Ujọn Kikwu likọng
Kikwu likọng
Kikwu likọng
He ashia kisọm kinunung gbe le Ujeso ande, kisọm kinunung Ujọn ki yi tata. Ma na ki tyung gbe le likpan Ujeso le aki ama ọ, kisọm kinunung ashin ki kọng gbe le ityang ye. Ki kọng gbe le bikwole-kuhwo bidyọng-ifee; be fee bifee fe he ashia kisọm kinunung angyel, ki shi le bikwole-kuhwo bidyọng abi Ujọn uteteb na a fee gbe le bi.
Ujọn a fee na Ujeso a fem kuhwo-ma tyung le u yi Unim a kugbe kadyọng-ifee ahwu a kọng gboo le “Ki yi-m mi a.” Kitaa i na Unim a ma fem kuhwo-ma tyung bendi Izwel he Igypt. He ashin, ki yi ngwọng le Ujeso u yi Ujehova a.
Angwu a fee
Ujọn unwaa Uzebedi, unwaa-nam Ujems.
Atan-lengi
“Ukpọ biwọm abin bi yi fee fe he wo bọng le Ujeso u yi Ukristi, Unwaa Unim, gbe he abọng-ale he ahe, wo kwu le likpan gbe he lizen lima” (20:31).
Kiteng
Ki yi na a fee kisọm kinunung ashin he Efesọs a.
Kunyọng
85-90 K.U.
Bendi lishi likọng
Ujeso befe le anam, le Ujeso le bendi-utung bema; Ujọn angwu a maa wu bendi umbwo le bendi-utung bema; Umeri, Umata le Ulazọlọs; Upalet; bekandi abe be teng he awu bendi Ijuus; le Umeri Magdalen.
Lishi likọng
Kisọm kinunung Ujọn ki kọng kaang le Ujeso u yi Unim a. Ki mbee tyung ngwọng bitaa abi ashia kisọm kinunung angi ateng a ko le bikwole-kuhwo, a shi na he bendi abe be bo ahwu be bọng le Ujeso u yi Ukristi, Unwaa Unim a, be mbee ngye le undi u kee-kee kpa likpan angi li ngyọ igye gba he abọng-ale ha Ujeso a.
Biwọm kukpo
He afee kisọm kinunung ashin, li nda likọng gba le bikwole-kuhwo Ujeso, le ihwọ-ale ima isuso angi ashia kisọm kinunung angyel a kọng gbe le ngi ye. Kigem lishi angi 14–17 ki kọng ngwọng gbe le ihwọ-ale angi Ujeso a ma hwọ bendi-utung bema ma ukpọng u ha hwo. Umbee-likel ahwu ku kọng gbe le kitaa ashi Ujeso a ma tyung bendi-utung bema kuhwo-ma nyọng ahwu a ma wum le he lihwu.
Ibubu likọng
Igie i bel agwo (1:1-18)
Aki Ujeso ma ukpọng a ha tem gye he Ugalili (1:19–4:54)
Aki Ujeso he Ugalili, le anaa angi a yi ndọ he Ujeruselem (5:1–10:42)
Ujeso a wum Ulazọlọs (11:1-57)
Ujeso a mbee aki ama (12:1–13:30)
Ihwọ-ale umbee-likel Ada Ujeso (13:31–17:26)
Lihwu le uwum-ale Ujeso (18:1–20:10)
Ujeso a tyung kuhwo-ma he kunyọng ahwu a wum le he lihwu (20:11–21:25).
Currently Selected:
Ujọn Kikwu likọng: KUIL
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.