Uluk 13
13
Shi beshi gbe na a ye wo nim
1Nya he kunyọng kumen ana bendi besuso be ma yi ha abe be ma de Ujeso gbe le bendi Ugalili abe Upalet a gwu he kunyọng ahwu be maa shang Unim. 2Ujeso a kung bii abe le, “Ma kọng le ashi le gbe be ma gwu abe he kukwo ahwuna a, ki fel tyung le be maa sha biban hwa bendi Ugalili abe be teng bee?” 3A tem fan le, “Dia, ukpọ gbe men ma bel atyam le he biban bimen ye, ha men puu ma hwa ana befe be hwo a. 4Ha bendi lihwo le be bedyọng-ikie abe he Usilọm abe kanwaa ushọm kusi ake be kwu kang kubọng ka ma mbu gwu befe? Ma kọng le ashin ki tyung le be maa sha biban hwa bendi puu abe be teng he Ujeruselem a?” 5U mbee tem le shi fan le, “Dia, ukpọ ma ngye le gbe ma bel atyam le he biban bimen ye, ha men puu ma ba hwa ana befe be hwo a.”
6Ujeso a ma bun ityang anyin de be le, “Ungikye ususo a ma kwan Ufig he ahe utia. A ha te le u la shun nda le a wum agbe a, a nde ye. 7A ha de undi angwu u nde gbe le utia uma le, ‘Ki fel aze akie na mi be nyin he liten ukwan ufig i le mi ba kee agbe ama, mi nde ye. Gying he. Ki shi na a, u yi naa nyin u kwu kukwo?’
8“Undi umen ana a ha kung de-e le, ‘Ukandi, tyang he u mbee kwu nyin lize ken, mi tem ugbe fe-e kel-kel, mi fe-e usi bikwukwan. 9Gbe uze a wum, ha ki ngbeb, gbe a wum ye, ma mi gying he.’ ”
Ujeso a mbee ungingye angwu a hwo abee
10He liti-uwel Ijuus ken, Ujeso a maa hwọ bendi he ushọm Unim angwu be kwu liwu. 11Ungingye ususo a ma yi ha angwu ikeb ibibi i ma yi he ahe. I ma shi-e a mbu lingbam aze lihwo le ngi adyọng-ikie. A ma keb, u tem tan kpa-kpa mbee ye. 12Ujeso a nde-e, a kung ko de-e le, “Iye, wo mbee le he lingbam ligang.” 13A ndaa kubwo tyọ he, ungingye ana a bo naa kpa-kpa nya kukwo-kukwo, u fel pee Unim.
14Ukandi Ushọm Unim angwu Ijuus i kwu liwu a ma fel le ingyo le Ujeso a mbee undi he liti-uwel. Ukandi umen ana a de bendi abe be yi ha le, “Ati a yi adyọng-ken he utyọng angi le li shi aki. Ma be he Ujeso u mbee amen he ati amen ana, ma be he liti-uwel ye.”
15Ada Ujeso a de-e le, “Men bendi bikpe-ashi, undi-undi u pel kizaaki kima le he kipo he liti-uwel ta le shi le ki le ngwo umbwo ye a? 16Ukpọ ungingye angwun u yi igia Ebraham a, usu bibibi a tye-e lingbam aze lihwo le ngi adyọng-ikie nyin. Ma gim le u mbee he liti-uwel ye a?”
17Ufan-ale uma a ma shi ishwia i shi bendi-linaa bema le kuhwobel. Bendi abe be teng be yi gọ fa bikwole-kuhwo puu abi a ma shi.
Ujeso a bun ityang gbe le utọng umustad le iyist
(Mat 13:31-32; Mak 4:30-32)
18Ujeso a bii le, “kiteng kusu Unim ki yi na kibang a? Mi kung ashi paa ha kibang a?” 19A ha de le, “Ki yi na utọng angwu a zen hwo puu angwu be ko he igie beke le umọstad. Undi a kung he kwan he ahe utia-utemkung. Utọng umen i a mbi kaa fel ukwan. Linyun li le shi agwu he ibubu ima.”
20Ujeso a mbee bii le, “Kibang mi kung tie na kiteng kusu Unim ki yi?” 21U de le, “Kiteng kusu Unim ki yi na iyist angi i shi ibred i mbwee. Ungingye a bel angi ipel ha itasa ifel-awa ikie he kikpetie, i gboo kpe mbee angi puu.”
Ungwu lishi angwu u yi shib-shib
(Mat 7:13-14, 21-23)
22Ujeso a gbe ndo he Ujeruselem. A bel he ashi kubọng asuso hwọ bendi le akwo. 23Undi ususo a bii he le, “Ukandi, bendi zang befe-befe na be be kwu le likpan kunyọng a?”
Ujeso a de be le, 24“Ma kaa he men ma gbe he ungwu-lishi angwu shib-shib, likọye bendi gbam be ba kaa le be ngwee he kiteng kusu Unim, ukpọ be ngwee mbee ye. 25Ugyang ushọm u ba sha lishi. He kunyọng ahwu ma be naa he igye kem abwo he lishi, ma de-e le, ‘Ukandi, buu li lishi.’
