Matiu 9
9
Utom Mi Mi Ke Isọñ
1Jisọs ama oduk ubom onyuñ ebe inyañ ọnyọñ aka ke obio emana Esie. 2Mme owo ema emen owo emi ọkọdọñọde akpaubeñ, emi ekebiomde ke ñkpana ebine Enye. Ndien kini Jisọs okutde mbuọtidem mmọ, Enye ama ọdọhọ ọdọñọ akpaubeñ oro ete, “Eyen Mi dara, koro emefen mme idiọkñkpọ fo.”
3Ke ntak emi, ndusuk mme andikpep ibet mme Ju ema etiñ ke otu mmọ ete, “Owo emi ke asabade Abasi.”
4Jisọs ama ọdiọñọ ekikere mmọ, ndien Enye ama ọdọhọ mmọ, ete, “Nso inam mbufo ekerede mme ndiọi ekikere ke esit mbufo? 5Ewe emem akan, ndidọhọ nte, ‘Emefen mme idiọkñkpọ fo,’ mme ndidọhọ nte, ‘Daha ke enyọñ saña?’ 6Edi man mbufo efiọk ete, ke Eyen owo enyene odudu ke isọñ ndifen mme idiọkñkpọ.” Enye ama ọdọhọ owo oro ọdọñọde akpaubeñ ete, “Daha ke enyọñ nyuñ men ñkpọ nna fo nyọñ ufọk.”
7Ndien owo oro ama adaha ke enyọñ ọnyọñ ufọk esie.
8Ndik ama onyuñ omum kpukpru mmọ ke adañaemi mmọ ekekutde se ikitibede emi, ndien mmọ enyuñ etoro Abasi ke ndinọ owo odudu eke etiede ntre.
9Nte Jisọs akasañade ebe, Enye ama okut owo emi ekekerede Matiu nte etiede ke itie ubọ taksi, ndien Enye ama ọdọhọ enye ete, “Tiene Mi.” Ndien enye ama adaha ada etiene Enye.
10Ke ini emi Jisọs etiede ke itie udia ke esit ufọk, ubak mme ọbọ ataksi, ye mme anam idiọkñkpọ editiene etie ye Jisọs ke okpokoro udia, ye mme mbet Esie nde.
11Ke ini emi mme Farisi ekekutde ñkpọ emi, mmọ ema ebup mme mbet Esie, ete, nsinam Andikpep mbufo adiade ñkpọ ye mme ọbọ utib obio ye mme ndiọi owo?
12Ke Jisọs ama okokop emi, Enye ama ọbọrọ ete, “Idighe owo nsọñidem oyom abiaibọk, edi owo udọñọ oyom.” 13Edi mbufo eka ekekpep se mme ikọ emi ewọrọde: Se Ami ñyomde edi mbọm, idighe uwa. Ndien ke akpanikọ Ami ñkedighe ndikot mme mfọnmma owo, edi ñkedi ndikot mme anam idiọkñkpọ.
14Ndien mme mbet Jọn Baptis ema esaña etiene Jisọs enyuñ ebup Enye ete, “Ntaha emi ñnyin ye mme Farisi itrede udia, edi mme mbet fo itreke-e?”
15Ndien Jisọs ama ọbọrọ mmọ ete, “Nte nditọ ufọk ndọ ekeme ndifuhọ ke adaña ini nte ebendọ odude ye mmọ? Usen eyedi emi edidiañarede ebendọ ikpọñ mmọ, ndien ini oro ke mmọ editre udia.”
16“Owo baba kiet ikimke akani ntaha ọfọñ idian ke obufa ọfọñ, midighe eyenam ọfọñ odo awaha akan nte ekpedide.” 17Kpa nte owo mikemeke ndida akani ekpeme mmin nsin obufa mmin, edieke enamde ntre, ekpeme oro eyebomo; ndien mmin oro onyuñ ọduọhọ, ekpeme ñko onyuñ obomo. Baba, esin obufa mmin ke obufa ekpeme mmin, ndien mmọ mbiba ebighi.
18Nte Enye osuk etiñde mme ikọ emi, sese andikara kiet emi odude ke esop mme Ju, edi, onyuñ ọtọñọ edọñ okpono Enye, onyuñ ọdọhọ ete, “Ekpri Eyen mi añwan osuk akpa idahaemi, edi edieke Afo edide edidori enye ubọk Fo, enye eyetọñọ ntak odu uwem.”
