang le kusi, ma ngya ashi ki ndu shi. Ki shi na a, ma ngye ashi kunyọng ahwun ku ze ye?”
57“Ki shi na a, men-agyang ma gim kiwọm ashi ki yi kinunung ke men le ma shi ye? 58Gbe undi a ka-a kushia, wo kaa kaang wo shi ikwun he ahe ma ukpọng ma ha wu ha he ukoto. Gbe na a ye, u kwa-a ta le wo la ka utang-ushe, utang-ushe u kwa-a ke angwu idasha-nda, angwu idasha-nda u kwa-a le fe he igaadye. 59Ngye le gbe wo gye igaadye, wo ba kwa ha kpam wo gbe hwee unde angwu be tang a puu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.