“U ba da amen le, ‘Mi ngye he kipi ma be ye.’
26“Men ma ha ba fan he le, ‘Li maa za bizizi, li ngwo bingwu-ngwo utung ha awo; wo maa hwọ bendi ha abel ishokwo.’
27“U mbee ba da men le, ‘Men bendi bebibi, mi ngye he kipi ma be ye. Ma gbe-m le i nyin.’
28“Ki ba kwa le akyele le akem-ale ishang he kunyọng ahwu ma be nde Ebraham le Azik le Ujekọb le bitye-ugie kisọm Unim puu he kiteng kusu Unim, ukpọ men ufe, be ba ndo amen tyang he igye. 29Bendi be ba ba puu le he bigie igye a puu binde ba kwa he kipam ha he kiteng kusu Unim. 30Bendi abe be yi item kanaa-anaa i nyin, be ha ba fel kushu, abe be yi kushu kanaa-anaa i nyin, be be fel item.”
Beshi be shi Ujeso le Ujeruselem
(Mat 23:37-39)
31Ha he kunyọng kumen ana bendi besuso abe be yi he likwu Iferesis be be de Ujeso le, “Ki ngbeb le wo gbe le nyin gye he kiteng kisuso, likọye Usu Uherọd a kee le u gwa-a.”
32Ujeso a de be le, “Ma le de undi umen angwu a ngye beshu na kufe ana le, ‘Mi ndo ikeb ibibi le ha bendi, mi mbee bendi-angbam kunyin le kuhwo, he liti lekie mi ha mbee aki agi.’ 33Ki shi kpe-kpe le mi kwu he kukwo kunyin le kuhwo le ashi-ataa, likọye ki ngbeb le be gwu utye-ugie kisọm Unim he kiteng kisuso-kisuso fem Ujeruselem tyang ye.
34“Aye, men bendi Ujeruselem, kunyọng kuyang-ayang Unim u sọm bitye-ugie kisọm kima, ma gwa besuso, ma ma besuso akọ. Mbee kunyọng kpam mi kee le hang mi kpe men fe he uko na ukwuo u kpe inwaa ima fe he abebaa, ukpọ ma bọng ye. 35Kanaa-anaa i mi kung abwo agi le he kuhwo-men. Ma ngye le ma tem ba nda-m ye kpam kunyọng ku gbe fel ahwu ma de le, ‘Kukwun ku yi ke undi angwu a be he lizen Ada Unim.’#13:35 Agyam 118:26 ”
Currently Selected:
Uluk 13: KUIL
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Uluk 13
13
Shi beshi gbe na a ye wo nim
1Nya he kunyọng kumen ana bendi besuso be ma yi ha abe be ma de Ujeso gbe le bendi Ugalili abe Upalet a gwu he kunyọng ahwu be maa shang Unim. 2Ujeso a kung bii abe le, “Ma kọng le ashi le gbe be ma gwu abe he kukwo ahwuna a, ki fel tyung le be maa sha biban hwa bendi Ugalili abe be teng bee?” 3A tem fan le, “Dia, ukpọ gbe men ma bel atyam le he biban bimen ye, ha men puu ma hwa ana befe be hwo a. 4Ha bendi lihwo le be bedyọng-ikie abe he Usilọm abe kanwaa ushọm kusi ake be kwu kang kubọng ka ma mbu gwu befe? Ma kọng le ashin ki tyung le be maa sha biban hwa bendi puu abe be teng he Ujeruselem a?” 5U mbee tem le shi fan le, “Dia, ukpọ ma ngye le gbe ma bel atyam le he biban bimen ye, ha men puu ma ba hwa ana befe be hwo a.”
6Ujeso a ma bun ityang anyin de be le, “Ungikye ususo a ma kwan Ufig he ahe utia. A ha te le u la shun nda le a wum agbe a, a nde ye. 7A ha de undi angwu u nde gbe le utia uma le, ‘Ki fel aze akie na mi be nyin he liten ukwan ufig i le mi ba kee agbe ama, mi nde ye. Gying he. Ki shi na a, u yi naa nyin u kwu kukwo?’
8“Undi umen ana a ha kung de-e le, ‘Ukandi, tyang he u mbee kwu nyin lize ken, mi tem ugbe fe-e kel-kel, mi fe-e usi bikwukwan. 9Gbe uze a wum, ha ki ngbeb, gbe a wum ye, ma mi gying he.’ ”
Ujeso a mbee ungingye angwu a hwo abee
10He liti-uwel Ijuus ken, Ujeso a maa hwọ bendi he ushọm Unim angwu be kwu liwu. 11Ungingye ususo a ma yi ha angwu ikeb ibibi i ma yi he ahe. I ma shi-e a mbu lingbam aze lihwo le ngi adyọng-ikie. A ma keb, u tem tan kpa-kpa mbee ye. 12Ujeso a nde-e, a kung ko de-e le, “Iye, wo mbee le he lingbam ligang.” 13A ndaa kubwo tyọ he, ungingye ana a bo naa kpa-kpa nya kukwo-kukwo, u fel pee Unim.