19Ndien Jisọs ama adaha ke enyọñ etiene enye ye mme mbet Esie. 20Ndien sese ñwan emi ọkọdọñọde uwọrọ iyip ke ñkpọ nte isua duopeba etiene Enye ke edem ndien otuk mben isọñ ọfọñ idem Esie, 21koro enye ekekerede ke esit esie ete, mma ñkam ntotuk mben ọfọñidem Esie, ami ñyekop nsọñidem.
22Ndien Jisọs ama ọwọñọrede okut enye onyuñ ọdọhọ enye ete, “Eyen Mi añwan kpukpru ñkpọ ọfọn ama, mbuọtidem fo ọkọk fi.” Ndien idem ama ọsọñ ñwan oro ọtọñọde ke ini oro.
23Ndien ke ini Jisọs ama ekesim ufọk adaukara emi, Enye ama okut otu owo nte eyomode uyom ye mme efri ban itie ikpo. 24Enye ama ọdọhọ mmọ ete, “Ewọñọ, koro ekpri eyen añwan emi ikpahakpa, edi edede.” Edi mmọ ema esak Enye eti eti.
25Ke ema ekenam mme otu owo ewọñọ, Enye ama oduk esit ufọk emi eyen añwan oro akanade okonyuñ emenerede enye ke ubọk esie; ndien eyen añwan oro ama adaha ke enyọñ onyuñ okop nsọñidem. 26Ndien etop utibe idiọñọ emi ama asuana akanade kpukpru ñkanñkuk oro.
27Nte Jisọs ọkọwọrọde ọkpọñ ufọk mmọ, owo nnan iba ema etiene Enye, ke efiori ke ọkpọsọñ uyo, ete, “Eyen Defid tua ñnyin mbọm.”
28Ndien ke Jisọs ama okosim ufọk, mme nnan iba oro ema eduk etiene Enye ndien Enye ama obup mmọ ete, “Nte mbufo emenim ke akpanikọ nte ke mmekeme ndinam ñkpọ emi?” Mmọ ema ebọrọ ete, “Ọbọñ, ñnyin imenim ke akpanikọ.”
29Ndien Enye otuk enyin mmọ onyuñ ọdọhọ ete “Yak osu ọnọ mbufo nte mbuọtidem mbufo edide.”
30Ndien enyin mmọ ema etara. Jisọs ama oduri mmọ utọñ ete, “Ekpeme, ekuyak owo ndomokiet ọfiọk abaña ñkpọ emi.” 31Edi mmọ ewọñọ ekesuan etop Esie ke ofuri ñkanñkuk oro.
32Nte mmọ ekewọñọde, sese ema eda owo imum emi mme ndiọi ekpo eketuhọrede ebine Jisọs. 33Ndien ke Jisọs ama ekebin mme ndiọi ekpo emi osioño enye ke idem, owo imum emi ama etiñ ikọ, ndien idem ama akpa kpukpru owo. Ndien mmọ ema edọhọ ete, “Akananam ñnyin ikwe oruk utibe ñkpọ ntem ke Isrel.”
34Edi mme Farisi ema edọhọ ete, “Edi ke odudu ọbọñ mme ndiọiñkpọ ke Enye ada ebin mme ndiọi spirit osioño.”
Eyom Enyuñ Ekot Mme Anam Utom
35Jisọs ama asaña akanade kpukpru ikpọ obio ye mme ñkpri obio iñwañ emi edude ke edem oro, ekpep ñkpọ ke mme itie ukpepñkpọ mme Ju onyuñ ọkwọrọ Eti Mbuk Obio Ubọñ Abasi, onyuñ ọkọk kpukpru oruk udọñọ ye mbiakidem ke otu mmọ, 36Ndien ke Enye ama okokut mme otu owo, esit Esie ọyọhọ ye mbọm kabaña mmọ, koro mmọ ekebọde ufen, enyuñ enana uñwam nte mme erọñ emi minyeneke andikpeme.
37Ndien Enye ama ọdọhọ mme mbet Esie ete, “Ke akpanikọ idọk okpon, edi mme anam utom iwakke. 38Ebọñ akam ebeñe Ọbọñ idọk ete yak Enye ọdọñ mbio idọk ke iñwañ Esie, eduk idọk.”