14Ukandi Ushọm Unim angwu Ijuus i kwu liwu a ma fel le ingyo le Ujeso a mbee undi he liti-uwel. Ukandi umen ana a de bendi abe be yi ha le, “Ati a yi adyọng-ken he utyọng angi le li shi aki. Ma be he Ujeso u mbee amen he ati amen ana, ma be he liti-uwel ye.”
15Ada Ujeso a de-e le, “Men bendi bikpe-ashi, undi-undi u pel kizaaki kima le he kipo he liti-uwel ta le shi le ki le ngwo umbwo ye a? 16Ukpọ ungingye angwun u yi igia Ebraham a, usu bibibi a tye-e lingbam aze lihwo le ngi adyọng-ikie nyin. Ma gim le u mbee he liti-uwel ye a?”
17Ufan-ale uma a ma shi ishwia i shi bendi-linaa bema le kuhwobel. Bendi abe be teng be yi gọ fa bikwole-kuhwo puu abi a ma shi.
Ujeso a bun ityang gbe le utọng umustad le iyist
(Mat 13:31-32; Mak 4:30-32)
18Ujeso a bii le, “kiteng kusu Unim ki yi na kibang a? Mi kung ashi paa ha kibang a?” 19A ha de le, “Ki yi na utọng angwu a zen hwo puu angwu be ko he igie beke le umọstad. Undi a kung he kwan he ahe utia-utemkung. Utọng umen i a mbi kaa fel ukwan. Linyun li le shi agwu he ibubu ima.”
20Ujeso a mbee bii le, “Kibang mi kung tie na kiteng kusu Unim ki yi?” 21U de le, “Kiteng kusu Unim ki yi na iyist angi i shi ibred i mbwee. Ungingye a bel angi ipel ha itasa ifel-awa ikie he kikpetie, i gboo kpe mbee angi puu.”
Ungwu lishi angwu u yi shib-shib
(Mat 7:13-14, 21-23)
22Ujeso a gbe ndo he Ujeruselem. A bel he ashi kubọng asuso hwọ bendi le akwo. 23Undi ususo a bii he le, “Ukandi, bendi zang befe-befe na be be kwu le likpan kunyọng a?”
Ujeso a de be le, 24“Ma kaa he men ma gbe he ungwu-lishi angwu shib-shib, likọye bendi gbam be ba kaa le be ngwee he kiteng kusu Unim, ukpọ be ngwee mbee ye. 25Ugyang ushọm u ba sha lishi. He kunyọng ahwu ma be naa he igye kem abwo he lishi, ma de-e le, ‘Ukandi, buu li lishi.’
“U ba da amen le, ‘Mi ngye he kipi ma be ye.’
26“Men ma ha ba fan he le, ‘Li maa za bizizi, li ngwo bingwu-ngwo utung ha awo; wo maa hwọ bendi ha abel ishokwo.’
27“U mbee ba da men le, ‘Men bendi bebibi, mi ngye he kipi ma be ye. Ma gbe-m le i nyin.’
28“Ki ba kwa le akyele le akem-ale ishang he kunyọng ahwu ma be nde Ebraham le Azik le Ujekọb le bitye-ugie kisọm Unim puu he kiteng kusu Unim, ukpọ men ufe, be ba ndo amen tyang he igye. 29Bendi be ba ba puu le he bigie igye a puu binde ba kwa he kipam ha he kiteng kusu Unim. 30Bendi abe be yi item kanaa-anaa i nyin, be ha ba fel kushu, abe be yi kushu kanaa-anaa i nyin, be be fel item.”
Beshi be shi Ujeso le Ujeruselem
(Mat 23:37-39)
31Ha he kunyọng kumen ana bendi besuso abe be yi he likwu Iferesis be be de Ujeso le, “Ki ngbeb le wo gbe le nyin gye he kiteng kisuso, likọye Usu Uherọd a kee le u gwa-a.”
32Ujeso a de be le, “Ma le de undi umen angwu a ngye beshu na kufe ana le, ‘Mi ndo ikeb ibibi le ha bendi, mi mbee bendi-angbam kunyin le kuhwo, he liti lekie mi ha mbee aki agi.’ 33Ki shi kpe-kpe le mi kwu he kukwo kunyin le kuhwo le ashi-ataa, likọye ki ngbeb le be gwu utye-ugie kisọm Unim he kiteng kisuso-kisuso fem Ujeruselem tyang ye.
34“Aye, men bendi Ujeruselem, kunyọng kuyang-ayang Unim u sọm bitye-ugie kisọm kima, ma gwa besuso, ma ma besuso akọ. Mbee kunyọng kpam mi kee le hang mi kpe men fe he uko na ukwuo u kpe inwaa ima fe he abebaa, ukpọ ma bọng ye. 35Kanaa-anaa i mi kung abwo agi le he kuhwo-men. Ma ngye le ma tem ba nda-m ye kpam kunyọng ku gbe fel ahwu ma de le, ‘Kukwun ku yi ke undi angwu a be he lizen Ada Unim.’#13:35 Agyam 118:26 ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.