Currently Selected:
Matiu 9: OOÑE
Highlight
Share
Copy
Want to have your highlights saved across all your devices? Sign up or sign in
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.
Matiu 9
9
Utom Mi Mi Ke Isọñ
1Jisọs ama oduk ubom onyuñ ebe inyañ ọnyọñ aka ke obio emana Esie. 2Mme owo ema emen owo emi ọkọdọñọde akpaubeñ, emi ekebiomde ke ñkpana ebine Enye. Ndien kini Jisọs okutde mbuọtidem mmọ, Enye ama ọdọhọ ọdọñọ akpaubeñ oro ete, “Eyen Mi dara, koro emefen mme idiọkñkpọ fo.”
3Ke ntak emi, ndusuk mme andikpep ibet mme Ju ema etiñ ke otu mmọ ete, “Owo emi ke asabade Abasi.”
4Jisọs ama ọdiọñọ ekikere mmọ, ndien Enye ama ọdọhọ mmọ, ete, “Nso inam mbufo ekerede mme ndiọi ekikere ke esit mbufo? 5Ewe emem akan, ndidọhọ nte, ‘Emefen mme idiọkñkpọ fo,’ mme ndidọhọ nte, ‘Daha ke enyọñ saña?’ 6Edi man mbufo efiọk ete, ke Eyen owo enyene odudu ke isọñ ndifen mme idiọkñkpọ.” Enye ama ọdọhọ owo oro ọdọñọde akpaubeñ ete, “Daha ke enyọñ nyuñ men ñkpọ nna fo nyọñ ufọk.”
7Ndien owo oro ama adaha ke enyọñ ọnyọñ ufọk esie.
8Ndik ama onyuñ omum kpukpru mmọ ke adañaemi mmọ ekekutde se ikitibede emi, ndien mmọ enyuñ etoro Abasi ke ndinọ owo odudu eke etiede ntre.
9Nte Jisọs akasañade ebe, Enye ama okut owo emi ekekerede Matiu nte etiede ke itie ubọ taksi, ndien Enye ama ọdọhọ enye ete, “Tiene Mi.” Ndien enye ama adaha ada etiene Enye.
10Ke ini emi Jisọs etiede ke itie udia ke esit ufọk, ubak mme ọbọ ataksi, ye mme anam idiọkñkpọ editiene etie ye Jisọs ke okpokoro udia, ye mme mbet Esie nde.
11Ke ini emi mme Farisi ekekutde ñkpọ emi, mmọ ema ebup mme mbet Esie, ete, nsinam Andikpep mbufo adiade ñkpọ ye mme ọbọ utib obio ye mme ndiọi owo?
12Ke Jisọs ama okokop emi, Enye ama ọbọrọ ete, “Idighe owo nsọñidem oyom abiaibọk, edi owo udọñọ oyom.” 13Edi mbufo eka ekekpep se mme ikọ emi ewọrọde: Se Ami ñyomde edi mbọm, idighe uwa. Ndien ke akpanikọ Ami ñkedighe ndikot mme mfọnmma owo, edi ñkedi ndikot mme anam idiọkñkpọ.
14Ndien mme mbet Jọn Baptis ema esaña etiene Jisọs enyuñ ebup Enye ete, “Ntaha emi ñnyin ye mme Farisi itrede udia, edi mme mbet fo itreke-e?”
15Ndien Jisọs ama ọbọrọ mmọ ete, “Nte nditọ ufọk ndọ ekeme ndifuhọ ke adaña ini nte ebendọ odude ye mmọ? Usen eyedi emi edidiañarede ebendọ ikpọñ mmọ, ndien ini oro ke mmọ editre udia.”
16“Owo baba kiet ikimke akani ntaha ọfọñ idian ke obufa ọfọñ, midighe eyenam ọfọñ odo awaha akan nte ekpedide.” 17Kpa nte owo mikemeke ndida akani ekpeme mmin nsin obufa mmin, edieke enamde ntre, ekpeme oro eyebomo; ndien mmin oro onyuñ ọduọhọ, ekpeme ñko onyuñ obomo. Baba, esin obufa mmin ke obufa ekpeme mmin, ndien mmọ mbiba ebighi.
18Nte Enye osuk etiñde mme ikọ emi, sese andikara kiet emi odude ke esop mme Ju, edi, onyuñ ọtọñọ edọñ okpono Enye, onyuñ ọdọhọ ete, “Ekpri Eyen mi añwan osuk akpa idahaemi, edi edieke Afo edide edidori enye ubọk Fo, enye eyetọñọ ntak odu uwem.”
19Ndien Jisọs ama adaha ke enyọñ etiene enye ye mme mbet Esie. 20Ndien sese ñwan emi ọkọdọñọde uwọrọ iyip ke ñkpọ nte isua duopeba etiene Enye ke edem ndien otuk mben isọñ ọfọñ idem Esie, 21koro enye ekekerede ke esit esie ete, mma ñkam ntotuk mben ọfọñidem Esie, ami ñyekop nsọñidem.
22Ndien Jisọs ama ọwọñọrede okut enye onyuñ ọdọhọ enye ete, “Eyen Mi añwan kpukpru ñkpọ ọfọn ama, mbuọtidem fo ọkọk fi.” Ndien idem ama ọsọñ ñwan oro ọtọñọde ke ini oro.
23Ndien ke ini Jisọs ama ekesim ufọk adaukara emi, Enye ama okut otu owo nte eyomode uyom ye mme efri ban itie ikpo. 24Enye ama ọdọhọ mmọ ete, “Ewọñọ, koro ekpri eyen añwan emi ikpahakpa, edi edede.” Edi mmọ ema esak Enye eti eti.
25Ke ema ekenam mme otu owo ewọñọ, Enye ama oduk esit ufọk emi eyen añwan oro akanade okonyuñ emenerede enye ke ubọk esie; ndien eyen añwan oro ama adaha ke enyọñ onyuñ okop nsọñidem. 26Ndien etop utibe idiọñọ emi ama asuana akanade kpukpru ñkanñkuk oro.
27Nte Jisọs ọkọwọrọde ọkpọñ ufọk mmọ, owo nnan iba ema etiene Enye, ke efiori ke ọkpọsọñ uyo, ete, “Eyen Defid tua ñnyin mbọm.”
28Ndien ke Jisọs ama okosim ufọk, mme nnan iba oro ema eduk etiene Enye ndien Enye ama obup mmọ ete, “Nte mbufo emenim ke akpanikọ nte ke mmekeme ndinam ñkpọ emi?” Mmọ ema ebọrọ ete, “Ọbọñ, ñnyin imenim ke akpanikọ.”
29Ndien Enye otuk enyin mmọ onyuñ ọdọhọ ete “Yak osu ọnọ mbufo nte mbuọtidem mbufo edide.”
30Ndien enyin mmọ ema etara. Jisọs ama oduri mmọ utọñ ete, “Ekpeme, ekuyak owo ndomokiet ọfiọk abaña ñkpọ emi.” 31Edi mmọ ewọñọ ekesuan etop Esie ke ofuri ñkanñkuk oro.
32Nte mmọ ekewọñọde, sese ema eda owo imum emi mme ndiọi ekpo eketuhọrede ebine Jisọs. 33Ndien ke Jisọs ama ekebin mme ndiọi ekpo emi osioño enye ke idem, owo imum emi ama etiñ ikọ, ndien idem ama akpa kpukpru owo. Ndien mmọ ema edọhọ ete, “Akananam ñnyin ikwe oruk utibe ñkpọ ntem ke Isrel.”
34Edi mme Farisi ema edọhọ ete, “Edi ke odudu ọbọñ mme ndiọiñkpọ ke Enye ada ebin mme ndiọi spirit osioño.”
Eyom Enyuñ Ekot Mme Anam Utom
35Jisọs ama asaña akanade kpukpru ikpọ obio ye mme ñkpri obio iñwañ emi edude ke edem oro, ekpep ñkpọ ke mme itie ukpepñkpọ mme Ju onyuñ ọkwọrọ Eti Mbuk Obio Ubọñ Abasi, onyuñ ọkọk kpukpru oruk udọñọ ye mbiakidem ke otu mmọ, 36Ndien ke Enye ama okokut mme otu owo, esit Esie ọyọhọ ye mbọm kabaña mmọ, koro mmọ ekebọde ufen, enyuñ enana uñwam nte mme erọñ emi minyeneke andikpeme.
37Ndien Enye ama ọdọhọ mme mbet Esie ete, “Ke akpanikọ idọk okpon, edi mme anam utom iwakke. 38Ebọñ akam ebeñe Ọbọñ idọk ete yak Enye ọdọñ mbio idọk ke iñwañ Esie, eduk idọk.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.